TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 271

Hymn: 37_(271)
Verse: 1
Halfverse: a    वार्त्र॑हत्याय॒ शव॑से पृतना॒षाह्या॑य च ।
   वार्त्र॑हत्याय॒ शव॑से
   वार्त्र॑हत्याय शव॑से
   वार्त्र॑हत्याय शव॑से

Halfverse: b    पृतना॒षाह्या॑य च ।
   पृ॑तना॒षाह्या॑य च ।
   पृ॑तना॒षाहि॑याय च ।

Halfverse: c    इन्द्र॒ त्वा व॑र्तयामसि ।।
   इन्द्र॒ त्वा व॑र्तयामसि ।।
   इन्द्र त्वा आ व॑र्तयामसि ।।
   इन्द्र त्वा व॑र्तयामसि ।।

Verse: 2
Halfverse: a    अ॑र्वा॒चीनं॒ सु ते॒ मन॑ उ॒त चक्षुः॑ शतक्रतो ।
   अ॑र्वा॒चीनं॒ सु ते॒ मन
   अर्वा॒चीन॑म् सु ते मनः
   अर्वा॒चीनं सु ते मन

Halfverse: b    उ॒त चक्षुः॑ शतक्रतो ।
   उ॒त चक्षुः शतक्रतो ।
   उ॒त चक्षुः शतक्रतो ।

Halfverse: c    इन्द्र॑ कृ॒ण्वन्तु॑ वा॒घतः॑ ।।
   इन्द्र॑ कृ॒ण्वन्तु॑ वा॒घतः॑ ।।
   इन्द्र कृ॒ण्वन्तु वा॒घतः ।।
   इन्द्र कृ॒ण्वन्तु वा॒घतः ।।

Verse: 3
Halfverse: a    नामा॑नि ते शतक्रतो॒ विश्वा॑भिर्गी॒र्भिरी॑महे ।
   नामा॑नि ते शतक्रतो
   नामा॑नि ते शतक्रतो
   नामा॑नि ते शतक्रतो

Halfverse: b    विश्वा॑भिर्गी॒र्भिरी॑महे ।
   विश्वा॑भिः गी॒र्भिः ई॑महे ।
   विश्वा॑भिर् गी॒र्भिर् ईमहे ।

Halfverse: c    इन्द्रा॑भिमाति॒षाह्ये॑ ।।
   इन्द्रा॑भिमाति॒षाह्ये॑ ।।
   इन्द्र अभिमाति॒षाह्ये ।।
   इन्द्रा॑भिमाति॒षाहि॑ये ।।

Verse: 4
Halfverse: a    पु॑रुष्टु॒तस्य॒ धाम॑भिः श॒तेन॑ महयामसि ।
   पु॑रुष्टु॒तस्य॒ धाम॑भिः
   पुरुष्टु॒तस्य धाम॑भिः
   पुरुष्टु॒तस्य धाम॑भिः

Halfverse: b    श॒तेन॑ महयामसि ।
   श॒तेन महयामसि ।
   श॒तेन महयामसि ।

Halfverse: c    इन्द्र॑स्य चर्षणी॒धृतः॑ ।।
   इन्द्र॑स्य चर्षणी॒धृतः॑ ।।
   इन्द्र॑स्य चर्षणी॒धृतः ।।
   इन्द्र॑स्य चर्षणी॒धृतः ।।

Verse: 5
Halfverse: a    इन्द्रं॑ वृ॒त्राय॒ हन्त॑वे पुरुहू॒तमुप॑ ब्रुवे ।
   इन्द्रं॑ वृ॒त्राय॒ हन्त॑वे
   इन्द्र॑म् वृ॒त्राय हन्त॑वे
   इन्द्रं वृ॒त्राय हन्त॑वे

Halfverse: b    पुरुहू॒तमुप॑ ब्रुवे ।
   पु॑रुहू॒तम् उप ब्रुवे ।
   पु॑रुहू॒तम् उप ब्रुवे ।

Halfverse: c    भरे॑षु॒ वाज॑सातये ।।
   भरे॑षु॒ वाज॑सातये ।।
   भरे॑षु वाज॑सातये ।।
   भरे॑षु वाज॑सातये ।।

Verse: 6
Halfverse: a    वाजे॑षु सास॒हिर्भ॑व॒ त्वामी॑महे शतक्रतो ।
   वाजे॑षु सास॒हिर्भ॑व
   वाजे॑षु सास॒हिः भ॑व
   वाजे॑षु सास॒हिर् भव

Halfverse: b    त्वामी॑महे शतक्रतो ।
   त्वाम् ईमहे शतक्रतो ।
   त्वाम् ईमहे शतक्रतो ।

Halfverse: c    इन्द्र॑ वृ॒त्राय॒ हन्त॑वे ।।
   इन्द्र॑ वृ॒त्राय॒ हन्त॑वे ।।
   इन्द्र वृ॒त्राय हन्त॑वे ।।
   इन्द्र वृ॒त्राय हन्त॑वे ।।

