TITUS
Rg-Veda: Rg-Veda-Samhita
Part No. 72
Previous part

Hymn: 72 
Verse: 1 
Halfverse: a    नि काव्या॑ वे॒धसः॒ शश्व॑तस्क॒र्हस्ते॒ दधा॑नो॒ नर्या॑ पु॒रूणि॑ ।
   नि काव्या॑ वे॒धसः॒ शश्व॑तस्कर्
   नि काव्या वे॒धसः शश्व॑तः कर्
   नि कावि॑या वे॒धसः शश्व॑तस् कर्

Halfverse: b    हस्ते॒ दधा॑नो॒ नर्या॑ पु॒रूणि॑ ।
   हस्ते दधा॑नः नर्या पु॒रूणि ।
   हस्ते दधा॑नो नरि॑या पु॒रूणि ।

Halfverse: c    अ॒ग्निर्भु॑वद्रयि॒पती॑ रयी॒णां स॒त्रा च॑क्रा॒णो अ॒मृता॑नि॒ विश्वा॑ ।।
   अ॒ग्निर्भु॑वद्रयि॒पती॑ रयी॒णां
   अ॒ग्निः भु॑वत् रयि॒पतिः रयी॒णाम्
   अ॒ग्निर् भुवद् रयि॒पती रयी॒णां

Halfverse: d    स॒त्रा च॑क्रा॒णो अ॒मृता॑नि॒ विश्वा॑ ।!। ।।
   स॒त्रा च॑क्रा॒णः अ॒मृता॑नि विश्वा ।।
   स॒त्रा च॑क्रा॒णो अ॒मृता॑नि विश्वा ।।


Verse: 2 
Halfverse: a    अ॒स्मे व॒त्सम्परि॒ षन्तं॒ न वि॑न्दन्नि॒छन्तो॒ विश्वे॑ अ॒मृता॒ अमू॑राः ।
   अ॒स्मे व॒त्सम्परि॒ षन्तं॒ न वि॑न्दन्न्
   अ॒स्मे व॒त्सम् परि सन्त॑म् न वि॑न्दन्
   अ॒स्मे व॒त्सम् परि षन्तं न वि॑न्दन्न्

Halfverse: b    इ॒छन्तो॒ विश्वे॑ अ॒मृता॒ अमू॑राः ।
   इ॒छन्तः विश्वे अ॒मृताः अमू॑राः ।
   इ॒छन्तो विश्वे अ॒मृता अमू॑राः ।

Halfverse: c    श्र॑म॒युवः॑ पद॒व्यो॑ धियं॒धास्त॒स्थुः प॒दे प॑र॒मे चार्व॒ग्नेः ।।
   श्र॑म॒युवः॑ पद॒व्यो॑ धियं॒धास्
   श्रम॒युवः पद॒व्यः धियं॒धाः
   श्र॑म॒युवः पद॒वियो धियं॒धास्

Halfverse: d    त॒स्थुः प॒दे प॑र॒मे चार्व॒ग्नेः ।।
   त॒स्थुः प॒दे प॑र॒मे चारु अ॒ग्नेः ।।
   त॒स्थुः प॒दे प॑र॒मे चारु अ॒ग्नेः ।।


Verse: 3 
Halfverse: a    ति॒स्रो यद॑ग्ने श॒रद॒स्त्वामिच्छुचिं॑ घृ॒तेन॒ शुच॑यः सप॒र्यान् ।
   ति॒स्रो यद॑ग्ने श॒रद॒स्त्वामिच्
   ति॒स्रः यत् अग्ने श॒रदः त्वाम् इत्
   ति॒स्रो यद् अग्ने श॒रद॑स् तु॒वाम् इच्

Halfverse: b    छुचिं॑ घृ॒तेन॒ शुच॑यः सप॒र्यान् ।
   शुचि॑म् घृ॒तेन शुच॑यः सप॒र्यान् ।
   छुचिं घृ॒तेन शुच॑यः सप॒र्यान् ।

