TITUS
Svan Prose Texts II (Lower Bal)
Part No. 84
Previous part

Text: 84 
Page of edition: 178 
Line of edition: 13 
LXXXIV. თავისა


Line of edition: 14       ასხვათო ი თავისა ხორიხ აშხვ დადას ი ბაბას. აშხვ ლადეღ
Line of edition: 15    ეჯი ასხვათოდ ხა̈ქვე თავისას: "მიჩ' ესერ ხანჯა̈რს ბიღვ ემმ'
Line of edition: 16    ა̈ხცომენეს, ეჩქას მიჩ როქ მოლე ხარ ლჷყრინა ი თავისა ქათაგა̈ნ
Line of edition: 17    შუკვს. ესხრი, ესხრი ი, ეშხუ ღად' ა̈რი, ეშთეჲსგ' ეთჴედჷნ. ამნემ
Line of edition: 18    ლერქვა̈რ ლახა̈ქვ ი ეჩქანღვე ქათაგა̈ნ შუკვს. ეშხუ ხელწიფეშთეჲსგ'
Line of edition: 19    ადჰიე (\ ათიე).

Line of edition: 20       ხელწიფედ ხა̈ქვე ალის: -- მიჩ' ესერ ღარღდა̈რ ჟჲოღვ ოხჷლდეღე.

Line of edition: 21       აშხვ ლადეღ ადჲე ღარღდა̈რ ქა, ჯი ზუღვაჲსგა იქნა̈ლ. ალის
Line of edition: 22    ხელწიფეშ დინა ხეწა̈დ. თავისას ხაგ ოქრეშ ქოჩეჩ. ხელწიფეშ
Line of edition: 23    დინად მიჩო მუს ხა̈ქვე: -- ქ' ესერ დემის ა̈წვილეა მიჩ?

Line of edition: 24       აშხვ ლადეღ ხელწიფედ მა̈გ ჟ'ა̈ნუნზორე. ეხჭა̈მ ხოშა დინა,
Line of edition: 25    ეშხუ მახეღვა̈ჟს ოსსგურდა ღულა̈ჟი, მერმე დინ' ეჯი მერმე მახეღვა̈ჟს
Line of edition: 26    სსგურდა ღულა̈ჟი. ათხე ა̈ხჭა̈მ მაჰრენე დინა: ჩი ქეხჭა̈მ
Line of edition: 27    ი მიჩა ჭა̈შჲაქ დემეგ ა̈რი ამეჩუ. ჷიჩო მუს ხა̈ქვე: -- მიჩ' ესერ ჭა̈შჲაქ
Line of edition: 28    დემევ ა̈რი ამეჩუ. .

Line of edition: 29       ათხე ხელწიფედ ადა̈იდ მა̈გ სგაიდ ა̈ნუნჭურე. ათხე თავისაჲ
Line of edition: 30    სგეხჩჷდ. ამნემ რა̈ჭულდ ენირმ ი ალი ესსგურე ღულა̈ჟი. ეხჭა̈მ
Line of edition: 31    ხოხვრა დინა ი ალის ქაჲ ხეწა̈დ ი ღულა̈ჟი ოსსგურდა.

Line of edition: 32       ხელწიფედ მიჩა ლა̈ჩჟა მა̈გ სგა̈ნჴერნე ქორთე. ალა̈რს, ა ხოშა
Line of edition: 33    ლა̈ჩჟას, ხოჩა ლარდოლ ლახემ ი თავისას ეჯი ლახმჷრი.

Line of edition: 34       ეშხუ ლადეღ ეჯი ხელწიფედ ლეგლირდე ლა̈ჲმიზზე. მა̈გ ჟ'ა̈ნუნჭურე.
Line of edition: 35    ხოშა ლა̈ჩჟას ეჯი ხოჩა ჩაჟა̈რ ლახემ, თავისას -- მჷკლი
Line of edition: 36    ჩა̈ჟილდ.

