TITUS
Rg-Veda: Rg-Veda-Samhita
Part No. 61
Previous part

Hymn: 61 
Verse: 1 
Halfverse: a    अ॒स्मा इदु॒ प्र त॒वसे॑ तु॒राय॒ प्रयो॒ न ह॑र्मि॒ स्तोम॒म्माहि॑नाय ।
   अ॒स्मा इदु॒ प्र त॒वसे॑ तु॒राय
   अ॒स्मै इत् उ प्र त॒वसे तु॒राय
   अ॒स्मा इद् उ प्र त॒वसे तु॒राय

Halfverse: b    प्रयो॒ न ह॑र्मि॒ स्तोम॒म्माहि॑नाय ।
   प्रयः न ह॑र्मि स्तोम॑म् माहि॑नाय ।
   प्रयो न ह॑र्मि स्तोम॑म् माहि॑नाय ।

Halfverse: c    ऋची॑षमा॒याध्रि॑गव॒ ओह॒मिन्द्रा॑य॒ ब्रह्मा॑णि रा॒तत॑मा ।।
   ऋची॑षमा॒याध्रि॑गव॒ ओह॑म्
   ऋची॑षमाय अध्रि॑गवे ओह॑म्
   ऋची॑षमाय अध्रि॑गव ओह॑म्

Halfverse: d    इन्द्रा॑य॒ ब्रह्मा॑णि रा॒तत॑मा ।।
   इन्द्रा॑य ब्रह्मा॑णि रा॒तत॑मा ।।
   इन्द्रा॑य . ब्रह्मा॑णि रा॒तत॑मा ।।


Verse: 2 
Halfverse: a    अ॒स्मा इदु॒ प्रय॑ इव॒ प्र यं॑सि॒ भरा॑म्याङ्गू॒षम्बाधे॑ सुवृ॒क्ति ।
   अ॒स्मा इदु॒ प्रय॑ इव॒ प्र यं॑सि
   अ॒स्मै इत् उ प्रयः इव प्र यं॑सि
   अ॒स्मा इद् उ प्रय इव प्र यं॑सि

Halfverse: b    भरा॑म्याङ्गू॒षम्बाधे॑ सुवृ॒क्ति ।
   भरा॑मि आङ्गू॒षम् बाधे सुवृ॒क्ति ।
   भरा॑मि आङ्गू॒षम् बाधे सुवृ॒क्ति ।

Halfverse: c    इन्द्रा॑य हृ॒दा मन॑सा मनी॒षा प्र॒त्नाय॒ पत्ये॒ धियो॑ मर्जयन्त ।।
   इन्द्रा॑य हृ॒दा मन॑सा मनी॒षा
   इन्द्रा॑य हृ॒दा मन॑सा मनी॒षा
   इन्द्रा॑य हृ॒दा मन॑सा मनी॒षा

Halfverse: d    प्र॒त्नाय॒ पत्ये॒ धियो॑ मर्जयन्त ।।
   प्र॒त्नाय पत्ये धियः मर्जयन्त ।।
   प्र॒त्नाय पत्ये धियो मर्जयन्त ।।


Verse: 3 
Halfverse: a    अ॒स्मा इदु॒ त्यमु॑प॒मं स्व॒र्षाम्भरा॑म्याङ्गू॒षमा॒स्ये॑न ।
   अ॒स्मा इदु॒ त्यमु॑प॒मं स्व॒र्षाम्
   अ॒स्मै इत् उ त्यम् उप॒मम् स्व॒र्षाम्
   अ॒स्मा इद् उ त्यम् उप॒मं सु॑व॒र्षाम्

Halfverse: b    भरा॑म्याङ्गू॒षमा॒स्ये॑न ।
   भरा॑मि आङ्गू॒षम् आ॒स्ये॑न ।
   भरा॑मि . आङ्गू॒षम् आ॒सिये॑न ।

