TITUS
Rg-Veda: Rg-Veda-Samhita
Part No. 268
Previous part

Hymn: 34_(268) 
Verse: 1 
Halfverse: a    इन्द्रः॑ पू॒र्भिदाति॑र॒द्दास॑म॒र्कैर्वि॒दद्व॑सु॒र्दय॑मानो॒ वि शत्रू॑न् ।
   इन्द्रः॑ पू॒र्भिदाति॑र॒द्दास॑म॒र्कैर्
   इन्द्रः पू॒र्भित् आ अ॑तिरत् दास॑म् अ॒र्कैः
   इन्द्रः पू॒र्भिद् आति॑रद् दास॑म् अ॒र्कैर्

Halfverse: b    वि॒दद्व॑सु॒र्दय॑मानो॒ वि शत्रू॑न् ।
   वि॒दद्व॑सुः दय॑मानः वि शत्रू॑न् ।
   वि॒दद्व॑सुर् दय॑मानो वि शत्रू॑न् ।

Halfverse: c    ब्रह्म॑जूतस्त॒न्वा॑ वावृधा॒नो भूरि॑दात्र॒ आपृ॑ण॒द्रोद॑सी उ॒भे ।।
   ब्रह्म॑जूतस्त॒न्वा॑ वावृधा॒नो
   ब्रह्म॑जूतः त॒न्वा वावृधा॒नः
   ब्रह्म॑जूतस् त॒नुवा वावृधा॒नो

Halfverse: d    भूरि॑दात्र॒ आपृ॑ण॒द्रोद॑सी उ॒भे ।।
   भूरि॑दात्रः आ अ॑पृणत् रोद॑सी उ॒भे ।।
   भूरि॑दात्र आपृ॑णद् रोद॑सी उ॒भे ।।


Verse: 2 
Halfverse: a    म॒खस्य॑ ते तवि॒षस्य॒ प्र जू॒तिमिय॑र्मि॒ वाच॑म॒मृता॑य॒ भूष॑न् ।
   म॒खस्य॑ ते तवि॒षस्य॒ प्र जू॒तिम्
   म॒खस्य ते तवि॒षस्य प्र जू॒तिम्
   म॒खस्य ते तवि॒षस्य प्र जू॒तिम्

Halfverse: b    इय॑र्मि॒ वाच॑म॒मृता॑य॒ भूष॑न् ।
   इय॑र्मि वाच॑म् अ॒मृता॑य भूष॑न् ।
   इय॑र्मि वाच॑म् अ॒मृता॑य भूष॑न् ।

Halfverse: c    इन्द्र॑ क्षिती॒नाम॑सि॒ मानु॑षीणां वि॒शां दैवी॑नामु॒त पू॑र्व॒यावा॑ ।।
   इन्द्र॑ क्षिती॒नाम॑सि॒ मानु॑षीणां
   इन्द्र क्षिती॒नाम् असि मानु॑षीणाम्
   इन्द्र क्षिती॒नाम् असि मानु॑षीणां

Halfverse: d    वि॒शां दैवी॑नामु॒त पू॑र्व॒यावा॑ ।।
   वि॒शाम् दैवी॑नाम् उ॒त पू॑र्व॒यावा ।।
   वि॒शां दैवी॑नाम् उ॒त पू॑र्व॒यावा ।।


Verse: 3 
Halfverse: a    इन्द्रो॑ वृ॒त्रम॑वृणो॒च्छर्ध॑नीतिः॒ प्र मा॒यिना॑ममिना॒द्वर्प॑णीतिः ।
   इन्द्रो॑ वृ॒त्रम॑वृणो॒च्छर्ध॑नीतिः
   इन्द्रः वृ॒त्रम् अवृणोत् शर्ध॑नीतिः
   इन्द्रो वृ॒त्रम् अवृणोच् छर्ध॑नीतिः

Halfverse: b    प्र मा॒यिना॑ममिना॒द्वर्प॑णीतिः ।
   प्र मा॒यिना॑म् अमिनात् वर्प॑णीतिः ।
   प्र मा॒यिना॑म् अमिनाद् वर्प॑णीतिः ।

Halfverse: c    अह॒न्व्यं॑समु॒शध॒ग्वने॑ष्वा॒विर्धेना॑ अकृणोद्रा॒म्याणा॑म् ।।
   अह॒न्व्यं॑समु॒शध॒ग्वने॑ष्व्
   अह॑न् व्यं॑सम् उ॒शध॑क् वने॑षु
   अह॑न् विअंसम् उ॒शध॑ग् वने॑षु

Halfverse: d    आ॒विर्धेना॑ अकृणोद्रा॒म्याणा॑म् ।।
   आ॒विः धेनाः अकृणोत् रा॒म्याणा॑म् ।।
   आ॒विर् धेना अकृणोद् रामि॒याणा॑म् ।।


Verse: 4 
Halfverse: a    इन्द्रः॑ स्व॒र्षा ज॒नय॒न्नहा॑नि जि॒गायो॒शिग्भिः॒ पृत॑ना अभि॒ष्टिः ।
   इन्द्रः॑ स्व॒र्षा ज॒नय॒न्नहा॑नि
   इन्द्रः स्व॒र्षाः ज॒नय॑न् अहा॑नि
   इन्द्रः सुव॒र्षा ज॒नय॑न्न् अहा॑नि