Verse: 7
Halfverse: a    द्यु॒म्नेषु॑ पृत॒नाज्ये॑ पृत्सु॒तूर्षु॒ श्रव॑स्सु च ।
   द्यु॒म्नेषु॑ पृत॒नाज्ये
   द्यु॒म्नेषु पृत॒नाज्ये
   द्यु॒म्नेषु पृत॒नाजि॑ये

Halfverse: b    पृत्सु॒तूर्षु॒ श्रव॑स्सु च ।
   पृ॑त्सु॒तूर्षु श्रव॑स्सु च ।
   पृ॑त्सु॒तूर्षु श्रव॑स्सु च ।

Halfverse: c    इन्द्र॒ साक्ष्वा॒भिमा॑तिषु ।।
   इन्द्र॒ साक्ष्वा॒भिमा॑तिषु ।।
   इन्द्र साक्ष्व अ॒भिमा॑तिषु ।।
   इन्द्र साक्ष्वा॒भिमा॑तिषु ।।

Verse: 8
Halfverse: a    शु॒ष्मिन्त॑मं न ऊ॒तये॑ द्यु॒म्निन॑म्पाहि॒ जागृ॑विम् ।
   शु॒ष्मिन्त॑मं न ऊ॒तये
   शु॒ष्मिन्त॑मम् नः ऊ॒तये
   शु॒ष्मिन्त॑मं न ऊ॒तये

Halfverse: b    द्यु॒म्निन॑म्पाहि॒ जागृ॑विम् ।
   द्यु॒म्निन॑म् पाहि जागृ॑विम् ।
   द्यु॒म्निन॑म् पाहि जागृ॑विम् ।

Halfverse: c    इन्द्र॒ सोमं॑ शतक्रतो ।।
   इन्द्र॒ सोमं॑ शतक्रतो ।।
   इन्द्र सोम॑म् शतक्रतो ।।
   इन्द्र सोमं शतक्रतो ।।

Verse: 9
Halfverse: a    इ॑न्द्रि॒याणि॑ शतक्रतो॒ या ते॒ जने॑षु प॒ञ्चसु॑ ।
   इ॑न्द्रि॒याणि॑ शतक्रतो
   इन्द्रि॒याणि शतक्रतो
   इन्द्रि॒याणि शतक्रतो

Halfverse: b    या ते॒ जने॑षु प॒ञ्चसु॑ ।
   या ते जने॑षु प॒ञ्चसु ।
   या ते जने॑षु प॒ञ्चसु ।

Halfverse: c    इन्द्र॒ तानि॑ त॒ आ वृ॑णे ।।
   इन्द्र॒ तानि॑ त॒ आ वृ॑णे ।।
   इन्द्र तानि ते आ वृ॑णे ।।
   इन्द्र तानि त आ वृ॑णे ।।

Verse: 10
Halfverse: a    अग॑न्निन्द्र॒ श्रवो॑ बृ॒हद्द्यु॒म्नं द॑धिष्व दु॒ष्टर॑म् ।
   अग॑न्निन्द्र॒ श्रवो॑ बृ॒हद्
   अग॑न् इन्द्र श्रवः बृ॒हत्
   अग॑न्न् इन्द्र श्रवो बृ॒हद्

Halfverse: b    द्यु॒म्नं द॑धिष्व दु॒ष्टर॑म् ।
   द्यु॒म्नम् दधिष्व दु॒ष्टर॑म् ।
   द्यु॒म्नं द॑धिष्व दु॒ष्टर॑म् ।

Halfverse: c    उत्ते॒ शुष्मं॑ तिरामसि ।।
   उत्ते॒ शुष्मं॑ तिरामसि ।।
   उत् ते शुष्म॑म् तिरामसि ।।
   उत् ते शुष्मं तिरामसि ।।

Verse: 11
Halfverse: a    अ॑र्वा॒वतो॑ न॒ आ ग॒ह्यथो॑ शक्र परा॒वतः॑ ।
   अ॑र्वा॒वतो॑ न॒ आ ग॑ह्य्
   अर्वा॒वतः नः आ ग॑हि
   अर्वा॒वतो न आ ग॑हि

Halfverse: b    अथो॑ शक्र परा॒वतः॑ ।
   अथ उ शक्र परा॒वतः ।
   अथो शक्र परा॒वतः ।

Halfverse: c    उ॑ लो॒को यस्ते॑ अद्रिव॒ इन्द्रे॒ह तत॒ आ ग॑हि ।।
   उ॑ लो॒को यस्ते॑ अद्रिव
   उलो॒कः ! यः ते अद्रिवः
   उलो॒को यस् ते अद्रिव

Halfverse: d    इन्द्रे॒ह तत॒ आ ग॑हि ।।
   इन्द्र इ॒ह ततः आ ग॑हि ।।
   इन्द्रे॒ह तत आ ग॑हि ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.