TITUS
Rg-Veda: Rg-Veda-Samhita
Part No. 266
Previous part

Hymn: 32_(266) 
Verse: 1 
Halfverse: a    इन्द्र॒ सोमं॑ सोमपते॒ पिबे॒मम्माध्यं॑दिनं॒ सव॑नं॒ चारु॒ यत्ते॑ ।
   इन्द्र॒ सोमं॑ सोमपते॒ पिबे॒मम्
   इन्द्र सोम॑म् सोमपते पिब इ॒मम्
   इन्द्र सोमं सोमपते पिबे॒मम्

Halfverse: b    माध्यं॑दिनं॒ सव॑नं॒ चारु॒ यत्ते॑ ।
   माध्यं॑दिनम् सव॑नम् चारु यत् ते ।
   माध्यं॑दिनं सव॑नं चारु यत् ते ।

Halfverse: c    प्र॒प्रुथ्या॒ शिप्रे॑ मघवन्नृजीषिन्वि॒मुच्या॒ हरी॑ इ॒ह मा॑दयस्व ।।
   प्र॒प्रुथ्या॒ शिप्रे॑ मघवन्नृजीषिन्
   प्र॒प्रुथ्य+ शिप्रे मघवन् ऋजीषिन्
   प्र॒प्रुथ्या शिप्रे मघवन्न् ऋजीषिन्

Halfverse: d    वि॒मुच्या॒ हरी॑ इ॒ह मा॑दयस्व ।।
   वि॒मुच्य+ हरी इ॒ह मा॑दयस्व ।।
   वि॒मुच्या हरी इ॒ह मा॑दयस्व ।।


Verse: 2 
Halfverse: a    गवा॑शिरम्म॒न्थिन॑मिन्द्र शु॒क्रम्पिबा॒ सोमं॑ ररि॒मा ते॒ मदा॑य ।
   गवा॑शिरम्म॒न्थिन॑मिन्द्र शु॒क्रम्
   गवा॑शिरम् म॒न्थिन॑म् इन्द्र शु॒क्रम्
   गवा॑शिरम् म॒न्थिन॑म् इन्द्र शु॒क्रम्

Halfverse: b    पिबा॒ सोमं॑ ररि॒मा ते॒ मदा॑य ।
   पिब+ सोम॑म् ररि॒म+ ते मदा॑य ।
   पिबा सोमं ररि॒मा ते मदा॑य ।

Halfverse: c    ब्र॑ह्म॒कृता॒ मारु॑तेना ग॒णेन॑ स॒जोषा॑ रु॒द्रैस्तृ॒पदा वृ॑षस्व ।।
   ब्र॑ह्म॒कृता॒ मारु॑तेना ग॒णेन
   ब्रह्म॒कृता मारु॑तेन+ ग॒णेन
   ब्रह्म॒कृता मारु॑तेना ग॒णेन

Halfverse: d    स॒जोषा॑ रु॒द्रैस्तृ॒पदा वृ॑षस्व ।।
   स॒जोषाः रु॒द्रैः तृ॒पत् आ वृ॑षस्व ।।
   स॒जोषा रु॒द्रैस् तृ॒पद् आ वृ॑षस्व ।।


Verse: 3 
Halfverse: a    ये ते॒ शुष्मं॒ ये तवि॑षी॒मव॑र्ध॒न्नर्च॑न्त इन्द्र म॒रुत॑स्त॒ ओजः॑ ।
   ये ते॒ शुष्मं॒ ये तवि॑षी॒मव॑र्धन्न्
   ये ते शुष्म॑म् ये तवि॑षीम् अव॑र्धन्
   ये ते शुष्मं ये तवि॑षीम् अव॑र्धन्न्

Halfverse: b    अर्च॑न्त इन्द्र म॒रुत॑स्त॒ ओजः॑ ।
   अर्च॑न्तः इन्द्र म॒रुतः ते ओजः ।
   अर्च॑न्त इन्द्र म॒रुत॑स् त ओजः ।

