TITUS
Rg-Veda: Rg-Veda-Samhita
Part No. 264
Previous part

Hymn: 30_(264) 
Verse: 1 
Halfverse: a    इ॒छन्ति॑ त्वा सो॒म्यासः॒ सखा॑यः सु॒न्वन्ति॒ सोमं॒ दध॑ति॒ प्रयां॑सि ।
   इ॒छन्ति॑ त्वा सो॒म्यासः॒ सखा॑यः
   इ॒छन्ति त्वा सो॒म्यासः सखा॑यः
   इ॒छन्ति त्वा सोमि॒यासः सखा॑यः

Halfverse: b    सु॒न्वन्ति॒ सोमं॒ दध॑ति॒ प्रयां॑सि ।
   सु॒न्वन्ति सोम॑म् दध॑ति प्रयां॑सि ।
   सु॒न्वन्ति सोमं दध॑ति प्रयां॑सि ।

Halfverse: c    तिति॑क्षन्ते अ॒भिश॑स्तिं॒ जना॑ना॒मिन्द्र॒ त्वदा कश्च॒न हि प्र॑के॒तः ।।
   तिति॑क्षन्ते अ॒भिश॑स्तिं॒ जना॑नाम्
   तिति॑क्षन्ते अ॒भिश॑स्तिम् जना॑नाम्
   तिति॑क्षन्ते अ॒भिश॑स्तिं जना॑नाम्

Halfverse: d    इन्द्र॒ त्वदा कश्च॒न हि प्र॑के॒तः ।।
   इन्द्र त्वत् आ कः च॒न हि प्र॑के॒तः ।।
   इन्द्र त्वद् आ कश् च॒न हि प्र॑के॒तः ।।


Verse: 2 
Halfverse: a    न ते॑ दू॒रे प॑र॒मा चि॒द्रजां॒स्या तु प्र या॑हि हरिवो॒ हरि॑भ्याम् ।
   न ते॑ दू॒रे प॑र॒मा चि॒द्रजां॑स्य्
   न ते दू॒रे प॑र॒मा चि॑त् रजां॑सि
   न ते दू॒रे प॑र॒मा चि॑द् रजां॑सि

Halfverse: b    आ तु प्र या॑हि हरिवो॒ हरि॑भ्याम् ।
   आ तु प्र या॑हि हरिवः हरि॑भ्याम् ।
   आ तु प्र या॑हि हरिवो हरि॑भ्याम् ।

Halfverse: c    स्थि॒राय॒ वृष्णे॒ सव॑ना कृ॒तेमा यु॒क्ता ग्रावा॑णः समिधा॒ने अ॒ग्नौ ।।
   स्थि॒राय॒ वृष्णे॒ सव॑ना कृ॒तेमा
   स्थि॒राय वृष्णे सव॑ना कृ॒ता इ॒मा
   स्थि॒राय वृष्णे सव॑ना कृ॒तेमा

Halfverse: d    यु॒क्ता ग्रावा॑णः समिधा॒ने अ॒ग्नौ ।।
   यु॒क्ताः ग्रावा॑णः समिधा॒ने अ॒ग्नौ ।।
   यु॒क्ता ग्रावा॑णः समिधा॒ने अ॒ग्नौ ।।


Verse: 3 
Halfverse: a    इन्द्रः॑ सु॒शिप्रो॑ म॒घवा॒ तरु॑त्रो म॒हाव्रा॑तस्तुविकू॒र्मिरृघा॑वान् ।
   इन्द्रः॑ सु॒शिप्रो॑ म॒घवा॒ तरु॑त्रो
   इन्द्रः सु॒शिप्रः म॒घवा तरु॑त्रः
   इन्द्रः सु॒शिप्रो म॒घवा तरु॑त्रो

Halfverse: b    म॒हाव्रा॑तस्तुविकू॒र्मिरृघा॑वान् ।
   म॒हाव्रा॑तः तुविकू॒र्मिः ऋघा॑वान् ।
   म॒हाव्रा॑तस् तुविकू॒र्मिर् ऋघा॑वान् ।