Halfverse: b    जि॒गायो॒शिग्भिः॒ पृत॑ना अभि॒ष्टिः ।
   जि॒गाय उ॒शिग्भिः पृत॑नाः अभि॒ष्टिः ।
   जि॒गायो॒शिग्भिः पृत॑ना अभि॒ष्टिः ।

Halfverse: c    प्रारो॑चय॒न्मन॑वे के॒तुमह्ना॒मवि॑न्द॒ज्ज्योति॑र्बृह॒ते रणा॑य ।।
   प्रारो॑चय॒न्मन॑वे के॒तुमह्ना॑म्
   प्र अ॑रोचयत् मन॑वे के॒तुम् अह्ना॑म्
   प्रारो॑चयन् मन॑वे के॒तुम् अह्ना॑म्

Halfverse: d    अवि॑न्द॒ज्ज्योति॑र्बृह॒ते रणा॑य ।।
   अवि॑न्दत् ज्योतिः बृह॒ते रणा॑य ।।
   अवि॑न्दज् ज्योति॑र् बृह॒ते रणा॑य ।।


Verse: 5 
Halfverse: a    इन्द्र॒स्तुजो॑ ब॒र्हणा॒ आ वि॑वेश नृ॒वद्दधा॑नो॒ नर्या॑ पु॒रूणि॑ ।
   इन्द्र॒स्तुजो॑ ब॒र्हणा॒ आ वि॑वेश
   इन्द्रः तुजः ब॒र्हणाः आ वि॑वेश
   इन्द्र॑स् तुजो ब॒र्हणा आ वि॑वेश

Halfverse: b    नृ॒वद्दधा॑नो॒ नर्या॑ पु॒रूणि॑ ।
   नृ॒वत् दधा॑नः नर्या पु॒रूणि ।
   नृ॒वद् दधा॑नो नरि॑या पु॒रूणि ।

Halfverse: c    अचे॑तय॒द्धिय॑ इ॒मा ज॑रि॒त्रे प्रेमं वर्ण॑मतिरच्छु॒क्रमा॑साम् ।।
   अचे॑तय॒द्धिय॑ इ॒मा ज॑रि॒त्रे
   अचे॑तयत् धियः इ॒माः ज॑रि॒त्रे
   अचे॑तयद् धिय इ॒मा ज॑रि॒त्रे

Halfverse: d    प्रेमं वर्ण॑मतिरच्छु॒क्रमा॑साम् ।।
   प्र इ॒मम् वर्ण॑म् अतिरत् शु॒क्रम् आसाम् ।।
   प्रेमं वर्ण॑म् अतिरच् छु॒क्रम् आसाम् ।।


Verse: 6 
Halfverse: a    म॒हो म॒हानि॑ पनयन्त्य॒स्येन्द्र॑स्य॒ कर्म॒ सुकृ॑ता पु॒रूणि॑ ।
   म॒हो म॒हानि॑ पनयन्त्यस्य
   म॒हः म॒हानि पनयन्ति अस्य
   म॒हो म॒हानि पनयन्ति अस्य

Halfverse: b     इन्द्र॑स्य॒ कर्म॒ सुकृ॑ता पु॒रूणि॑ ।
   इन्द्र॑स्य कर्म सुकृ॑ता पु॒रूणि ।
   इन्द्र॑स्य कर्म सुकृ॑ता पु॒रूणि ।

Halfverse: c    वृ॒जने॑न वृजि॒नान्सम्पि॑पेष मा॒याभि॒र्दस्यूँ॑र॒भिभू॑त्योजाः ।।
   वृ॒जने॑न वृजि॒नान्सम्पि॑पेष
   वृ॒जने॑न वृजि॒नान् सम् पिपेष
   वृ॒जने॑न वृजि॒नान् सम् पिपेष

Halfverse: d    मा॒याभि॒र्दस्यूँ॑र॒भिभू॑त्योजाः ।।
   मा॒याभिः दस्यू॑न् अ॒भिभू॑त्योजाः ।।
   मा॒याभि॑र् दस्यूँ॑र् अ॒भिभू॑तिओजाः ।।


Verse: 7 
Halfverse: a    यु॒धेन्द्रो॑ म॒ह्ना वरि॑वश्चकार दे॒वेभ्यः॒ सत्प॑तिश्चर्षणि॒प्राः ।
   यु॒धेन्द्रो॑ म॒ह्ना वरि॑वश्चकार
   यु॒धा इन्द्रः म॒ह्ना वरि॑वः चकार
   यु॒धेन्द्रो म॒ह्ना वरि॑वश् चकार

Halfverse: b    दे॒वेभ्यः॒ सत्प॑तिश्चर्षणि॒प्राः ।
   दे॒वेभ्यः सत्प॑तिः चर्षणि॒प्राः ।
   दे॒वेभि॑यः सत्प॑तिश् चर्षणि॒प्राः ।

