TITUS
Svan Prose Texts II (Lower Bal)
Part No. 90
Previous part

Text: 90 
Page of edition: 192 
Line of edition: 1 
XC. ჯიმილ-დაჩვარ


Line of edition: 2       ა̈რიხ ჯიმილ-დაჩვირ დეჲ დი ხორიხ დეჲ მუ, მინ გარ ა̈რიხ
Line of edition: 3    
ქორს, საბრალდ ა̈რიხ, მამაგვეშ ხაწვახ.

Line of edition: 4       
აშხუნ ხოხვრა ცჷჴემდილ ანტაბე ნაღვჟურდ. ეჩქანღვე ხოშ'
Line of edition: 5    
ანტაბე ეჯნოშ ხა̈პვრ ადგა̈რ, ალი მიჩა დაჩვირს ლახწონე
Line of edition: 6    
მასა̈რდ ათჩონ. ეჩქანღვე ა̈დბინე ლიდგა̈რი მასა̈რდს ადგა̈რივ
Line of edition: 7    
ხოჩა ლიზგ' ა̈ნსყეხ. ალის ხოჩა მეთხვა̈რ ა̈ხფას. ალა̈რდ 'ა̈ნიცხხ.
Line of edition: 8    
მიჩა დაჩვირდ ვოდედილა̈შ ქადჩიჟ', ეჩქად მად' ადჷგა̈ნ.

Line of edition: 9       
სგანჴიდ ქორთე ხეხვ, ხოჩა ქვერწილ ათყერ. ალა̈რს ნაღვჟურ
Line of edition: 10    
ა̈ხწესა̈ნხ.

Line of edition: 11       
აშხუნ ჭა̈შ ლა̈თხვარს ა̈რი მიჩა ხახვემ ნაღვჟურ ჩვა̈ზიჰ, ჯინემ
Line of edition: 12    
ვედრ' ა̈ნკიდ ქაჩა̈დ ლჷცთე სგა ლახხვიდ მიჩა ჭა̈შ სგანჴა̈დხ.
Line of edition: 13    
აშხუდ ქორთე. ამეჩუ მიჩა ნა̈ჲსენ (\ ნა̈სენ) ბეფშვს ეჯი ლა̈ჩგუნათე
Line of edition: 14    
ჟი ლოხტყვირე, ამჟი ლიკილელ ა̈დბინე. ათხე მიჩა ჭაშვ
Line of edition: 15    
ხა̈ქვე: -- იმღ' ესერ დემ თვიფე მიჩა დაჩვირს, ერე მიჩა ლჷცხენ
Line of edition: 16    
ლიტხა̈ლდ ნაღვჟურ ჩოთზიჰა!

Line of edition: 17       
მიჩა ჭა̈შდ ჩუ გარ ჟსყედნე, მამაგვეშ რა̈ქვე. აჩა̈დიდ ლა̈თხვართე
Line of edition: 18    
მერმა ლადეღ, ანჴა̈დ ამიშ ხეხვ , ბაგჟი ჩაჟა̈რ საბჷდხ, ალა̈რ მა̈გ
Line of edition: 19    
ჩვადთხჷრჷლე გა̈ჩშვ ამ ზურალა̈შ მა̈სისგშვ. ლჷცთეიდ აჩა̈დ სგაიდ
Line of edition: 20    
ლახხვიღ მიჩა ჭა̈შ. სჷანჴა̈დს აშხუდ ალა̈რს ქა ხეწა̈დ ლიკილიიდ
Line of edition: 21    
ა̈დბინე: -- იმღ' ესერ დემ თვიფე მიჩა დაჩვირს? ეშდორი
Line of edition: 22    
თანღი ეჩხენჩ'ოღვ ადჲე კინჩხ 'ოღვ ახქვიც ეშხუ ბოთლიკ
Line of edition: 23    
ზისხ სგრღვ ოხჴიდ ლეთრად!

Line of edition: 24       
ჭაშვემ [ხა̈ქვე]: -- მინ' ეიერ ნარდევ ლიხ ადა̈იდ ესერ
Line of edition: 25    
ა̈ნჷრდინეხ ჩაჟა̈რს.