Halfverse: c    नामा॑नि चिद्दधिरे य॒ज्ञिया॒न्यसू॑दयन्त त॒न्वः॒ सुजा॑ताः ।।
   नामा॑नि चिद्दधिरे य॒ज्ञिया॑न्य्
   नामा॑नि चित् दधिरे य॒ज्ञिया॑नि
   नामा॑नि चिद् दधिरे य॒ज्ञिया॑नि

Halfverse: d    असू॑दयन्त त॒न्वः॒ सुजा॑ताः ।।
   असू॑दयन्त त॒न्वः सुजा॑ताः ।।
   असू॑दयन्त त॒नुवः सुजा॑ताः ।।


Verse: 4 
Halfverse: a    आ रोद॑सी बृह॒ती वेवि॑दानाः॒ प्र रु॒द्रिया॑ जभ्रिरे य॒ज्ञिया॑सः ।
   आ रोद॑सी बृह॒ती वेवि॑दानाः
   आ रोद॑सी बृह॒ती वेवि॑दानाः
   आ रोद॑सी बृह॒ती वेवि॑दानाः

Halfverse: b    प्र रु॒द्रिया॑ जभ्रिरे य॒ज्ञिया॑सः ।
   प्र रु॒द्रिया जभ्रिरे य॒ज्ञिया॑सः ।
   प्र रु॒द्रिया जभ्रिरे य॒ज्ञिया॑सः ।

Halfverse: c    वि॒दन्मर्तो॑ ने॒मधि॑ता चिकि॒त्वान॒ग्निम्प॒दे प॑र॒मे त॑स्थि॒वांस॑म् ।।
   वि॒दन्मर्तो॑ ने॒मधि॑ता चिकि॒त्वान्
   वि॒दत् मर्तः ने॒मधि॑ता चिकि॒त्वान्
   वि॒दन् मर्तो ने॒मधि॑ता चिकि॒त्वान्

Halfverse: d    अ॒ग्निम्प॒दे प॑र॒मे त॑स्थि॒वांस॑म् ।।
   अ॒ग्निम् प॒दे प॑र॒मे त॑स्थि॒वांस॑म् ।।
   अ॒ग्निम् प॒दे प॑र॒मे त॑स्थि॒वांस॑म् ।।


Verse: 5 
Halfverse: a    सं॑जाना॒ना उप॑ सीदन्नभि॒ज्ञु पत्नी॑वन्तो नम॒स्यं॑ नमस्यन् ।
   सं॑जाना॒ना ।!। उप॑ सीदन्नभि॒ज्ञु
   सं॑जाना॒नाः उप सीदन् अभि॒ज्ञु
   सं॑जाना॒ना उप सीदन्न् अभि॒ज्ञु

Halfverse: b    पत्नी॑वन्तो नम॒स्यं॑ नमस्यन् ।
   पत्नी॑वन्तः नम॒स्य॑म् नमस्यन् ।
   पत्नी॑वन्तो नम॒सियं नमस्यन् ।

Halfverse: c    रि॑रि॒क्वांस॑स्त॒न्वः॑ कृण्वत॒ स्वाः सखा॒ सख्यु॑र्नि॒मिषि॒ रक्ष॑माणाः ।।
   रि॑रि॒क्वांस॑स्त॒न्वः॑ कृण्वत॒ स्वाः
   रि॑रि॒क्वांसः त॒न्वः कृण्वत स्वाः
   रि॑रि॒क्वांस॑स् त॒नुवः कृण्वत स्वाः

Halfverse: d    सखा॒ सख्यु॑र्नि॒मिषि॒ रक्ष॑माणाः ।।
   सखा सख्युः नि॒मिषि रक्ष॑माणाः ।।
   सखा सख्यु॑र् नि॒मिषि रक्ष॑माणाः ।।


