TITUS
Rg-Veda: Rg-Veda-Samhita
Part No. 272
Previous part

Hymn: 38_(272) 
Verse: 1 
Halfverse: a    अ॒भि तष्टे॑व दीधया मनी॒षामत्यो॒ न वा॒जी सु॒धुरो॒ जिहा॑नः ।
   अ॒भि तष्टे॑व दीधया मनी॒षाम्
   अ॒भि तष्टा इव दीधय+ मनी॒षाम्
   अ॒भि तष्टे॑व दीधया मनी॒षाम्

Halfverse: b    अत्यो॒ न वा॒जी सु॒धुरो॒ जिहा॑नः ।
   अत्यः न वा॒जी सु॒धुरः जिहा॑नः ।
   अत्यो न वा॒जी सु॒धुरो जिहा॑नः ।

Halfverse: c    अ॒भि प्रि॒याणि॒ मर्मृ॑श॒त्परा॑णि क॒वीँरि॑छामि सं॒दृशे॑ सुमे॒धाः ।।
   अ॒भि प्रि॒याणि॒ मर्मृ॑श॒त्परा॑णि
   अ॒भि प्रि॒याणि मर्मृ॑शत् परा॑णि
   अ॒भि प्रि॒याणि मर्मृ॑शत् परा॑णि

Halfverse: d    क॒वीँरि॑छामि सं॒दृशे॑ सुमे॒धाः ।।
   क॒वीन् इछामि सं॒दृशे सुमे॒धाः ।।
   क॒वीँर् इछामि सं॒दृशे सुमे॒धाः ।।


Verse: 2 
Halfverse: a    इ॒नोत पृ॑छ॒ जनि॑मा कवी॒नाम्म॑नो॒धृतः॑ सु॒कृत॑स्तक्षत॒ द्याम् ।
   इ॒नोत पृ॑छ॒ जनि॑मा कवी॒नाम्
   इ॒ना उ॒त पृ॑छ जनि॑म+ कवी॒नाम्
   इ॒नोत पृ॑छ जनि॑मा कवी॒नाम्

Halfverse: b    मनो॒धृतः॑ सु॒कृत॑स्तक्षत॒ द्याम् ।
   म॑नो॒धृतः सु॒कृतः तक्षत द्याम् ।
   म॑नो॒धृतः सु॒कृत॑स् तक्षत द्याम् ।

Halfverse: c    इ॒मा उ॑ ते प्र॒ण्यो॒ वर्ध॑माना॒ मनो॑वाता॒ अध॒ नु धर्म॑णि ग्मन् ।।
   इ॒मा उ॑ ते प्र॒ण्यो॒ वर्ध॑माना
   इ॒माः उ ते प्र॒ण्यः वर्ध॑मानाः
   इ॒मा उ ते प्र॒णियो वर्ध॑माना

Halfverse: d    मनो॑वाता॒ अध॒ नु धर्म॑णि ग्मन् ।।
   मनो॑वाताः अध नु धर्म॑णि ग्मन् ।।
   मनो॑वाता अध नु धर्म॑णि ग्मन् ।।


Verse: 3 
Halfverse: a    नि षी॒मिदत्र॒ गुह्या॒ दधा॑ना उ॒त क्ष॒त्राय॒ रोद॑सी॒ सम॑ञ्जन् ।
   नि षी॒मिदत्र॒ गुह्या॒ दधा॑ना
   नि सी॑म् इत् अत्र गुह्या दधा॑नाः
   नि षी॑म् इद् अत्र गुहि॑या दधा॑ना

Halfverse: b    उ॒त क्ष॒त्राय॒ रोद॑सी॒ सम॑ञ्जन् ।
   उ॒त क्ष॒त्राय रोद॑सी सम् अञ्जन् ।
   उ॒त क्ष॒त्राय रोद॑सी सम् अञ्जन् ।

Halfverse: c    सम्मात्रा॑भिर्ममि॒रे ये॒मुरु॒र्वी अ॒न्तर्म॒ही समृ॑ते॒ धाय॑से धुः ।।
   सम्मात्रा॑भिर्ममि॒रे ये॒मुरु॒र्वी
   सम् मात्रा॑भिः ममि॒रे ये॒मुः उ॒र्वी
   सम् मात्रा॑भिर् ममि॒रे ये॒मुर् उ॒र्वी

Halfverse: d    अ॒न्तर्म॒ही समृ॑ते॒ धाय॑से धुः ।।
   अ॒न्तर् म॒ही समृ॑ते धाय॑से धुः ।।
   अ॒न्तर् म॒ही समृ॑ते धाय॑से धुः ।।


