TITUS
Rg-Veda: Rg-Veda-Samhita
Part No. 81
Previous part

Hymn: 81 
Verse: 1 
Halfverse: a    इन्द्रो॒ मदा॑य वावृधे॒ शव॑से वृत्र॒हा नृभिः॑ ।
   इन्द्रो॒ मदा॑य वावृधे
   इन्द्रः मदा॑य वावृधे
   इन्द्रो मदा॑य वावृधे

Halfverse: b    शव॑से वृत्र॒हा नृभिः॑ ।
   शव॑से वृत्र॒हा नृभिः ।
   शव॑से वृत्र॒हा नृभिः ।

Halfverse: c    तमिन्म॒हत्स्वा॒जिषू॒तेमर्भे॑ हवामहे॒ स वाजे॑षु॒ प्र नो॑ ऽविषत् ।।
   तमिन्म॒हत्स्वा॒जिषु
   तम् इत् म॒हत्सु आ॒जिषु
   तम् इन् म॒हत्सु आ॒जिषु

Halfverse: d     ॑उ॒तेमर्भे॑ हवामहे
   उ॒त ई॑म् अर्भे हवामहे
   उ॒तेम् अर्भे हवामहे

Halfverse: e    स वाजे॑षु॒ प्र नो॑ ऽविषत् ।।
   स वाजे॑षु प्र नः अविषत् ।।
   स वाजे॑षु प्र नो ऽविषत् ।।


Verse: 2 
Halfverse: a    असि॒ हि वी॑र॒ सेन्यो ऽसि॒ भूरि॑ पराद॒दिः ।
   असि॒ हि वी॑र॒ सेन्यो
   असि हि वी॑र सेन्यः
   असि हि वी॑र सेनि॑यो

Halfverse: b    ऽसि॒ भूरि॑ पराद॒दिः ।
   असि भूरि पराद॒दिः ।
   असि भूरि पराद॒दिः ।

Halfverse: c    असि॑ द॒भ्रस्य॑ चिद्वृ॒धो यज॑मानाय शिक्षसि सुन्व॒ते भूरि॑ ते॒ वसु॑ ।।
   असि॑ द॒भ्रस्य॑ चिद्वृ॒धो
   असि द॒भ्रस्य चित् वृ॒धः
   असि द॒भ्रस्य चिद् वृ॒धो

Halfverse: d    यज॑मानाय शिक्षसि
   यज॑मानाय शिक्षसि
   यज॑मानाय शिक्षसि

Halfverse: e    सुन्व॒ते भूरि॑ ते॒ वसु॑ ।।
   सु॑न्व॒ते भूरि ते वसु ।।
   सु॑न्व॒ते भूरि ते वसु ।।


Verse: 3 
Halfverse: a    यदु॒दीर॑त आ॒जयो॑ धृ॒ष्णवे॑ धीयते॒ धना॑ ।
   यदु॒दीर॑त आ॒जयो
   यत् उ॒दीर॑ते आ॒जयः
   यद् उ॒दीर॑त आ॒जयो

Halfverse: b    धृ॒ष्णवे॑ धीयते॒ धना॑ ।
   धृ॒ष्णवे धीयते धना ।
   धृ॒ष्णवे धीयते धना ।

Halfverse: c    यु॒क्ष्वा म॑द॒च्युता॒ हरी॒ कं हनः॒ कं वसौ॑ दधो॒ ऽस्माँ इ॑न्द्र॒ वसौ॑ दधः ।।
   यु॒क्ष्वा म॑द॒च्युता॒ हरी
   यु॒क्ष्व+ म॑द॒च्युता हरी
   यु॒क्ष्वा म॑द॒च्युता हरी

Halfverse: d    कं हनः॒ कं वसौ॑ दधो
   कम् हनः कम् वसौ दधः
   कं हनः कं वसौ दधो

Halfverse: e    ऽस्माँ इ॑न्द्र॒ वसौ॑ दधः ।।
   अ॒स्मान् इन्द्र वसौ दधः ।।
   अ॒स्माँ इ॑न्द्र वसौ दधः ।।


