TITUS
Rg-Veda: Rg-Veda-Samhita
Part No. 259
Previous part

Hymn: 25_(259) 
Verse: 1 
Halfverse: a    अग्ने॑ दि॒वः सू॒नुर॑सि॒ प्रचे॑ता॒स्तना॑ पृथि॒व्या उ॒त वि॒श्ववे॑दाः ।
   अग्ने॑ दि॒वः सू॒नुर॑सि॒ प्रचे॑तास्
   अग्ने दि॒वः सू॒नुः अ॑सि प्रचे॑ताः
   अग्ने दि॒वः सू॒नुर् असि प्रचे॑तास्

Halfverse: b    तना॑ पृथि॒व्या उ॒त वि॒श्ववे॑दाः ।
   तना पृथि॒व्याः उ॒त वि॒श्ववे॑दाः ।
   तना पृथि॒व्या उ॒त वि॒श्ववे॑दाः ।

Halfverse: c    ऋध॑ग्दे॒वाँ इ॒ह य॑जा चिकित्वः ।।
   ऋध॑ग्दे॒वाँ इ॒ह य॑जा चिकित्वः ।।
   ऋध॑क् दे॒वान् इ॒ह य॑ज+ चिकित्वः ।।
   ऋध॑ग् दे॒वाँ इ॒ह य॑जा चिकित्वः ।।


Verse: 2 
Halfverse: a    अ॒ग्निः स॑नोति वी॒र्या॑णि वि॒द्वान्स॒नोति॒ वाज॑म॒मृता॑य॒ भूष॑न् ।
   अ॒ग्निः स॑नोति वी॒र्या॑णि वि॒द्वान्
   अ॒ग्निः स॑नोति वी॒र्या॑णि वि॒द्वान्
   अ॒ग्निः स॑नोति वी॒रिया॑णि वि॒द्वान्

Halfverse: b    स॒नोति॒ वाज॑म॒मृता॑य॒ भूष॑न् ।
   स॒नोति वाज॑म् अ॒मृता॑य भूष॑न् ।
   स॒नोति वाज॑म् अ॒मृता॑य भूष॑न् ।

Halfverse: c    स नो॑ दे॒वाँ एह व॑हा पुरुक्षो ।।
   स नो॑ दे॒वाँ एह व॑हा पुरुक्षो ।।
   स नः दे॒वान् आ इ॒ह व॑ह+ पुरुक्षो ।।
   स नो दे॒वाँ एह व॑हा पुरुक्षो ।।


Verse: 3 
Halfverse: a    अ॒ग्निर्द्यावा॑पृथि॒वी वि॒श्वज॑न्ये॒ आ भा॑ति दे॒वी अ॒मृते॒ अमू॑रः ।
   अ॒ग्निर्द्यावा॑पृथि॒वी वि॒श्वज॑न्ये
   अ॒ग्निः द्यावा॑पृथि॒वी वि॒श्वज॑न्ये
   अ॒ग्निर् द्यावा॑पृथि॒वी वि॒श्वज॑न्ये

Halfverse: b    आ भा॑ति दे॒वी अ॒मृते॒ अमू॑रः ।
   आ भा॑ति दे॒वी अ॒मृते अमू॑रः ।
   आ भा॑ति दे॒वी अ॒मृते अमू॑रः ।

Halfverse: c    क्षय॒न्वाजैः॑ पुरुश्च॒न्द्रो नमो॑भिः ।।
   क्षय॒न्वाजैः॑ पुरुश्च॒न्द्रो नमो॑भिः ।।
   क्षय॑न् वाजैः पुरुश्च॒न्द्रः नमो॑भिः ।।
   क्षय॑न् वाजैः पुरुश्च॒न्द्रो नमो॑भिः ।।


Verse: 4 
Halfverse: a    अग्न॒ इन्द्र॑श्च दा॒शुषो॑ दुरो॒णे सु॒ताव॑तो य॒ज्ञमि॒होप॑ यातम् ।
   अग्न॒ इन्द्र॑श्च दा॒शुषो॑ दुरो॒णे
   अग्ने इन्द्रः च दा॒शुषः दुरो॒णे
   अग्न इन्द्र॑श् च दा॒शुषो दुरो॒णे

Halfverse: b    सु॒ताव॑तो य॒ज्ञमि॒होप॑ यातम् ।
   सु॒ताव॑तः य॒ज्ञम् इ॒ह उप यातम् ।
   सु॒ताव॑तो य॒ज्ञम् इ॒होप यातम् ।

Halfverse: c    अम॑र्धन्ता सोम॒पेया॑य देवा ।।
   अम॑र्धन्ता सोम॒पेया॑य देवा ।।
   अम॑र्धन्ता सोम॒पेया॑य देवा ।।
   अम॑र्धन्ता सोम॒पेया॑य देवा ।।


Verse: 5 
Halfverse: a    अग्ने॑ अ॒पां समि॑ध्यसे दुरो॒णे नित्यः॑ सूनो सहसो जातवेदः ।
   अग्ने॑ अ॒पां समि॑ध्यसे दुरो॒णे
   अग्ने अ॒पाम् सम् इध्यसे दुरो॒णे
   अग्ने अ॒पां सम् इध्यसे दुरो॒णे

Halfverse: b    नित्यः॑ सूनो सहसो जातवेदः ।
   नित्यः सूनो सहसः जातवेदः ।
   नित्यः सूनो सहसो जातवेदः ।

Halfverse: c    स॒धस्था॑नि म॒हय॑मान ऊ॒ती ।।
   स॒धस्था॑नि म॒हय॑मान ऊ॒ती ।।
   स॒धस्था॑नि म॒हय॑मानः ऊ॒ती ।।
   स॒धस्था॑नि म॒हय॑मान ऊ॒ती ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.