Halfverse: c    यदु॒ग्रो धा बा॑धि॒तो मर्त्ये॑षु॒ क्व॒ त्या ते॑ वृषभ वी॒र्या॑णि ।।
   यदु॒ग्रो धा बा॑धि॒तो मर्त्ये॑षु
   यत् उ॒ग्रः धाः बा॑धि॒तः मर्त्ये॑षु
   यद् उ॒ग्रो धा बा॑धि॒तो मर्ति॑येषु

Halfverse: d    क्व॒ त्या ते॑ वृषभ वी॒र्या॑णि ।।
   क्व त्या ते वृषभ वी॒र्या॑णि ।।
   कुव त्या ते वृषभ वी॒रिया॑णि ।।


Verse: 4 
Halfverse: a    त्वं हि ष्मा॑ च्या॒वय॒न्नच्यु॑ता॒न्येको॑ वृ॒त्रा चर॑सि॒ जिघ्न॑मानः ।
   त्वं हि ष्मा॑ च्या॒वय॒न्नच्यु॑तान्य्
   त्वम् हि स्म+ च्या॒वय॑न् अच्यु॑तानि
   तु॒वं हि ष्मा च्या॒वय॑न्न् अच्यु॑तानि

Halfverse: b    एको॑ वृ॒त्रा चर॑सि॒ जिघ्न॑मानः ।
   एकः वृ॒त्रा चर॑सि जिघ्न॑मानः ।
   एको वृ॒त्रा चर॑सि जिघ्न॑मानः ।

Halfverse: c    तव॒ द्यावा॑पृथि॒वी पर्व॑ता॒सो ऽनु॑ व्र॒ताय॒ निमि॑तेव तस्थुः ।।
   तव॒ द्यावा॑पृथि॒वी पर्व॑ता॒सो
   तव द्यावा॑पृथि॒वी पर्व॑तासः
   तव द्यावा॑पृथि॒वी पर्व॑तासो

Halfverse: d    ऽनु व्र॒ताय॒ निमि॑तेव तस्थुः ।।
   अनु व्र॒ताय निमि॑ता इव तस्थुः ।।
   अनु व्र॒ताय निमि॑तेव तस्थुः ।।


Verse: 5 
Halfverse: a    उ॒ताभ॑ये पुरुहूत॒ श्रवो॑भि॒रेको॑ दृ॒ऴम॑वदो वृत्र॒हा सन् ।
   उ॒ताभ॑ये पुरुहूत॒ श्रवो॑भिर्
   उ॒त अभ॑ये पुरुहूत श्रवो॑भिः
   उ॒ताभ॑ये पुरुहूत श्रवो॑भिर्

Halfverse: b    एको॑ दृ॒ऴम॑वदो वृत्र॒हा सन् ।
   एकः दृ॒ऴम् अवदः वृत्र॒हा सन् ।
   एको दृ॒ऴम् अवदो वृत्र॒हा सन् ।

Halfverse: c    इ॒मे चि॑दिन्द्र॒ रोद॑सी अपा॒रे यत्सं॑गृ॒भ्णा म॑घवन्का॒शिरित्ते॑ ।।
   इ॒मे चि॑दिन्द्र॒ रोद॑सी अपा॒रे
   इ॒मे चि॑त् इन्द्र रोद॑सी अपा॒रे
   इ॒मे चि॑द् इन्द्र रोद॑सी अपा॒रे

Halfverse: d    यत्सं॑गृ॒भ्णा म॑घवन्का॒शिरित्ते॑ ।।
   यत् संगृ॒भ्णाः म॑घवन् का॒शिः इत् ते ।।
   यत् संगृ॒भ्णा म॑घवन् का॒शिर् इत् ते ।।


Verse: 6 
Halfverse: a    प्र सू त॑ इन्द्र प्र॒वता॒ हरि॑भ्या॒म्प्र ते॒ वज्रः॑ प्रमृ॒णन्ने॑तु॒ शत्रू॑न् ।
   प्र सू त॑ इन्द्र प्र॒वता॒ हरि॑भ्याम्
   प्र सु+ ते इन्द्र प्र॒वता हरि॑भ्याम्
   प्र सू त इन्द्र प्र॒वता हरि॑भ्याम्

