TITUS
Rg-Veda: Rg-Veda-Samhita
Part No. 282
Previous part

Hymn: 48_(282) 
Verse: 1 
Halfverse: a    स॒द्यो ह॑ जा॒तो वृ॑ष॒भः क॒नीनः॒ प्रभ॑र्तुमाव॒दन्ध॑सः सु॒तस्य॑ ।
   स॒द्यो ह॑ जा॒तो वृ॑ष॒भः क॒नीनः
   स॒द्यः ह जा॒तः वृ॑ष॒भः क॒नीनः
   स॒द्यो ह जा॒तो वृ॑ष॒भः क॒नीनः

Halfverse: b    प्रभ॑र्तुमाव॒दन्ध॑सः सु॒तस्य॑ ।
   प्रभ॑र्तुम् आवत् अन्ध॑सः सु॒तस्य ।
   प्रभ॑र्तुम् आवद् अन्ध॑सः सु॒तस्य ।

Halfverse: c    सा॒धोः पि॑ब प्रतिका॒मं यथा॑ ते॒ रसा॑शिरः प्रथ॒मं सो॒म्यस्य॑ ।।
   सा॒धोः पि॑ब प्रतिका॒मं यथा॑ ते
   सा॒धोः पि॑ब प्रतिका॒मम् यथा ते
   सा॒धोः पि॑ब प्रतिका॒मं यथा ते

Halfverse: d    रसा॑शिरः प्रथ॒मं सो॒म्यस्य॑ ।।
   रसा॑शिरः प्रथ॒मम् सो॒म्यस्य ।।
   रसा॑शिरः प्रथ॒मं सो॑मि॒यस्य ।।


Verse: 2 
Halfverse: a    यज्जाय॑था॒स्तदह॑रस्य॒ कामे॑ ऽं॒शोः पी॒यूष॑मपिबो गिरि॒ष्ठाम् ।
   यज्जाय॑था॒स्तदह॑रस्य॒ कामे
   यत् जाय॑थाः तत् अह॑र् अस्य कामे
   यज् जाय॑थास् तद् अह॑र् अस्य कामे

Halfverse: b    ऽं॒शोः पी॒यूष॑मपिबो गिरि॒ष्ठाम् ।
   अं॒शोः पी॒यूष॑म् अपिबः गिरि॒ष्ठाम् ।
   अं॒शोः पी॒यूष॑म् अपिबो गिरि॒ष्ठाम् ।

Halfverse: c    तं ते॑ मा॒ता परि॒ योषा॒ जनि॑त्री म॒हः पि॒तुर्दम॒ आसि॑ञ्च॒दग्रे॑ ।।
   तं ते॑ मा॒ता परि॒ योषा॒ जनि॑त्री
   तम् ते मा॒ता परि योषा जनि॑त्री
   तं ते मा॒ता परि योषा जनि॑त्री

Halfverse: d    म॒हः पि॒तुर्दम॒ आसि॑ञ्च॒दग्रे॑ ।।
   म॒हः पि॒तुः दमे आ अ॑सिञ्चत् अग्रे ।।
   म॒हः पि॒तुर् दम आसि॑ञ्चद् अग्रे ।।


Verse: 3 
Halfverse: a    उ॑प॒स्थाय॑ मा॒तर॒मन्न॑ऐट्ट ति॒ग्मम॑पश्यद॒भि सोम॒मूधः॑ ।
   उ॑प॒स्थाय॑ मा॒तर॒मन्न॑ऐट्ट
   उप॒स्थाय मा॒तर॑म् अन्न॑म् ऐट्ट
   उप॒स्थाय मा॒तर॑म् अन्न॑म् ऐट्ट

Halfverse: b    ति॒ग्मम॑पश्यद॒भि सोम॒मूधः॑ ।
   ति॒ग्मम् अपश्यत् अ॒भि सोम॑म् ऊध॑र् ।
   ति॒ग्मम् अपश्यद् अ॒भि सोम॑म् ऊधः ।

