TITUS
Rg-Veda: Rg-Veda-Samhita
Part No. 66
Previous part

Hymn: 66 
Verse: 1 
Halfverse: a    र॒यिर्न चि॒त्रा सूरो॒ न सं॒दृगायु॒र्न प्रा॒णो नित्यो॒ न सू॒नुः ।
   र॒यिर्न चि॒त्रा सूरो॒ न सं॒दृग्
   र॒यिः न चि॒त्रा सूरः न सं॒दृक्
   र॒यिर् न चि॒त्रा सूरो न सं॒दृग्

Halfverse: b    आयु॒र्न प्रा॒णो नित्यो॒ न सू॒नुः ।
   आयुः न प्रा॒णः नित्यः न सू॒नुः ।
   आयु॑र् न प्रा॒णो नित्यो न सू॒नुः ।


Verse: 2 
Halfverse: a    तक्वा॒ न भूर्णि॒र्वना॑ सिषक्ति॒ पयो॒ न धे॒नुः शुचि॑र्वि॒भावा॑ ।।
   तक्वा॒ न भूर्णि॒र्वना॑ सिषक्ति
   तक्वा न भूर्णिः वना सिषक्ति
   तक्वा न भूर्णि॑र् वना सिषक्ति

Halfverse: b    पयो॒ न धे॒नुः शुचि॑र्वि॒भावा॑ ।।
   पयः न धे॒नुः शुचिः वि॒भावा ।।
   पयो न धे॒नुः शुचि॑र् वि॒भावा ।।


Verse: 3 
Halfverse: a    दा॒धार॒ क्षेम॒मोको॒ न र॒ण्वो यवो॒ न प॒क्वो जेता॒ जना॑नाम् ।
   दा॒धार॒ क्षेम॒मोको॒ न र॒ण्वो
   दा॒धार क्षेम॑म् ओकः न र॒ण्वः
   दा॒धार क्षेम॑म् ओको न र॒ण्वो

Halfverse: b    यवो॒ न प॒क्वो जेता॒ जना॑नाम् ।
   यवः न प॒क्वः जेता जना॑नाम् ।
   यवो न प॒क्वो जेता जना॑नाम् ।


Verse: 4 
Halfverse: a    ऋषि॒र्न स्तुभ्वा॑ वि॒क्षु प्र॑श॒स्तो वा॒जी न प्री॒तो वयो॑ दधाति ।।
   ऋषि॒र्न स्तुभ्वा॑ वि॒क्षु प्र॑श॒स्तो
   ऋषिः न स्तुभ्वा वि॒क्षु प्र॑श॒स्तः
   ऋषि॑र् न स्तुभ्वा वि॒क्षु प्र॑श॒स्तो

Halfverse: b    वा॒जी न प्री॒तो वयो॑ दधाति ।।
   वा॒जी न प्री॒तः वयः दधाति ।।
   वा॒जी न प्री॒तो वयो दधाति ।।


Verse: 5 
Halfverse: a    दु॒रोक॑शोचिः॒ क्रतु॒र्न नित्यो॑ जा॒येव॒ योना॒वरं॒ विश्व॑स्मै ।
   दु॒रोक॑शोचिः॒ क्रतु॒र्न नित्यो
   दु॒रोक॑शोचिः क्रतुः न नित्यः
   दु॒रोक॑शोचिः क्रतु॑र् न नित्यो

Halfverse: b    जा॒येव॒ योना॒वरं॒ विश्व॑स्मै ।
   जा॒या इ॑व योनौ अर॑म् विश्व॑स्मै ।
   जा॒येव योना॑व् अरं विश्व॑स्मै ।


Verse: 6 
Halfverse: a    चि॒त्रो यदभ्रा॑ट्छ्वे॒तो न वि॒क्षु रथो॒ न रु॒क्मी त्वे॒षः स॒मत्सु॑ ।।
   चि॒त्रो यदभ्रा॑ट्छ्वे॒तो न वि॒क्षु
   चि॒त्रः यत् अभ्रा॑ट् श्वे॒तः न वि॒क्षु
   चि॒त्रो यद् अभ्रा॑ट् छ्वे॒तो न वि॒क्षु

Halfverse: b    रथो॒ न रु॒क्मी त्वे॒षः स॒मत्सु॑ ।।
   रथः न रु॒क्मी त्वे॒षः स॒मत्सु ।।
   रथो न रु॒क्मी त्वे॒षः स॒मत्सु ।।


Verse: 7 
Halfverse: a    सेने॑व सृ॒ष्टामं॑ दधा॒त्यस्तु॒र्न दि॒द्युत्त्वे॒षप्र॑तीका ।
   सेने॑व सृ॒ष्टामं॑ दधात्य्
   सेना इव सृ॒ष्टा अम॑म् दधाति
   सेने ऽव सृ॒ष्टा अमं दधाति

Halfverse: b    अस्तु॒र्न दि॒द्युत्त्वे॒षप्र॑तीका ।
   अस्तुः न दि॒द्युत् त्वे॒षप्र॑तीका ।
   अस्तु॑र् न दि॒द्युत् त्वे॒षप्र॑तीका ।


Verse: 8 
Halfverse: a    य॒मो ह॑ जा॒तो य॒मो जनि॑त्वं जा॒रः क॒नीना॒म्पति॒र्जनी॑नाम् ।।
   य॒मो ह॑ जा॒तो य॒मो जनि॑त्वं
   य॒मः ह जा॒तः य॒मः जनि॑त्वम्
   य॒मो ह जा॒तो य॒मो जनि॑त्वं

Halfverse: b    जा॒रः क॒नीना॒म्पति॒र्जनी॑नाम् ।।
   जा॒रः क॒नीना॑म् पतिः जनी॑नाम् ।।
   जा॒रः क॒नीना॑म् पति॑र् जनी॑नाम् ।।


Verse: 9 
Halfverse: a    तं व॑श्च॒राथा॑ व॒यं व॑स॒त्यास्तं॒ न गावो॒ नक्ष॑न्त इ॒द्धम् ।
   तं व॑श्च॒राथा॑ व॒यं व॑स॒त्या
   तम् वः च॒राथा व॒यम् वस॒त्या
   तं व॑श् च॒राथा व॒यं व॑स॒त्या

Halfverse: b     अस्तं॒ न गावो॒ नक्ष॑न्त इ॒द्धम् ।
   अस्त॑म् न गावः नक्ष॑न्ते इ॒द्धम् ।
   अस्तं न गावो नक्ष॑न्त इ॒द्धम् ।


Verse: 10 
Halfverse: a    सिन्धु॒र्न क्षोदः॒ प्र नीची॑ऐनो॒न्नव॑न्त॒ गावः॒ स्व॒र्दृशी॑के ।।
   सिन्धु॒र्न क्षोदः॒ प्र नीची॑ऐनोन्
   सिन्धुः न क्षोदः प्र नीचीः ऐनोत्
   सिन्धु॑र् न क्षोदः प्र नीची॑र् ऐनोन्

Halfverse: b    नव॑न्त॒ गावः॒ स्व॒र्दृशी॑के ।।
   नव॑न्त गावः स्व॑र् दृशी॑के ।।
   नव॑न्त गावः सुव॑र् दृशी॑के ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.