TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 275

Hymn: 41_(275)
Verse: 1
Halfverse: a    आ तू न॑ इन्द्र म॒द्र्य॑ग्घुवा॒नः सोम॑पीतये ।
   आ तू न॑ इन्द्र म॒द्र्य॑ग्
   आ तु+ नः इन्द्र म॒द्र्य॑क्
   आ तू न इन्द्र मद्रिअग्

Halfverse: b    घुवा॒नः सोम॑पीतये ।
   हु॑वा॒नः सोम॑पीतये ।
   घु॑वा॒नः सोम॑पीतये ।

Halfverse: c    हरि॑भ्यां याह्यद्रिवः ।।
   हरि॑भ्यां याह्यद्रिवः ।।
   हरि॑भ्याम् याहि अद्रिवः ।।
   हरि॑भ्यां याहि अद्रिवः ।।

Verse: 2
Halfverse: a    स॒त्तो होता॑ न ऋ॒त्विय॑स्तिस्ति॒रे ब॒र्हिरा॑नु॒षक् ।
   स॒त्तो होता॑ न ऋ॒त्विय॑स्
   स॒त्तः होता नः ऋ॒त्वियः
   स॒त्तो होता न ऋ॒त्विय॑स्

Halfverse: b    तिस्ति॒रे ब॒र्हिरा॑नु॒षक् ।
   ति॑स्ति॒रे ब॒र्हिः आ॑नु॒षक् ।
   ति॑स्ति॒रे ब॒र्हिर् आनु॒षक् ।

Halfverse: c    अयु॑ज्रन्प्रा॒तरद्र॑यः ।।
   अयु॑ज्रन्प्रा॒तरद्र॑यः ।।
   अयु॑ज्रन् प्रा॒तर् अद्र॑यः ।।
   अयु॑ज्रन् प्रा॒तर् अद्र॑यः ।।

Verse: 3
Halfverse: a    इ॒मा ब्रह्म॑ ब्रह्मवाहः क्रि॒यन्त॒ आ ब॒र्हिः सी॑द ।
   इ॒मा ब्रह्म॑ ब्रह्मवाहः
   इ॒मा ब्रह्म ब्रह्मवाहः
   इ॒मा ब्रह्म ब्रह्मवाहः

Halfverse: b    क्रि॒यन्त॒ आ ब॒र्हिः सी॑द ।
   क्रि॒यन्ते आ ब॒र्हिः सी॑द ।
   क्रि॒यन्त आ ब॒र्हिः सी॑द ।

Halfverse: c    वी॒हि शू॑र पुरो॒ळाश॑म् ।।
   वी॒हि शू॑र पुरो॒ळाश॑म् ।।
   वी॒हि शू॑र पुरो॒ळाश॑म् ।।
   वी॒हि शू॑र पुरो॒ळाश॑म् ।।

Verse: 4
Halfverse: a    रा॑र॒न्धि सव॑नेषु ण ए॒षु स्तोमे॑षु वृत्रहन् ।
   रा॑र॒न्धि सव॑नेषु ण
   रार॒न्धि सव॑नेषु नः
   रार॒न्धि सव॑नेषु ण

Halfverse: b    ए॒षु स्तोमे॑षु वृत्रहन् ।
   ए॒षु स्तोमे॑षु वृत्रहन् ।
   ए॒षु स्तोमे॑षु वृत्रहन् ।

Halfverse: c    उ॒क्थेष्वि॑न्द्र गिर्वणः ।।
   उ॒क्थेष्वि॑न्द्र गिर्वणः ।।
   उ॒क्थेषु इन्द्र गिर्वणः ।।
   उ॒क्थेषु इन्द्र गिर्वणः ।।

Verse: 5
Halfverse: a    म॒तयः॑ सोम॒पामु॒रुं रि॒हन्ति॒ शव॑स॒स्पति॑म् ।
   म॒तयः॑ सोम॒पामु॒रुं
   म॒तयः सोम॒पाम् उ॒रुम्
   म॒तयः सोम॒पाम् उ॒रुं

