TITUS
Rg-Veda: Rg-Veda-Samhita
Part No. 82
Previous part

Hymn: 82 
Verse: 1 
Halfverse: a    उपो॒ षु शृ॑णु॒ही गिरो॒ मघ॑व॒न्मात॑था इव ।
   उपो॒ षु शृ॑णु॒ही गिरो
   उप उ सु शृ॑णु॒हि+ गिरः
   उपो षु शृ॑णु॒ही गिरो

Halfverse: b    मघ॑व॒न्मात॑था इव ।
   मघ॑वन् मा अत॑थाः इव ।
   मघ॑वन् मात॑था इव ।

Halfverse: c    य॒दा नः॑ सू॒नृता॑वतः॒ कर॒ आद॒र्थया॑स॒ इद्योजा॒ न्वि॑न्द्र ते॒ हरी॑ ।।
   य॒दा नः॑ सू॒नृता॑वतः
   य॒दा नः सू॒नृता॑वतः
   य॒दा नः सू॒नृता॑वतः

Halfverse: d    कर॒ आद॒र्थया॑स॒ इद्
   करः आत् अ॒र्थया॑से इत्
   कर आद् अ॒र्थया॑स इद्

Halfverse: e    योजा॒ न्वि॑न्द्र ते॒ हरी॑ ।।
   योजा ! नु इ॑न्द्र ते हरी ।।
   योजा नु इ॑न्द्र ते हरी ।।


Verse: 2 
Halfverse: a    अक्ष॒न्नमी॑मदन्त॒ ह्यव॑ प्रि॒या अ॑धूषत ।
   अक्ष॒न्नमी॑मदन्त ह्य्
   अक्ष॑न् अमी॑मदन्त हि
   अक्ष॑न्न् अमी॑मदन्त हि

Halfverse: b    अव॑ प्रि॒या अ॑धूषत ।
   अव प्रि॒याः अ॑धूषत ।
   अव प्रि॒या अ॑धूषत ।

Halfverse: c    अस्तो॑षत॒ स्वभा॑नवो॒ विप्रा॒ नवि॑ष्ठया म॒ती योजा॒ न्वि॑न्द्र ते॒ हरी॑ ।।
   अस्तो॑षत॒ स्वभा॑नवो
   अस्तो॑षत स्वभा॑नवः
   अस्तो॑षत स्वभा॑नवो

Halfverse: d    विप्रा॒ नवि॑ष्ठया म॒ती
   विप्राः नवि॑ष्ठया म॒ती
   विप्रा नवि॑ष्ठया म॒ती

Halfverse: e    योजा॒ न्वि॑न्द्र ते॒ हरी॑ ।।
   योजा ! नु इ॑न्द्र ते हरी ।।
   योजा नु इ॑न्द्र ते हरी ।।


Verse: 3 
Halfverse: a    सु॑सं॒दृशं॑ त्वा व॒यम्मघ॑वन्वन्दिषी॒महि॑ ।
   सु॑सं॒दृशं॑ त्वा व॒यम्
   सुसं॒दृश॑म् त्वा व॒यम्
   सुसं॒दृशं तुवा व॒यम्

Halfverse: b    मघ॑वन्वन्दिषी॒महि॑ ।
   मघ॑वन् वन्दिषी॒महि ।
   मघ॑वन् वन्दिषी॒महि ।

Halfverse: c    प्र नू॒नम्पू॒र्णव॑न्धुर स्तु॒तो या॑हि॒ वशाँ॒ अनु॒ योजा॒ न्वि॑न्द्र ते॒ हरी॑ ।।
   प्र नू॒नम्पू॒र्णव॑न्धुर
   प्र नू॒नम् पू॒र्णव॑न्धुरः
   प्र नू॒नम् पू॒र्णव॑न्धुर

Halfverse: d    स्तु॒तो या॑हि॒ वशाँ॒ अनु
   स्तु॒तः या॑हि वशा॑न् अनु
   स्तु॒तो या॑हि वशाँ अनु

Halfverse: e    योजा॒ न्वि॑न्द्र ते॒ हरी॑ ।।
   योजा ! नु इ॑न्द्र ते हरी ।।
   योजा नु इ॑न्द्र ते हरी ।।