Halfverse: c    माध्यं॑दिने॒ सव॑ने वज्रहस्त॒ पिबा॑ रु॒द्रेभिः॒ सग॑णः सुशिप्र ।।
   माध्यं॑दिने॒ सव॑ने वज्रहस्त
   माध्यं॑दिने सव॑ने वज्रहस्त
   माध्यं॑दिने सव॑ने वज्रहस्त

Halfverse: d    पिबा॑ रु॒द्रेभिः॒ सग॑णः सुशिप्र ।।
   पिब+ रु॒द्रेभिः सग॑णः सुशिप्र ।।
   पिबा रु॒द्रेभिः सग॑णः सुशिप्र ।।


Verse: 4 
Halfverse: a    त इन्न्व॑स्य॒ मधु॑मद्विविप्र॒ इन्द्र॑स्य॒ शर्धो॑ म॒रुतो॒ य आस॑न् ।
   त इन्न्व॑स्य॒ मधु॑मद्विविप्र
   ते इत् नु अ॑स्य मधु॑मत् विविप्रे
   त इन् नु अ॑स्य मधु॑मद् विविप्र

Halfverse: b    इन्द्र॑स्य॒ शर्धो॑ म॒रुतो॒ य आस॑न् ।
   इन्द्र॑स्य शर्धः म॒रुतः ये आस॑न् ।
   इन्द्र॑स्य शर्धो म॒रुतो य आस॑न् ।

Halfverse: c    येभि॑र्वृ॒त्रस्ये॑षि॒तो वि॒वेदा॑म॒र्मणो॒ मन्य॑मानस्य॒ मर्म॑ ।।
   येभि॑र्वृ॒त्रस्ये॑षि॒तो वि॒वेद
   येभिः वृ॒त्रस्य इषि॒तः वि॒वेद
   येभि॑र् वृ॒त्रस्य इषि॒तो वि॒वेद

Halfverse: d     ॑अम॒र्मणो॒ मन्य॑मानस्य॒ मर्म॑ ।।
   अ॑म॒र्मणः मन्य॑मानस्य मर्म ।।
   अ॑म॒र्मणो मन्य॑मानस्य मर्म ।।


Verse: 5 
Halfverse: a    म॑नु॒ष्वदि॑न्द्र॒ सव॑नं जुषा॒णः पिबा॒ सोमं॒ शश्व॑ते वी॒र्या॑य ।
   म॑नु॒ष्वदि॑न्द्र॒ सव॑नं जुषा॒णः
   म॑नु॒ष्वत् इन्द्र सव॑नम् जुषा॒णः
   म॑नु॒ष्वद् इन्द्र सव॑नं जुषा॒णः

Halfverse: b    पिबा॒ सोमं॒ शश्व॑ते वी॒र्या॑य ।
   पिब+ सोम॑म् शश्व॑ते वी॒र्या॑य ।
   पिबा सोमं शश्व॑ते वी॒रिया॑य ।

Halfverse: c    स आ व॑वृत्स्व हर्यश्व य॒ज्ञैः स॑र॒ण्युभि॑र॒पो अर्णा॑ सिसर्षि ।।
   स आ व॑वृत्स्व हर्यश्व य॒ज्ञैः
   सः ।!। आ व॑वृत्स्व हर्यश्व य॒ज्ञैः
   स आ व॑वृत्स्व हरिअ॑श्व य॒ज्ञैः

Halfverse: d    स॑र॒ण्युभि॑र॒पो अर्णा॑ सिसर्षि ।।
   स॑र॒ण्युभिः अ॒पः अर्णा सिसर्षि ।।
   स॑र॒ण्युभि॑र् अ॒पो अर्णा सिसर्षि ।।


Verse: 6 
Halfverse: a    त्वम॒पो यद्ध॑ वृ॒त्रं ज॑घ॒न्वाँ अत्याँ॑ इव॒ प्रासृ॑जः॒ सर्त॒वाजौ ।
   त्वम॒पो यद्ध॑ वृ॒त्रं ज॑घ॒न्वाँ
   त्वम् अ॒पः यत् ह वृ॒त्रम् जघ॒न्वान्
   तु॒वम् अ॒पो यद् ध वृ॒त्रं ज॑घ॒न्वाँ

