TITUS
Rg-Veda: Rg-Veda-Samhita
Part No. 262
Previous part

Hymn: 28_(262) 
Verse: 1 
Halfverse: a    अग्ने॑ जु॒षस्व॑ नो ह॒विः पु॑रो॒ळाशं॑ जातवेदः ।
   अग्ने॑ जु॒षस्व॑ नो ह॒विः
   अग्ने जु॒षस्व नः ह॒विः
   अग्ने जु॒षस्व नो ह॒विः

Halfverse: b    पु॑रो॒ळाशं॑ जातवेदः ।
   पु॑रो॒ळाश॑म् जातवेदः ।
   पु॑रो॒ळाशं जातवेदः ।

Halfverse: c    प्रा॑तःसा॒वे धि॑यावसो ।।
   प्रा॑तःसा॒वे धि॑यावसो ।।
   प्रा॑तःसा॒वे धि॑यावसो ।।
   प्रा॑तःसा॒वे धि॑यावसो ।।


Verse: 2 
Halfverse: a    पु॑रो॒ळा अ॑ग्ने पच॒तस्तुभ्यं॑ वा घा॒ परि॑ष्कृतः ।
   पु॑रो॒ळा अ॑ग्ने पच॒तस्
   पुरो॒ळाः अ॑ग्ने पच॒तः
   पु॑रो॒ळा अ॑ग्ने पच॒तस्

Halfverse: b    तुभ्यं॑ वा घा॒ परि॑ष्कृतः ।
   तुभ्य॑म् वा घ+ परि॑ष्कृतः ।
   तुभ्यं वा घा परि॑ष्कृतः ।

Halfverse: c    तं जु॑षस्व यविष्ठ्य ।।
   तं जु॑षस्व यविष्ठ्य ।।
   तम् जुषस्व यविष्ठ्य ।।
   तं जु॑षस्व यविष्ठिय ।।


Verse: 3 
Halfverse: a    अग्ने॑ वी॒हि पु॑रो॒ळाश॒माहु॑तं तिरोअह्न्यम् ।
   अग्ने॑ वी॒हि पु॑रो॒ळाश॑म्
   अग्ने वी॒हि पु॑रो॒ळाश॑म्
   अग्ने वी॒हि पु॑रो॒ळाश॑म्

Halfverse: b    आहु॑तं तिरोअह्न्यम् ।
   आहु॑तम् तिरोअह्न्यम् ।
   आहु॑तं तिरोअह्नियम् ।

Halfverse: c    सह॑सः सू॒नुर॑स्यध्व॒रे हि॒तः ।।
   सह॑सः सू॒नुर॑स्यध्व॒रे हि॒तः ।।
   सह॑सः सू॒नुः अ॑सि अध्व॒रे हि॒तः ।।
   सह॑सः सू॒नुर् असि अध्व॒रे हि॒तः ।।


Verse: 4 
Halfverse: a    माध्यं॑दिने॒ सव॑ने जातवेदः पुरो॒ळाश॑मि॒ह क॑वे जुषस्व ।
   माध्यं॑दिने॒ सव॑ने जातवेदः
   माध्यं॑दिने सव॑ने जातवेदः
   माध्यं॑दिने सव॑ने जातवेदः

Halfverse: b    पुरो॒ळाश॑मि॒ह क॑वे जुषस्व ।
   पु॑रो॒ळाश॑म् इ॒ह क॑वे जुषस्व ।
   पु॑रो॒ळाश॑म् इ॒ह क॑वे जुषस्व ।

Halfverse: c    अग्ने॑ य॒ह्वस्य॒ तव॑ भाग॒धेयं॒ न प्र मि॑नन्ति वि॒दथे॑षु॒ धीराः॑ ।।
   अग्ने॑ य॒ह्वस्य॒ तव॑ भाग॒धेयं
   अग्ने य॒ह्वस्य तव भाग॒धेय॑म्
   अग्ने य॒ह्वस्य तव भाग॒धेयं

Halfverse: d    न प्र मि॑नन्ति वि॒दथे॑षु॒ धीराः॑ ।।
   न प्र मि॑नन्ति वि॒दथे॑षु धीराः ।।
   न प्र मि॑नन्ति वि॒दथे॑षु धीराः ।।


Verse: 5 
Halfverse: a    अग्ने॑ तृ॒तीये॒ सव॑ने॒ हि कानि॑षः पुरो॒ळाशं॑ सहसः सून॒वाहु॑तम् ।
   अग्ने॑ तृ॒तीये॒ सव॑ने॒ हि कानि॑षः
   अग्ने तृ॒तीये सव॑ने हि कानि॑षः
   अग्ने तृ॒तीये सव॑ने हि कानि॑षः

Halfverse: b    पुरो॒ळाशं॑ सहसः सून॒वाहु॑तम् ।
   पु॑रो॒ळाश॑म् सहसः सूनो आहु॑तम् ।
   पु॑रो॒ळाशं सहसः सूनव् आहु॑तम् ।

Halfverse: c    अथा॑ दे॒वेष्व॑ध्व॒रं वि॑प॒न्यया॒ धा रत्न॑वन्तम॒मृते॑षु॒ जागृ॑विम् ।।
   अथा॑ दे॒वेष्व॑ध्व॒रं वि॑प॒न्यया
   अथ+ दे॒वेषु अध्व॒रम् विप॒न्यया
   अथा दे॒वेषु अध्व॒रं वि॑प॒न्यया

Halfverse: d    धा रत्न॑वन्तम॒मृते॑षु॒ जागृ॑विम् ।।
   धाः रत्न॑वन्तम् अ॒मृते॑षु जागृ॑विम् ।।
   धा रत्न॑वन्तम् अ॒मृते॑षु जागृ॑विम् ।।


Verse: 6 
Halfverse: a    अग्ने॑ वृधा॒न आहु॑तिम्पुरो॒ळाशं॑ जातवेदः ।
   अग्ने॑ वृधा॒न आहु॑तिम्
   अग्ने वृधा॒नः आहु॑तिम्
   अग्ने वृधा॒न आहु॑तिम्

Halfverse: b    पुरो॒ळाशं॑ जातवेदः ।
   पु॑रो॒ळाश॑म् जातवेदः ।
   पु॑रो॒ळाशं जातवेदः ।

Halfverse: c    जु॒षस्व॑ तिरोअह्न्यम् ।।
   जु॒षस्व॑ तिरोअह्न्यम् ।।
   जु॒षस्व तिरोअह्न्यम् ।।
   जु॒षस्व तिरोअह्नियम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.