Halfverse: b    प्र ते॒ वज्रः॑ प्रमृ॒णन्ने॑तु॒ शत्रू॑न् ।
   प्र ते वज्रः प्रमृ॒णन् एतु शत्रू॑न् ।
   प्र ते वज्रः प्रमृ॒णन्न् एतु शत्रू॑न् ।

Halfverse: c    ज॒हि प्र॑ती॒चो अ॑नू॒चः परा॑चो॒ विश्वं॑ स॒त्यं कृ॑णुहि वि॒ष्टम॑स्तु ।।
   ज॒हि प्र॑ती॒चो अ॑नू॒चः परा॑चो
   ज॒हि प्र॑ती॒चः अ॑नू॒चः परा॑चः
   ज॒हि प्र॑ती॒चो अ॑नू॒चः परा॑चो

Halfverse: d    विश्वं॑ स॒त्यं कृ॑णुहि वि॒ष्टम॑स्तु ।।
   विश्व॑म् स॒त्यम् कृणुहि वि॒ष्टम् अस्तु ।।
   विश्वं स॒त्यं कृ॑णुहि वि॒ष्टम् अस्तु ।।


Verse: 7 
Halfverse: a    यस्मै॒ धायु॒रद॑धा॒ मर्त्या॒याभ॑क्तं चिद्भजते गे॒ह्यं॒ सः ।
   यस्मै॒ धायु॒रद॑धा॒ मर्त्या॑य
   यस्मै धायुः अद॑धाः मर्त्या॑य
   यस्मै धायु॑र् अद॑धा मर्ति॑याय

Halfverse: b     अभ॑क्तं चिद्भजते गे॒ह्यं॒ सः ।
   अभ॑क्तम् चित् भजते गे॒ह्य॑म् सः ।
   अभ॑क्तं चिद् भजते गे॒हियं सः ।

Halfverse: c    भ॒द्रा त॑ इन्द्र सुम॒तिर्घृ॒ताची॑ स॒हस्र॑दाना पुरुहूत रा॒तिः ।।
   भ॒द्रा त॑ इन्द्र सुम॒तिर्घृ॒ताची
   भ॒द्रा ते इन्द्र सुम॒तिः घृ॒ताची
   भ॒द्रा त इन्द्र सुम॒तिर् घृ॒ताची

Halfverse: d    स॒हस्र॑दाना पुरुहूत रा॒तिः ।।
   स॒हस्र॑दाना पुरुहूत रा॒तिः ।।
   स॒हस्र॑दाना पुरुहूत रा॒तिः ।।


Verse: 8 
Halfverse: a    स॒हदा॑नुम्पुरुहूत क्षि॒यन्त॑मह॒स्तमि॑न्द्र॒ सम्पि॑ण॒क्कुणा॑रुम् ।
   स॒हदा॑नुम्पुरुहूत क्षि॒यन्त॑म्
   स॒हदा॑नुम् पुरुहूत क्षि॒यन्त॑म्
   स॒हदा॑नुम् पुरुहूत क्षि॒यन्त॑म्

Halfverse: b    अह॒स्तमि॑न्द्र॒ सम्पि॑ण॒क्कुणा॑रुम् ।
   अ॑ह॒स्तम् इन्द्र सम् पिणक् कुणा॑रुम् ।
   अ॑ह॒स्तम् इन्द्र सम् पिणक् कुणा॑रुम् ।

Halfverse: c    अ॒भि वृ॒त्रं वर्ध॑मान॒म्पिया॑रुम॒पाद॑मिन्द्र त॒वसा॑ जघन्थ ।।
   अ॒भि वृ॒त्रं वर्ध॑मान॒म्पिया॑रुम्
   अ॒भि वृ॒त्रम् वर्ध॑मानम् पिया॑रुम्
   अ॒भि वृ॒त्रं वर्ध॑मानम् पिया॑रुम्