Verse: 4 
Halfverse: a    क्रत्वा॑ म॒हाँ अ॑नुष्व॒धम्भी॒म आ वा॑वृधे॒ शवः॑ ।
   क्रत्वा॑ म॒हाँ अ॑नुष्व॒धम्
   क्रत्वा म॒हान् अनुष्व॒धम्
   क्रत्वा म॒हाँ अ॑नुष्व॒धम्

Halfverse: b    भी॒म आ वा॑वृधे॒ शवः॑ ।
   भी॒मः आ वा॑वृधे शवः ।
   भी॒म आ वा॑वृधे शवः ।

Halfverse: c    श्रि॒य ऋ॒ष्व उ॑पा॒कयो॒र्नि शि॒प्री हरि॑वान्दधे॒ हस्त॑यो॒र्वज्र॑माय॒सम् ।।
   श्रि॒य ऋ॒ष्व उ॑पा॒कयो॑र्
   श्रि॒ये ऋ॒ष्वः उ॑पा॒कयोः
   श्रि॒य ऋ॒ष्व उ॑पा॒कयो॑र्

Halfverse: d    नि शि॒प्री हरि॑वान्दधे
   नि शि॒प्री हरि॑वान् दधे
   नि शि॒प्री हरि॑वान् दधे

Halfverse: e    हस्त॑यो॒र्वज्र॑माय॒सम् ।।
   हस्त॑योः वज्र॑म् आय॒सम् ।।
   हस्त॑योर् वज्र॑म् आय॒सम् ।।


Verse: 5 
Halfverse: a    आ प॑प्रौ॒ पार्थि॑वं॒ रजो॑ बद्ब॒धे रो॑च॒ना दि॒वि ।
   आ प॑प्रौ॒ पार्थि॑वं॒ रजो
   आ प॑प्रौ पार्थि॑वम् रजः
   आ प॑प्रौ पार्थि॑वं रजो

Halfverse: b    बद्ब॒धे रो॑च॒ना दि॒वि ।
   ब॑द्ब॒धे रो॑च॒ना दि॒वि ।
   ब॑द्ब॒धे रो॑च॒ना दि॒वि ।

Halfverse: c    न त्वावाँ॑ इन्द्र॒ कश्च॒न न जा॒तो न ज॑निष्य॒ते ऽति॒ विश्वं॑ ववक्षिथ ।।
   न त्वावाँ॑ इन्द्र॒ कश्च॒न
   न त्वावा॑न् इन्द्र कः च॒न
   न त्वावाँ इन्द्र कश् च॒न

Halfverse: d    न जा॒तो न ज॑निष्य॒ते
   न जा॒तः न ज॑निष्यते
   न जा॒तो न ज॑निष्यते

Halfverse: e    ऽति॒ विश्वं॑ ववक्षिथ ।।
   अति विश्व॑म् ववक्षिथ ।।
   अति विश्वं ववक्षिथ ।।


Verse: 6 
Halfverse: a    यो अ॒र्यो म॑र्त॒भोज॑नम्परा॒ददा॑ति दा॒शुषे॑ ।
   यो अ॒र्यो म॑र्त॒भोज॑नम्
   यः अ॒र्यः म॑र्त॒भोज॑नम्
   यो अ॒र्यो म॑र्त॒भोज॑नम्

Halfverse: b    परा॒ददा॑ति दा॒शुषे॑ ।
   प॑रा॒ददा॑ति दा॒शुषे ।
   प॑रा॒ददा॑ति दा॒शुषे ।

Halfverse: c    इन्द्रो॑ अ॒स्मभ्यं॑ शिक्षतु॒ वि भ॑जा॒ भूरि॑ ते॒ वसु॑ भक्षी॒य तव॒ राध॑सः ।।
   इन्द्रो॑ अ॒स्मभ्यं॑ शिक्षतु
   इन्द्रः अ॒स्मभ्य॑म् शिक्षतु
   इन्द्रो अ॒स्मभ्य* शिक्षतु

Halfverse: d    वि भ॑जा॒ भूरि॑ ते॒ वसु
   वि भ॑ज+ भूरि ते वसु
   वि भ॑जा भूरि ते वसु