Verse: 4 
Halfverse: a    आ॒तिष्ठ॑न्त॒म्परि॒ विश्वे॑ अभूष॒ञ्छ्रियो॒ वसा॑नश्चरति॒ स्वरो॑चिः ।
   आ॒तिष्ठ॑न्त॒म्परि॒ विश्वे॑ अभूषञ्
   आ॒तिष्ठ॑न्तम् परि विश्वे अभूषन्
   आ॒तिष्ठ॑न्तम् परि विश्वे अभूषञ्

Halfverse: b    छ्रियो॒ वसा॑नश्चरति॒ स्वरो॑चिः ।
   श्रियः वसा॑नः चरति स्वरो॑चिः ।
   छ्रियो वसा॑नश् चरति स्वरो॑चिः ।

Halfverse: c    म॒हत्तद्वृष्णो॒ असु॑रस्य॒ नामा वि॒श्वरू॑पो अ॒मृता॑नि तस्थौ ।।
   म॒हत्तद्वृष्णो॒ असु॑रस्य॒ नाम
   म॒हत् तत् वृष्णः असु॑रस्य नाम
   म॒हत् तद् वृष्णो असु॑रस्य नाम

Halfverse: d     आ वि॒श्वरू॑पो अ॒मृता॑नि तस्थौ ।।
   आ वि॒श्वरू॑पः अ॒मृता॑नि तस्थौ ।।
   आ वि॒श्वरू॑पो अ॒मृता॑नि तस्थौ ।।


Verse: 5 
Halfverse: a    असू॑त॒ पूर्वो॑ वृष॒भो ज्याया॑नि॒मा अ॑स्य शु॒रुधः॑ सन्ति पू॒र्वीः ।
   असू॑त॒ पूर्वो॑ वृष॒भो ज्याया॑न्
   असू॑त पूर्वः वृष॒भः ज्याया॑न्
   असू॑त पूर्वो वृष॒भो जि॒याया॑न्

Halfverse: b    इ॒मा अ॑स्य शु॒रुधः॑ सन्ति पू॒र्वीः ।
   इ॒माः अ॑स्य शु॒रुधः सन्ति पू॒र्वीः ।
   इ॒मा अ॑स्य शु॒रुधः सन्ति पू॒र्वीः ।

Halfverse: c    दिवो॑ नपाता वि॒दथ॑स्य धी॒भिः क्ष॒त्रं रा॑जाना प्र॒दिवो॑ दधाथे ।।
   दिवो॑ नपाता वि॒दथ॑स्य धी॒भिः
   दिवः नपाता वि॒दथ॑स्य धी॒भिः
   दिवो नपाता वि॒दथ॑स्य धी॒भिः

Halfverse: d    क्ष॒त्रं रा॑जाना प्र॒दिवो॑ दधाथे ।।
   क्ष॒त्रम् राजाना प्र॒दिवः दधाथे ।।
   क्ष॒त्रं रा॑जाना प्र॒दिवो दधाथे ।।


Verse: 6 
Halfverse: a    त्रीणि॑ राजाना वि॒दथे॑ पु॒रूणि॒ परि॒ विश्वा॑नि भूषथः॒ सदां॑सि ।
   त्रीणि॑ राजाना वि॒दथे॑ पु॒रूणि
   त्रीणि राजाना वि॒दथे पु॒रूणि
   त्रीणि राजाना वि॒दथे पु॒रूणि

Halfverse: b    परि॒ विश्वा॑नि भूषथः॒ सदां॑सि ।
   परि विश्वा॑नि भूषथः सदां॑सि ।
   परि विश्वा॑नि भूषथः सदां॑सि ।

Halfverse: c    अप॑श्य॒मत्र॒ मन॑सा जग॒न्वान्व्र॒ते ग॑न्ध॒र्वाँ अपि॑ वा॒युके॑शान् ।।
   अप॑श्य॒मत्र॒ मन॑सा जग॒न्वान्
   अप॑श्यम् अत्र मन॑सा जग॒न्वान्
   अप॑श्यम् अत्र मन॑सा जग॒न्वान्

Halfverse: d    व्र॒ते ग॑न्ध॒र्वाँ अपि॑ वा॒युके॑शान् ।।
   व्र॒ते ग॑न्ध॒र्वान् अपि वा॒युके॑शान् ।।
   व्र॒ते ग॑न्ध॒र्वाँ अपि वा॒युके॑शान् ।।