Halfverse: d    अ॒पाद॑मिन्द्र त॒वसा॑ जघन्थ ।।
   अ॒पाद॑म् इन्द्र त॒वसा जघन्थ ।।
   अ॒पाद॑म् इन्द्र त॒वसा जघन्थ ।।


Verse: 9 
Halfverse: a    नि सा॑म॒नामि॑षि॒रामि॑न्द्र॒ भूमि॑म्म॒हीम॑पा॒रां सद॑ने ससत्थ ।
   नि सा॑म॒नामि॑षि॒रामि॑न्द्र॒ भूमि॑म्
   नि सा॑म॒नाम् इषि॒राम् इन्द्र भूमि॑म्
   नि सा॑म॒नाम् इषि॒राम् इन्द्र भूमि॑म्

Halfverse: b    म॒हीम॑पा॒रां सद॑ने ससत्थ ।
   म॒हीम् अपा॒राम् सद॑ने ससत्थ ।
   म॒हीम् अपा॒रां सद॑ने ससत्थ ।

Halfverse: c    अस्त॑भ्ना॒द्द्यां वृ॑ष॒भो अ॒न्तरि॑क्ष॒मर्ष॒न्त्वाप॒स्त्वये॒ह प्रसू॑ताः ।।
   अस्त॑भ्ना॒द्द्यां वृ॑ष॒भो अ॒न्तरि॑क्षम्
   अस्त॑भ्नात् द्याम् वृष॒भः अ॒न्तरि॑क्षम्
   अस्त॑भ्नाद् द्यां वृ॑ष॒भो अ॒न्तरि॑क्षम्

Halfverse: d    अर्ष॒न्त्वाप॒स्त्वये॒ह प्रसू॑ताः ।।
   अर्ष॑न्तु आपः त्वया इ॒ह प्रसू॑ताः ।।
   अर्ष॑न्तु आप॑स् त्वये॒ह प्रसू॑ताः ।।


Verse: 10 
Halfverse: a    अ॑लातृ॒णो व॒ल इ॑न्द्र व्र॒जो गोः पु॒रा हन्तो॒र्भय॑मानो॒ व्या॑र ।
   अ॑लातृ॒णो व॒ल इ॑न्द्र व्र॒जो गोः
   अ॑लातृ॒णः व॒लः इ॑न्द्र व्र॒जः गोः
   अ॑लातृ॒णो व॒ल इ॑न्द्र व्र॒जो गोः

Halfverse: b    पु॒रा हन्तो॒र्भय॑मानो॒ व्या॑र ।
   पु॒रा हन्तोः भय॑मानः वि आ॑र ।
   पु॒रा हन्तो॑र् भय॑मानो वि आ॑र ।

Halfverse: c    सु॒गान्प॒थो अ॑कृणोन्नि॒रजे॒ गाः प्राव॒न्वाणीः॑ पुरुहू॒तं धम॑न्तीः ।।
   सु॒गान्प॒थो अ॑कृणोन्नि॒रजे॒ गाः
   सु॒गान् प॒थः अ॑कृणोत् नि॒रजे गाः
   सु॒गान् प॒थो अ॑कृणोन् नि॒रजे गाः

Halfverse: d    प्राव॒न्वाणीः॑ पुरुहू॒तं धम॑न्तीः ।।
   प्र आ॑वन् वाणीः पुरुहू॒तम् धम॑न्तीः ।।
   प्राव॑न् वाणीः पुरुहू॒तं धम॑न्तीः ।।


Verse: 11 
Halfverse: a    एको॒ द्वे वसु॑मती समी॒ची इन्द्र॒ आ प॑प्रौ पृथि॒वीमु॒त द्याम् ।
   एको॒ द्वे वसु॑मती समी॒ची
   एकः द्वे वसु॑मती समी॒ची
   एको दु॒वे वसु॑मती समी॒ची

Halfverse: b    इन्द्र॒ आ प॑प्रौ पृथि॒वीमु॒त द्याम् ।
   इन्द्रः आ प॑प्रौ पृथि॒वीम् उ॒त द्याम् ।
   इन्द्र आ प॑प्रौ पृथि॒वीम् उ॒त द्याम् ।