Page of edition: 179 
Line of edition: 1       ესხრი ქალა̈ქ ლექვა. მა̈გ ალის ხეცვნა̈ლ. ქალა̈ქ ლახ ჩვაშდა̈ხ,
Line of edition: 2    ეჩქას ამნემ მიჩა ლერქვა̈რ ჩვესდე ი ჩა̈ჟილდ ჩვესა̈ბ. მიჩა რა̈შს
Line of edition: 3    ჟ'ახსგურდა, დაშნა̈ შინ ლაირმ ი აჩა̈დ.

Line of edition: 4       აშხვ ა̈დგის სგიმ ანღრი. ათხე ბოთლიკ ჩვენკიდ ი ჟ'ენზვერ.
Line of edition: 5    ანღრი ქორთე. ამჟი სგა ლახხვიდხ სგებინ მერმე ლა̈ჩჟა. ალა̈რდ
Line of edition: 6    ხაჰერხ სგიმ. ალი დემ ხაჰვდი. ეჯღაჲ დემ ხეყჩენიხ, ეჩქას თავისად
Line of edition: 7    ხა̈ქვე: -- აღვე ჯინემ ესერ ხექეს, ეჯი ჩოღვ ჩემინხ, -- ი ამნემ,
Line of edition: 8    თავისად, ხა̈ქვე: -- ცერა̈რ ესეროღვ ქედქვიცხ.

Line of edition: 9       ამნემ ქა ლახემ დაშ{ღ}ნა̈ ი ქედქვიცხ ცერა̈რ. სგიმ ქა ლახემ
Line of edition: 10    ბოთლიკვშ თავისად. სგოხჭესხ ქორთე. ქალა̈ქს ისგა ლეხშდა̈ხხ, ეჩქას
Line of edition: 11    თავისად მიჩა რა̈შ ჩვესა̈ბ ი დაშ{დ}ნა̈ ჩვესდე ი მიჩა ლერქვა̈რ
Line of edition: 12    ისგა ლა̈იქვ, მჷკლი ჩა̈ჟილდს ჟი ლახსგურდა ი ანღრი ქალა̈ქ ლეჟა.
Line of edition: 13    მა̈გ ალის ხეცვნა̈ლ. სგანჴა̈დხ ქორთე ი ხელწიფე ლა̈ხჭედივ (\ ლა̈ხჭედდა):
Line of edition: 14    -- მ' ესერ ოთდუნახ სგიმ? -- ხოშა ლა̈ჩჟად ქა ლახემხ
Line of edition: 15    ალი. თავისას ხა̈ქვე: -- მ' ესერ ოთდუნა სგიმ?

Line of edition: 16       ამნემ ხა̈ქვე ი: -- დეშ ესირ ოხთხა.

Line of edition: 17       მერმა ლადეღ აღა̈იდ ოთთონჴ ალა̈რს: -- რა̈შვა̈შ ესერ ლჷჯ'ოღვ
Line of edition: 18    ოხჴიდხ.

Line of edition: 19       ალა̈რ ქათაჷა̈ნხ შუკვს. თავისას მჷკლი ჩა̈ჟილღიდ ლახემხ. ესხრი
Line of edition: 20    ქალა̈ქ ლექვა ი მა̈გ ალის ხეცვნა̈ლ{ხ}. ქალა̈ქ ლახა ჩვაშდიხ, ლერქვა̈რ
Line of edition: 21    ჩვესდე, ჩა̈ჟ ჩვესა̈ბ, მიჩა ხოჩა ლერქვა̈რ სგა ლა̈იქვ ი რა̈შვი ჟი
Line of edition: 22    ლახსგურდა, დაშნა̈ სგა ლეჲრეკ. რა̈შვ ქაფიშვდ ი მიჩა ტყუბა̈რ
Line of edition: 23    მა̈გ ჟ'ენუნჭურე. ეშხუ რა̈შვ ჩვენჷშგალე ი ქაფიშვდ. ალი ჟიიდ
Line of edition: 24    ლახსგურდა მიჩა რა̈შვს ი ანღრი. ალა̈რ, მიჩა ხახვემ ლავდილა̈შ
Line of edition: 25    ლაჭშა, სგაიდ ლახხვიდხ. ალა̈რდ ხა̈ქვეხ: -- ქ' ესეროღვ ლახემ
Line of edition: 26    ლჷჯე.