Verse: 7 
Halfverse: a    तदिन्न्व॑स्य वृष॒भस्य॑ धे॒नोरा नाम॑भिर्ममिरे॒ सक्म्यं॒ गोः ।
   तदिन्न्व॑स्य वृष॒भस्य॑ धे॒नोर्
   तत् इत् नु अ॑स्य वृष॒भस्य धे॒नोः
   तद् इन् नु अ॑स्य वृष॒भस्य धे॒नोर्

Halfverse: b    आ नाम॑भिर्ममिरे॒ सक्म्यं॒ गोः ।
   आ नाम॑भिः ममिरे सक्म्य॑म् गोः ।
   आ नाम॑भिर् ममिरे सक्मि॑यं गोः ।

Halfverse: c    अ॒न्यद्॑न्यदसु॒र्यं॒ वसा॑ना॒ नि मा॒यिनो॑ ममिरे रू॒पम॑स्मिन् ।।
   अ॒न्यद्॑न्यदसु॒र्यं॒ वसा॑ना
   अ॒न्यद्॑न्यत् असु॒र्य॑म् वसा॑नाः
   अ॒न्यद्॑न्यद् असु॒रियं वसा॑ना

Halfverse: d    नि मा॒यिनो॑ ममिरे रू॒पम॑स्मिन् ।।
   नि मा॒यिनः ममिरे रू॒पम् अस्मिन् ।।
   नि मा॒यिनो ममिरे रू॒पम् अस्मिन् ।।


Verse: 8 
Halfverse: a    तदिन्न्व॑स्य सवि॒तुर्नकि॑र्मे हिर॒ण्ययी॑म॒मतिं॒ यामशि॑श्रेत् ।
   तदिन्न्व॑स्य सवि॒तुर्नकि॑र्मे
   तत् इत् नु अ॑स्य सवि॒तुः नकिः मे
   तद् इन् नु अ॑स्य सवि॒तुर् नकि॑र् मे

Halfverse: b    हिर॒ण्ययी॑म॒मतिं॒ यामशि॑श्रेत् ।
   हि॑र॒ण्ययी॑म् अ॒मति॑म् याम् अशि॑श्रेत् ।
   हि॑र॒ण्ययी॑म् अ॒मतिं याम् अशि॑श्रेत् ।

Halfverse: c    आ सु॑ष्टु॒ती रोद॑सी विश्वमि॒न्वे अपी॑व॒ योषा॒ जनि॑मानि वव्रे ।।
   आ सु॑ष्टु॒ती रोद॑सी विश्वमि॒न्वे
   आ सु॑ष्टु॒ती रोद॑सी विश्वमि॒न्वे
   आ सु॑ष्टु॒ती रोद॑सी विश्वमि॒न्वे

Halfverse: d    अपी॑व॒ योषा॒ जनि॑मानि वव्रे ।।
   अपि इव योषा जनि॑मानि वव्रे ।।
   अपी॑व योषा जनि॑मानि वव्रे ।।


Verse: 9 
Halfverse: a    यु॒वम्प्र॒त्नस्य॑ साधथो म॒हो यद्दैवी॑ स्व॒स्तिः परि॑ णः स्यातम् ।
   यु॒वम्प्र॒त्नस्य॑ साधथो म॒हो यद्
   यु॒वम् प्र॒त्नस्य साधथः म॒हः यत्
   यु॒वम् प्र॒त्नस्य साधथो म॒हो यद्

Halfverse: b    दैवी॑ स्व॒स्तिः परि॑ णः स्यातम् ।
   दैवी स्व॒स्तिः परि नः स्यातम् ।
   दैवी सुअ॒स्तिः परि णः सियातम् ।

Halfverse: c    गो॒पाजि॑ह्वस्य त॒स्थुषो॒ विरू॑पा॒ विश्वे॑ पश्यन्ति मा॒यिनः॑ कृ॒तानि॑ ।।
   गो॒पाजि॑ह्वस्य त॒स्थुषो॒ विरू॑पा
   गो॒पाजि॑ह्वस्य त॒स्थुषः विरू॑पा
   गो॒पाजि॑ह्वस्य त॒स्थुषो विरू॑पा

Halfverse: d    विश्वे॑ पश्यन्ति मा॒यिनः॑ कृ॒तानि॑ ।।
   विश्वे पश्यन्ति मा॒यिनः कृ॒तानि ।।
   विश्वे पश्यन्ति मा॒यिनः कृ॒तानि ।।


Verse: 10 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.