Halfverse: c    उ॒तान्तरि॑क्षाद॒भि नः॑ समी॒क इ॒षो र॒थीः स॒युजः॑ शूर॒ वाजा॑न् ।।
   उ॒तान्तरि॑क्षाद॒भि नः॑ समी॒क
   उ॒त अ॒न्तरि॑क्षात् अ॒भि नः समी॒के
   उ॒तान्तरि॑क्षाद् अ॒भि नः समी॒क

Halfverse: d    इ॒षो र॒थीः स॒युजः॑ शूर॒ वाजा॑न् ।।
   इ॒षः र॒थीः स॒युजः शूर वाजा॑न् ।।
   इ॒षो र॒थीः स॒युजः शूर वाजा॑न् ।।


Verse: 12 
Halfverse: a    दिशः॒ सूर्यो॒ न मि॑नाति॒ प्रदि॑ष्टा दि॒वेदि॑वे॒ हर्य॑श्वप्रसूताः ।
   दिशः॒ सूर्यो॒ न मि॑नाति॒ प्रदि॑ष्टा
   दिशः सूर्यः न मि॑नाति प्रदि॑ष्टाः
   दिशः सूर्यो न मि॑नाति प्रदि॑ष्टा

Halfverse: b    दि॒वेदि॑वे॒ हर्य॑श्वप्रसूताः ।
   दि॒वेदि॑वे हर्य॑श्वप्रसूताः ।
   दि॒वेदि॑वे हरिअ॑श्वप्रसूताः ।

Halfverse: c    सं यदान॒ळध्व॑न॒ आदिदश्वै॑र्वि॒मोच॑नं कृणुते॒ तत्त्व॑स्य ।।
   सं यदान॒ळध्व॑न॒ आदिदश्वै॑र्
   सम् यत् आन॑ट् अध्व॑नः आत् इत् अश्वैः
   सं यद् आन॑ळ् अध्व॑न आद् इद् अश्वै॑र्

Halfverse: d    वि॒मोच॑नं कृणुते॒ तत्त्व॑स्य ।।
   वि॒मोच॑नम् कृणुते तत् तु अ॑स्य ।।
   वि॒मोच॑नं कृणुते तत् तु अ॑स्य ।।


Verse: 13 
Halfverse: a    दिदृ॑क्षन्त उ॒षसो॒ याम॑न्न॒क्तोर्वि॒वस्व॑त्या॒ महि॑ चि॒त्रमनी॑कम् ।
   दिदृ॑क्षन्त उ॒षसो॒ याम॑न्न॒क्तोर्
   दिदृ॑क्षन्ते उ॒षसः याम॑न् अ॒क्तोः
   दिदृ॑क्षन्त उ॒षसो याम॑न् अ॒क्तोर्

Halfverse: b    वि॒वस्व॑त्या॒ महि॑ चि॒त्रमनी॑कम् ।
   वि॒वस्व॑त्याः महि चि॒त्रम् अनी॑कम् ।
   वि॒वस्व॑त्या महि चि॒त्रम् अनी॑कम् ।

Halfverse: c    विश्वे॑ जानन्ति महि॒ना यदागा॒दिन्द्र॑स्य॒ कर्म॒ सुकृ॑ता पु॒रूणि॑ ।।
   विश्वे॑ जानन्ति महि॒ना यदागा॑द्
   विश्वे जानन्ति महि॒ना यत् आ अ॑गात्
   विश्वे जानन्ति महि॒ना यद् आगा॑द्

Halfverse: d    इन्द्र॑स्य॒ कर्म॒ सुकृ॑ता पु॒रूणि॑ ।।
   इन्द्र॑स्य कर्म सुकृ॑ता पु॒रूणि ।।
   इन्द्र॑स्य कर्म सुकृ॑ता पु॒रूणि ।।


Verse: 14 
Halfverse: a    महि॒ ज्योति॒र्निहि॑तं व॒क्षणा॑स्वा॒मा प॒क्वं च॑रति॒ बिभ्र॑ती॒ गौः ।
   महि॒ ज्योति॒र्निहि॑तं व॒क्षणा॑स्व्
   महि ज्योतिः निहि॑तम् व॒क्षणा॑सु
   महि ज्योति॑र् निहि॑तं व॒क्षणा॑सु