Line of edition: 26       
აჩა̈დიდ მიჩა ჭა̈შ ლა̈თხვართე. ნებოზს ეჯი სგაიდ ლახხვიდ მიჩა
Line of edition: 27    
ხეხვ. ალის ჴანა̈რ ლჷთხრჷლ' ოთცვირა. სგანჴა̈დხ ათსისტკჷნ მასა̈რდ:
Line of edition: 28    
-- იმღ' ესერ დემ ა̈ისგ ეშდორი თანდი ეჩხენჩუ? ადაეოღვ (\ ადჲეოღვ),
Line of edition: 29    
მადეჲ ბა̈ზი ესერ ჩვა̈სენი (\ ჩვა̈ჲსენი) მიჩა
Line of edition: 30    
დაჩვირს, დემ ესერ ხა̈ხტუიე ლა̈ზგა-ლარდას!

Line of edition: 31       
ჭაშვემ ოსცა̈დ: -- მინ' ესერ ნარდევ ლიხ ადა̈იდ ესერ ა̈ნჷრდინეხ
Line of edition: 32    
ჴანა̈რს.

Line of edition: 33       
ეჯ ლეთ ლემზურუ̈ლ ალ ზურალ ეჩა ლა̈სენითე (\ ლა̈ჲსენითე),
Line of edition: 34    
მარე ჭაშვ ხოქვა: -- ' ესერ ა̈ისგ ნომ' ესეროღვ ადჷჲსენე (\ ა̈ზიჰ).

Line of edition: 35       
ჰამს 'ანჷგა̈ნხ ალ ჯიმილ-დაჩვირ აჩა̈დხ. ეშდორი თანღი ეჩხენჩუ
Line of edition: 36    
ადეჲ. ლა̈იდ თხუმემ ლექვცად დეშ ა̈დსერ მეჴრ' ათქვიც,
Page of edition: 193  Line of edition: 1    
ეშხუ ბოთლიკ ზისხ 'ა̈ნზერ სგადჲე მიჩა ხახვთე. მიჩა ხეხვდ
Line of edition: 2    
ჩუ ლაიშ.

Line of edition: 3       
ალ ზურალ (დაჩვირ) ჩვა̈რი ათხე ესხრი, ესხრი. აშხუნღვე

Line of edition: 4       
იმგვალეგ მჷჭკჷვეს ხეწა̈დ. ალ მჷჭკჷვეთეჲსგ' ოსმეწვნე ეშთეჲსგ'
Line of edition: 5    
ესხრი. აშხუნღვე სგადჰიე. ამეჩუ ხელწიფეშ ჰარტამს ხალიჩ სემი
Line of edition: 6    
მარე. ალა̈რს ჩუ ხევჟეხ ეშხუ კინტვრი ქა̈ნყვიჩ ცხეკთ' ადჲე
Line of edition: 7    
ჩუ ლა̈ჲემ (\ ლა̈ლემ). მერმა ლადეღ ა̈დშელდეხ ეშხუ ხაკლივხ.
Line of edition: 8    
მერმა ლეთ ალა̈რს ჩუიდ ხევჟახ ეშხუ ქაიდ ა̈დქვით ცხეკთ'
Line of edition: 9    
ადჲე ჩუ ლა̈ჲემ (\ ლა̈ემ).

Line of edition: 10       
მესმა ლეთ ხელწიფხ' ესლა̈ჩ. ამნემ შამფუ̈რ სგებინჩუ ესყირ.
Line of edition: 11    
ჩუ ხევჟუნივ, ეჩქას ნებგვას ხა̈ძგრივ ჟი ხეჲცხჷნივ. ალ ზურალ
Line of edition: 12    
ანჴა̈დ ა̈ნყვიჩ, ეჯჟი 'ახბა̈ჟ: -- სგოღვ ანჴა̈დ, მადეჲ, ჲერვ' ესერ
Line of edition: 13    
ლი, ადგა̈რ' ესერ.

Line of edition: 14       
-- ჩოღვ ადგა̈რ მიჩეშთეჲსგა მეჴადდ ესერ დემეგ ხაყა: მეჴრ'
Line of edition: 15    
ესერ ქა მექვცე ხარ ' ესერი ლერქვა̈რ ხა̈ქვ.

Line of edition: 16       
-- ნომოღვ აჩა̈დ ლერქვა̈რს ლელდისგა̈რს ესერ ჯი ქა
Line of edition: 17    
ხოკვანე.