Halfverse: c    मंहि॑ष्ठ॒मछो॑क्तिभिर्मती॒नां सु॑वृ॒क्तिभिः॑ सू॒रिं वा॑वृ॒धध्यै॑ ।।
   मंहि॑ष्ठ॒मछो॑क्तिभिर्मती॒नां
   मंहि॑ष्ठम् अछो॑क्तिभिः मती॒नाम्
   मंहि॑ष्ठम् . अछो॑क्तिभिर् मती॒नां

Halfverse: d    सु॑वृ॒क्तिभिः॑ सू॒रिं वा॑वृ॒धध्यै॑ ।।
   सु॑वृ॒क्तिभिः सू॒रिम् वावृ॒धध्यै ।।
   सु॑वृ॒क्तिभिः . सू॒रिं वा॑वृ॒धध्यै ।।


Verse: 4 
Halfverse: a    अ॒स्मा इदु॒ स्तोमं॒ सं हि॑नोमि॒ रथं॒ न तष्टे॑व॒ तत्सि॑नाय ।
   अ॒स्मा इदु॒ स्तोमं॒ सं हि॑नोमि
   अ॒स्मै इत् उ स्तोम॑म् सम् हिनोमि
   अ॒स्मा इद् उ . स्तोमं सं हि॑नोमि

Halfverse: b    रथं॒ न तष्टे॑व॒ तत्सि॑नाय ।
   रथ॑म् न तष्टा इव तत्सि॑नाय ।
   रथं न . तष्टे॑व तत्सि॑नाय ।

Halfverse: c    गिर॑श्च॒ गिर्वा॑हसे सुवृ॒क्तीन्द्रा॑य विश्वमि॒न्वम्मेधि॑राय ।।
   गिर॑श्च॒ गिर्वा॑हसे सुवृ॒क्ति
   गिरः च गिर्वा॑हसे सुवृ॒क्ति
   गिर॑श् च . गिर्वा॑हसे सुवृ॒क्ति

Halfverse: d     इन्द्रा॑य विश्वमि॒न्वम्मेधि॑राय ।।
   इन्द्रा॑य विश्वमि॒न्वम् मेधि॑राय ।।
   इन्द्रा॑य विश्वमि॒न्वम् मेधि॑राय ।।


Verse: 5 
Halfverse: a    अ॒स्मा इदु॒ सप्ति॑मिव श्रव॒स्येन्द्रा॑या॒र्कं जु॒ह्वा॒ सम॑ञ्जे ।
   अ॒स्मा इदु॒ सप्ति॑मिव श्रव॒स्या
   अ॒स्मै इत् उ सप्ति॑म् इव श्रव॒स्या
   अ॒स्मा इद् उ सप्ति॑म् इव श्रव॒स्या

Halfverse: b     इन्द्रा॑या॒र्कं जु॒ह्वा॒ सम॑ञ्जे ।
   इन्द्रा॑य अ॒र्कम् जु॒ह्वा सम् अञ्जे ।
   इन्द्रा॑य अ॒र्कं जु॒हुवा सम् अञ्जे ।

Halfverse: c    वी॒रं दा॒नौक॑सं व॒न्दध्यै॑ पु॒रां गू॒र्तश्र॑वसं द॒र्माण॑म् ।।
   वी॒रं दा॒नौक॑सं व॒न्दध्यै
   वी॒रम् दा॒नौक॑सम् व॒न्दध्यै
   वी॒रं दानओकसं व॒न्दध्यै

Halfverse: d    पु॒रां गू॒र्तश्र॑वसं द॒र्माण॑म् ।।
   पु॒राम् गू॒र्तश्र॑वसम् द॒र्माण॑म् ।।
   पु॒रां गू॒र्तश्र॑वसं द॒र्माण॑म् ।।


Verse: 6 
Halfverse: a    अ॒स्मा इदु॒ त्वष्टा॑ तक्ष॒द्वज्रं॒ स्वप॑स्तमं स्व॒र्यं॒ रणा॑य ।
   अ॒स्मा इदु॒ त्वष्टा॑ तक्ष॒द्वज्रं
   अ॒स्मै इत् उ त्वष्टा तक्षत् वज्र॑म्
   अ॒स्मा इद् उ त्वष्टा तक्षद् वज्रं