Halfverse: b    आ॒मा प॒क्वं च॑रति॒ बिभ्र॑ती॒ गौः ।
   आ॒मा प॒क्वम् चरति बिभ्र॑ती गौः ।
   आ॒मा प॒क्वं च॑रति बिभ्र॑ती गौः ।

Halfverse: c    विश्वं॒ स्वाद्म॒ सम्भृ॑तमु॒स्रिया॑यां॒ यत्सी॒मिन्द्रो॒ अद॑धा॒द्भोज॑नाय ।।
   विश्वं॒ स्वाद्म॒ सम्भृ॑तमु॒स्रिया॑यां
   विश्व॑म् स्वाद्म सम्भृ॑तम् उ॒स्रिया॑याम्
   विश्वं स्वाद्म सम्भृ॑तम् उ॒स्रिया॑यां

Halfverse: d    यत्सी॒मिन्द्रो॒ अद॑धा॒द्भोज॑नाय ।।
   यत् सीम् इन्द्रः अद॑धात् भोज॑नाय ।।
   यत् सीम् इन्द्रो अद॑धाद् भोज॑नाय ।।


Verse: 15 
Halfverse: a    इन्द्र॒ दृह्य॑ यामको॒शा अ॑भूवन्य॒ज्ञाय॑ शिक्ष गृण॒ते सखि॑भ्यः ।
   इन्द्र॒ दृह्य॑ यामको॒शा अ॑भूवन्
   इन्द्र दृह्य यामको॒शाः अ॑भूवन्
   इन्द्र दृह्य यामको॒शा अ॑भूवन्

Halfverse: b    य॒ज्ञाय॑ शिक्ष गृण॒ते सखि॑भ्यः ।
   य॒ज्ञाय शिक्ष गृण॒ते सखि॑भ्यः ।
   य॒ज्ञाय शिक्ष गृण॒ते सखि॑भ्यः ।

Halfverse: c    दु॑र्मा॒यवो॑ दु॒रेवा॒ मर्त्या॑सो निष॒ङ्गिणो॑ रि॒पवो॒ हन्त्वा॑सः ।।
   दु॑र्मा॒यवो॑ दु॒रेवा॒ मर्त्या॑सो
   दुर्मा॒यवः दु॒रेवाः मर्त्या॑सः
   दुर्मा॒यवो दु॒रेवा मर्ति॑यासो

Halfverse: d    निष॒ङ्गिणो॑ रि॒पवो॒ हन्त्वा॑सः ।।
   नि॑ष॒ङ्गिणः रि॒पवः हन्त्वा॑सः ।।
   नि॑ष॒ङ्गिणो रि॒पवो हन्तु॑वासः ।।


Verse: 16 
Halfverse: a    सं घोषः॑ शृण्वे ऽव॒मैर॒मित्रै॑र्ज॒ही न्ये॑ष्व॒शनिं॒ तपि॑ष्ठाम् ।
   सं घोषः॑ शृण्वे ऽव॒मैर॒मित्रै॑र्
   सम् घोषः शृण्वे अव॒मैः अ॒मित्रैः
   सं घोषः शृण्वे अव॒मैर् अ॒मित्रै॑र्

Halfverse: b    ज॒ही न्ये॑ष्व॒शनिं॒ तपि॑ष्ठाम् ।
   ज॒हि+ नि ए॑षु अ॒शनि॑म् तपि॑ष्ठाम् ।
   ज॒ही नि ए॑षु अ॒शनिं तपि॑ष्ठाम् ।

Halfverse: c    वृ॒श्चेम॒धस्ता॒द्वि रु॑जा॒ सह॑स्व ज॒हि रक्षो॑ मघवन्र॒न्धय॑स्व ।।
   वृ॒श्चेम॒धस्ता॒द्वि रु॑जा॒ सह॑स्व
   वृ॒श्च ई॑म् अ॒धस्ता॑त् वि रु॑ज+ सह॑स्व
   वृ॒श्चेम् अ॒धस्ता॑द् वि रु॑जा सह॑स्व