Halfverse: b    अत्याँ॑ इव॒ प्रासृ॑जः॒ सर्त॒वाजौ ।
   अत्या॑न् इव प्र असृ॑जः सर्त॒वै आ॒जौ ।
   अत्याँ इव प्रासृ॑जः सर्त॒वाजौ ।

Halfverse: c    शया॑नमिन्द्र॒ चर॑ता व॒धेन॑ वव्रि॒वांस॒म्परि॑ दे॒वीरदे॑वम् ।।
   शया॑नमिन्द्र॒ चर॑ता व॒धेन
   शया॑नम् इन्द्र चर॑ता व॒धेन
   शया॑नम् इन्द्र चर॑ता व॒धेन

Halfverse: d    वव्रि॒वांस॒म्परि॑ दे॒वीरदे॑वम् ।।
   व॑व्रि॒वांस॑म् परि दे॒वीः अदे॑वम् ।।
   व॑व्रि॒वांस॑म् परि दे॒वीर् अदे॑वम् ।।


Verse: 7 
Halfverse: a    यजा॑म॒ इन्नम॑सा वृ॒द्धमिन्द्र॑म्बृ॒हन्त॑मृ॒ष्वम॒जरं॒ युवा॑नम् ।
   यजा॑म॒ इन्नम॑सा वृ॒द्धमिन्द्र॑म्
   यजा॑मः इत् नम॑सा वृ॒द्धम् इन्द्र॑म्
   यजा॑म इन् नम॑सा वृ॒द्धम् इन्द्र॑म्

Halfverse: b    बृ॒हन्त॑मृ॒ष्वम॒जरं॒ युवा॑नम् ।
   बृ॒हन्त॑म् ऋ॒ष्वम् अ॒जर॑म् युवा॑नम् ।
   बृ॒हन्त॑म् ऋ॒ष्वम् अ॒जरं युवा॑नम् ।

Halfverse: c    यस्य॑ प्रि॒ये म॒मतु॑र्य॒ज्ञिय॑स्य॒ न रोद॑सी महि॒मान॑म्म॒माते॑ ।।
   यस्य॑ प्रि॒ये म॒मतु॑र्य॒ज्ञिय॑स्य
   यस्य प्रि॒ये म॒मतुः य॒ज्ञिय॑स्य
   यस्य प्रि॒ये म॒मतु॑र् य॒ज्ञिय॑स्य

Halfverse: d    न रोद॑सी महि॒मान॑म्म॒माते॑ ।।
   न रोद॑सी महि॒मान॑म् म॒माते ।।
   न रोद॑सी महि॒मान॑म् म॒माते ।।


Verse: 8 
Halfverse: a    इन्द्र॑स्य॒ कर्म॒ सुकृ॑ता पु॒रूणि॑ व्र॒तानि॑ दे॒वा न मि॑नन्ति॒ विश्वे॑ ।
   इन्द्र॑स्य॒ कर्म॒ सुकृ॑ता पु॒रूणि
   इन्द्र॑स्य कर्म सुकृ॑ता पु॒रूणि
   इन्द्र॑स्य कर्म सुकृ॑ता पु॒रूणि

Halfverse: b    व्र॒तानि॑ दे॒वा न मि॑नन्ति॒ विश्वे॑ ।
   व्र॒तानि दे॒वाः न मि॑नन्ति विश्वे ।
   व्र॒तानि दे॒वा न मि॑नन्ति विश्वे ।

Halfverse: c    दा॒धार॒ यः पृ॑थि॒वीं द्यामु॒तेमां ज॒जान॒ सूर्य॑मु॒षसं॑ सु॒दंसाः॑ ।।
   दा॒धार॒ यः पृ॑थि॒वीं द्यामु॒तेमां
   दा॒धार यः पृ॑थि॒वीम् द्याम् उ॒त इ॒माम्
   दा॒धार यः पृ॑थि॒वीं द्याम् उ॒तेमां

Halfverse: d    ज॒जान॒ सूर्य॑मु॒षसं॑ सु॒दंसाः॑ ।।
   ज॒जान सूर्य॑म् उ॒षस॑म् सु॒दंसाः ।।
   ज॒जान सूर्य॑म् उ॒षसं सु॒दंसाः ।।