Halfverse: e    भक्षी॒य तव॒ राध॑सः ।।
   भ॑क्षी॒य तव राध॑सः ।।
   भ॑क्षी॒य तव राध॑सः ।।


Verse: 7 
Halfverse: a    मदे॑मदे॒ हि नो॑ द॒दिर्यू॒था गवा॑मृजु॒क्रतुः॑ ।
   मदे॑मदे॒ हि नो॑ द॒दिर्
   मदे॑मदे हि नः द॒दिः
   मदे॑मदे हि नो द॒दिर्

Halfverse: b    यू॒था गवा॑मृजु॒क्रतुः॑ ।
   यू॒था गवा॑म् ऋजु॒क्रतुः ।
   यू॒था गवा॑म् ऋजु॒क्रतुः ।

Halfverse: c    सं गृ॑भाय पु॒रू श॒तोभ॑याह॒स्त्या वसु॑ शिशी॒हि रा॒य आ भ॑र ।।
   सं गृ॑भाय पु॒रू श॒ता
   सम् गृभाय पु॒रु+ श॒ता
   सं गृ॑भाय पु॒रू श॒ता

Halfverse: d     उ॑भयाह॒स्त्या वसु
   उभयाह॒स्त्या वसु
   उभयाहस्ति॒या वसु

Halfverse: e    शिशी॒हि रा॒य आ भ॑र ।।
   शि॑शी॒हि रा॒यः आ भ॑र ।।
   शि॑शी॒हि रा॒य आ भ॑र ।।


Verse: 8 
Halfverse: a    मा॒दय॑स्व सु॒ते सचा॒ शव॑से शूर॒ राध॑से ।
   मा॒दय॑स्व सु॒ते सचा
   मा॒दय॑स्व सु॒ते सचा
   मा॒दय॑स्व सु॒ते सचा

Halfverse: b    शव॑से शूर॒ राध॑से ।
   शव॑से शूर राध॑से ।
   शव॑से शूर राध॑से ।

Halfverse: c    वि॒द्मा हि त्वा॑ पुरू॒वसु॒मुप॒ कामा॑न्ससृ॒ज्महे ऽथा॑ नो ऽवि॒ता भ॑व ।।
   वि॒द्मा हि त्वा॑ पुरू॒वसु॑म्
   वि॒द्म+ हि त्वा पुरू॒वसु॑म्
   वि॒द्मा हि त्वा पुरू॒वसु॑म्

Halfverse: d    उप॒ कामा॑न्ससृ॒ज्महे
   उप कामा॑न् ससृ॒ज्महे
   उप कामा॑न् ससृ॒ज्महे

Halfverse: e    ऽथा नो ऽवि॒ता भ॑व ।।
   अथ+ नः अवि॒ता भ॑व ।।
   अथा नो अवि॒ता भ॑व ।।


Verse: 9 
Halfverse: a    ए॒ते त॑ इन्द्र ज॒न्तवो॒ विश्व॑म्पुष्यन्ति॒ वार्य॑म् ।
   ए॒ते त॑ इन्द्र ज॒न्तवो
   ए॒ते ते इन्द्र ज॒न्तवः
   ए॒ते त इन्द्र ज॒न्तवो

Halfverse: b    विश्व॑म्पुष्यन्ति॒ वार्य॑म् ।
   विश्व॑म् पुष्यन्ति वार्य॑म् ।
   विश्व॑म् पुष्यन्ति वारि॑यम् ।

Halfverse: c    अ॒न्तर्हि ख्यो जना॑नाम॒र्यो वेदो॒ अदा॑शुषां॒ तेषां॑ नो॒ वेद॒ आ भ॑र ।।
   अ॒न्तर्हि ख्यो जना॑नाम्
   अ॒न्तर् हि ख्यः जना॑नाम्
   अ॒न्तर् हि ख्यो जना॑नाअम्

Halfverse: d    अ॒र्यो वेदो॒ अदा॑शुषां
   अ॒र्यः वेदः अदा॑शुषाम्
   अ॒र्यो वेदो अदा॑शुषां

Halfverse: e    तेषां॑ नो॒ वेद॒ आ भ॑र ।।
   तेषा॑म् नः वेदः आ भ॑र ।।
   तेषां नो वेद आ भ॑र ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.