TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 274

Hymn: 40_(274)
Verse: 1
Halfverse: a    इन्द्र॑ त्वा वृष॒भं व॒यं सु॒ते सोमे॑ हवामहे ।
   इन्द्र॑ त्वा वृष॒भं व॒यं
   इन्द्र त्वा वृष॒भम् व॒यम्
   इन्द्र त्वा वृष॒भं व॒यं

Halfverse: b    सु॒ते सोमे॑ हवामहे ।
   सु॒ते सोमे हवामहे ।
   सु॒ते सोमे हवामहे ।

Halfverse: c    स पा॑हि॒ मध्वो॒ अन्ध॑सः ।।
   स पा॑हि॒ मध्वो॒ अन्ध॑सः ।।
   स पा॑हि मध्वः अन्ध॑सः ।।
   स पा॑हि मध्वो अन्ध॑सः ।।

Verse: 2
Halfverse: a    इन्द्र॑ क्रतु॒विदं॑ सु॒तं सोमं॑ हर्य पुरुष्टुत ।
   इन्द्र॑ क्रतु॒विदं॑ सु॒तं
   इन्द्र क्रतु॒विद॑म् सु॒तम्
   इन्द्र क्रतु॒विदं सु॒तं

Halfverse: b    सोमं॑ हर्य पुरुष्टुत ।
   सोम॑म् हर्य पुरुष्टुत ।
   सोमं हर्य पुरुष्टुत ।

Halfverse: c    पिबा वृ॑षस्व॒ तातृ॑पिम् ।।
   पिबा वृ॑षस्व॒ तातृ॑पिम् ।।
   पिब आ वृ॑षस्व तातृ॑पिम् ।।
   पिबा वृ॑षस्व तातृ॑पिम् ।।

Verse: 3
Halfverse: a    इन्द्र॒ प्र णो॑ धि॒तावा॑नं य॒ज्ञं विश्वे॑भिर्दे॒वेभिः॑ ।
   इन्द्र॒ प्र णो॑ धि॒तावा॑नं
   इन्द्र प्र नः धि॒तावा॑नम्
   इन्द्र प्र णो धि॒तावा॑नं

Halfverse: b    य॒ज्ञं विश्वे॑भिर्दे॒वेभिः॑ ।
   य॒ज्ञम् विश्वे॑भिः दे॒वेभिः ।
   य॒ज्ञं विश्वे॑भिर् दे॒वेभिः ।

Halfverse: c    ति॒र स्त॑वान विश्पते ।।
   ति॒र स्त॑वान विश्पते ।।
   ति॒र ! स्त॑वान विश्पते ।।
   ति॒र स्त॑वान विश्पते ।।

Verse: 4
Halfverse: a    इन्द्र॒ सोमाः॑ सु॒ता इ॒मे तव॒ प्र य॑न्ति सत्पते ।
   इन्द्र॒ सोमाः॑ सु॒ता इ॒मे
   इन्द्र सोमाः सु॒ताः इ॒मे
   इन्द्र सोमाः सु॒ता इ॒मे

Halfverse: b    तव॒ प्र य॑न्ति सत्पते ।
   तव प्र य॑न्ति सत्पते ।
   तव प्र य॑न्ति सत्पते ।

Halfverse: c    क्षयं॑ च॒न्द्रास॒ इन्द॑वः ।।
   क्षयं॑ च॒न्द्रास॒ इन्द॑वः ।।
   क्षय॑म् च॒न्द्रासः इन्द॑वः ।।
   क्षयं च॒न्द्रास इन्द॑वः ।।

Verse: 5
Halfverse: a    द॑धि॒ष्वा ज॒ठरे॑ सु॒तं सोम॑मिन्द्र॒ वरे॑ण्यम् ।
   द॑धि॒ष्वा ज॒ठरे॑ सु॒तं
   द॑धि॒ष्व+ ज॒ठरे सु॒तम्
   दधि॒ष्वा ज॒ठरे सु॒तं