Line of edition: 27       ალი დემ ხაჰვდი. ეჯღაჲ დემ ხეყჩენივხ ალა̈რ, ეჩქას თავისად
Line of edition: 28    ხა̈ქვე: -- ლერთენ კა̈ნჭვლა̈რ ქ' ესეროღვ ედქუცურეხ.

Line of edition: 29       დაშნა̈ ქა ლახემ, ალა̈რდ ქედქუცურეხ ფხულა̈რ. ათხე სერ
Line of edition: 30    ქა ლახემ ალა̈რს ლჷჯე.

Line of edition: 31       ანღრიხ ამჟი ქორთე ი ალი, თავისა, ნა̈ნკდ აჩა̈დ. ქალ{ა̈}ქიშ
Line of edition: 32    ნა̈ფდილთ' ანჰიე, ეჩქას მიჩა ხოჩა ლერქვა̈რ ჩვესდე, დაშნა̈ ჟიქაქ'
Line of edition: 33    ესდე, რა̈შ ჟ'ესა̈ბ, მიჩა ხოლა ლერქვა̈რ სგა ლა̈იქვ ი ანღრი ქორთე.
Line of edition: 34    ქალა̈ქ ლეჟ' ანღრი ი მა̈გ ალის ხეცვნა̈ლ. სგანჴა̈დ ქორთე, ლა̈ხჭედივ
Line of edition: 35    ხელწიფე: -- მ' ესერ ოთდუჩა ლჷჯე?

Line of edition: 36       -- მიჩ ესერ დემეგ ახხუა, ალა̈რს ესერ ახხუახ.

Line of edition: 37       მესმა ლადეღ ადა̈იდ ოთთონე ლა̈თხვართე. -- რა̈შვა̈შ ყვიჟ'
Line of edition: 38    ესეროღვ ოხჴიდხ.

Page of edition: 180 
Line of edition: 1       ესხრიიდ ქალა̈ქ ლექვა თავისა ი მა̈გ ალის ხეცვნა̈ლ. ლექვაიდ
Line of edition: 2    აჩა̈დ ქალ{ა̈}ქიშ ჴომთე. მიჩა ხოლა ლერქვა̈რ ჩვესდე ი ჩა̈ჟილდ ჟ'ესა̈ბ.
Line of edition: 3    მიჩა ხოჩა ლერქვა̈რ სგა ლეიქვ ი რა̈შვს ჟ'ახსგურდა, დაშნა̈სგა ლეიბ ი
Line of edition: 4    ქათაგა̈ნ შუკვს. ესხრი, ესხრი. რა̈შვ ქაფიშვდ ი მიჩა
Line of edition: 5    ტყუბა̈რ მა̈გ ჟ'ენუნჭურე. ეშხუ რა̈შვს ეჯის სგა ხაფხეჭ ი ჩუქაქ'
Line of edition: 6    ა̈ნღე ი ალი ჩვეზიჰ, ყვიჟე ქოხკიდ.

Line of edition: 7       ანღრი შუკვს. ათხე მიჩა ხახვემ ლავდილა̈შ ლაჭშა (\ ლა̈ჭშა) სგა.
Line of edition: 8    ლახხვიდხ ი ალა̈რდ ხაჰერხ ალი ი თავისა დემ ხაჰვდი. ალა̈რ ეჯღაჲ.
Line of edition: 9    ქ' ესეროღვ ედქუცურეხ.

Line of edition: 10       ალა̈რს დაშნა̈ ქა ლახემ ი ქედქუცურეხ ჭჷშხა̈რ ი ამნემ ქა ლახემ
Line of edition: 11    რა̈შვიშ ყვიჟე. ათხე ანღრიხ ქორთე. თავისა ნა̈ნკდიდ აჩა̈დ.
Line of edition: 12    ქალა̈ქს ისგა ლა̈ხთვა̈ფხ, ეჩქას თავისად მიჩა ხოჩა ლერქვა̈რ ჩვესდე,
Line of edition: 13    დაშნა̈ ჟიქაქ' ესდე ი რა̈შ ჟ'ესა̈ბ. მიჩა ხოლა ლერქვა̈რ სგა ლეიქვ,
Line of edition: 14    ჩა̈ჟს ჟ'ახსგურდა ი ანღრი ქალა̈ქ ლეჟა. მა̈გ ალის ხეცვნა̈ლ{ხ}. სგანჴადხ
Line of edition: 15    ქორთე ი ხელწიფე ლა̈ხჭედივ (\ ლა̈ხჭედდა): -- ოხჴიდ' ესერ.
Line of edition: 16    მა მიჩ ყვიჟე?