Verse: 6 
Halfverse: a    त्रिः स॒प्त यद्गुह्या॑नि॒ त्वे इत्प॒दावि॑द॒न्निहि॑ता य॒ज्ञिया॑सः ।
   त्रिः स॒प्त यद्गुह्या॑नि॒ त्वे इत्
   त्रिः स॒प्त यत् गुह्या॑नि त्वे इत्
   त्रिः स॒प्त यद् गुहि॑यानि तु॒वे इत्

Halfverse: b    प॒दावि॑द॒न्निहि॑ता य॒ज्ञिया॑सः ।
   प॒दा अवि॑दन् ! निहि॑ता य॒ज्ञिया॑सः ।
   प॒दावि॑दन् निहि॑ता य॒ज्ञिया॑सः ।

Halfverse: c    तेभी॑ रक्षन्ते अ॒मृतं॑ स॒जोषाः॑ प॒शूञ्च॑ स्था॒तॄञ्च॒रथं॑ च पाहि ।।
   तेभी॑ रक्षन्ते अ॒मृतं॑ स॒जोषाः
   तेभिः रक्षन्ते अ॒मृत॑म् स॒जोषाः
   तेभी रक्षन्ते अ॒मृतं स॒जोषाः

Halfverse: d    प॒शूञ्च॑ स्था॒तॄञ्च॒रथं॑ च पाहि ।।
   प॒शून् च स्था॒तॄन् च॒रथ॑म् च पाहि ।।
   प॒शूञ् च स्था॒तॄञ् च॒रथं च पाहि ।।


Verse: 7 
Halfverse: a    वि॒द्वाँ अ॑ग्ने व॒युना॑नि क्षिती॒नां व्या॑नु॒षक्छु॒रुधो॑ जी॒वसे॑ धाः ।
   वि॒द्वाँ अ॑ग्ने व॒युना॑नि क्षिती॒नां
   वि॒द्वान् अग्ने व॒युना॑नि क्षिती॒नाम्
   वि॒द्वाँ अ॑ग्ने व॒युना॑नि क्षिती॒नां

Halfverse: b    व्या॑नु॒षक्छु॒रुधो॑ जी॒वसे॑ धाः ।
   वि आ॑नु॒षक् शु॒रुधः जी॒वसे धाः ।
   वि आ॑नु॒षक् छु॒रुधो जी॒वसे धाः ।

Halfverse: c    अ॑न्तर्वि॒द्वाँ अध्व॑नो देव॒याना॒नत॑न्द्रो दू॒तो अ॑भवो हवि॒र्वाट् ।।
   अ॑न्तर्वि॒द्वाँ अध्व॑नो देव॒याना॑न्
   अन्तर्वि॒द्वान् अध्व॑नः देव॒याना॑न्
   अन्तर्वि॒द्वाँ अध्व॑नो देव॒याना॑न्

Halfverse: d    अत॑न्द्रो दू॒तो अ॑भवो हवि॒र्वाट् ।।
   अत॑न्द्रः दू॒तः अ॑भवः हवि॒र्वाट् ।।
   अत॑न्द्रो दू॒तो अ॑भवो हवि॒र्वाट् ।।


Verse: 8 
Halfverse: a    स्वा॒ध्यो॑ दि॒व आ स॒प्त य॒ह्वी रा॒यो दुरो॒ व्यृ॑त॒ज्ञा अ॑जानन् ।
   स्वा॒ध्यो॑ दि॒व आ स॒प्त य॒ह्वी
   स्वा॒ध्यः दि॒वः आ स॒प्त य॒ह्वीः
   सुआ॒धियो दि॒व आ स॒प्त य॒ह्वी

Halfverse: b    रा॒यो दुरो॒ व्यृ॑त॒ज्ञा अ॑जानन् ।
   रा॒यः दुरः वि ऋ॑त॒ज्ञाः अ॑जानन् ।
   रा॒यो दुरो वि ऋ॑त॒ज्ञा अ॑जानन् ।