Verse: 9 
Halfverse: a    अद्रो॑घ स॒त्यं तव॒ तन्म॑हि॒त्वं स॒द्यो यज्जा॒तो अपि॑बो ह॒ सोम॑म् ।
   अद्रो॑घ स॒त्यं तव॒ तन्म॑हि॒त्वं
   अद्रो॑घ स॒त्यम् तव तत् महि॒त्वम्
   अद्रो॑घ स॒त्यं तव तन् महि॒त्वं

Halfverse: b    स॒द्यो यज्जा॒तो अपि॑बो ह॒ सोम॑म् ।
   स॒द्यः यत् जा॒तः अपि॑बः ह सोम॑म् ।
   स॒द्यो यज् जा॒तो अपि॑बो ह सोम॑म् ।

Halfverse: c    न द्याव॑ इन्द्र त॒वस॑स्त॒ ओजो॒ नाहा॒ न मासाः॑ श॒रदो॑ वरन्त ।।
   न द्याव॑ इन्द्र त॒वस॑स्त॒ ओजो
   न द्यावः इन्द्र त॒वसः ते ओजः
   न द्याव इन्द्र त॒वस॑स् त ओजो

Halfverse: d    नाहा॒ न मासाः॑ श॒रदो॑ वरन्त ।।
   न अहा न मासाः श॒रदः वरन्त ।।
   नाहा न मासाः श॒रदो वरन्त ।।


Verse: 10 
Halfverse: a    त्वं स॒द्यो अ॑पिबो जा॒त इ॑न्द्र॒ मदा॑य॒ सोम॑म्पर॒मे व्यो॑मन् ।
   त्वं स॒द्यो अ॑पिबो जा॒त इ॑न्द्र
   त्वम् स॒द्यः अ॑पिबः जा॒तः इ॑न्द्र
   तु॒वं स॒द्यो अ॑पिबो जा॒त इ॑न्द्र

Halfverse: b    मदा॑य॒ सोम॑म्पर॒मे व्यो॑मन् ।
   मदा॑य सोम॑म् पर॒मे व्यो॑मन् ।
   मदा॑य सोम॑म् पर॒मे विओ॑मन् ।

Halfverse: c    यद्ध॒ द्यावा॑पृथि॒वी आवि॑वेशी॒रथा॑भवः पू॒र्व्यः का॒रुधा॑याः ।।
   यद्ध॒ द्यावा॑पृथि॒ वीआवि॑वेशीर्
   यत् ह द्यावा॑पृथि॒वी आ अवि॑वेशीः
   यद् ध द्यावा॑पृथि॒वी आवि॑वेशीर्

Halfverse: d    अथा॑भवः पू॒र्व्यः का॒रुधा॑याः ।।
   अथ अभवः पू॒र्व्यः का॒रुधा॑याः ।।
   अथा॑भवः पूर्वि॒यः का॒रुधा॑याः ।।


Verse: 11 
Halfverse: a    अह॒न्नहि॑म्परि॒शया॑न॒मर्ण॑ ओजा॒यमा॑नं तुविजात॒ तव्या॑न् ।
   अह॒न्नहि॑म्परि॒शया॑न॒मर्ण
   अह॑न् अहि॑म् परि॒शया॑नम् अर्णः
   अह॑न्न् अहि॑म् परि॒शया॑नम् अर्ण

Halfverse: b    ओजा॒यमा॑नं तुविजात॒ तव्या॑न् ।
   ओ॑जा॒यमा॑नम् तुविजात तव्या॑न् ।
   ओ॑जा॒यमा॑नं तुविजात तव्या॑न् ।

Halfverse: c    न ते॑ महि॒त्वमनु॑ भू॒दध॒ द्यौर्यद॒न्यया॑ स्पि॒ग्या॒ क्षामव॑स्थाः ।।
   न ते॑ महि॒त्वमनु॑ भू॒दध॒ द्यौर्
   न ते महि॒त्वम् अनु भूत् अध द्यौः
   न ते महि॒त्वम् अनु भूद् अध द्यौर्