Line of edition: 17       -- მიჩ ესერ დემეგ, ეჯჲა̈რ ესერ ედო ა̈ნჴდახ.

Line of edition: 18       ეჯჲა̈რდ სგანჰიეხ ქორთე. ალა̈რდ ქა ლახწონეხ რა̈შვიშ ყვიჟე.
Line of edition: 19    ხელწიფე ალის, თავისას, არკა̈ლი ქა. ათხე თავისად ხა̈ქვე: -- აღვე
Line of edition: 20    ჩვ ესეროღვ ესჷგა̈ნ ახვწა̈მ!

Line of edition: 21       თავისად ხა̈ქვე ხელწიფეს: -- აღვე მიჩ' ესეროღვ ლა̈ჩჟ'
Line of edition: 22    ენკჷრმე.

Line of edition: 23       ხელწიფედ ჟ'ენკჷრმე ალა̈რ ი ფხულა̈რ ი ჭჷშხა̈რ ქა ლუქვცურე
Line of edition: 24    ხარს. ალი გუნ ლახჷმბაჟჷნ ი: -- მ' ესერ ხა̈ყრას?

Line of edition: 25       თავისად ქოხუმბაჷე მა̈გ. ათხე ხელწიფედ მიჩა მერმე ლა̈ჩჟ'
Line of edition: 26    ადრეკლე ქა. ალის ხეშმი სგა, თავისას. ალი დემ ღჷრი ხელწიფეშთე.
Line of edition: 27    აჩა̈დ ქალქიშ ძგიდთე, ეჩეჩუ მიჩა ხოჩა ლერქვა̈რ სგა
Line of edition: 28    ლა̈იქვ, რა̈შვს ჟ'ახსგურდა, დაშნა̈ სგა ლეიბ ი ანღრი ქალა̈ქ ლეჟა.
Line of edition: 29    ჩი, ეჯჟი ხაყლენი ამნა̈რ, ერე ყორქა და̈რ იწვენიხ. ამჟი ლეჟ'
Line of edition: 30    ანჴა̈დ ხელწიფეშთე. ხელწიფე ქორთე ხეშმი: -- ჲა̈რ ესვრ ირი
Line of edition: 31    ალი?

Line of edition: 32       ამნემ ქოხუმბავე, თავისად, მა̈გ. ანჴა̈დ ალ ხელწიცე ი ალის
Line of edition: 33    ხოჩა ლარდოლ ლახემ ი სგედშჷმ ქორთე.

Line of edition: 34       აშხვ ლადეღ ეჯი ლიშია̈ლ ახფასეხ ამ სახელწიფდ ი აშხვ მეზვბელ
Line of edition: 35    სახელწიფდ, ალ თავისა̈შ სახელწიფს სგახშჷდ{და}ხ. ალა̈რდ
Line of edition: 36    ეჯი თავისა ჟ'ანმარეხ. ეჯგვა̈რს ჭკიჟე, ეჯგვა̈რს ჭკიჟ', ერე და̈ს
Line of edition: 37    ცვირე.

Page of edition: 181 
Line of edition: 1       თავისას ლერთენ კა̈ნჭოლ ედქაჩა̈ნ. ამის იჭვენი, ამზუქა ხელწიფე
Line of edition: 2    ხეწა̈დ, ქორთ' ენჴერნე ამნემ, ქეიფ ათყერ ი ხოჩა ლირდ'
Line of edition: 3    ესყეხ.


Line of edition: 4 
ფრანცუზ გერლიანი. ისკა̈რი. მ. ქალდანი 8.VIII.1954



Next part


This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.