TITUS
Rg-Veda: Rg-Veda-Samhita
Part No. 67
Previous part

Hymn: 67 
Verse: 1 
Halfverse: a    वने॑षु जा॒युर्मर्ते॑षु मि॒त्रो वृ॑णी॒ते श्रु॒ष्टिं राजे॑वाजु॒र्यम् ।
   वने॑षु जा॒युर्मर्ते॑षु मि॒त्रो
   वने॑षु जा॒युः मर्ते॑षु मि॒त्रः
   वने॑षु जा॒युर् मर्ते॑षु मि॒त्रो

Halfverse: b    वृ॑णी॒ते श्रु॒ष्टिं राजे॑वाजु॒र्यम् ।
   वृ॑णी॒ते श्रु॒ष्टिम् राजा इव अजु॒र्यम् ।
   वृ॑णी॒ते श्रु॒ष्टिं राजे॑वाजु॒र्यम् ।


Verse: 2 
Halfverse: a    क्षेमो॒ न सा॒धुः क्रतु॒र्न भ॒द्रो भुव॑त्स्वा॒धीर्होता॑ हव्य॒वाट् ।।
   क्षेमो॒ न सा॒धुः क्रतु॒र्न भ॒द्रो
   क्षेमः न सा॒धुः क्रतुः न भ॒द्रः
   क्षेमो न सा॒धुः क्रतु॑र् न भ॒द्रो

Halfverse: b    भुव॑त्स्वा॒धीर्होता॑ हव्य॒वाट् ।।
   भुव॑त् स्वा॒धीः होता हव्य॒वाट् ।।
   भुव॑त् सुआ॒धीर् होता हव्य॒वाट् ।।


Verse: 3 
Halfverse: a    हस्ते॒ दधा॑नो नृ॒म्णा विश्वा॒न्यमे॑ दे॒वान्धा॒द्गुहा॑ नि॒षीद॑न् ।
   हस्ते॒ दधा॑नो नृ॒म्णा विश्वा॑न्य्
   हस्ते दधा॑नः नृ॒म्णा विश्वा॑नि
   हस्ते दधा॑नो नृ॒म्णा विश्वा॑नि

Halfverse: b    अमे॑ दे॒वान्धा॒द्गुहा॑ नि॒षीद॑न् ।
   अमे दे॒वान् धात् गुहा नि॒षीद॑न् ।
   अमे दे॒वान् धाद् गुहा नि॒षीद॑न् ।


Verse: 4 
Halfverse: a    वि॒दन्ती॒मत्र॒ नरो॑ धियं॒धा हृ॒दा यत्त॒ष्टान्मन्त्राँ॒ अशं॑सन् ।।
   वि॒दन्ती॒मत्र॒ नरो॑ धियं॒धा
   वि॒दन्ति ईम् अत्र नरः धियं॒धाः
   वि॒दन्ती॑म् अत्र नरो धियं॒धा

Halfverse: b    हृ॒दा यत्त॒ष्टान्मन्त्राँ॒ अशं॑सन् ।।
   हृ॒दा यत् त॒ष्टान् मन्त्रा॑न् अशं॑सन् ।।
   हृ॒दा यत् त॒ष्टान् मन्त्राँ अशं॑सन् ।।


Verse: 5 
Halfverse: a    अ॒जो न क्षां दा॒धार॑ पृथि॒वीं त॒स्तम्भ॒ द्याम्मन्त्रे॑भिः स॒त्यैः ।
   अ॒जो न क्षां दा॒धार॑ पृथि॒वीं
   अ॒जः न क्षाम् दा॒धार पृथि॒वीम्
   अ॒जो न क्षां दा॒धार पृथि॒वीं

Halfverse: b    त॒स्तम्भ॒ द्याम्मन्त्रे॑भिः स॒त्यैः ।
   त॒स्तम्भ द्याम् मन्त्रे॑भिः स॒त्यैः ।
   त॒स्तम्भ दि॒याम् मन्त्रे॑भिः स॒त्यैः ।


Verse: 6 
Halfverse: a    प्रि॒या प॒दानि॑ प॒श्वो नि पा॑हि वि॒श्वायु॑रग्ने गु॒हा गुहं॑ गाः ।।
   प्रि॒या प॒दानि॑ प॒श्वो नि पा॑हि
   प्रि॒या प॒दानि प॒श्वः नि पा॑हि
   प्रि॒या प॒दानि प॒श्वो नि पा॑हि

Halfverse: b    वि॒श्वायु॑रग्ने गु॒हा गुहं॑ गाः ।।
   वि॒श्वायुः अग्ने गु॒हा गुह॑म् गाः ।।
   वि॒श्वायु॑र् अग्ने गु॒हा गुहं गाः ।।


Verse: 7 
Halfverse: a    य ईं॑ चि॒केत॒ गुहा॒ भव॑न्त॒मा यः स॒साद॒ धारा॑मृ॒तस्य॑ ।
   य ईं॑ चि॒केत॒ गुहा॒ भव॑न्तम्
   यः ई॑म् चि॒केत गुहा भव॑न्तम्
   य ईं चि॒केत गुहा भव॑न्तम्

Halfverse: b    आ यः स॒साद॒ धारा॑मृ॒तस्य॑ ।
   आ यः स॒साद धारा॑म् ऋ॒तस्य ।
   आ यः स॒साद धारा॑म् ऋ॒तस्य ।


Verse: 8 
Halfverse: a    वि ये चृ॒तन्त्यृ॒ता सप॑न्त॒ आदिद्वसू॑नि॒ प्र व॑वाचास्मै ।।
   वि ये चृ॒तन्त्यृ॒ता सप॑न्त
   वि ये चृ॒तन्ति ऋ॒ता सप॑न्तः
   वि ये चृ॒तन्ति ऋ॒ता सप॑न्त

Halfverse: b    आदिद्वसू॑नि॒ प्र व॑वाचास्मै ।।
   आत् इत् वसू॑नि प्र व॑वाच अस्मै ।।
   आद् इद् वसू॑नि प्र व॑वाचास्मै ।।


Verse: 9 
Halfverse: a    वि यो वी॒रुत्सु॒ रोध॑न्महि॒त्वोत प्र॒जा उ॒त प्र॒सूष्व॒न्तः ।
   वि यो वी॒रुत्सु॒ रोध॑न्महि॒त्वा
   वि यः वी॒रुत्सु रोध॑त् महि॒त्वा
   वि यो वी॒रुत्सु रोध॑न् महि॒त्वा

Halfverse: b     उ॒त प्र॒जा उ॒त प्र॒सूष्व॒न्तः ।
   उ॒त प्र॒जाः उ॒त प्र॒सूषु अ॒न्तर् ।
   उ॒त प्र॒जा उ॒त प्र॒सूष्व् अ॒न्तः ।


Verse: 10 
Halfverse: a    चित्ति॑र॒पां दमे॑ वि॒श्वायुः॒ सद्मे॑व॒ धीराः॑ स॒म्माय॑ चक्रुः ।।
   चित्ति॑र॒पां दमे॑ वि॒श्वायुः
   चित्तिः अ॒पाम् दमे वि॒श्वायुः
   चित्ति॑र् अ॒पाअं दमे वि॒श्वायुः

Halfverse: b    सद्मे॑व॒ धीराः॑ स॒म्माय॑ चक्रुः ।।
   सद्म इव धीराः स॒म्माय चक्रुः ।।
   सद्मे॑व धीराः स॒म्माय चक्रुः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.