TITUS
Rg-Veda: Rg-Veda-Samhita
Part No. 255
Previous part

Hymn: 21_(255) 
Verse: 1 
Halfverse: a    इ॒मं नो॑ य॒ज्ञम॒मृते॑षु धेही॒मा ह॒व्या जा॑तवेदो जुषस्व ।
   इ॒मं नो॑ य॒ज्ञम॒मृते॑षु धेहि
   इ॒मम् नः य॒ज्ञम् अ॒मृते॑षु धेहि
   इ॒मं नो य॒ज्ञम् अ॒मृते॑षु धेहि

Halfverse: b     इ॒मा ह॒व्या जा॑तवेदो जुषस्व ।
   इ॒मा ह॒व्या जा॑तवेदः जुषस्व ।
   इ॒मा ह॒व्या जा॑तवेदो जुषस्व ।

Halfverse: c    स्तो॒काना॑मग्ने॒ मेद॑सो घृ॒तस्य॒ होतः॒ प्राशा॑न प्रथ॒मो नि॒षद्य॑ ।।
   स्तो॒काना॑मग्ने॒ मेद॑सो घृ॒तस्य
   स्तो॒काना॑म् अग्ने मेद॑सः घृ॒तस्य
   स्तो॒काना॑म् अग्ने मेद॑सो घृ॒तस्य

Halfverse: d    होतः॒ प्राशा॑न प्रथ॒मो नि॒षद्य॑ ।।
   होत॑र् प्र अ॑शान प्रथ॒मः नि॒षद्य ।।
   होतः प्राशा॑न प्रथ॒मो नि॒षद्य ।।


Verse: 2 
Halfverse: a    घृ॒तव॑न्तः पावक ते स्तो॒का श्चो॑तन्ति॒ मेद॑सः ।
   घृ॒तव॑न्तः पावक ते
   घृ॒तव॑न्तः पावक ते
   घृ॒तव॑न्तः पवाक ते

Halfverse: b    स्तो॒का श्चो॑तन्ति॒ मेद॑सः ।
   स्तो॒काः श्चो॑तन्ति मेद॑सः ।
   स्तो॒का श्चो॑तन्ति मेद॑सः ।

Halfverse: c    स्वध॑र्मन्दे॒ववी॑तये॒ श्रेष्ठं॑ नो धेहि॒ वार्य॑म् ।।
   स्वध॑र्मन्दे॒ववी॑तये
   स्वध॑र्मन् दे॒ववी॑तये
   स्वध॑र्मन् दे॒ववी॑तये

Halfverse: d    श्रेष्ठं॑ नो धेहि॒ वार्य॑म् ।।
   श्रेष्ठ॑म् नः धेहि वार्य॑म् ।।
   श्रेष्ठं नो धेहि वारि॑यम् ।।


Verse: 3 
Halfverse: a    तुभ्यं॑ स्तो॒का घृ॑त॒श्चुतो ऽग्ने॒ विप्रा॑य सन्त्य ।
   तुभ्यं॑ स्तो॒का घृ॑त॒श्चुतो
   तुभ्य॑म् स्तो॒काः घृ॑त॒श्चुतः
   तुभ्यं स्तो॒का घृ॑त॒श्चुतो

Halfverse: b    ऽग्ने॒ विप्रा॑य सन्त्य ।
   अग्ने विप्रा॑य सन्त्य ।
   अग्ने विप्रा॑य सन्तिय ।

Halfverse: c    ऋषिः॒ श्रेष्ठः॒ समि॑ध्यसे य॒ज्ञस्य॑ प्रावि॒ता भ॑व ।।
   ऋषिः॒ श्रेष्ठः॒ समि॑ध्यसे
   ऋषिः श्रेष्ठः सम् इध्यसे
   ऋषिः श्रेष्ठः सम् इध्यसे

Halfverse: d    य॒ज्ञस्य॑ प्रावि॒ता भ॑व ।।
   य॒ज्ञस्य प्रावि॒ता भ॑व ।।
   य॒ज्ञस्य प्रावि॒ता भ॑व ।।


Verse: 4 
Halfverse: a    तुभ्यं॑ श्चोतन्त्यध्रिगो शचीव स्तो॒कासो॑ अग्ने॒ मेद॑सो घृ॒तस्य॑ ।
   तुभ्यं॑ श्चोतन्त्यध्रिगो शचीव
   तुभ्य॑म् श्चोतन्ति अध्रिगो शचीवः
   तुभ्यं श्चोतन्ति अध्रिगो शचीव

Halfverse: b    स्तो॒कासो॑ अग्ने॒ मेद॑सो घृ॒तस्य॑ ।
   स्तो॒कासः अग्ने मेद॑सः घृ॒तस्य ।
   स्तो॒कासो अग्ने मेद॑सो घृ॒तस्य ।

Halfverse: c    क॑विश॒स्तो बृ॑ह॒ता भा॒नुनागा॑ ह॒व्या जु॑षस्व मेधिर ।।
   क॑विश॒स्तो बृ॑ह॒ता भा॒नुनागा
   कविश॒स्तः बृ॑ह॒ता भा॒नुना आ अ॑गाः
   कविश॒स्तो बृ॑ह॒ता भा॒नुनागा

Halfverse: d    ह॒व्या जु॑षस्व मेधिर ।।
   ह॒व्या जु॑षस्व मेधिर ।।
   ह॒व्या जु॑षस्व मेधिर ।।


Verse: 5 
Halfverse: a    ओजि॑ष्ठं ते मध्य॒तो मेद॒ उद्भृ॑त॒म्प्र ते॑ व॒यं द॑दामहे ।
   ओजि॑ष्ठं ते मध्य॒तो मेद॒ उद्भृ॑तम्
   ओजि॑ष्ठम् ते मध्य॒तः मेदः उद्भृ॑तम्
   ओजि॑ष्ठं ते मध्य॒तो मेद उद्भृ॑तम्

Halfverse: b    प्र ते॑ व॒यं द॑दामहे ।
   प्र ते व॒यम् ददामहे ।
   प्र ते व॒यं द॑दामहे ।

Halfverse: c    श्चोत॑न्ति ते वसो स्तो॒का अधि॑ त्व॒चि प्रति॒ तान्दे॑व॒शो वि॑हि ।।
   श्चोत॑न्ति ते वसो स्तो॒का अधि॑ त्व॒चि
   श्चोत॑न्ति ते वसो स्तो॒काः अधि त्व॒चि
   श्चोत॑न्ति ते वसो स्तो॒का अधि त्व॒चि

Halfverse: d    प्रति॒ तान्दे॑व॒शो वि॑हि ।।
   प्रति तान् देव॒शः वि॑हि ।।
   प्रति तान् देव॒शो वि॑हि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.