TITUS
Svan Chrestomathy (I: Upper Bal): Part No. 220
Page of edition: 155Line of edition: 1
ჯისგა სანა̈ჲს ხეწა̈დ. ჟ'ესსკინე ამხა̄ვთეჟი̄ნ ი ჩვესსგურდა ამე̄'სგა, ბუღვა დეშ აჩა̈დ
Line of edition: 2
ალ სანა̈ჲთეჟი̄ნ ი ჩუქვა̄ნ ჩვადყურდა. თანთხე̄რი̄ლს ქა ლაქა̄ბ ი ლა̄ზ დე̄მთე ხა̄რ
Line of edition: 3
ი სურუ თმ' ო̄ხჴა̈დ ლიციშ ი ლეზვბე̄მიშ, ეჩქას ჟ'ა̈ნკიდ თხე̄რე̄მი ფა̈თვ ი ჟ'ანურშვენ
Line of edition: 4
თხე̄რე. ამჟი̄ნ შიშდ ეჩეჩუ̄ნ ესფადგა̄̈ნ თხე̄რე. ოხვიშდ ღეთ სგა̄დ ხონჴრიხ
Line of edition: 5
თხე̄რა̄̈ლ. ა̈ხჭვა̄დხ სგა ბუღვას ი გინჯილდ ადგენეხ. თანთხე̄რი̄ლდ მაჴვა̄მ ხა̄̈ქვ ი
Line of edition: 6
ქორთე ლიწსი ლოხვბინე, მარე თხე̄რე̄მ ხა̄ქვ: "მიჩ ესერ მიჩეშდ ქვინ ოთცვი̄რა,
Line of edition: 7
ეჩი̄ მა̈გიე̄რს ესერ ღალ იმ ხა̈ჩომდა ჯა. ამის ესერ ლერშვნიდ მა̄მა ხაყა მიჩა ნაჯრცახა̈ნ".
Line of edition: 8
თანთხე̄რი̄ლ დე̄მ იჩომ ამის ი ა̈წსი, მარე თხე̄რე დე̄მ ხონჴრი. ეჩქას თანთხე̄რი̄ლდ
Line of edition: 9
ხა̄̈ქვ: "მა̄̈ჲ ესერ ხეკვეს მიჩაშხა̈ნქა, ეჯა̄ვ იშგვმინ. ჰარა̈კ ესერ ქორისგა
Line of edition: 10
ეშხვი დაჩვირ გარ ხორი, ეჯას ესერი̄ დე̄მ ა̈დშვე̄ნი მიჩა ბედჟი̄ნ, ადო იშგან ესერ
Line of edition: 11
ჰა̈დურდი იმ ადზა̄̈რი". ეჩქას თხე̄რე̄მ ხა̄̈ქვ: "ჲაღვ' ე̄სერ ჰე დო̄მ იგნი, მიჩა დაჩვირ
Line of edition: 12
ესერ, აშხვ ლადა̈ღ მიჩაშთე̄'სგა და̄̈ვ ა̈მჴედე̄ლი ლაშგომდ, ეჩისუ ლახვე̄მ
Line of edition: 13
ხახვდ ი ლეჲდრად ესერ მა̄მ ოხჴედნი". თანთხე̄რი̄ლდ იმედ ხა̄̈ქვ. თხე̄რე ჩუ̄დ ა̈დჰელა̄̈ნ
Line of edition: 14
ი თანთხე̄რი̄ლ ა̈გით' ანჴა̈დ. ა̈გის მიჩა დაჩვირ ტტლჩხრიკა ხასგურ, ეჩჟი̄ნ
Line of edition: 15
ხაგვნებ მიჩა ჯმილ. თანთხე̄რი̄ლდ ლემესგ ანა̄შვე. ხოჩა ყველფ ანსყე ი ხა̄̈ქვ
Line of edition: 16
