TITUS
Rg-Veda: Rg-Veda-Samhita
Part No. 57
Previous part

Hymn: 57 
Verse: 1 
Halfverse: a    प्र मंहि॑ष्ठाय बृह॒ते बृ॒हद्र॑ये स॒त्यशु॑ष्माय त॒वसे॑ म॒तिम्भ॑रे ।
   प्र मंहि॑ष्ठाय बृह॒ते बृ॒हद्र॑ये
   प्र मंहि॑ष्ठाय बृह॒ते बृ॒हद्र॑ये
   प्र मंहि॑ष्ठाय बृह॒ते बृ॒हद्र॑ये

Halfverse: b    स॒त्यशु॑ष्माय त॒वसे॑ म॒तिम्भ॑रे ।
   स॒त्यशु॑ष्माय त॒वसे म॒तिम् भरे ।
   स॒त्यशु॑ष्माय त॒वसे म॒तिम् भरे ।

Halfverse: c    अ॒पामि॑व प्रव॒णे यस्य॑ दु॒र्धरं॒ राधो॑ वि॒श्वायु॒ शव॑से॒ अपा॑वृतम् ।।
   अ॒पामि॑व प्रव॒णे यस्य॑ दु॒र्धरं
   अ॒पाम् इव प्रव॒णे यस्य दु॒र्धर॑म्
   अ॒पाम् इव प्रव॒णे यस्य दु॒र्धरं

Halfverse: d    राधो॑ वि॒श्वायु॒ शव॑से॒ अपा॑वृतम् ।।
   राधः वि॒श्वायु शव॑से अपा॑वृतम् ।।
   राधो वि॒श्वायु शव॑से अपा॑वृतम् ।।


Verse: 2 
Halfverse: a    अध॑ ते॒ विश्व॒मनु॑ हासदि॒ष्टय॒ आपो॑ नि॒म्नेव॒ सव॑ना ह॒विष्म॑तः ।
   अध॑ ते॒ विश्व॒मनु॑ हासदि॒ष्टय
   अध ते विश्व॑म् अनु ह असत् इ॒ष्टये
   अध ते विश्व॑म् अनु हासद् इ॒ष्टय

Halfverse: b    आपो॑ नि॒म्नेव॒ सव॑ना ह॒विष्म॑तः ।
   आपः नि॒म्ना इ॑व सव॑ना ह॒विष्म॑तः ।
   आपो नि॒म्नेव सव॑ना ह॒विष्म॑तः ।

Halfverse: c    यत्पर्व॑ते॒ न स॒मशी॑त हर्य॒त इन्द्र॑स्य॒ वज्रः॒ श्नथि॑ता हिर॒ण्ययः॑ ।।
   यत्पर्व॑ते॒ न स॒मशी॑त हर्य॒त
   यत् पर्व॑ते न स॒मशी॑त हर्य॒तः
   यत् पर्व॑ते न स॒मशी॑त हर्य॒त

Halfverse: d    इन्द्र॑स्य॒ वज्रः॒ श्नथि॑ता हिर॒ण्ययः॑ ।।
   इन्द्र॑स्य वज्रः श्नथि॑ता हिर॒ण्ययः ।।
   इन्द्र॑स्य वज्रः श्नथि॑ता हिर॒ण्ययः ।।


Verse: 3 
Halfverse: a    अ॒स्मै भी॒माय॒ नम॑सा॒ सम॑ध्व॒र उषो॒ न शु॑भ्र॒ आ भ॑रा॒ पनी॑यसे ।
   अ॒स्मै भी॒माय॒ नम॑सा॒ सम॑ध्व॒र
   अ॒स्मै भी॒माय नम॑सा सम् अध्व॒रे
   अ॒स्मै भी॒माय नम॑सा सम् अध्व॒र

Halfverse: b    उषो॒ न शु॑भ्र॒ आ भ॑रा॒ पनी॑यसे ।
   उषः न शु॑भ्रे आ भ॑र+ पनी॑यसे ।
   उषो न शु॑भ्र आ भ॑रा पनी॑यसे ।

Halfverse: c    यस्य॒ धाम॒ श्रव॑से॒ नामे॑न्द्रि॒यं ज्योति॒रका॑रि ह॒रितो॒ नाय॑से ।।
   यस्य॒ धाम॒ श्रव॑से॒ नामे॑न्द्रि॒यं
   यस्य धाम श्रव॑से नाम इन्द्रि॒यम्
   यस्य धाम श्रव॑से नाम इन्द्रि॒यं

Halfverse: d    ज्योति॒रका॑रि ह॒रितो॒ नाय॑से ।।
   ज्योतिः अका॑रि ह॒रितः न अय॑से ।।
   ज्योति॑र् अका॑रि ह॒रितो न अय॑से ।।