Halfverse: c    वि॒दद्गव्यं॑ स॒रमा॑ दृ॒ऴमू॒र्वं येना॒ नु क॒म्मानु॑षी॒ भोज॑ते॒ विट् ।।
   वि॒दद्गव्यं॑ स॒रमा॑ दृ॒ऴमू॒र्वं
   वि॒दत् गव्य॑म् स॒रमा दृ॒ऴम् ऊ॒र्वम्
   वि॒दद् गव्यं स॒रमा दृ॒ऴम् ऊ॒र्वं

Halfverse: d    येना॒ नु क॒म्मानु॑षी॒ भोज॑ते॒ विट् ।।
   येन+ नु क॑म् मानु॑षी भोज॑ते विट् ।।
   येना नु क॑म् मानु॑षी भोज॑ते विट् ।।


Verse: 9 
Halfverse: a    आ ये विश्वा॑ स्वप॒त्यानि॑ त॒स्थुः कृ॑ण्वा॒नासो॑ अमृत॒त्वाय॑ गा॒तुम् ।
   आ ये विश्वा॑ स्वप॒त्यानि॑ त॒स्थुः
   आ ये विश्वा स्वप॒त्यानि त॒स्थुः
   आ ये विश्वा स्वपति॒यानि त॒स्थुः

Halfverse: b    कृ॑ण्वा॒नासो॑ अमृत॒त्वाय॑ गा॒तुम् ।
   कृ॑ण्वा॒नासः अमृत॒त्वाय गा॒तुम् ।
   कृ॑ण्वा॒नासो अमृत॒त्वाय गा॒तुम् ।

Halfverse: c    म॒ह्ना म॒हद्भिः॑ पृथि॒वी वि त॑स्थे मा॒ता पु॒त्रैरदि॑ति॒र्धाय॑से॒ वेः ।।
   म॒ह्ना म॒हद्भिः॑ पृथि॒वी वि त॑स्थे
   म॒ह्ना म॒हद्भिः पृथि॒वी वि त॑स्थे
   म॒ह्ना म॒हद्भिः पृथि॒वी वि त॑स्थे

Halfverse: d    मा॒ता पु॒त्रैरदि॑ति॒र्धाय॑से॒ वेः ।।
   मा॒ता पु॒त्रैः अदि॑तिः धाय॑से वेः ।।
   मा॒ता पु॒त्रैर् अदि॑तिर् धाय॑से वेः ।।


Verse: 10 
Halfverse: a    अधि॒ श्रियं॒ नि द॑धु॒श्चारु॑मस्मिन्दि॒वो यद॒क्षी अ॒मृता॒ अकृ॑ण्वन् ।
   अधि॒ श्रियं॒ नि द॑धु॒श्चारु॑मस्मिन्
   अधि श्रिय॑म् नि द॑धुः चारु॑म् अस्मिन्
   अधि श्रियं नि द॑धुश् चारु॑म् अस्मिन्

Halfverse: b    दि॒वो यद॒क्षी अ॒मृता॒ अकृ॑ण्वन् ।
   दि॒वः यत् अ॒क्षी अ॒मृताः अकृ॑ण्वन् ।
   दि॒वो यद् अ॒क्षी अ॒मृता अकृ॑ण्वन् ।

Halfverse: c    अध॑ क्षरन्ति॒ सिन्ध॑वो॒ न सृ॒ष्टाः प्र नीची॑रग्ने॒ अरु॑षीरजानन् ।।
   अध॑ क्षरन्ति॒ सिन्ध॑वो॒ न सृ॒ष्टाः
   अध क्षरन्ति सिन्ध॑वः न सृ॒ष्टाः
   अध क्षरन्ति सिन्ध॑वो न सृ॒ष्टाः

Halfverse: d    प्र नीची॑रग्ने॒ अरु॑षीरजानन् ।।
   प्र नीचीः अग्ने अरु॑षीः अजानन् ।।
   प्र नीची॑र् अग्ने अरु॑षीर् अजानन् ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.