TITUS
Rg-Veda: Rg-Veda-Samhita
Part No. 69
Previous part

Hymn: 69 
Verse: 1 
Halfverse: a    शु॒क्रः शु॑शु॒क्वाँ उ॒षो न जा॒रः प॒प्रा स॑मी॒ची दि॒वो न ज्योतिः॑ ।
   शु॒क्रः शु॑शु॒क्वाँ उ॒षो न जा॒रः
   शु॒क्रः शु॑शु॒क्वान् उ॒षः न जा॒रः
   शु॒क्रः शु॑शु॒क्वाँ उ॒षो न जा॒रः

Halfverse: b    प॒प्रा स॑मी॒ची दि॒वो न ज्योतिः॑ ।
   प॒प्रा स॑मी॒ची दि॒वः न ज्योतिः ।
   प॒प्रा स॑मी॒ची दि॒वो न ज्योतिः ।


Verse: 2 
Halfverse: a    परि॒ प्रजा॑तः॒ क्रत्वा॑ बभूथ॒ भुवो॑ दे॒वाना॑म्पि॒ता पु॒त्रः सन् ।।
   परि॒ प्रजा॑तः॒ क्रत्वा॑ बभूथ
   परि प्रजा॑तः क्रत्वा बभूथ
   परि प्रजा॑तः क्रत्वा बभूथ

Halfverse: b    भुवो॑ दे॒वाना॑म्पि॒ता पु॒त्रः सन् ।।
   भुवः दे॒वाना॑म् पि॒ता पु॒त्रः सन् ।।
   भुवो दे॒वाना॑म् पि॒ता पु॒त्रः सन् ।।


Verse: 3 
Halfverse: a    वे॒धा अदृ॑प्तो अ॒ग्निर्वि॑जा॒नन्नूध॒र्न गोनां॒ स्वाद्मा॑ पितू॒नाम् ।
   वे॒धा अदृ॑प्तो अ॒ग्निर्वि॑जा॒नन्न्
   वे॒धाः अदृ॑प्तः अ॒ग्निः वि॑जा॒नन्
   वे॒धा अदृ॑प्तो अ॒ग्निर् विजा॒नन्न्

Halfverse: b    ऊध॒र्न गोनां॒ स्वाद्मा॑ पितू॒नाम् ।
   ऊध॑र् न गोना॑म् स्वाद्म+ पितू॒नाम् ।
   ऊध॑र् न गोनां स्वाद्मा पितू॒नाम् ।


Verse: 4 
Halfverse: a    जने॒ न शेव॑ आ॒हूर्यः॒ सन्मध्ये॒ निष॑त्तो र॒ण्वो दु॑रो॒णे ।।
   जने॒ न शेव॑ आ॒हूर्यः॒ सन्
   जने न शेवः आ॒हूर्यः सन्
   जने न शेव आ॒हूरि॑यः सन्

Halfverse: b    मध्ये॒ निष॑त्तो र॒ण्वो दु॑रो॒णे ।।
   मध्ये निष॑त्तः र॒ण्वः दु॑रो॒णे ।।
   मध्ये निष॑त्तो र॒ण्वो दु॑रो॒णे ।।


Verse: 5 
Halfverse: a    पु॒त्रो न जा॒तो र॒ण्वो दु॑रो॒णे वा॒जी न प्री॒तो विशो॒ वि ता॑रीत् ।
   पु॒त्रो न जा॒तो र॒ण्वो दु॑रो॒णे
   पु॒त्रः न जा॒तः र॒ण्वः दु॑रो॒णे
   पु॒त्रो न जा॒तो र॒ण्वो दु॑रो॒णे

Halfverse: b    वा॒जी न प्री॒तो विशो॒ वि ता॑रीत् ।
   वा॒जी न प्री॒तः विशः वि ता॑रीत् ।
   वा॒जी न प्री॒तो विशो वि ता॑रीत् ।


Verse: 6 
Halfverse: a    विशो॒ यदह्वे॒ नृभिः॒ सनी॑ळा अ॒ग्निर्दे॑व॒त्वा विश्वा॑न्यश्याः ।।
   विशो॒ यदह्वे॒ नृभिः॒ सनी॑ळा
   विशः यत् अह्वे नृभिः सनी॑ळाः
   विशो यद् अह्वे नृभिः सनी॑ळा

Halfverse: b    अ॒ग्निर्दे॑व॒त्वा विश्वा॑न्यश्याः ।।
   अ॒ग्निः दे॑व॒त्वा विश्वा॑नि अश्याः ।।
   अ॒ग्निर् देव॒त्वा विश्वा॑नि अश्याः ।।


Verse: 7 
Halfverse: a    नकि॑ष्ट ए॒ता व्र॒ता मि॑नन्ति॒ नृभ्यो॒ यदे॒भ्यः श्रु॒ष्टिं च॒कर्थ॑ ।
   नकि॑ष्ट ए॒ता व्र॒ता मि॑नन्ति
   नकिः ते ए॒ता व्र॒ता मि॑नन्ति
   नकि॑ष् ट ए॒ता व्र॒ता मि॑नन्ति

Halfverse: b    नृभ्यो॒ यदे॒भ्यः श्रु॒ष्टिं च॒कर्थ॑ ।
   नृभ्यः यत् ए॒भ्यः श्रु॒ष्टिम् च॒कर्थ ।
   नृभ्यो यद् ए॒भ्यः श्रु॒ष्टिं च॒कर्थ ।


Verse: 8 
Halfverse: a    तत्तु ते॒ दंसो॒ यदह॑न्समा॒नैर्नृभि॒र्यद्यु॒क्तो वि॒वे रपां॑सि ।।
   तत्तु ते॒ दंसो॒ यदह॑न्समा॒नैर्
   तत् तु ते दंसः यत् अह॑न् समा॒नैः
   तत् तु ते दंसो यद् अह॑न् समा॒नैर्

Halfverse: b    नृभि॒र्यद्यु॒क्तो वि॒वे रपां॑सि ।।
   नृभिः यत् यु॒क्तः वि॒वेः अपां॑सि ! ।।
   नृभि॑र् यद् यु॒क्तो वि॒वे रपां॑सि ।।


Verse: 9 
Halfverse: a    उ॒षो न जा॒रो वि॒भावो॒स्रः संज्ञा॑तरूप॒श्चिके॑तदस्मै ।
   उ॒षो न जा॒रो वि॒भावो॒स्रः
   उ॒षः न जा॒रः वि॒भावा उ॒स्रः
   उ॒षो न जा॒रो वि॒भावा उ॒स्रः

Halfverse: b    संज्ञा॑तरूप॒श्चिके॑तदस्मै ।
   संज्ञा॑तरूपः चिके॑तत् अस्मै ।
   संज्ञा॑तरूपश् चिके॑तद् अस्मै ।


Verse: 10 
Halfverse: a    त्मना॒ वह॑न्तो॒ दुरो॒ व्यृ॑ण्व॒न्नव॑न्त॒ विश्वे॒ स्व॒र्दृशी॑के ।।
   त्मना॒ वह॑न्तो॒ दुरो॒ व्यृ॑ण्वन्
   त्मना वह॑न्तः दुरः वि ऋ॑ण्वन्
   त्मना वह॑न्तो दुरो वि ऋ॑ण्वन्

Halfverse: b    नव॑न्त॒ विश्वे॒ स्व॒र्दृशी॑के ।।
   नव॑न्त विश्वे स्व॑र् दृशी॑के ।।
   नव॑न्त विश्वे सुव॑र् दृशी॑के ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.