Halfverse: b    स्वप॑स्तमं स्व॒र्यं॒ रणा॑य ।
   स्वप॑स्तमम् स्व॒र्य॑म् रणा॑य ।
   सुअप॑स्तमं स्व॒रियं रणा॑य ।

Halfverse: c    वृ॒त्रस्य॑ चिद्वि॒दद्येन॒ मर्म॑ तु॒जन्नीशा॑नस्तुज॒ता कि॑ये॒धाः ।।
   वृ॒त्रस्य॑ चिद्वि॒दद्येन॒ मर्म
   वृ॒त्रस्य चित् वि॒दत् येन मर्म
   वृ॒त्रस्य चिद् . वि॒दद् येन मर्म

Halfverse: d    तु॒जन्नीशा॑नस्तुज॒ता कि॑ये॒धाः ।।
   तु॒जन् ईशा॑नः तुज॒ता कि॑ये॒धाः ।।
   तु॒जन्न् ईशा॑नस् तुज॒ता कि॑ये॒धाः ।।


Verse: 7 
Halfverse: a    अ॒स्येदु॑ मा॒तुः सव॑नेषु स॒द्यो म॒हः पि॒तुम्प॑पि॒वाञ्चार्वन्ना॑ ।
   अ॒स्येदु॑ मा॒तुः सव॑नेषु स॒द्यो
   अ॒स्य इत् उ मा॒तुः सव॑नेषु स॒द्यः
   अ॒स्येद् उ मा॒तुः सव॑नेषु स॒द्यो

Halfverse: b    म॒हः पि॒तुम्प॑पि॒वाञ्चार्वन्ना॑ ।
   म॒हः पि॒तुम् पपि॒वान् चारु अन्ना ।
   म॒हः पि॒तुम् पपि॒वाञ् चारु अन्ना ।

Halfverse: c    मु॑षा॒यद्विष्णुः॑ पच॒तं सही॑या॒न्विध्य॑द्वरा॒हं ति॒रो अद्रि॒मस्ता॑ ।।
   मु॑षा॒यद्विष्णुः॑ पच॒तं सही॑यान्
   मुषा॒यत् विष्णुः पच॒तम् सही॑यान्
   मुषा॒यद् विष्णुः पच॒तं सही॑यान्

Halfverse: d    विध्य॑द्वरा॒हं ति॒रो अद्रि॒मस्ता॑ ।।
   विध्य॑त् वरा॒हम् ति॒रः अद्रि॑म् अस्ता ।।
   विध्य॑द् वरा॒हं ति॒रो अद्रि॑म् अस्ता ।।


Verse: 8 
Halfverse: a    अ॒स्मा इदु॒ ग्नाश्चि॑द्दे॒वप॑त्नी॒रिन्द्रा॑या॒र्कम॑हि॒हत्य॑ ऊवुः ।
   अ॒स्मा इदु॒ ग्नाश्चि॑द्दे॒वप॑त्नीर्
   अ॒स्मै इत् उ ग्नाः चि॑त् दे॒वप॑त्नीः
   अ॒स्मा इद् उ . ग्नाश् चिद् दे॒वप॑त्नीर्

Halfverse: b    इन्द्रा॑या॒र्कम॑हि॒हत्य॑ ऊवुः ।
   इन्द्रा॑य अ॒र्कम् अहि॒हत्ये ऊवुः ।
   इन्द्रा॑य अ॒र्कम् अहि॒हत्य ऊवुः ।

Halfverse: c    परि॒ द्यावा॑पृथि॒वी ज॑भ्र उ॒र्वी नास्य॒ ते म॑हि॒मान॒म्परि॑ ष्टः ।।
   परि॒ द्यावा॑पृथि॒वी ज॑भ्र उ॒र्वी
   परि द्यावा॑पृथि॒वी ज॑भ्रे उ॒र्वी
   परि द्यावा॑पृथि॒वी ज॑भ्र उ॒र्वी