Halfverse: d    ज॒हि रक्षो॑ मघवन्र॒न्धय॑स्व ।।
   ज॒हि रक्षः मघवन् र॒न्धय॑स्व ।।
   ज॒हि रक्षो मघवन् र॒न्धय॑स्व ।।


Verse: 17 
Halfverse: a    उद्वृ॑ह॒ रक्षः॑ स॒हमू॑लमिन्द्र वृ॒श्चा मध्य॒म्प्रत्यग्रं॑ शृणीहि ।
   उद्वृ॑ह॒ रक्षः॑ स॒हमू॑लमिन्द्र
   उत् वृह रक्षः स॒हमू॑लम् इन्द्र
   उद् वृह रक्षः स॒हमू॑लम् इन्द्र

Halfverse: b    वृ॒श्चा मध्य॒म्प्रत्यग्रं॑ शृणीहि ।
   वृ॒श्च+ मध्य॑म् प्रति अग्र॑म् शृणीहि ।
   वृ॒श्चा मध्य॑म् प्रति अग्रं शृणीहि ।

Halfverse: c    आ कीव॑तः सल॒लूकं॑ चकर्थ ब्रह्म॒द्विषे॒ तपु॑षिं हे॒तिम॑स्य ।।
   आ कीव॑तः सल॒लूकं॑ चकर्थ
   आ कीव॑तः सल॒लूक॑म् चकर्थ
   आ कीव॑तः सल॒लूकं चकर्थ

Halfverse: d    ब्रह्म॒द्विषे॒ तपु॑षिं हे॒तिम॑स्य ।।
   ब्र॑ह्म॒द्विषे तपु॑षिम् हे॒तिम् अस्य ।।
   ब्र॑ह्म॒द्विषे तपु॑षिं हे॒तिम् अस्य ।।


Verse: 18 
Halfverse: a    स्व॒स्तये॑ वा॒जिभि॑श्च प्रणेतः॒ सं यन्म॒हीरिष॑ आ॒सत्सि॑ पू॒र्वीः ।
   स्व॒स्तये॑ वा॒जिभि॑श्च प्रणेतः
   स्व॒स्तये वा॒जिभिः च प्रणेतर्
   सुअ॒स्तये वा॒जिभि॑श् च प्रणेतः

Halfverse: b    सं यन्म॒हीरिष॑ आ॒सत्सि॑ पू॒र्वीः ।
   सम् यत् म॒हीः इषः आ॒सत्सि पू॒र्वीः ।
   सं यन् म॒हीर् इष आ॒सत्सि पू॒र्वीः ।

Halfverse: c    रा॒यो व॒न्तारो॑ बृह॒तः स्या॑मा॒स्मे अ॑स्तु॒ भग॑ इन्द्र प्र॒जावा॑न् ।।
   रा॒यो व॒न्तारो॑ बृह॒तः स्या॑म
   रा॒यः व॒न्तारः बृह॒तः स्या॑म
   रा॒यो व॒न्तारो बृह॒तः सि॑याम

Halfverse: d     अ॒स्मे अ॑स्तु॒ भग॑ इन्द्र प्र॒जावा॑न् ।।
   अ॒स्मे अ॑स्तु भगः इन्द्र प्र॒जावा॑न् ।।
   अ॒स्मे अ॑स्तु भग इन्द्र प्र॒जावा॑न् ।।


Verse: 19 
Halfverse: a    आ नो॑ भर॒ भग॑मिन्द्र द्यु॒मन्तं॒ नि ते॑ दे॒ष्णस्य॑ धीमहि प्ररे॒के ।
   आ नो॑ भर॒ भग॑मिन्द्र द्यु॒मन्तं
   आ नः भर भग॑म् इन्द्र द्यु॒मन्त॑म्
   आ नो भर भग॑म् इन्द्र द्यु॒मन्तं