Halfverse: b    सोम॑मिन्द्र॒ वरे॑ण्यम् ।
   सोम॑म् इन्द्र वरे॑ण्यम् ।
   सोम॑म् इन्द्र वरे॑णियम् ।

Halfverse: c    तव॑ द्यु॒क्षास॒ इन्द॑वः ।।
   तव॑ द्यु॒क्षास॒ इन्द॑वः ।।
   तव द्यु॒क्षासः इन्द॑वः ।।
   तव द्यु॒क्षास इन्द॑वः ।।

Verse: 6
Halfverse: a    गिर्व॑णः पा॒हि नः॑ सु॒तम्मधो॒र्धारा॑भिरज्यसे ।
   गिर्व॑णः पा॒हि नः॑ सु॒तम्
   गिर्व॑णः पा॒हि नः सु॒तम्
   गिर्व॑णः पा॒हि नः सु॒तम्

Halfverse: b    मधो॒र्धारा॑भिरज्यसे ।
   मधोः धारा॑भिः अज्यसे ।
   मधो॑र् धारा॑भिर् अज्यसे ।

Halfverse: c    इन्द्र॒ त्वादा॑त॒मिद्यशः॑ ।।
   इन्द्र॒ त्वादा॑त॒मिद्यशः॑ ।।
   इन्द्र त्वादा॑तम् इत् यशः ।।
   इन्द्र त्वादा॑तम् इद् यशः ।।

Verse: 7
Halfverse: a    अ॒भि द्यु॒म्नानि॑ व॒निन॒ इन्द्रं॑ सचन्ते॒ अक्षि॑ता ।
   अ॒भि द्यु॒म्नानि॑ व॒निन
   अ॒भि द्यु॒म्नानि व॒निनः
   अ॒भि द्यु॒म्नानि व॒निन

Halfverse: b    इन्द्रं॑ सचन्ते॒ अक्षि॑ता ।
   इन्द्र॑म् सचन्ते अक्षि॑ता ।
   इन्द्रं सचन्ते अक्षि॑ता ।

Halfverse: c    पी॒त्वी सोम॑स्य वावृधे ।।
   पी॒त्वी सोम॑स्य वावृधे ।।
   पी॒त्वी सोम॑स्य वावृधे ।।
   पी॒त्वी सोम॑स्य वावृधे ।।

Verse: 8
Halfverse: a    अ॑र्वा॒वतो॑ न॒ आ ग॑हि परा॒वत॑श्च वृत्रहन् ।
   अ॑र्वा॒वतो॑ न॒ आ ग॑हि
   अर्वा॒वतः नः आ ग॑हि
   अर्वा॒वतो न आ ग॑हि

Halfverse: b    परा॒वत॑श्च वृत्रहन् ।
   प॑रा॒वतः च वृत्रहन् ।
   प॑रा॒वत॑श् च वृत्रहन् ।

Halfverse: c    इ॒मा जु॑षस्व नो॒ गिरः॑ ।।
   इ॒मा जु॑षस्व नो॒ गिरः॑ ।।
   इ॒माः जु॑षस्व नः गिरः ।।
   इ॒मा जु॑षस्व नो गिरः ।।

Verse: 9
Halfverse: a    यद॑न्त॒रा प॑रा॒वत॑मर्वा॒वतं॑ च हू॒यसे॑ ।
   यद॑न्त॒रा प॑रा॒वत॑म्
   यत् अन्त॒रा प॑रा॒वत॑म्
   यद् अन्त॒रा प॑रा॒वत॑म्

Halfverse: b    अर्वा॒वतं॑ च हू॒यसे॑ ।
   अ॑र्वा॒वत॑म् च हू॒यसे ।
   अ॑र्वा॒वतं च हू॒यसे ।

Halfverse: c    इन्द्रे॒ह तत॒ आ ग॑हि ।।
   इन्द्रे॒ह तत॒ आ ग॑हि ।।
   इन्द्र इ॒ह ततः आ ग॑हि ।।
   इन्द्रे॒ह तत आ ग॑हि ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.