Line of edition: 18       
ამნემ ქა ლოხკვა̈რ 'ა̈ნრექვა̈ნ 'ა̈ნჷლდესგა̈ნ სგაჩა̈დ
Line of edition: 19    
მიჩეშთეჲსგა". ღეშგიმჩუ ათსიპდახ უშხვრერიშ მალატშვ.. ჩვა̈დხეხვჭაშა̈ნხ
Line of edition: 20    
ამჟი ალის, ხელწიფხეს, ჯა̈რთე ლიზი ათხვიდ. ალის ეჩხენ
Line of edition: 21    
მასა̈რდ ხა̈ნ ახად. ეჩქად მიჩა ხეხვ ჩვა̈დღვაჟ. ამნემ ეჯგვა̈რ ბიძილ
Line of edition: 22    
ანთავ', ერე სახელწიფისგა ეჯგვა̈რ ბიძილ ქა ლჷთავე დემეგ ლი.

Line of edition: 23       
ამჟი მიჩა ჭაშვთე ლა̈ირ ადუზეხ ესღვა ფოშდას. ეშხუ მეზგათეჲსგ'
Line of edition: 24    
ა̈დსიპე ფოშდად ჩვადყურდა. ეშხუ ობურ ზურალ
Line of edition: 25    
ლა̈ხცად ამის, 'ა̈ნკიდ ალ ლა̈ირ მერმე ლა̈ირ ა̈ირ. ხოჲრი,
Line of edition: 26    
ერე: -- სგოღვ ანჴა̈დ, ედო მიჩა ხახვ ეჯგვა̈რ როქ გეზალ ოხთავ',
Line of edition: 27    
ერე ეშხუ ესერ მიჭ ხაგ თხუმჟი, ეშხუ თე როქ ხარ ნებგვაჲსგა.

Line of edition: 28       
ალი (ფოშდა) მერმა ლადეღ 'ანჷგა̈ნ აჩა̈დ, სგადჰიე ქა
Line of edition: 29    
ლახემ ალ ლა̈ირ. ქა̈ნჭედ (\ ა̈ნჭვედ) ამნემ პასხვიშ ლა̈ტხაღა ლა̈ირ
Line of edition: 30    
ადიჲრე : -- ეშხუ თევ გარ როქ ხოკლი, ეჩქად ნომაგვეშ როქოღვ
Line of edition: 31    
ხაყერა.

Line of edition: 32       
სგამა̈ლიდ ალ მეზგათეჲსგაიდ ა̈თჴედჷნ ფოშდას. ალი ჩვადყურდ',
Line of edition: 33    
ეჩქას ობურ დადად 'ა̈ნკიდ ალ ლა̈ირ მერმე პასვიხ
Line of edition: 34    
ოთიჲარე.

Line of edition: 35       
ამნემ ადიჲრე, ერე: -- ნენსგა ლაკვშდი შუკვისგ'ოღვ ესსგურეხ
Line of edition: 36    
მიჩა ხეხვ გეზალ , ლეჟა 'სერ ერვ' ანღჷრდეს, ხატბჷნაოღვ მა̈გ
Line of edition: 37    
, ლექვა ერვ' ანღჷრდეს, ხატყცივოღვ ხატბჷნა მა̈გ.

Page of edition: 194 
Line of edition: 1       
ალი ამჟი ესსგურეხ, ცხა̈ჲ, ჟიბე ღერთემ რა̈ქვე : -- ცოდა̈შ
Line of edition: 2    
როქ ქვინ ჴან, -- ცხა̈კვს ოხთონე: -- ა̈ნგაღბეოღვ მოლე ღვე
Line of edition: 3    
'ოღვ ანტა̈ხ.

Line of edition: 4       
ალი ჩვაჩა̈დ , ბეფშვიშ დის აშხვ მეჴროშ ალი ხოყდინა, მერმე
Line of edition: 5    
მეჴრა ქა მექვცე ხარ ქა დეშ ა̈დვიჩ, ეშხუ თე ქოხკიდ ნაღვჟურულს.

Line of edition: 6       
ათხე ღვემალს ოხთონე: -- ა̈ნგაღბეოღვ მოლე.

Line of edition: 7       
ალი ჩვანჴა̈დ მერმე ' ამნემ ოხკიდ. ალა̈რ დემეგ ომტეხელიხ
Line of edition: 8    
ჟი : -- ვარეს ცოდა̈შ ქვინ როქ ათხე ჴან.

Line of edition: 9       
მუგულდს ოხთონე: -- ა̈ნგაღბეოღვ მოლე.

