TITUS
Rg-Veda: Rg-Veda-Samhita
Part No. 278
Previous part

Hymn: 44_(278) 
Verse: 1 
Halfverse: a    अ॒यं ते॑ अस्तु हर्य॒तः सोम॒ आ हरि॑भिः सु॒तः ।
   अ॒यं ते॑ अस्तु हर्य॒तः
   अ॒यम् ते अस्तु हर्य॒तः
   अ॒यं ते अस्तु हर्य॒तः

Halfverse: b    सोम॒ आ हरि॑भिः सु॒तः ।
   सोमः आ हरि॑भिः सु॒तः ।
   सोम आ हरि॑भिः सु॒तः ।

Halfverse: c    जु॑षा॒ण इ॑न्द्र॒ हरि॑भिर्न॒ आ ग॒ह्या ति॑ष्ठ॒ हरि॑तं॒ रथ॑म् ।।
   जु॑षा॒ण इ॑न्द्र॒ हरि॑भिर्न॒ आ ग॑ह्य्
   जुषा॒णः इ॑न्द्र हरि॑भिः नः आ ग॑हि
   जुषा॒ण इ॑न्द्र हरि॑भिर् न आ ग॑हि

Halfverse: d    आ ति॑ष्ठ॒ हरि॑तं॒ रथ॑म् ।।
   आ ति॑ष्ठ हरि॑तम् रथ॑म् ।।
   आ ति॑ष्ठ हरि॑तं रथ॑म् ।।


Verse: 2 
Halfverse: a    ह॒र्यन्नु॒षस॑मर्चयः॒ सूर्यं॑ ह॒र्यन्न॑रोचयः ।
   ह॒र्यन्नु॒षस॑मर्चयः
   ह॒र्यन् उ॒षस॑म् अर्चयः
   ह॒र्यन्न् उ॒षस॑म् अर्चयः

Halfverse: b    सूर्यं॑ ह॒र्यन्न॑रोचयः ।
   सूर्य॑म् ह॒र्यन् अरोचयः ।
   सूर्यं ह॒र्यन्न् अरोचयः ।

Halfverse: c    वि॒द्वाँश्चि॑कि॒त्वान्ह॑र्यश्व वर्धस॒ इन्द्र॒ विश्वा॑ अ॒भि श्रियः॑ ।।
   वि॒द्वाँश्चि॑कि॒त्वान्ह॑र्यश्व वर्धस
   वि॒द्वान् चिकि॒त्वान् हर्यश्व वर्धसे
   वि॒द्वांश् चिकि॒त्वान् हरिअ॑श्व वर्धस

Halfverse: d    इन्द्र॒ विश्वा॑ अ॒भि श्रियः॑ ।।
   इन्द्र विश्वाः अ॒भि श्रियः ।।
   इन्द्र विश्वा अ॒भि श्रियः ।।


Verse: 3 
Halfverse: a    द्यामिन्द्रो॒ हरि॑धायसम्पृथि॒वीं हरि॑वर्पसम् ।
   द्यामिन्द्रो॒ हरि॑धायसम्
   द्याम् इन्द्रः हरि॑धायसम्
   द्याम् इन्द्रो हरि॑धायसम्

Halfverse: b    पृथि॒वीं हरि॑वर्पसम् ।
   पृ॑थि॒वीम् हरि॑वर्पसम् ।
   पृ॑थि॒वीं हरि॑वर्पसम् ।

Halfverse: c    अधा॑रयद्ध॒रितो॒र्भूरि॒ भोज॑नं॒ ययो॑र॒न्तर्हरि॒श्चर॑त् ।।
   अधा॑रयद्ध॒रितो॒र्भूरि॒ भोज॑नं
   अधा॑रयत् ह॒रितोः भूरि भोज॑नम्
   अधा॑रयद् ध॒रितो॑र् भूरि भोज॑नं

Halfverse: d    ययो॑र॒न्तर्हरि॒श्चर॑त् ।।
   ययोः अ॒न्तर् हरिः चर॑त् ।।
   ययो॑र् अ॒न्तर् हरि॑श् चर॑त् ।।


Verse: 4 
Halfverse: a    ज॑ज्ञा॒नो हरि॑तो॒ वृषा॒ विश्व॒मा भा॑ति रोच॒नम् ।
   ज॑ज्ञा॒नो हरि॑तो॒ वृषा
   जज्ञा॒नः हरि॑तः वृषा
   जज्ञा॒नो हरि॑तो वृषा

Halfverse: b    विश्व॒मा भा॑ति रोच॒नम् ।
   विश्व॑म् आ भा॑ति रोच॒नम् ।
   विश्व॑म् आ भा॑ति रोच॒नम् ।

Halfverse: c    हर्य॑श्वो॒ हरि॑तं धत्त॒ आयु॑ध॒मा वज्र॑म्बा॒ह्वोर्हरि॑म् ।।
   हर्य॑श्वो॒ हरि॑तं धत्त॒ आयु॑धम्
   हर्य॑श्वः हरि॑तम् धत्ते आयु॑धम्
   हरिअ॑श्वो हरि॑तं धत्त आयु॑धम्

Halfverse: d    आ वज्र॑म्बा॒ह्वोर्हरि॑म् ।।
   आ वज्र॑म् बा॒ह्वोः हरि॑म् ।।
   आ वज्र॑म् बाहु॒वोर् हरि॑म् ।।


Verse: 5 
Halfverse: a    इन्द्रो॑ ह॒र्यन्त॒मर्जु॑नं॒ वज्रं॑ शु॒क्रैर॒भीवृ॑तम् ।
   इन्द्रो॑ ह॒र्यन्त॒मर्जु॑नं
   इन्द्रः ह॒र्यन्त॑म् अर्जु॑नम्
   इन्द्रो ह॒र्यन्त॑म् अर्जु॑नं

Halfverse: b    वज्रं॑ शु॒क्रैर॒भीवृ॑तम् ।
   वज्र॑म् शु॒क्रैः अ॒भीवृ॑तम् ।
   वज्रं शु॒क्रैर् अ॒भीवृ॑तम् ।

Halfverse: c    अपा॑वृणो॒द्धरि॑भि॒रद्रि॑भिः सु॒तमुद्गा हरि॑भिराजत ।।
   अपा॑वृणो॒द्धरि॑भि॒रद्रि॑भिः सु॒तम्
   अप अवृणोत् हरि॑भिः अद्रि॑भिः सु॒तम्
   अपा॑वृणोद् धरि॑भिर् अद्रि॑भिः सु॒तम्

Halfverse: d    उद्गा हरि॑भिराजत ।।
   उत् गाः हरि॑भिः आजत ।।
   उद् गा हरि॑भिर् आजत ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.