Halfverse: d    नास्य॒ ते म॑हि॒मान॒म्परि॑ ष्टः ।।
   न अ॑स्य ते म॑हि॒मान॑म् परि स्तः ।।
   न अ॑स्य ते म॑हि॒मान॑म् परि ष्टः ।।


Verse: 9 
Halfverse: a    अ॒स्येदे॒व प्र रि॑रिचे महि॒त्वं दि॒वस्पृ॑थि॒व्याः पर्य॒न्तरि॑क्षात् ।
   अ॒स्येदे॒व प्र रि॑रिचे महि॒त्वं
   अ॒स्य इत् ए॒व प्र रि॑रिचे महि॒त्वम्
   अ॒स्येद् ए॒व प्र रि॑रिचे महि॒त्वं

Halfverse: b    दि॒वस्पृ॑थि॒व्याः पर्य॒न्तरि॑क्षात् ।
   दि॒वः पृ॑थि॒व्याः परि अ॒न्तरि॑क्षात् ।
   दि॒वस् पृथि॒व्याः परि अ॒न्तरि॑क्षात् ।

Halfverse: c    स्व॒राळिन्द्रो॒ दम॒ आ वि॒श्वगू॑र्तः स्व॒रिरम॑त्रो ववक्षे॒ रणा॑य ।।
   स्व॒राळिन्द्रो॒ दम॒ आ वि॒श्वगू॑र्तः
   स्व॒राट् इन्द्रः दमे आ वि॒श्वगू॑र्तः
   स्व॒राळ् इन्द्रो दम आ वि॒श्वगू॑र्तः

Halfverse: d    स्व॒रिरम॑त्रो ववक्षे॒ रणा॑य ।।
   स्व॒रिः अम॑त्रः ववक्षे रणा॑य ।।
   स्व॒रिर् अम॑त्रो ववक्षे रणा॑य ।।


Verse: 10 
Halfverse: a    अ॒स्येदे॒व शव॑सा शु॒षन्तं॒ वि वृ॑श्च॒द्वज्रे॑ण वृ॒त्रमिन्द्रः॑ ।
   अ॒स्येदे॒व शव॑सा शु॒षन्तं
   अ॒स्य इत् ए॒व शव॑सा शु॒षन्त॑म्
   अ॒स्येद् ए॒व . शव॑सा शु॒षन्तं

Halfverse: b    वि वृ॑श्च॒द्वज्रे॑ण वृ॒त्रमिन्द्रः॑ ।
   वि वृ॑श्चत् वज्रे॑ण वृ॒त्रम् इन्द्रः ।
   वि वृ॑श्चद् . वज्रे॑ण वृ॒त्रम् इन्द्रः ।

Halfverse: c    गा न व्रा॒णा अ॒वनी॑रमुञ्चद॒भि श्रवो॑ दा॒वने॒ सचे॑ताः ।।
   गा न व्रा॒णा अ॒वनी॑रमुञ्चद्
   गाः न व्रा॒णाः अ॒वनीः अमुञ्चत्
   गा न व्रा॒णा . अ॒वनी॑र् अमुञ्चद्

Halfverse: d    अ॒भि श्रवो॑ दा॒वने॒ सचे॑ताः ।।
   अ॒भि श्रवः दा॒वने सचे॑ताः ।।
   अ॒भि श्रवो . दा॒वने सचे॑ताः ।।


Verse: 11 
Halfverse: a    अ॒स्येदु॑ त्वे॒षसा॑ रन्त॒ सिन्ध॑वः॒ परि॒ यद्वज्रे॑ण सी॒मय॑छत् ।
   अ॒स्येदु॑ त्वे॒षसा॑ रन्त॒ सिन्ध॑वः
   अ॒स्य इत् उ त्वे॒षसा रन्त सिन्ध॑वः
   अ॒स्येद् उ त्वे॒षसा रन्त सिन्ध॑वः

Halfverse: b    परि॒ यद्वज्रे॑ण सी॒मय॑छत् ।
   परि यत् वज्रे॑ण सीम् अय॑छत् ।
   परि यद् . वज्रे॑ण सीम् अय॑छत् ।