Halfverse: d    यद॒न्यया॑ स्पि॒ग्या॒ क्षामव॑स्थाः ।।
   यत् अ॒न्यया स्पि॒ग्या क्षाम् अव॑स्थाः ।।
   यद् अ॒न्यया स्पि॒गिया क्षाम् अव॑स्थाः ।।


Verse: 12 
Halfverse: a    य॒ज्ञो हि त॑ इन्द्र॒ वर्ध॑नो॒ भूदु॒त प्रि॒यः सु॒तसो॑मो मि॒येधः॑ ।
   य॒ज्ञो हि त॑ इन्द्र॒ वर्ध॑नो॒ भूद्
   य॒ज्ञः हि ते इन्द्र वर्ध॑नः भूत्
   य॒ज्ञो हि त इन्दर वर्ध॑नो भूद्

Halfverse: b    उ॒त प्रि॒यः सु॒तसो॑मो मि॒येधः॑ ।
   उ॒त प्रि॒यः सु॒तसो॑मः मि॒येधः ।
   उ॒त प्रि॒यः सु॒तसो॑मो मि॒येधः ।

Halfverse: c    य॒ज्ञेन॑ य॒ज्ञम॑व य॒ज्ञियः॒ सन्य॒ज्ञस्ते॒ वज्र॑महि॒हत्य॑ आवत् ।।
   य॒ज्ञेन॑ य॒ज्ञम॑व य॒ज्ञियः॒ सन्
   य॒ज्ञेन य॒ज्ञम् अव य॒ज्ञियः सन्
   य॒ज्ञेन य॒ज्ञम् अव य॒ज्ञियः सन्

Halfverse: d    य॒ज्ञस्ते॒ वज्र॑महि॒हत्य॑ आवत् ।।
   य॒ज्ञः ते वज्र॑म् अहि॒हत्ये आवत् ।।
   य॒ज्ञस् ते वज्र॑म् अहि॒हत्य आवत् ।।


Verse: 13 
Halfverse: a    य॒ज्ञेनेन्द्र॒मव॒सा च॑क्रे अ॒र्वाऐनं॑ सु॒म्नाय॒ नव्य॑से ववृत्याम् ।
   य॒ज्ञेनेन्द्र॒मव॒सा च॑क्रे अ॒र्वाग्
   य॒ज्ञेन इन्द्र॑म् अव॑सा आ च॑क्रे अ॒र्वाक्
   य॒ज्ञेनेन्द्र॑म् अव॒सा च॑क्रे अ॒र्वाग्

Halfverse: b    अैनं॑ सु॒म्नाय॒ नव्य॑से ववृत्याम् ।
   आ ए॑नम् सु॒म्नाय नव्य॑से ववृत्याम् ।
   अैनं सु॒म्नाय नव्य॑से ववृत्याम् ।

Halfverse: c    य स्तोमे॑भिर्वावृ॒धे पू॒र्व्येभि॒र्यो म॑ध्य॒मेभि॑रु॒त नूत॑नेभिः ।।
   य स्तोमे॑भिर्वावृ॒धे पू॒र्व्येभि॑र्
   यः स्तोमे॑भिः वावृ॒धे पू॒र्व्येभिः
   य स्तोमे॑भिर् वावृ॒धे पू॑र्वि॒येभि॑र्

Halfverse: d    यो म॑ध्य॒मेभि॑रु॒त नूत॑नेभिः ।।
   यः म॑ध्य॒मेभिः उ॒त नूत॑नेभिः ।।
   यो म॑ध्य॒मेभि॑र् उ॒त नूत॑नेभिः ।।


Verse: 14 
Halfverse: a    वि॒वेष॒ यन्मा॑ धि॒षणा॑ ज॒जान॒ स्तवै॑ पु॒रा पार्या॒दिन्द्र॒मह्नः॑ ।
   वि॒वेष॒ यन्मा॑ धि॒षणा॑ ज॒जान
   वि॒वेष यत् मा धि॒षणा ज॒जान
   वि॒वेष यन् मा धि॒षणा ज॒जान

