TITUS
Rg-Veda: Rg-Veda-Samhita
Part No. 68
Previous part

Hymn: 68 
Verse: 1 
Halfverse: a    श्री॒णन्नुप॑ स्था॒द्दिव॑म्भुर॒ण्यु स्था॒तुश्च॒रथ॑म॒क्तून्व्यू॑र्णोत् ।
   श्री॒णन्नुप॑ स्था॒द्दिव॑म्भुर॒ण्यु
   श्री॒णन् उप स्थात् दिव॑म् भुर॒ण्युः
   श्री॒णन्न् उप स्थाद् दिव॑म् भुर॒ण्यु

Halfverse: b    स्था॒तुश्च॒रथ॑म॒क्तून्व्यू॑र्णोत् ।
   स्था॒तुः च॒रथ॑म् अ॒क्तून् वि ऊ॑र्णोत् ।
   स्था॒तुश् च॒रथ॑म् अ॒क्तून् वि ऊ॑र्णोत् ।


Verse: 2 
Halfverse: a    परि॒ यदे॑षा॒मेको॒ विश्वे॑षा॒म्भुव॑द्दे॒वो दे॒वाना॑म्महि॒त्वा ।।
   परि॒ यदे॑षा॒मेको॒ विश्वे॑षाम्
   परि यत् एषाम् एकः विश्वे॑षाम्
   परि यद् एषाम् एको विश्वे॑षाम्

Halfverse: b    भुव॑द्दे॒वो दे॒वाना॑म्महि॒त्वा ।।
   भुव॑त् दे॒वः दे॒वाना॑म् महि॒त्वा ।।
   भुव॑द् दे॒वो दे॒वाना॑म् महि॒त्वा ।।


Verse: 3 
Halfverse: a    आदित्ते॒ विश्वे॒ क्रतुं॑ जुषन्त॒ शुष्का॒द्यद्दे॑व जी॒वो जनि॑ष्ठाः ।
   आदित्ते॒ विश्वे॒ क्रतुं॑ जुषन्त
   आत् इत् ते विश्वे क्रतु॑म् जुषन्त
   आद् इत् ते विश्वे क्रतुं जुषन्त

Halfverse: b    शुष्का॒द्यद्दे॑व जी॒वो जनि॑ष्ठाः ।
   शुष्का॑त् यत् देव जी॒वः जनि॑ष्ठाः ।
   शुष्का॑द् यद् देव जी॒वो जनि॑ष्ठाः ।


Verse: 4 
Halfverse: a    भज॑न्त॒ विश्वे॑ देव॒त्वं नाम॑ ऋ॒तं सप॑न्तो अ॒मृत॒मेवैः॑ ।।
   भज॑न्त॒ विश्वे॑ देव॒त्वं नाम
   भज॑न्त विश्वे देव॒त्वम् नाम
   भज॑न्त विश्वे देव॒त्वं नाम

Halfverse: b    ऋ॒तं सप॑न्तो अ॒मृत॒मेवैः॑ ।।
   ऋ॒तम् सप॑न्तः अ॒मृत॑म् एवैः ।।
   ऋ॒तं सप॑न्तो अ॒मृत॑म् एवैः ।।


Verse: 5 
Halfverse: a    ऋ॒तस्य॒ प्रेषा॑ ऋ॒तस्य॑ धी॒तिर्वि॒श्वायु॒र्विश्वे॒ अपां॑सि चक्रुः ।
   ऋ॒तस्य॒ प्रेषा॑ ऋ॒तस्य॑ धी॒तिर्
   ऋ॒तस्य प्रेषाः ऋ॒तस्य धी॒तिः
   ऋ॒तस्य प्रेषा ऋ॒तस्य धी॒तिर्

Halfverse: b    वि॒श्वायु॒र्विश्वे॒ अपां॑सि चक्रुः ।
   वि॒श्वायुः विश्वे अपां॑सि चक्रुः ।
   वि॒श्वायु॑र् विश्वे अपां॑सि चक्रुः ।


Verse: 6 
Halfverse: a    यस्तुभ्यं॒ दाशा॒द्यो वा॑ ते॒ शिक्षा॒त्तस्मै॑ चिकि॒त्वान्र॒यिं द॑यस्व ।।
   यस्तुभ्यं॒ दाशा॒द्यो वा॑ ते॒ शिक्षा॑त्
   यः तुभ्य॑म् दाशा॑त् यः वा ते शिक्षा॑त्
   यस् तुभ्यं दाशा॑द् यो वा ते शिक्षा॑त्

Halfverse: b    तस्मै॑ चिकि॒त्वान्र॒यिं द॑यस्व ।।
   तस्मै चिकि॒त्वान् र॒यिम् दयस्व ।।
   तस्मै चिकि॒त्वान् र॒यिं द॑यस्व ।।


Verse: 7 
Halfverse: a    होता॒ निष॑त्तो॒ मनो॒रप॑त्ये॒ स चि॒न्न्वा॑सा॒म्पती॑ रयी॒णाम् ।
   होता॒ निष॑त्तो॒ मनो॒रप॑त्ये
   होता निष॑त्तः मनोः अप॑त्ये
   होता निष॑त्तो मनो॑र् अप॑त्ये

Halfverse: b    स चि॒न्न्वा॑सा॒म्पती॑ रयी॒णाम् ।
   स चि॑त् नु आ॑साम् पतिः रयी॒णाम् ।
   स चि॑न् नु आ॑साम् पती रयी॒णाम् ।


Verse: 8 
Halfverse: a    इ॒छन्त॒ रेतो॑ मि॒थस्त॒नूषु॒ सं जा॑नत॒ स्वैर्दक्षै॒रमू॑राः ।।
   इ॒छन्त॒ रेतो॑ मि॒थस्त॒नूषु
   इ॒छन्त रेतः मि॒थः त॒नूषु
   इ॒छन्त रेतो मि॒थस् त॒नूषु

Halfverse: b    सं जा॑नत॒ स्वैर्दक्षै॒रमू॑राः ।।
   सम् जानत स्वैः दक्षैः अमू॑राः ।।
   सं जा॑नत स्वैर् दक्षै॑र् अमू॑राः ।।


Verse: 9 
Halfverse: a    पि॒तुर्न पु॒त्राः क्रतुं॑ जुषन्त॒ श्रोष॒न्ये अ॑स्य॒ शासं॑ तु॒रासः॑ ।
   पि॒तुर्न पु॒त्राः क्रतुं॑ जुषन्त
   पि॒तुः न पु॒त्राः क्रतु॑म् जुषन्त
   पि॒तुर् न पु॒त्राः क्रतुं जुषन्त

Halfverse: b    श्रोष॒न्ये अ॑स्य॒ शासं॑ तु॒रासः॑ ।
   श्रोष॑न् ये अ॑स्य शास॑म् तु॒रासः ।
   श्रोष॑न् ये अ॑स्य शासं तु॒रासः ।


Verse: 10 
Halfverse: a    वि राय॑ और्णो॒द्दुरः॑ पुरु॒क्षुः पि॒पेश॒ नाकं॒ स्तृभि॒र्दमू॑नाः ।।
   वि राय॑ और्णो॒द्दुरः॑ पुरु॒क्षुः
   वि रायः और्णोत् दुरः पुरु॒क्षुः
   वि राय और्णोद् दुरः पुरु॒क्षुः

Halfverse: b    पि॒पेश॒ नाकं॒ स्तृभि॒र्दमू॑नाः ।।
   पि॒पेश नाक॑म् स्तृभिः दमू॑नाः ।।
   पि॒पेश नाकं स्तृभि॑र् दमू॑नाः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.