Halfverse: c    ई॑शान॒कृद्दा॒शुषे॑ दश॒स्यन्तु॒र्वीत॑ये गा॒धं तु॒र्वणिः॑ कः ।।
   ई॑शान॒कृद्दा॒शुषे॑ दश॒स्यन्
   ईशान॒कृत् दा॒शुषे दश॒स्यन्
   ईशान॒कृद् . दा॒शुषे दश॒स्यन्

Halfverse: d    तु॒र्वीत॑ये गा॒धं तु॒र्वणिः॑ कः ।।
   तु॒र्वीत॑ये गा॒धम् तु॒र्वणिः कर् ।।
   तु॒र्वीत॑ये . गा॒धं तु॒र्वणिः कः ।।


Verse: 12 
Halfverse: a    अ॒स्मा इदु॒ प्र भ॑रा॒ तूतु॑जानो वृ॒त्राय॒ वज्र॒मीशा॑नः किये॒धाः ।
   अ॒स्मा इदु॒ प्र भ॑रा॒ तूतु॑जानो
   अ॒स्मै इत् उ प्र भ॑र+ तूतु॑जानः
   अ॒स्मा इद् उ प्र भ॑रा तूतु॑जानो

Halfverse: b    वृ॒त्राय॒ वज्र॒मीशा॑नः किये॒धाः ।
   वृ॒त्राय वज्र॑म् ईशा॑नः किये॒धाः ।
   वृ॒त्राय वज्र॑म् ईशा॑नः किये॒धाः ।

Halfverse: c    गोर्न पर्व॒ वि र॑दा तिर॒श्चेष्य॒न्नर्णां॑स्य॒पां च॒रध्यै॑ ।।
   गोर्न पर्व॒ वि र॑दा तिर॒श्चा
   गोः न पर्व वि र॑द+ तिर॒श्चा
   गोर् न पर्व . वि र॑दा तिर॒श्चा

Halfverse: d     इष्य॒न्नर्णां॑स्य॒पां च॒रध्यै॑ ।।
   इष्य॑न् अर्णां॑सि अ॒पाम् च॒रध्यै ।।
   इष्य॑न्न् अर्णां॑सि अ॒पां च॒रध्यै ।।


Verse: 13 
Halfverse: a    अ॒स्येदु॒ प्र ब्रू॑हि पू॒र्व्याणि॑ तु॒रस्य॒ कर्मा॑णि॒ नव्य॑ उ॒क्थैः ।
   अ॒स्येदु॒ प्र ब्रू॑हि पू॒र्व्याणि
   अ॒स्य इत् उ प्र ब्रू॑हि पू॒र्व्याणि
   अ॒स्येद् उ . प्र ब्रू॑हि पूर्वि॒याणि

Halfverse: b    तु॒रस्य॒ कर्मा॑णि॒ नव्य॑ उ॒क्थैः ।
   तु॒रस्य कर्मा॑णि नव्यः उ॒क्थैः ।
   तु॒रस्य . कर्मा॑णि नव्य उ॒क्थैः ।

Halfverse: c    यु॒धे यदि॑ष्णा॒न आयु॑धान्यृघा॒यमा॑णो निरि॒णाति॒ शत्रू॑न् ।।
   यु॒धे यदि॑ष्णा॒न आयु॑धान्य्
   यु॒धे यत् इष्णा॒नः आयु॑धानि
   यु॒धे यद् . इष्णा॒न आयु॑धानि

Halfverse: d    ऋघा॒यमा॑णो निरि॒णाति॒ शत्रू॑न् ।।
   ऋ॑घा॒यमा॑णः निरि॒णाति शत्रू॑न् ।।
   ऋ॑घा॒यमा॑णो निरि॒णाति शत्रू॑न् ।।


Verse: 14 
Halfverse: a    अ॒स्येदु॑ भि॒या गि॒रय॑श्च दृ॒ऴा द्यावा॑ च॒ भूमा॑ ज॒नुष॑स्तुजेते ।
   अ॒स्येदु॑ भि॒या गि॒रय॑श्च दृ॒ऴा
   अ॒स्य इत् उ भि॒या गि॒रयः च दृ॒ऴाः
   अ॒स्येद् उ भि॒या गि॒रय॑श् च दृ॒ऴा

