TITUS
Rg-Veda: Rg-Veda-Samhita
Part No. 60
Previous part

Hymn: 60 
Verse: 1 
Halfverse: a    वह्निं॑ य॒शसं॑ वि॒दथ॑स्य के॒तुं सु॑प्रा॒व्यं॑ दू॒तं सद्योअर्थम् ।
   वह्निं॑ य॒शसं॑ वि॒दथ॑स्य के॒तुं
   वह्नि॑म् य॒शस॑म् वि॒दथ॑स्य के॒तुम्
   वह्निं य॒शसं वि॒दथ॑स्य के॒तुं

Halfverse: b    सु॑प्रा॒व्यं॑ दू॒तं सद्योअर्थम् ।
   सु॑प्रा॒व्य॑म् दू॒तम् सद्योअर्थम् ।
   सु॑प्रा॒वियं . दू॒तं सद्योअर्थम् ।

Halfverse: c    द्वि॒जन्मा॑नं र॒यिमि॑व प्रश॒स्तं रा॒तिम्भ॑र॒द्भृग॑वे मात॒रिश्वा॑ ।।
   द्वि॒जन्मा॑नं र॒यिमि॑व प्रश॒स्तं
   द्वि॒जन्मा॑नम् र॒यिम् इव प्रश॒स्तम्
   द्वि॒जन्मा॑नं र॒यिम् इव प्रश॒स्तं

Halfverse: d    रा॒तिम्भ॑र॒द्भृग॑वे मात॒रिश्वा॑ ।।
   रा॒तिम् भरत् भृग॑वे मात॒रिश्वा ।।
   रा॒तिम् भरद् भृग॑वे मात॒रिश्वा ।।


Verse: 2 
Halfverse: a    अ॒स्य शासु॑रु॒भया॑सः सचन्ते ह॒विष्म॑न्त उ॒शिजो॒ ये च॒ मर्ताः॑ ।
   अ॒स्य शासु॑रु॒भया॑सः सचन्ते
   अ॒स्य शासुः उ॒भया॑सः सचन्ते
   अ॒स्य शासु॑र् उ॒भया॑सः सचन्ते

Halfverse: b    ह॒विष्म॑न्त उ॒शिजो॒ ये च॒ मर्ताः॑ ।
   ह॒विष्म॑न्तः उ॒शिजः ये च मर्ताः ।
   ह॒विष्म॑न्त उ॒शिजो ये च मर्ताः ।

Halfverse: c    दि॒वश्चि॒त्पूर्वो॒ न्य॑सादि॒ होता॒पृछ्यो॑ वि॒श्पति॑र्वि॒क्षु वे॒धाः ।।
   दि॒वश्चि॒त्पूर्वो॒ न्य॑सादि॒ होता
   दि॒वः चि॑त् पूर्वः नि अ॑सादि होता
   दि॒वश् चित् पूर्वो नि अ॑सादि होता

Halfverse: d     ॑आ॒पृछ्यो॑ वि॒श्पति॑र्वि॒क्षु वे॒धाः ।।
   आ॒पृछ्यः वि॒श्पतिः वि॒क्षु वे॒धाः ।।
   आ॒पृछि॑यो वि॒श्पति॑र् वि॒क्षु वे॒धाः ।।


Verse: 3 
Halfverse: a    तं नव्य॑सी हृ॒द आ जाय॑मानम॒स्मत्सु॑की॒र्तिर्मधु॑जिह्वमश्याः ।
   तं नव्य॑सी हृ॒द आ जाय॑मानम्
   तम् नव्य॑सी हृ॒दः आ जाय॑मानम्
   तं नव्य॑सी हृ॒द आ जाय॑मानम्

Halfverse: b    अ॒स्मत्सु॑की॒र्तिर्मधु॑जिह्वमश्याः ।
   अ॒स्मत् सुकी॒र्तिः मधु॑जिह्वम् अश्याः ।
   अ॒स्मत् सुकी॒र्तिर् मधु॑जिह्वम् अश्याः ।

Halfverse: c    यमृ॒त्विजो॑ वृ॒जने॒ मानु॑षासः॒ प्रय॑स्वन्त आ॒यवो॒ जीज॑नन्त ।।
   यमृ॒त्विजो॑ वृ॒जने॒ मानु॑षासः
   यम् ऋ॒त्विजः वृ॒जने मानु॑षासः
   यम् ऋ॒त्विजो वृ॒जने मानु॑षासः

Halfverse: d    प्रय॑स्वन्त आ॒यवो॒ जीज॑नन्त ।।
   प्रय॑स्वन्तः आ॒यवः जीज॑नन्त ।।
   प्रय॑स्वन्त आ॒यवो जीज॑नन्त ।।


Verse: 4 
Halfverse: a    उ॒शिक्पा॑व॒को वसु॒र्मानु॑षेषु॒ वरे॑ण्यो॒ होता॑धायि वि॒क्षु ।
   उ॒शिक्पा॑व॒को वसु॒र्मानु॑षेषु
   उ॒शिक् पाव॒कः वसुः मानु॑षेषु
   उ॒शिक् पवा॒को वसु॑र् मानु॑षेषु

Halfverse: b    वरे॑ण्यो॒ होता॑धायि वि॒क्षु ।
   वरे॑ण्यः होता अधायि वि॒क्षु ।
   वरे॑णियो होता अधायि वि॒क्षु ।

Halfverse: c    दमू॑ना गृ॒हप॑ति॒र्दम॒ आँ अ॒ग्निर्भु॑वद्रयि॒पती॑ रयी॒णाम् ।।
   दमू॑ना गृ॒हप॑ति॒र्दम॒ आँ
   दमू॑नाः गृ॒हप॑तिः दमे आ
   दमू॑ना . गृ॒हप॑तिर् दम आँ

Halfverse: d    अ॒ग्निर्भु॑वद्रयि॒पती॑ रयी॒णाम् ।।
   अ॒ग्निः भु॑वत् रयि॒पतिः रयी॒णाम् ।।
   अ॒ग्निर् भुवद् रयि॒पती रयी॒णाम् ।।


Verse: 5 
Halfverse: a    तं त्वा॑ व॒यम्पति॑मग्ने रयी॒णाम्प्र शं॑सामो म॒तिभि॒र्गोत॑मासः ।
   तं त्वा॑ व॒यम्पति॑मग्ने रयी॒णाम्
   तम् त्वा व॒यम् पति॑म् अग्ने रयी॒णाम्
   तं त्वा व॒यम् पति॑म् अग्ने रयी॒णाम्

Halfverse: b    प्र शं॑सामो म॒तिभि॒र्गोत॑मासः ।
   प्र शं॑सामः म॒तिभिः गोत॑मासः ।
   प्र शं॑सामो म॒तिभि॑र् गोत॑मासः ।

Halfverse: c    आ॒शुं न वा॑जम्भ॒रम्म॒र्जय॑न्तः प्रा॒तर्म॒क्षू धि॒याव॑सुर्जगम्यात् ।।
   आ॒शुं न वा॑जम्भ॒रम्म॒र्जय॑न्तः
   आ॒शुम् न वा॑जम्भ॒रम् म॒र्जय॑न्तः
   आ॒शुं न वा॑जम्भ॒रम् म॒र्जय॑न्तः

Halfverse: d    प्रा॒तर्म॒क्षू धि॒याव॑सुर्जगम्यात् ।।
   प्रा॒तर् म॒क्षु+ धि॒याव॑सुः जगम्यात् ।।
   प्रा॒तर् म॒क्षू धि॒याव॑सुर् जगम्यात् ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.