Halfverse: c    प्र॑या॒वय॑न्नचर॒द्गृत्सो॑ अ॒न्यान्म॒हानि॑ चक्रे पुरु॒धप्र॑तीकः ।।
   प्र॑या॒वय॑न्नचर॒द्गृत्सो॑ अ॒न्यान्
   प्रया॒वय॑न् अचरत् गृत्सः अ॒न्यान्
   प्रया॒वय॑न्न् अचरद् गृत्सो अ॒न्यान्

Halfverse: d    म॒हानि॑ चक्रे पुरु॒धप्र॑तीकः ।।
   म॒हानि चक्रे पुरु॒धप्र॑तीकः ।।
   म॒हानि चक्रे पुरु॒धप्र॑तीकः ।।


Verse: 4 
Halfverse: a    उ॒ग्रस्तु॑रा॒षाळ॒भिभू॑त्योजा यथाव॒शं त॒न्वं॑ चक्र ए॒षः ।
   उ॒ग्रस्तु॑रा॒षाळ॒भिभू॑त्योजा
   उ॒ग्रः तु॑रा॒षाट् अ॒भिभू॑त्योजाः
   उ॒ग्रस् तुरा॒षाळ् अ॒भिभू॑तिओजा

Halfverse: b    यथाव॒शं त॒न्वं॑ चक्र ए॒षः ।
   य॑थाव॒शम् त॒न्व॑म् चक्रे ए॒षः ।
   य॑थाव॒शं त॒नुवं चक्र ए॒षः ।

Halfverse: c    त्वष्टा॑र॒मिन्द्रो॑ ज॒नुषा॑भि॒भूया॒मुष्या॒ सोम॑मपिबच्च॒मूषु॑ ।।
   त्वष्टा॑र॒मिन्द्रो॑ ज॒नुषा॑भि॒भूय
   त्वष्टा॑रम् इन्द्रः ज॒नुषा अभि॒भूय
   त्वष्टा॑रम् इन्द्रो ज॒नुषा॑भि॒भूय

Halfverse: d     ॑आ॒मुष्या॒ सोम॑मपिबच्च॒मूषु॑ ।।
   आ॒मुष्य+ सोम॑म् अपिबत् च॒मूषु ।।
   आ॒मुष्या सोम॑म् अपिबच् च॒मूषु ।।


Verse: 5 
Halfverse: a    शु॒नं हु॑वेम म॒घवा॑न॒मिन्द्र॑म॒स्मिन्भरे॒ नृत॑मं॒ वाज॑सातौ ।
   शु॒नं हु॑वेम म॒घवा॑न॒मिन्द्र॑म्
   शु॒नम् हुवेम म॒घवा॑नम् इन्द्र॑म्
   शु॒नं हु॑वेम म॒घवा॑नम् इन्द्र॑म्

Halfverse: b    अ॒स्मिन्भरे॒ नृत॑मं॒ वाज॑सातौ ।
   अ॒स्मिन् भरे नृत॑मम् वाज॑सातौ ।
   अ॒स्मिन् भरे नृत॑मं वाज॑सातौ ।

Halfverse: c    शृ॒ण्वन्त॑मु॒ग्रमू॒तये॑ स॒मत्सु॒ घ्नन्तं॑ वृ॒त्राणि॑ सं॒जितं॒ धना॑नाम् ।।
   शृ॒ण्वन्त॑मु॒ग्रमू॒तये॑ स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु
   शृ॒ण्वन्त॑म् उ॒ग्रम् ऊ॒तये स॒मत्सु

Halfverse: d    घ्नन्तं॑ वृ॒त्राणि॑ सं॒जितं॒ धना॑नाम् ।।
   घ्नन्त॑म् वृ॒त्राणि सं॒जित॑म् धना॑नाम् ।।
   घ्नन्तं वृ॒त्राणि सं॒जितं धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.