TITUS
Svan Chrestomathy (I: Upper Bal): Part No. 222
Page of edition: 157Line of edition: 1
მარა̈ნ ადკარე, ჰარა̈ყ ი სტამა̄ნ იშგნა̄̈გ ესგე, მე̄რმა სტამა̄ნთე̄'სგა ნაშყვდა̈რ ესგვეშ
Line of edition: 2
ი ამჟი̄ნ ჩვესგე. მე̄რმა ლადა̈ღ ლა̈ხმუშგვარდ გა̄̈ბი̄ლ. "ჲაღვ' ე̄სერ ხათრე მა̄
Line of edition: 3
ლა̈დი ლჯე̄მი სარაგს?" "ადვ ესერ, მარე სურუ ხუნკვიდ ესერ ლახჴა̈დ̄ნენა. ჩუ̄ვ
Line of edition: 4
ესგურდა ჩიქე ამეჩუ̄ნ, ჯ' ე̄სერ ქ'ა̄დრი ქა̄̈მთე, ლეშდა̈ბ ესერ ხა̄რ, ეჯას ქ'ა̄დსურლი
Line of edition: 5
ი ეჩქას ესერ ლჯე̄მი სარაგთე ქ'ა̄̈დჴერნი ი მა̈ზუმვა̄̈ჲ ხეკვდენი, ეჩზუმს ლახთრე".
Line of edition: 6
ზურა̄ლ ქ'ა̄ჩა̈დ ი გა̄̈ბი̄ლ მა̄̈ნკვი მარა̈ნს ხოძგა̈რ, ჰარყი სტამა̄ნს ახფხიჭე ი ამხა̈ნქა
Line of edition: 7
ჰარა̈ყს იგვშე. ლა̈ჲბინე ფაკა̈ნხა̈ნქა ლითრე ი ნაშყვდა̈რ ათმარჯუნ. ლა̈ჲსიპვნე
Line of edition: 8
ფაკა̈ნ ი ტრა̈კდ ესგენე გიმჟი̄ნ. "ჲაღვ' ე̄სერ თა̈შ ი დიჲა̈რ ეჯღა̄̈ჲ ესხო̄ლი თშინგისგა".
Line of edition: 9
ადკარე ყო̄რ, ანსკინ' ა̄მხა̈ნქა ციცვდ ი ნიჩვა̈რ ქ'ა̄ხცხაურე. ქა̄̈მ გულქანა̈ჲსი
Line of edition: 10
მა̄მ ესა̄გა̈ნ ხოჩა მიჰმა̈ნ. ესნა̈რ გა̄̈ბი̄ლდ მიჩა ლამშგვარა̈ ჟეღ ა̈ნჭემ ი ჰა̈ზვისგა
Line of edition: 11
მიჯვრ' ა̄თჴალე ი ამის სგა ლახა̄̈ბ. გულქანა̈ჲ ქ'ა̄ჩა̈დ ქა̄̈მთე, ეჩქას ესგ̄ნცა̄ლე
Line of edition: 12
ჟეღდ ი ჟ'ა̈ნფიშვდ. ოხშგა̈ბ ქა გულქანა̈ჲს ი ლერქვა̈რი ტრა̈კდ ლახგენე ი ქა̄ჲ
Line of edition: 13
ა̈თჴა̈ფ. გულქანა̈ჲდ ლიჭვმე ლა̈ჲბინე ქორთე. ქორხა̈ნქა გა̄̈ბი̄ლ ლახხვი̄დ ლაგა̄̈გიჟი̄ნ
Line of edition: 14
ნიჩვა̈რ ლუტფუ̄რე. უშხვა̄რი ლახხვი̄დხ ი ჩვა̈დბჯგნა̄̈ნხ ჲერქდა. ლა̈ჲბინეხ
Line of edition: 15
ლი̄ცვნა̄̈ლ. ეჩქანღო გულქანა̈ჲ ლა̈ხჭვედდა: "მა̈გვა̈რ ლჴმა̈შ ჰარა̈ყ ესერ ახხვიე̄ნა
Line of edition: 16
მარა̈ნისგა ი ჲედ მაგვა̈რ ხა̈რჯ ახხვიე̄ნა, მა̈დილუ ხე̄რი ი ნომუ ხენდვრევ. მე̄რმაჟი̄ნ
Line of edition: 17
ესერ ხოჩელდ ესხო̄ლი. ეჯ' ე̄სერ ათხე მა̄მ ხა̄რა ტარესვ, ადო ლჯე̄მი სარაგვშ
Line of edition: 18
ესერ ადბარა̄̈ლი̄ს". "მასა̈რდ ესერ მაჴვმა̄̈რ ხა̄რ, ჯა̄ვ ხორი შვიდებდ, მარე მა̈დილუ
Line of edition: 19
ხე̄რი ი მიჩი ნომუ ხენდვრევ. მიჩ ესერ მიჩა ჴიდდ ღუნ ოხჴი̄და. ეჯ' ე̄სერ
Line of edition: 20
ჰა̈ზვისგა მიჯვრად ლოხვბა ი თე̄ვ ლახხვეტ ი ქა ნო̄მთე̄ვ ოთჩა̈დ. ათხ' ე̄სერ ამნქა
Line of edition: 21
მა̄მგვეშ მოშ ოხვსახთა, ამუნღვ' ე̄სერ ხოშე̄ლ მანგა̈რს ოხვჴიდე ი ეჩქას ესერ დე̄მის
Line of edition: 22
ხენდვროვნი". ეჩქანღვ' ა̄ხვე̄მხ გვი, ერე უშხვა̄რი მსყია̄ნვ ლიხ. ა̈დმბვა̄ლეხ
Line of edition: 23
ი ჩვა̈დხეხვჭაშა̄̈ნხ. ეჩქანღო სერ ლიბქარა̄̈ლს ჰაჯ ახკიდხ.
Line of edition: 24
ლენჯა̄̈რ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