მიჩა დაჩვირს: "ჰატ, ხოლა ფა̈გო, მო̄ლე ლეზვებ მა მა̄მინ, ადო ო̄შთხვ ლადა̈ღ
Line of edition: 17
მა̄რ მტმად!" ამნე̄მ ხა̈რჯ ოხვმა̄რე ი ლა̈დიარა̄ლჟი̄ნ ქ'ო̄ხუნბავე მა̈გ: იმჟი̄ნ ხეყა̈რ,
Line of edition: 18
იმჟი̄ნ ოთბაცე და̈ვა̈შდ მიჩა თხვიმ. ფა̈გოს ათხა̄დ: "ჯ'ე̄სერ აჯემ ლჲა̈რ ა̈მტეხე̄ლი
Line of edition: 19
ქორთე, ათხ' ე̄სერ და̄̈ვს მა̄დეი ეჩნ ხოლა̄მი ქ'ა̄̈თჴერნი". ამჟი̄ნ და̄̈ვდ ანჴა̈დ ყო̄რისგა,
Line of edition: 20
ოქვრა̈ სა̈ტრ ი ოქვრა̈ ჩა̈ნგ შუნდ ხუღვე ი რა̄̈ქვ: "ხოჩა̄ვ უნყვს ლადა̈ღ
Line of edition: 21
ჯა̄რხ!" ალჲა̈რდ აქა̄̈ნ' ო̄ხკიდხ ი და̄ვ ჩვესგურდა. ლა̄ჲბინედ ლიშგვემ ფა̈გვე̄შ. ალჲა̈რ
Line of edition: 22
ყაბულს ოხჴა̈დხ. და̄̈ვდ სა̈ტრო̄ლ ი ჩა̈ნგ ნიშა̈ნდ ქა ლახვე̄მ. ანგა̈ნ ი ხა̄̈ქვ: "ამ
Line of edition: 23
ი ამ ლე̄თ ესერ ჯა მ̄ყას აზზი მინეშთე, მა̈დილუ ხე̄რახ ი ქვერწლა̈რ ჰა̄ლ მოშ ხეთხე̄ნხ,
Line of edition: 24
ეჩშელდუ ლა̈ჲჴერნეხ მინს ხეშგდო̄ლდე̄დხ, ეჯკა̈ლიბ კათ". ჯა აჩა̈დ. მე̄რმა
Line of edition: 25
ლე̄თ ლახა̄̈გა̈ნხ ყო̄რს ეშდჲორი და̄̈ვ მ̄ყიდ. ფა̈გო, თანთხე̄რი̄ლ ი მექურწილ მა̄რე
Line of edition: 26
სგა ლა̈ჲჴრენეხ ი აჩა̈დხ. აშხვ ა̈დგილს მინდვერისგა ეშ დღამე მა̈გ, ეჯკა̈ლიბ ქორ
Line of edition: 27
ჩუ ლგ. გრკიდ ობა̈შ ქორა̈რ ხაცხიპხ, მარე ამგვა̈რ და̄̈რ ლიხ. ამხა̄ვთე̄'სგ' ა̄ჩა̈დხ
Line of edition: 28
ქვერწლა̈რ. ყო̄რთექა ხოჩა ჭაბიგვ ლა̈ხზაზხ ი ხა̄̈ქვ: "ჯ' ე̄სერ ლი ეჯ და̄̈ვ, მუშგვემ
Line of edition: 29
ი თხე̄რე̄ჲ, მარე ათხად ესერ მად ხა̈შდე̄ნა თხვიმი ქა ლითონე". ფა̈გო მალატშვ
Line of edition: 30
ღვეშგიმჩუ ვეთ ა̈დკა̄ფ. ბა̄ზი ხოჩა ლი̄ყია̄̈ლ აჩვმინხ. ეჩქანღო თანთხე̄რი̄ლი̄ ქ'ა̄დჩი̄ჟეხ,
Line of edition: 31
ხოჩა ლიზგე-ლირდ' ა̄̈დჴიდხ ი ლმზრე̄ვ ლიშდ.
Line of edition: 32
მესტია
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