Halfverse: b    स्तवै॑ पु॒रा पार्या॒दिन्द्र॒मह्नः॑ ।
   स्तवै पु॒रा पार्या॑त् इन्द्र॑म् अह्नः ।
   स्तवै पु॒रा पारि॑याद् इन्द्र॑म् अह्नः ।

Halfverse: c    अंह॑सो॒ यत्र॑ पी॒पर॒द्यथा॑ नो ना॒वेव॒ यान्त॑मु॒भये॑ हवन्ते ।।
   अंह॑सो॒ यत्र॑ पी॒पर॒द्यथा॑ नो
   अंह॑सः यत्र पी॒पर॑त् यथा नः
   अंह॑सो यत्र पी॒पर॑द् यथा नो

Halfverse: d    ना॒वेव॒ यान्त॑मु॒भये॑ हवन्ते ।।
   ना॒वा इ॑व यान्त॑म् उ॒भये हवन्ते ।।
   ना॒वेव यान्त॑म् उ॒भये हवन्ते ।।


Verse: 15 
Halfverse: a    आपू॑र्णो अस्य क॒लशः॒ स्वाहा॒ सेक्ते॑व॒ कोशं॑ सिसिचे॒ पिब॑ध्यै ।
   आपू॑र्णो अस्य क॒लशः॒ स्वाहा
   आपू॑र्णः अस्य क॒लशः स्वाहा
   आपू॑र्णो अस्य क॒लशः सु॒वाहा

Halfverse: b    सेक्ते॑व॒ कोशं॑ सिसिचे॒ पिब॑ध्यै ।
   सेक्ता इव कोश॑म् सिसिचे पिब॑ध्यै ।
   सेक्ते॑व कोशं सिसिचे पिब॑ध्यै ।

Halfverse: c    समु॑ प्रि॒या आव॑वृत्र॒न्मदा॑य प्रदक्षि॒णिद॒भि सोमा॑स॒ इन्द्र॑म् ।।
   समु॑ प्रि॒या आव॑वृत्र॒न्मदा॑य
   सम् उ प्रि॒याः आ अ॑ववृत्रन् मदा॑य
   सम् उ प्रि॒या आव॑वृत्रन् मदा॑य

Halfverse: d    प्रदक्षि॒णिद॒भि सोमा॑स॒ इन्द्र॑म् ।।
   प्र॑दक्षि॒णित् अ॒भि सोमा॑सः इन्द्र॑म् ।।
   प्र॑दक्षि॒णिद् अ॒भि सोमा॑स इन्द्र॑म् ।।


Verse: 16 
Halfverse: a    न त्वा॑ गभी॒रः पु॑रुहूत॒ सिन्धु॒र्नाद्र॑यः॒ परि॒ षन्तो॑ वरन्त ।
   न त्वा॑ गभी॒रः पु॑रुहूत॒ सिन्धु॑र्
   न त्वा गभी॒रः पु॑रुहूत सिन्धुः
   न त्वा गभी॒रः पु॑रुहूत सिन्धु॑र्

Halfverse: b    नाद्र॑यः॒ परि॒ षन्तो॑ वरन्त ।
   न अद्र॑यः परि सन्तः वरन्त ।
   न अद्र॑यः परि षन्तो वरन्त ।

Halfverse: c    इ॒त्था सखि॑भ्य इषि॒तो यदि॒न्द्रा दृ॒ऴं चि॒दरु॑जो॒ गव्य॑मू॒र्वम् ।।
   इ॒त्था सखि॑भ्य इषि॒तो यदि॑न्द्र
   इ॒त्था सखि॑भ्यः इषि॒तः यत् इन्द्र
   इ॒त्था सखि॑भ्य इषि॒तो यद् इन्द्र

Halfverse: d     आ दृ॒ऴं चि॒दरु॑जो॒ गव्य॑मू॒र्वम् ।।
   आ दृ॒ऴम् चित् अरु॑जः गव्य॑म् ऊ॒र्वम् ।।
   आ दृ॒ऴं चि॑द् अरु॑जो गव्य॑म् ऊ॒र्वम् ।।


Verse: 17 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.