Line of edition: 10       
ალი ჩვაჩა̈დ ლაგვნიშვ ანტა̈ხ ჟი: -- მუქვნი' ესერ ცხა̈კულდს
Line of edition: 11    
ღვემალს ბეფშვილდდ თერა̈რ ქოხკჷდჷრახ ხოჩა როქ თვალა̈შ
Line of edition: 12    
ნაღვჟურ ამჟი ხოსგურ ზურალს კალთა̈ჟი ალ ზურალს მეჴრა
Line of edition: 13    
როქ ქა მექვცე ხარ.

Line of edition: 14       
ღერთემ ეჯი მუგულდს ლჷშნავე ღალე ლახემ, ეშხუ ვისგ ლახემ
Line of edition: 15    
: -- ალი ჩოღვ აბიჴვ თერა̈რისგ' ოღვ ლახდე ნაღვჟურს ლჷშნავე
Line of edition: 16    
ღალ' ეჯი მექვცე მეჴრაქ'ოღვ ლახჭემ ზურალს.

Line of edition: 17       
ჩვაჩა̈დ მუგულდ. ზურალ ივჩი, მარე მუგვდ ეჯღაჲ ისგათჯუქვრე
Line of edition: 18    
თერა̈რისგა ხაჴიდ ვისგ მებჴვე თერა̈რ მა̈შომა̈ჲშშალ ლოხსგურ-
Line of edition: 19    
და, ლჷშნავე ღალე ამის ლახჭემ მეჴრაქა მეჴრა ისგა ლა̈ხყა̈დ.

Line of edition: 20       
ათხე, ცხა̈ჲ, ჟი ლა̈ჲჭჷთხე ნაღვჟურ ესხრიხ, ესხრიხ. ამჟი
Line of edition: 21    
ლეთშვ ეშხუ მჷჭკჷვეს ხეწა̈დ აშთეჲსგა სგაჩა̈დ. ამეჩუ ჯა̈რ ა̈რი,
Line of edition: 22    
ყარვილ ჟი ხაგხ : -- სგოღვ იხიმხ, -- დემ იხნიხ, მარე ეჯღაჲ
Line of edition: 23    
მად' ა̈თყა̈ჩ.

Line of edition: 24       
ხა̈ქვეხ ალა̈რდ: -- მოლე ჰარკა̈როღვ "ნჷმბავე.
Line of edition: 25    
-- ჰარკა̈რ ესერ მინს ხეხლიხ, ედო მიჩ ესერ მამაგვეშ ხოხა. '
Line of edition: 26    
ეჯღაჲ მად' ა̈თყა̈ჩხ. ეჩქას ანჷმბავე ალი , იმჟი მიჩა გვეშ
Line of edition: 27    
ლა̈სვ. ეჩქას მიჩა ჭა̈შდ შიშდ ჩვათირ ლა̈ხჭედივ: -- ღვე ნაღვჟურს
Line of edition: 28    
ესერ ეშხუ აიჭ ხარ ეშა̈უ თე ნებგვაჲსჷა, ეჯის ესერ მა̈ ხა̈ყრა?

Line of edition: 29       
-- ეჯი ესერ ეშხუ ზურალ ესხვია ფოშდას ეჯის ესერ ოთიჲრა
Line of edition: 30    
ამჟიშ ლა̈ირ.

Line of edition: 31       
ჩქას ანჷგა̈ნხ ალიმა̈გ სალდა̈თ ალ ხეხვ-ჭა̈შ ა̈ნთხეხ ალ
Line of edition: 32    
ობურ ზურალ ამიშ ჯიმლა̈შ ხახვთეჲსგ' ა̈თჴერნეხ. ალ ობურ
Line of edition: 33    
ზურალ ამიშ ჯიმლა̈შ ხეხვ უშხვარ ათა̈ხხ ეშხუ რა̈შს ლაპა̈ბხ
Line of edition: 34    
ისგა ეჩა ლა̈თრინალს ომჴეჩელიხ ეჯარე ჯიჯი მერ. ეჩქანღვე
Line of edition: 35    
ხეხვ-ჭა̈შ ატა̈ხხ მინე ქორთე ხოჩა ლირდ' ა̈დჴიდხ.

Line of edition: 36       
ეჩგიშ ხოჩა ამეჩუ, ამგიშ ხოლა ეჩეჩუ.


Line of edition: 37 
ზაქრო პაკელიანი. ჭელირი. .ქალდანი. 12.VIII.1954



Next part



This text is part of the TITUS edition of Svan Prose Texts II (Lower Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.