TITUS
Rg-Veda: Rg-Veda-Samhita
Part No. 276
Previous part

Hymn: 42_(276) 
Verse: 1 
Halfverse: a    उप॑ नः सु॒तमा ग॑हि॒ सोम॑मिन्द्र॒ गवा॑शिरम् ।
   
उप॑ नः सु॒तमा ग॑हि
   
उप नः सु॒तम् ग॑हि
   
उप नः सु॒तम् ग॑हि

Halfverse: b    
सोम॑मिन्द्र॒ गवा॑शिरम् ।
   
सोम॑म् इन्द्र गवा॑शिरम्
   
सोम॑म् इन्द्र गवा॑शिरम्

Halfverse: c    
हरि॑भ्यां॒ यस्ते॑ अस्म॒युः ।।
   
हरि॑भ्यां॒ यस्ते॑ अस्म॒युः ।।
   
हरि॑भ्याम् यः ते अस्म॒युः ।।
   
हरि॑भ्यां यस् ते अस्म॒युः ।।


Verse: 2 
Halfverse: a    
तमि॑न्द्र॒ मद॒मा ग॑हि बर्हि॒ष्ठां ग्राव॑भिः सु॒तम् ।
   
तमि॑न्द्र॒ मद॒मा ग॑हि
   
तम् इन्द्र मद॑म् ग॑हि
   
तम् इन्द्र मद॑म् ग॑हि

Halfverse: b    
बर्हि॒ष्ठां ग्राव॑भिः सु॒तम् ।
   
ब॑र्हि॒ष्ठाम् ग्राव॑भिः सु॒तम्
   
ब॑र्हि॒ष्ठां ग्राव॑भिः सु॒तम्

Halfverse: c    
कु॒विन्न्व॑स्य तृ॒प्णवः॑ ।।
   
कु॒विन्न्व॑स्य तृ॒प्णवः॑ ।।
   
कु॒वित् नु अ॑स्य तृ॒प्णवः ।।
   
कु॒विन् नु अ॑स्य तृ॒प्णवः ।।


Verse: 3 
Halfverse: a    
इन्द्र॑मि॒त्था गिरो॒ ममाछा॑गुरिषि॒ता इ॒तः ।
   
इन्द्र॑मि॒त्था गिरो॒ मम
   
इन्द्र॑म् इ॒त्था गिरः मम
   
इन्द्र॑म् इ॒त्था गिरो मम

Halfverse: b    
अछा॑गुरिषि॒ता इ॒तः ।
   
अछ अगुः इषि॒ताः इ॒तः
   
अछा॑गुर् इषि॒ता इ॒तः

Halfverse: c    
आ॒वृते॒ सोम॑पीतये ।।
   
आ॒वृते॒ सोम॑पीतये ।।
   
आ॒वृते सोम॑पीतये ।।
   
आ॒वृते सोम॑पीतये ।।


Verse: 4 
Halfverse: a    
इन्द्रं॒ सोम॑स्य पी॒तये॒ स्तोमै॑रि॒ह ह॑वामहे ।
   
इन्द्रं॒ सोम॑स्य पी॒तये
   
इन्द्र॑म् सोम॑स्य पी॒तये
   
इन्द्रं सोम॑स्य पी॒तये

Halfverse: b    
स्तोमै॑रि॒ह ह॑वामहे ।
   
स्तोमैः इ॒ह ह॑वामहे
   
स्तोमै॑र् इ॒ह ह॑वामहे

Halfverse: c    
उ॒क्थेभिः॑ कु॒विदा॒गम॑त् ।।
   
उ॒क्थेभिः॑ कु॒विदा॒गम॑त् ।।
   
उ॒क्थेभिः कु॒वित् आ॒गम॑त् ।।
   
उ॒क्थेभिः कु॒विद् आ॒गम॑त् ।।


Verse: 5 
Halfverse: a    
इन्द्र॒ सोमाः॑ सु॒ता इ॒मे तान्द॑धिष्व शतक्रतो ।
   
इन्द्र॒ सोमाः॑ सु॒ता इ॒मे
   
इन्द्र सोमाः सु॒ताः इ॒मे
   
इन्द्र सोमाः सु॒ता इ॒मे