Halfverse: b    द्यावा॑ च॒ भूमा॑ ज॒नुष॑स्तुजेते ।
   द्यावा च भूम+ ज॒नुषः तुजेते ।
   द्यावा च भूमा ज॒नुष॑स् तुजेते ।

Halfverse: c    उपो॑ वे॒नस्य॒ जोगु॑वान ओ॒णिं स॒द्यो भु॑वद्वी॒र्या॑य नो॒धाः ।।
   उपो॑ वे॒नस्य॒ जोगु॑वान ओ॒णिं
   उप उ वे॒नस्य जोगु॑वानः ओ॒णिम्
   उपो वे॒नस्य जोगु॑वान ओ॒णिं

Halfverse: d    स॒द्यो भु॑वद्वी॒र्या॑य नो॒धाः ।।
   स॒द्यः भु॑वत् वी॒र्या॑य नो॒धाः ।।
   स॒द्यो भु॑वद् . वी॒रिया॑य नो॒धाः ।।


Verse: 15 
Halfverse: a    अ॒स्मा इदु॒ त्यदनु॑ दाय्येषा॒मेको॒ यद्व॒व्ने भूरे॒रीशा॑नः ।
   अ॒स्मा इदु॒ त्यदनु॑ दाय्येषाम्
   अ॒स्मै इत् उ त्यत् अनु दायि एषाम्
   अ॒स्मा इद् उ त्यद् अनु दायि एषाम्

Halfverse: b    एको॒ यद्व॒व्ने भूरे॒रीशा॑नः ।
   एकः यत् व॒व्ने भूरेः ईशा॑नः ।
   एको यद् व॒व्ने भूरे॑र् ईशा॑नः ।

Halfverse: c    प्रैत॑शं॒ सूर्ये॑ पस्पृधा॒नं सौव॑श्व्ये॒ सुष्वि॑माव॒दिन्द्रः॑ ।।
   प्रैत॑शं॒ सूर्ये॑ पस्पृधा॒नं
   प्र एत॑शम् सूर्ये पस्पृधा॒नम्
   प्र एत॑शं सूरि॑ये पस्पृधा॒नं

Halfverse: d    सौव॑श्व्ये॒ सुष्वि॑माव॒दिन्द्रः॑ ।।
   सौव॑श्व्ये सुष्वि॑म् आवत् इन्द्रः ।।
   सौव॑श्विये . सुष्वि॑म् आवद् इन्द्रः ।।


Verse: 16 
Halfverse: a    ए॒वा ते॑ हारियोजना सुवृ॒क्तीन्द्र॒ ब्रह्मा॑णि॒ गोत॑मासो अक्रन् ।
   ए॒वा ते॑ हारियोजना सुवृ॒क्ति
   ए॒व+ ते हारियोजन+ सुवृ॒क्ति
   ए॒वा ते हारियोजना सुवृ॒क्ति

Halfverse: b     इन्द्र॒ ब्रह्मा॑णि॒ गोत॑मासो अक्रन् ।
   इन्द्र ब्रह्मा॑णि गोत॑मासः अक्रन् ।
   इन्द्र ब्रह्मा॑णि गोत॑मासो अक्रन् ।

Halfverse: c    अैषु॑ वि॒श्वपे॑शसं॒ धियं॑ धाः प्रा॒तर्म॒क्षू धि॒याव॑सुर्जगम्यात् ।।
   अैषु॑ वि॒श्वपे॑शसं॒ धियं॑ धाः
   आ ए॑षु वि॒श्वपे॑शसम् धिय॑म् धाः
   आ ए॑षु वि॒श्वपे॑शसं धियं धाः

Halfverse: d    प्रा॒तर्म॒क्षू धि॒याव॑सुर्जगम्यात् ।।
   प्रा॒तर् म॒क्षु+ धि॒याव॑सुः जगम्यात् ।।
   प्रा॒तर् म॒क्षू धि॒याव॑सुर् जगम्यात् ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.