Halfverse: b    नि ते॑ दे॒ष्णस्य॑ धीमहि प्ररे॒के ।
   नि ते दे॒ष्णस्य धीमहि प्ररे॒के ।
   नि ते दे॒ष्णस्य धीमहि प्ररे॒के ।

Halfverse: c    ऊ॒र्व इ॑व पप्रथे॒ कामो॑ अ॒स्मे तमा पृ॑ण वसुपते॒ वसू॑नाम् ।।
   ऊ॒र्व इ॑व पप्रथे॒ कामो॑ अ॒स्मे
   ऊ॒र्वः इ॑व पप्रथे कामः अ॒स्मे
   ऊ॒र्व इ॑व पप्रथे कामो अ॒स्मे

Halfverse: d    तमा पृ॑ण वसुपते॒ वसू॑नाम् ।।
   तम् आ पृ॑ण वसुपते वसू॑नाम् ।।
   तम् आ पृ॑ण वसुपते वसू॑नाम् ।।


Verse: 20 
Halfverse: a    इ॒मं काम॑म्मन्दया॒ गोभि॒रश्वै॑श्च॒न्द्रव॑ता॒ राध॑सा प॒प्रथ॑श्च ।
   इ॒मं काम॑म्मन्दया॒ गोभि॒रश्वै॑श्
   इ॒मम् काम॑म् मन्दय+ गोभिः अश्वैः
   इ॒मं काम॑म् मन्दया गोभि॑र् अश्वै॑श्

Halfverse: b    च॒न्द्रव॑ता॒ राध॑सा प॒प्रथ॑श्च ।
   च॒न्द्रव॑ता राध॑सा प॒प्रथः च ।
   च॒न्द्रव॑ता राध॑सा प॒प्रथ॑श् च ।

Halfverse: c    स्व॒र्यवो॑ म॒तिभि॒स्तुभ्यं॒ विप्रा॒ इन्द्रा॑य॒ वाहः॑ कुशि॒कासो॑ अक्रन् ।।
   स्व॒र्यवो॑ म॒तिभि॒स्तुभ्यं॒ विप्रा
   स्व॒र्यवः म॒तिभिः तुभ्य॑म् विप्राः
   सुव॒र्यवो म॒तिभि॑स् तुभ्य % विप्रा

Halfverse: d    इन्द्रा॑य॒ वाहः॑ कुशि॒कासो॑ अक्रन् ।।
   इन्द्रा॑य वाहः कुशि॒कासः अक्रन् ।।
   इन्द्रा॑य वाहः कुशि॒कासो अक्रन् ।।


Verse: 21 
Halfverse: a    आ नो॑ गो॒त्रा द॑र्दृहि गोपते॒ गाः सम॒स्मभ्यं॑ स॒नयो॑ यन्तु॒ वाजाः॑ ।
   आ नो॑ गो॒त्रा द॑र्दृहि गोपते॒ गाः
   आ नः गो॒त्रा द॑र्दृहि गोपते गाः
   आ नो गो॒त्रा द॑र्दृहि गोपते गाः

Halfverse: b    सम॒स्मभ्यं॑ स॒नयो॑ यन्तु॒ वाजाः॑ ।
   सम् अ॒स्मभ्य॑म् स॒नयः यन्तु वाजाः ।
   सम् अ॒स्मभ्यं स॒नयो यन्तु वाजाः ।

Halfverse: c    दि॒वक्षा॑ असि वृषभ स॒त्यशु॑ष्मो॒ ऽस्मभ्यं॒ सु म॑घवन्बोधि गो॒दाः ।।
   दि॒वक्षा॑ असि वृषभ स॒त्यशु॑ष्मो
   दि॒वक्षाः असि वृषभ स॒त्यशु॑ष्मः
   दि॒वक्षा ऽसि % वृषभ स॒त्यशु॑ष्मो

Halfverse: d    ऽस्मभ्यं॒ सु म॑घवन्बोधि गो॒दाः ।।
   अ॒स्मभ्य॑म् सु म॑घवन् बोधि गो॒दाः ।।
   अ॒स्मभ्यं सु म॑घवन् बोधि गो॒दाः ।।


Verse: 22 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.