Verse: 4 
Halfverse: a    इ॒मे त॑ इन्द्र॒ ते व॒यम्पु॑रुष्टुत॒ ये त्वा॒रभ्य॒ चरा॑मसि प्रभूवसो ।
   इ॒मे त॑ इन्द्र॒ ते व॒यम्पु॑रुष्टुत
   इ॒मे ते इन्द्र ते व॒यम् पुरुष्टुत
   इ॒मे त इन्द्र ते व॒यम् पुरुष्टुत

Halfverse: b    ये त्वा॒रभ्य॒ चरा॑मसि प्रभूवसो ।
   ये त्वा आ॒रभ्य चरा॑मसि प्रभूवसो ।
   ये त्वा॒रभ्य चरा॑मसि प्रभूवसो ।

Halfverse: c    न॒हि त्वद॒न्यो गि॑र्वणो॒ गिरः॒ सघ॑त्क्षो॒णीरि॑व॒ प्रति॑ नो हर्य॒ तद्वचः॑ ।।
   न॒हि त्वद॒न्यो गि॑र्वणो॒ गिरः॒ सघ॑त्
   न॒हि त्वत् अ॒न्यः गि॑र्वणः गिरः सघ॑त्
   न॒हि त्वद् अ॒न्यो गि॑र्वणो गिरः सघ॑त्

Halfverse: d    क्षो॒णीरि॑व॒ प्रति॑ नो हर्य॒ तद्वचः॑ ।।
   क्षो॒णीः इ॑व प्रति नः हर्य तत् वचः ।।
   क्षो॒णीर् इव प्रति नो हर्य तद् वचः ।।


Verse: 5 
Halfverse: a    भूरि॑ त इन्द्र वी॒र्यं॒ तव॑ स्मस्य॒स्य स्तो॒तुर्म॑घव॒न्काम॒मा पृ॑ण ।
   भूरि॑ त इन्द्र वी॒र्यं॒ तव॑ स्मस्य्
   भूरि ते इन्द्र वी॒र्य॑म् तव स्मसि
   भूरि त इन्द्र वी॒रियं तव स्मसि

Halfverse: b    अ॒स्य स्तो॒तुर्म॑घव॒न्काम॒मा पृ॑ण ।
   अ॒स्य स्तो॒तुः म॑घवन् काम॑म् आ पृ॑ण ।
   अ॒स्य स्तो॒तुर् मघवन् काम॑म् आ पृ॑ण ।

Halfverse: c    अनु॑ ते॒ द्यौर्बृ॑ह॒ती वी॒र्य॑म्मम इ॒यं च॑ ते पृथि॒वी ने॑म॒ ओज॑से ।।
   अनु॑ ते॒ द्यौर्बृ॑ह॒ती वी॒र्य॑म्मम
   अनु ते द्यौः बृ॑ह॒ती वी॒र्य॑म् ममे
   अनु ते द्यौर् बृह॒ती वी॒रिय॑म् मम

Halfverse: d    इ॒यं च॑ ते पृथि॒वी ने॑म॒ ओज॑से ।।
   इ॒यम् च ते पृथि॒वी ने॑मे ओज॑से ।।
   इ॒यं च ते पृथि॒वी ने॑म ओज॑से ।।


Verse: 6 
Halfverse: a    त्वं तमि॑न्द्र॒ पर्व॑तम्म॒हामु॒रुं वज्रे॑ण वज्रिन्पर्व॒शश्च॑कर्तिथ ।
   त्वं तमि॑न्द्र॒ पर्व॑तम्म॒हामु॒रुं
   त्वम् तम् इन्द्र पर्व॑तम् म॒हाम् उ॒रुम्
   तु॒वं तम् इन्द्र पर्व॑तम् म॒हाम् उ॒रुं

Halfverse: b    वज्रे॑ण वज्रिन्पर्व॒शश्च॑कर्तिथ ।
   वज्रे॑ण वज्रिन् पर्व॒शः च॑कर्तिथ ।
   वज्रे॑ण वज्रिन् पर्व॒शश् चकर्तिथ ।

Halfverse: c    अवा॑सृजो॒ निवृ॑ताः॒ सर्त॒वा अ॒पः स॒त्रा विश्वं॑ दधिषे॒ केव॑लं॒ सहः॑ ।।
   अवा॑सृजो॒ निवृ॑ताः॒ सर्त॒वा अ॒पः
   अव असृजः निवृ॑ताः सर्त॒वै अ॒पः
   अवा॑सृजो निवृ॑ताः सर्त॒वा अ॒पः

Halfverse: d    स॒त्रा विश्वं॑ दधिषे॒ केव॑लं॒ सहः॑ ।।
   स॒त्रा विश्व॑म् दधिषे केव॑लम् सहः ।।
   स॒त्रा विश्वं दधिषे केव॑लं सहः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.