TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 258

Hymn: 24_(258)
Verse: 1
Halfverse: a    अग्ने॒ सह॑स्व॒ पृत॑ना अ॒भिमा॑ती॒रपा॑स्य ।
   अग्ने॒ सह॑स्व॒ पृत॑ना
   अग्ने सह॑स्व पृत॑नाः
   अग्ने सह॑स्व पृत॑ना

Halfverse: b    अ॒भिमा॑ती॒रपा॑स्य ।
   अ॒भिमा॑तीः अप अस्य ।
   अ॒भिमा॑तीर् अपा॑सिय ।

Halfverse: c    दु॒ष्टर॒स्तर॒न्नरा॑ती॒र्वर्चो॑ धा य॒ज्ञवा॑हसे ।।
   दु॒ष्टर॒स्तर॒न्नरा॑तीर्
   दु॒ष्टरः तर॑न् अरा॑तीः
   दु॒ष्टर॑स् तर॑न्न् अरा॑तीर्

Halfverse: d    वर्चो॑ धा य॒ज्ञवा॑हसे ।।
   वर्चः धाः य॒ज्ञवा॑हसे ।।
   वर्चो धा य॒ज्ञवा॑हसे ।।

Verse: 2
Halfverse: a    अग्न॑ इ॒ळा समि॑ध्यसे वी॒तिहो॑त्रो॒ अम॑र्त्यः ।
   अग्न॑ इ॒ळा समि॑ध्यसे
   अग्ने इ॒ळा सम् इध्यसे
   अग्न इ॒ळा सम् इध्यसे

Halfverse: b    वी॒तिहो॑त्रो॒ अम॑र्त्यः ।
   वी॒तिहो॑त्रः अम॑र्त्यः ।
   वी॒तिहो॑त्रो अम॑र्तियः ।

Halfverse: c    जु॒षस्व॒ सू नो॑ अध्व॒रम् ।।
   जु॒षस्व॒ सू नो॑ अध्व॒रम् ।।
   जु॒षस्व सु+ नः अध्व॒रम् ।।
   जु॒षस्व सू नो अध्व॒रम् ।।

Verse: 3
Halfverse: a    अग्ने॑ द्यु॒म्नेन॑ जागृवे॒ सह॑सः सूनवाहुत ।
   अग्ने॑ द्यु॒म्नेन॑ जागृवे
   अग्ने द्यु॒म्नेन जागृवे
   अग्ने द्यु॒म्नेन जागृवे

Halfverse: b    सह॑सः सूनवाहुत ।
   सह॑सः सूनो आहुत ।
   सह॑सः सूनव् आहुत ।

Halfverse: c    एदम्ब॒र्हिः स॑दो॒ मम॑ ।।
   एदम्ब॒र्हिः स॑दो॒ मम॑ ।।
   आ इ॒दम् ब॒र्हिः स॑दः मम ।।
   एदम् ब॒र्हिः स॑दो मम ।।

Verse: 4
Halfverse: a    अग्ने॒ विश्वे॑भिर॒ग्निभि॑र्दे॒वेभि॑र्महया॒ गिरः॑ ।
   अग्ने॒ विश्वे॑भिर॒ग्निभि॑र्
   अग्ने विश्वे॑भिः अ॒ग्निभिः
   अग्ने विश्वे॑भिर् अ॒ग्निभि॑र्

Halfverse: b    दे॒वेभि॑र्महया॒ गिरः॑ ।
   दे॒वेभिः महय+ गिरः ।
   दे॒वेभि॑र् महया गिरः ।

Halfverse: c    य॒ज्ञेषु॒ य उ॑ चा॒यवः॑ ।।
   य॒ज्ञेषु॒ य उ॑ चा॒यवः॑ ।।
   य॒ज्ञेषु ये उ चा॒यवः ।।
   य॒ज्ञेषु य उ चा॒यवः ।।

Verse: 5
Halfverse: a    अग्ने॒ दा दा॒शुषे॑ र॒यिं वी॒रव॑न्त॒म्परी॑णसम् ।
   अग्ने॒ दा दा॒शुषे॑ र॒यिं
   अग्ने दाः दा॒शुषे र॒यिम्
   अग्ने दा दा॒शुषे र॒यिं

Halfverse: b    वी॒रव॑न्त॒म्परी॑णसम् ।
   वी॒रव॑न्तम् परी॑णसम् ।
   वी॒रव॑न्तम् परी॑णसम् ।

Halfverse: c    शि॑शी॒हि नः॑ सूनु॒मतः॑ ।।
   शि॑शी॒हि नः॑ सूनु॒मतः॑ ।।
   शि॑शी॒हि नः सूनु॒मतः ।।
   शि॑शी॒हि नः सूनु॒मतः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.