Halfverse: c    वि॒वस्व॑तः॒ सद॑ने अस्य॒ तानि॒ विप्रा॑ उ॒क्थेभिः॑ क॒वयो॑ गृणन्ति ।।
   वि॒वस्व॑तः॒ सद॑ने अस्य॒ तानि
   वि॒वस्व॑तः सद॑ने अस्य तानि
   वि॒वस्व॑तः सद॑ने अस्य तानि

Halfverse: d    विप्रा॑ उ॒क्थेभिः॑ क॒वयो॑ गृणन्ति ।।
   विप्राः उ॒क्थेभिः क॒वयः गृणन्ति ।।
   विप्रा उ॒क्थेभिः क॒वयो गृणन्ति ।।


Verse: 8 
Halfverse: a    स॑त्रा॒साहं॒ वरे॑ण्यं सहो॒दां स॑स॒वांसं॒ स्व॑र॒पश्च॑ दे॒वीः ।
   स॑त्रा॒साहं॒ वरे॑ण्यं सहो॒दां
   स॑त्रा॒साह॑म् वरे॑ण्यम् सहो॒दाम्
   सत्रा॒साहं वरे॑णियं सहो॒दां

Halfverse: b    स॑स॒वांसं॒ स्व॑र॒पश्च॑ दे॒वीः ।
   स॑स॒वांस॑म् स्व॑र् अ॒पः च दे॒वीः ।
   स॑स॒वांसं सुव॑र् अ॒पश् च दे॒वीः ।

Halfverse: c    स॒सान॒ यः पृ॑थि॒वीं द्यामु॒तेमामिन्द्र॑म्मद॒न्त्यनु॒ धीर॑णासः ।।
   स॒सान॒ यः पृ॑थि॒वीं द्यामु॒तेमाम्
   स॒सान यः पृ॑थि॒वीम् द्याम् उ॒त इ॒माम्
   स॒सान यः पृ॑थि॒वीं द्याम् उ॒तेमाम्

Halfverse: d    इन्द्र॑म्मद॒न्त्यनु॒ धीर॑णासः ।।
   इन्द्र॑म् मदन्ति अनु धीर॑णासः ।।
   इन्द्र॑म् मदन्ति अनु धीर॑णासः ।।


Verse: 9 
Halfverse: a    स॒सानात्याँ॑ उ॒त सूर्यं॑ ससा॒नेन्द्रः॑ ससान पुरु॒भोज॑सं॒ गाम् ।
   स॒सानात्याँ॑ उ॒त सूर्यं॑ ससान
   स॒सान अत्या॑न् उ॒त सूर्य॑म् ससान
   स॒सानात्याँ उ॒त सूर्यं ससान

Halfverse: b     इन्द्रः॑ ससान पुरु॒भोज॑सं॒ गाम् ।
   इन्द्रः ससान पुरु॒भोज॑सम् गाम् ।
   इन्द्रः ससान पुरु॒भोज॑सं गाम् ।

Halfverse: c    हि॑र॒ण्यय॑मु॒त भोगं॑ ससान ह॒त्वी दस्यू॒न्प्रार्यं॒ वर्ण॑मावत् ।।
   हि॑र॒ण्यय॑मु॒त भोगं॑ ससान
   हिर॒ण्यय॑म् उ॒त भोग॑म् ससान
   हिर॒ण्यय॑म् उ॒त भोगं ससान

Halfverse: d    ह॒त्वी दस्यू॒न्प्रार्यं॒ वर्ण॑मावत् ।।
   ह॒त्वी दस्यू॑न् प्र आर्य॑म् वर्ण॑म् आवत् ।।
   ह॒त्वी दस्यू॑न् प्रारि॑यं वर्ण॑म् आवत् ।।


Verse: 10 
Halfverse: a    इन्द्र॒ ओष॑धीरसनो॒दहा॑नि॒ वन॒स्पतीँ॑रसनोद॒न्तरि॑क्षम् ।
   इन्द्र॒ ओष॑धीरसनो॒दहा॑नि
   इन्द्रः ओष॑धीः असनोत् अहा॑नि
   इन्द्र ओष॑धीर् असनोद् अहा॑नि

Halfverse: b    वन॒स्पतीँ॑रसनोद॒न्तरि॑क्षम् ।
   वन॒स्पती॑न् असनोत् अ॒न्तरि॑क्षम् ।
   वन॒स्पतीँ॑र् असनोद् अ॒न्तरि॑क्षम् ।

Halfverse: c    बि॒भेद॑ व॒लं नु॑नु॒दे विवा॒चो ऽथा॑भवद्दमि॒ताभिक्र॑तूनाम् ।।
   बि॒भेद॑ व॒लं नु॑नु॒दे विवा॒चो
   बि॒भेद व॒लम् नुनु॒दे विवा॑चः
   बि॒भेद व॒लं नु॑नु॒दे विवा॑चो

Halfverse: d    ऽथाभवद्दमि॒ताभिक्र॑तूनाम् ।।
   अथ अभवत् दमि॒ता अ॒भिक्र॑तूनाम् ।।
   अथा॑भवद् दमि॒ताभिक्र॑तूनाम् ।।


Verse: 11 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.