Halfverse: b    
तान्द॑धिष्व शतक्रतो ।
   
तान् दधिष्व शतक्रतो
   
तान् दधिष्व शतक्रतो

Halfverse: c    
ज॒ठरे॑ वाजिनीवसो ।।
   
ज॒ठरे॑ वाजिनीवसो ।।
   
ज॒ठरे वाजिनीवसो ।।
   
ज॒ठरे वाजिनीवसो ।।


Verse: 6 
Halfverse: a    
वि॒द्मा हि त्वा॑ धनंज॒यं वाजे॑षु दधृ॒षं क॑वे ।
   
वि॒द्मा हि त्वा॑ धनंज॒यं
   
वि॒द्म+ हि त्वा धनंज॒यम्
   
वि॒द्मा हि त्वा धनंज॒यं

Halfverse: b    
वाजे॑षु दधृ॒षं क॑वे ।
   
वाजे॑षु दधृ॒षम् कवे
   
वाजे॑षु दधृ॒षं क॑वे

Halfverse: c    
अधा॑ ते सु॒म्नमी॑महे ।।
   
अधा॑ ते सु॒म्नमी॑महे ।।
   
अध+ ते सु॒म्नम् ईमहे ।।
   
अधा ते सु॒म्नम् ईमहे ।।


Verse: 7 
Halfverse: a    
इ॒ममि॑न्द्र॒ गवा॑शिरं॒ यवा॑शिरं च नः पिब ।
   
इ॒ममि॑न्द्र॒ गवा॑शिरं
   
इ॒मम् इन्द्र गवा॑शिरम्
   
इ॒मम् इन्द्र गवा॑शिरं

Halfverse: b    
यवा॑शिरं च नः पिब ।
   
यवा॑शिरम् नः पिब
   
यवा॑शिरं नः पिब

Halfverse: c    
आ॒गत्या॒ वृष॑भिः सु॒तम् ।।
   
आ॒गत्या॒ वृष॑भिः सु॒तम् ।।
   
आ॒गत्य+ वृष॑भिः सु॒तम् ।।
   
आ॒गत्या वृष॑भिः सु॒तम् ।।


Verse: 8 
Halfverse: a    
तुभ्येदि॑न्द्र॒ स्व ओ॒क्ये॒ सोमं॑ चोदामि पी॒तये॑ ।
   
तुभ्येदि॑न्द्र॒ स्व ओ॒क्ये
   
तुभ्य इत् इन्द्र स्वे ओ॒क्ये
   
तुभ्येद् इन्द्र स्व ओ॒किये

Halfverse: b    
सोमं॑ चोदामि पी॒तये॑ ।
   
सोम॑म् चोदामि पी॒तये
   
सोमं चोदामि पी॒तये

Halfverse: c    
ए॒ष रा॑रन्तु ते हृ॒दि ।।
   
ए॒ष रा॑रन्तु ते हृ॒दि ।।
   
ए॒ष रा॑रन्तु ते हृ॒दि ।।
   
ए॒ष रा॑रन्तु ते हृ॒दि ।।


Verse: 9 
Halfverse: a    
त्वां सु॒तस्य॑ पी॒तये॑ प्र॒त्नमि॑न्द्र हवामहे ।
   
त्वां सु॒तस्य॑ पी॒तये
   
त्वाम् सु॒तस्य पी॒तये
   
तु॒वां सु॒तस्य पी॒तये

Halfverse: b    
प्र॒त्नमि॑न्द्र हवामहे ।
   
प्र॒त्नम् इन्द्र हवामहे
   
प्र॒त्नम् इन्द्र हवामहे

Halfverse: c    
कु॑शि॒कासो॑ अव॒स्यवः॑ ।।
   
कु॑शि॒कासो॑ अव॒स्यवः॑ ।।
   
कु॑शि॒कासः अव॒स्यवः ।।
   
कु॑शि॒कासो अव॒स्यवः ।।



Next part



This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.