TITUS
Rg-Veda: Rg-Veda-Samhita
Part No. 65
Previous part

Hymn: 65 
Verse: 1 
Halfverse: a    प॒श्वा न ता॒युं गुहा॒ चत॑न्तं॒ नमो॑ युजा॒नं नमो॒ वह॑न्तम् ।
   प॒श्वा न ता॒युं गुहा॒ चत॑न्तं
   प॒श्वा न ता॒युम् गुहा चत॑न्तम्
   प॒श्वा न ता॒युं गुहा चत॑न्तं

Halfverse: b    नमो॑ युजा॒नं नमो॒ वह॑न्तम् ।
   नमः युजा॒नम् नमः वह॑न्तम् ।
   नमो युजा॒नं नमो वह॑न्तम् ।


Verse: 2 
Halfverse: a    स॒जोषा॒ धीराः॑ प॒दैरनु॑ ग्म॒न्नुप॑ त्वा सीद॒न्विश्वे॒ यज॑त्राः ।।
   स॒जोषा॒ धीराः॑ प॒दैरनु॑ ग्मन्न्
   स॒जोषाः धीराः प॒दैः अनु ग्मन्
   स॒जोषा धीराः प॒दैर् अनु ग्मन्न्

Halfverse: b    उप॑ त्वा सीद॒न्विश्वे॒ यज॑त्राः ।।
   उप त्वा सीदन् विश्वे यज॑त्राः ।।
   उप त्वा सीदन् विश्वे यज॑त्राः ।।


Verse: 3 
Halfverse: a    ऋ॒तस्य॑ दे॒वा अनु॑ व्र॒ता गु॒र्भुव॒त्परि॑ष्टि॒र्द्यौर्न भूम॑ ।
   ऋ॒तस्य॑ दे॒वा अनु॑ व्र॒ता गु॑र्
   ऋ॒तस्य दे॒वाः अनु व्र॒ता गुः
   ऋ॒तस्य दे॒वा अनु व्र॒ता गु॑र्

Halfverse: b    भुव॒त्परि॑ष्टि॒र्द्यौर्न भूम॑ ।
   भुव॑त् परि॑ष्टिः द्यौः न भूम ।
   भुव॑त् परि॑ष्टिर् दि॒यौर् न भूम ।


Verse: 4 
Halfverse: a    वर्ध॑न्ती॒मापः॑ प॒न्वा सुशि॑श्विमृ॒तस्य॒ योना॒ गर्भे॒ सुजा॑तम् ।।
   वर्ध॑न्ती॒मापः॑ प॒न्वा सुशि॑श्विम्
   वर्ध॑न्ति ईम् आपः प॒न्वा सुशि॑श्विम्
   वर्ध॑न्तीम् आपः प॒न्वा सुशि॑श्विम्

Halfverse: b    ऋ॒तस्य॒ योना॒ गर्भे॒ सुजा॑तम् ।।
   ऋ॒तस्य योना गर्भे सुजा॑तम् ।।
   ऋ॒तस्य योना गर्भे सुजा॑तम् ।।


Verse: 5 
Halfverse: a    पु॒ष्टिर्न र॒ण्वा क्षि॒तिर्न पृ॒थ्वी गि॒रिर्न भुज्म॒ क्षोदो॒ न श॒म्भु ।
   पु॒ष्टिर्न र॒ण्वा क्षि॒तिर्न पृ॒थ्वी
   पु॒ष्टिः न र॒ण्वा क्षि॒तिः न पृ॒थ्वी
   पु॒ष्टिर् न र॒ण्वा क्षि॒तिर् न पृ॒थ्वी

Halfverse: b    गि॒रिर्न भुज्म॒ क्षोदो॒ न श॒म्भु ।
   गि॒रिः न भुज्म क्षोदः न श॒म्भु ।
   गि॒रिर् न भुज्म क्षोदो न श॒म्भु ।


Verse: 6 
Halfverse: a    अत्यो॒ नाज्म॒न्सर्ग॑प्रतक्तः॒ सिन्धु॒र्न क्षोदः॒ क ईं॑ वराते ।।
   अत्यो॒ नाज्म॒न्सर्ग॑प्रतक्तः
   अत्यः न अज्म॑न् सर्ग॑प्रतक्तः
   अत्यो न अज्म॑न् सर्ग॑प्रतक्तः

Halfverse: b    सिन्धु॒र्न क्षोदः॒ क ईं॑ वराते ।।
   सिन्धुः न क्षोदः कः ई॑म् वराते ।।
   सिन्धु॑र् न क्षोदः क ईं वराते ।।


Verse: 7 
Halfverse: a    जा॒मिः सिन्धू॑ना॒म्भ्राते॑व॒ स्वस्रा॒मिभ्या॒न्न राजा॒ वना॑न्यत्ति ।
   जा॒मिः सिन्धू॑ना॒म्भ्राते॑व॒ स्वस्रा॑म्
   जा॒मिः सिन्धू॑नाम् भ्राता इव स्वस्रा॑म्
   जा॒मिः सिन्धू॑नाम् भ्राते॑व स्वस्रा॑म्

Halfverse: b    इभ्या॒न्न राजा॒ वना॑न्यत्ति ।
   इभ्या॑न् न राजा वना॑नि अत्ति ।
   इभ्या॑न् न राजा वना॑नि अत्ति ।


Verse: 8 
Halfverse: a    यद्वात॑जूतो॒ वना॒ व्यस्था॑द॒ग्निर्ह॑ दाति॒ रोमा॑ पृथि॒व्याः ।।
   यद्वात॑जूतो॒ वना॒ व्यस्था॑द्
   यत् वात॑जूतः वना वि अस्था॑त्
   यद् वात॑जूतो वना वि अस्था॑द्

Halfverse: b    अ॒ग्निर्ह॑ दाति॒ रोमा॑ पृथि॒व्याः ।।
   अ॒ग्निः ह दाति रोम+ पृथि॒व्याः ।।
   अ॒ग्निर् ह दाति रोमा पृथि॒व्याः ।।


Verse: 9 
Halfverse: a    श्वसि॑त्य॒प्सु हं॒सो न सीद॒न्क्रत्वा॒ चेति॑ष्ठो वि॒शामु॑ष॒र्भुत् ।
   श्वसि॑त्य॒प्सु हं॒सो न सीद॑न्
   श्वसि॑ति अ॒प्सु हं॒सः न सीद॑न्
   श्वसि॑ति अ॒प्सु हं॒सो न सीद॑न्

Halfverse: b    क्रत्वा॒ चेति॑ष्ठो वि॒शामु॑ष॒र्भुत् ।
   क्रत्वा चेति॑ष्ठः वि॒शाम् उष॒र्भुत् ।
   क्रत्वा चेति॑ष्ठो वि॒शाम् उष॒र्भुत् ।


Verse: 10 
Halfverse: a    सोमो॒ न वे॒धा ऋ॒तप्र॑जातः प॒शुर्न शिश्वा॑ वि॒भुर्दू॒रेभाः॑ ।।
   सोमो॒ न वे॒धा ऋ॒तप्र॑जातः
   सोमः न वे॒धाः ऋ॒तप्र॑जातः
   सोमो न वे॒धा ऋ॒तप्र॑जातः

Halfverse: b    प॒शुर्न शिश्वा॑ वि॒भुर्दू॒रेभाः॑ ।।
   प॒शुः न शिश्वा वि॒भुः दू॒रेभाः ।।
   प॒शुर् न शिश्वा वि॒भुर् दू॒रेभाः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.