Verse: 4 
Halfverse: a    स घा॒ तं वृष॑णं॒ रथ॒मधि॑ तिष्ठाति गो॒विद॑म् ।
   स घा॒ तं वृष॑णं॒ रथ॑म्
   स घ+ तम् वृष॑णम् रथ॑म्
   स घा तं वृष॑णं रथ॑म्

Halfverse: b    अधि॑ तिष्ठाति गो॒विद॑म् ।
   अधि तिष्ठाति गो॒विद॑म् ।
   अधि तिष्ठाति गो॒विद॑म् ।

Halfverse: c    यः पात्रं॑ हारियोज॒नम्पू॒र्णमि॑न्द्र॒ चिके॑तति॒ योजा॒ न्वि॑न्द्र ते॒ हरी॑ ।।
   यः पात्रं॑ हारियोज॒नम्
   यः पात्र॑म् हारियोज॒नम्
   यः पात्रं हारियोज॒नम्

Halfverse: d    पू॒र्णमि॑न्द्र॒ चिके॑तति
   पू॒र्णम् इन्द्र चिके॑तति
   पू॒र्णम् इन्द्र चिके॑तति

Halfverse: e    योजा॒ न्वि॑न्द्र ते॒ हरी॑ ।।
   योजा ! नु इ॑न्द्र ते हरी ।।
   योजा नु इ॑न्द्र ते हरी ।।


Verse: 5 
Halfverse: a    यु॒क्तस्ते॑ अस्तु॒ दक्षि॑ण उ॒त स॒व्यः श॑तक्रतो ।
   यु॒क्तस्ते॑ अस्तु॒ दक्षि॑ण
   यु॒क्तः ते अस्तु दक्षि॑णः
   यु॒क्तस् ते अस्तु दक्षि॑ण

Halfverse: b    उ॒त स॒व्यः श॑तक्रतो ।
   उ॒त स॒व्यः श॑तक्रतो ।
   उ॒त स॒व्यः श॑तक्रतो ।

Halfverse: c    तेन॑ जा॒यामुप॑ प्रि॒याम्म॑न्दा॒नो या॒ह्यन्ध॑सो॒ योजा॒ न्वि॑न्द्र ते॒ हरी॑ ।।
   तेन॑ जा॒यामुप॑ प्रि॒याम्
   तेन जा॒याम् उप प्रि॒याम्
   तेन जा॒याम् उप प्रि॒याम्

Halfverse: d    मन्दा॒नो या॒ह्यन्ध॑सो
   मन्दा॒नः या॑हि अन्ध॑सः
   मन्दा॒नो या॑हि अन्ध॑सो

Halfverse: e    योजा॒ न्वि॑न्द्र ते॒ हरी॑ ।।
   योजा ! नु इ॑न्द्र ते हरी ।।
   योजा नु इ॑न्द्र ते हरी ।।


Verse: 6 
Halfverse: a    यु॒नज्मि॑ ते॒ ब्रह्म॑णा के॒शिना॒ हरी॒ उप॒ प्र या॑हि दधि॒षे गभ॑स्त्योः ।
   यु॒नज्मि॑ ते॒ ब्रह्म॑णा के॒शिना॒ हरी
   यु॒नज्मि ते ब्रह्म॑णा के॒शिना हरी
   यु॒नज्मि ते ब्रह्म॑णा के॒शिना हरी

Halfverse: b    उप॒ प्र या॑हि दधि॒षे गभ॑स्त्योः ।
   उप प्र या॑हि दधि॒षे गभ॑स्त्योः ।
   उप प्र या॑हि दधि॒षे गभ॑स्तियोः ।

Halfverse: c    उत्त्वा॑ सु॒तासो॑ रभ॒सा अ॑मन्दिषुः पूष॒ण्वान्व॑ज्रि॒न्समु॒ पत्न्या॑मदः ।।
   उत्त्वा॑ सु॒तासो॑ रभ॒सा अ॑मन्दिषुः
   उत् त्वा सु॒तासः रभ॒साः अ॑मन्दिषुः
   उत् त्वा सु॒तासो रभ॒सा अ॑मन्दिषुः

Halfverse: d    पूष॒ण्वान्व॑ज्रि॒न्समु॒ पत्न्या॑मदः ।।
   पू॑ष॒ण्वान् वज्रिन् सम् उ पत्न्या अमदः ।।
   पू॑ष॒ण्वान् वज्रिन् सम् उ पत्नि॑यामदः ।।


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.