Halfverse: b    रि॒हन्ति॒ शव॑स॒स्पति॑म् ।
   रि॒हन्ति शव॑सः पति॑म् ।
   रि॒हन्ति शव॑सस् पति॑म् ।

Halfverse: c    इन्द्रं॑ व॒त्सं न मा॒तरः॑ ।।
   इन्द्रं॑ व॒त्सं न मा॒तरः॑ ।।
   इन्द्र॑म् व॒त्सम् न मा॒तरः ।।
   इन्द्रं व॒त्सं न मा॒तरः ।।

Verse: 6
Halfverse: a    स म॑न्दस्वा॒ ह्यन्ध॑सो॒ राध॑से त॒न्वा॑ म॒हे ।
   स म॑न्दस्वा॒ ह्यन्ध॑सो
   स म॑न्दस्व+ हि अन्ध॑सः
   स म॑न्दस्वा हि अन्ध॑सो

Halfverse: b    राध॑से त॒न्वा॑ म॒हे ।
   राध॑से त॒न्वा म॒हे ।
   राध॑से त॒नुवा म॒हे ।

Halfverse: c    न स्तो॒तारं॑ नि॒दे क॑रः ।।
   न स्तो॒तारं॑ नि॒दे क॑रः ।।
   न स्तो॒तार॑म् नि॒दे क॑रः ।।
   न स्तो॒तारं नि॒दे क॑रः ।।

Verse: 7
Halfverse: a    व॒यमि॑न्द्र त्वा॒यवो॑ ह॒विष्म॑न्तो जरामहे ।
   व॒यमि॑न्द्र त्वा॒यवो
   व॒यम् इन्द्र त्वा॒यवः
   व॒यम् इन्द्र तुवा॒यवो

Halfverse: b    ह॒विष्म॑न्तो जरामहे ।
   ह॒विष्म॑न्तः जरामहे ।
   ह॒विष्म॑न्तो जरामहे ।

Halfverse: c    उ॒त त्वम॑स्म॒युर्व॑सो ।।
   उ॒त त्वम॑स्म॒युर्व॑सो ।।
   उ॒त त्वम् अस्म॒युः व॑सो ।।
   उ॒त त्वम् अस्म॒युर् वसो ।।

Verse: 8
Halfverse: a    मारे अ॒स्मद्वि मु॑मुचो॒ हरि॑प्रिया॒र्वाङ्या॑हि ।
   मारे अ॒स्मद्वि मु॑मुचो
   मा आ॒रे अ॒स्मत् वि मु॑मुचः
   मारे अ॒स्मद् वि मु॑मुचो

Halfverse: b    हरि॑प्रिया॒र्वाङ्या॑हि ।
   हरि॑प्रिय अ॒र्वाङ् याहि ।
   हरि॑प्रिय अ॒र्वाङ् याहि ।

Halfverse: c    इन्द्र॑ स्वधावो॒ मत्स्वे॒ह ।।
   इन्द्र॑ स्वधावो॒ मत्स्वे॒ह ।।
   इन्द्र स्वधावः मत्स्व इ॒ह ।।
   इन्द्र स्वधावो मत्स्वे॒ह ।।

Verse: 9
Halfverse: a    अ॒र्वाञ्चं॑ त्वा सु॒खे रथे॒ वह॑तामिन्द्र के॒शिना॑ ।
   अ॒र्वाञ्चं॑ त्वा सु॒खे रथे
   अ॒र्वाञ्च॑म् त्वा सु॒खे रथे
   अ॒र्वाञ्चं त्वा सु॒खे रथे

Halfverse: b    वह॑तामिन्द्र के॒शिना॑ ।
   वह॑ताम् इन्द्र के॒शिना ।
   वह॑ताम् इन्द्र के॒शिना ।

Halfverse: c    घृ॒तस्नू॑ ब॒र्हिरा॒सदे॑ ।।
   घृ॒तस्नू॑ ब॒र्हिरा॒सदे॑ ।।
   घृ॒तस्नू ब॒र्हिः आ॒सदे ।।
   घृ॒तस्नू ब॒र्हिर् आ॒सदे ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.