TITUS
Rg-Veda: Rg-Veda-Samhita
Part No. 285
Previous part

Hymn: 51_(285) 
Verse: 1 
Halfverse: a    च॑र्षणी॒धृत॑म्म॒घवा॑नमु॒क्थ्य॒मिन्द्रं॒ गिरो॑ बृह॒तीर॒भ्य॑नूषत ।
   च॑र्षणी॒धृत॑म्म॒घवा॑नमु॒क्थ्य॑म्
   चर्षणी॒धृत॑म् म॒घवा॑नम् उ॒क्थ्य॑म्
   चर्षणी॒धृत॑म् म॒घवा॑नम् उ॒क्थिय॑म्

Halfverse: b    इन्द्रं॒ गिरो॑ बृह॒तीर॒भ्य॑नूषत ।
   इन्द्र॑म् गिरः बृह॒तीः अ॒भि अ॑नूषत ।
   इन्द्रं गिरो बृह॒तीर् अभ्य् अ॑नूषत ।

Halfverse: c    वा॑वृधा॒नम्पु॑रुहू॒तं सु॑वृ॒क्तिभि॒रम॑र्त्यं॒ जर॑माणं दि॒वेदि॑वे ।।
   वा॑वृधा॒नम्पु॑रुहू॒तं सु॑वृ॒क्तिभि॑र्
   वावृधा॒नम् पुरुहू॒तम् सुवृ॒क्तिभिः
   वावृधा॒नम् पुरुहू॒तं सु॑वृ॒क्तिभि॑र्

Halfverse: d    अम॑र्त्यं॒ जर॑माणं दि॒वेदि॑वे ।।
   अम॑र्त्यम् जर॑माणम् दि॒वेदि॑वे ।।
   अम॑र्तियं जर॑माणं दि॒वेदि॑वे ।।


Verse: 2 
Halfverse: a    श॒तक्र॑तुमर्ण॒वं शा॒किनं॒ नरं॒ गिरो॑ म॒ इन्द्र॒मुप॑ यन्ति वि॒श्वतः॑ ।
   श॒तक्र॑तुमर्ण॒वं शा॒किनं॒ नरं
   श॒तक्र॑तुम् अर्ण॒वम् शा॒किन॑म् नर॑म्
   श॒तक्र॑तुम् अर्ण॒वं शा॒किनं नरं

Halfverse: b    गिरो॑ म॒ इन्द्र॒मुप॑ यन्ति वि॒श्वतः॑ ।
   गिरः मे इन्द्र॑म् उप यन्ति वि॒श्वतः ।
   गिरो म इन्द्र॑म् उप यन्ति वि॒श्वतः ।

Halfverse: c    वा॑ज॒सनि॑म्पू॒र्भिदं॒ तूर्णि॑म॒प्तुरं॑ धाम॒साच॑मभि॒षाचं॑ स्व॒र्विद॑म् ।।
   वा॑ज॒सनि॑म्पू॒र्भिदं॒ तूर्णि॑म॒प्तुरं
   वाज॒सनि॑म् पू॒र्भिद॑म् तूर्णि॑म् अ॒प्तुर॑म्
   वाज॒सनि॑म् पू॒र्भिदं तूर्णि॑म् अ॒प्तुरं

Halfverse: d    धाम॒साच॑मभि॒षाचं॑ स्व॒र्विद॑म् ।।
   धा॑म॒साच॑म् अभि॒षाच॑म् स्व॒र्विद॑म् ।।
   धा॑म॒साच॑म् अभि॒षाचं सुव॒र्विद॑म् ।।


Verse: 3 
Halfverse: a    आ॑क॒रे वसो॑र्जरि॒ता प॑नस्यते ऽने॒हस॒ स्तुभ॒ इन्द्रो॑ दुवस्यति ।
   आ॑क॒रे वसो॑र्जरि॒ता प॑नस्यते
   आक॒रे वसोः जरि॒ता प॑नस्यते
   आक॒रे वसो॑र् जरि॒ता प॑नस्यते

Halfverse: b    ऽने॒हस॒ स्तुभ॒ इन्द्रो॑ दुवस्यति ।
   अ॑ने॒हसः स्तुभः इन्द्रः दुवस्यति ।
   अ॑ने॒हस स्तुभ इन्द्रो दुवस्यति ।

Halfverse: c    वि॒वस्व॑तः॒ सद॑न॒ आ हि पि॑प्रि॒ये स॑त्रा॒साह॑मभिमाति॒हनं॑ स्तुहि ।।
   वि॒वस्व॑तः॒ सद॑न॒ आ हि पि॑प्रि॒ये
   वि॒वस्व॑तः सद॑ने आ हि पि॑प्रि॒ये
   वि॒वस्व॑तः सद॑न आ हि पि॑प्रि॒ये

Halfverse: d    स॑त्रा॒साह॑मभिमाति॒हनं॑ स्तुहि ।।
   स॑त्रा॒साह॑म् अभिमाति॒हन॑म् स्तुहि ।।
   स॑त्रा॒साह॑म् अभिमाति॒हनं स्तुहि ।।


Verse: 4 
Halfverse: a    नृ॒णामु॑ त्वा॒ नृत॑मं गी॒र्भिरु॒क्थैर॒भि प्र वी॒रम॑र्चता स॒बाधः॑ ।
   नृ॒णामु॑ त्वा॒ नृत॑मं गी॒र्भिरु॒क्थैर्
   नृ॒णाम् उ त्वा नृत॑मम् गी॒र्भिः उ॒क्थैः
   नॄ॒णाम् उ त्वा नृत॑मं गी॒र्भिर् उ॒क्थैर्

Halfverse: b    अ॒भि प्र वी॒रम॑र्चता स॒बाधः॑ ।
   अ॒भि प्र वी॒रम् अर्चत+ स॒बाधः ।
   अ॒भि प्र वी॒रम् अर्चता स॒बाधः ।

Halfverse: c    सं सह॑से पुरुमा॒यो जि॑हीते॒ नमो॑ अस्य प्र॒दिव॒ एक॑ ईशे ।।
   सं सह॑से पुरुमा॒यो जि॑हीते
   सम् सह॑से पुरुमा॒यः जि॑हीते
   सं सह॑से पुरुमा॒यो जि॑हीते

Halfverse: d    नमो॑ अस्य प्र॒दिव॒ एक॑ ईशे ।।
   नमः अस्य प्र॒दिवः एकः ईशे ।।
   नमो अस्य प्र॒दिव एक ईशे ।।


Verse: 5 
Halfverse: a    पू॒र्वीर॑स्य नि॒ष्षिधो॒ मर्त्ये॑षु पु॒रू वसू॑नि पृथि॒वी बि॑भर्ति ।
   पू॒र्वीर॑स्य नि॒ष्षिधो॒ मर्त्ये॑षु
   पू॒र्वीः अ॑स्य नि॒ष्षिधः मर्त्ये॑षु
   पू॒र्वीर् अस्य नि॒ष्षिधो मर्ति॑येषु

Halfverse: b    पु॒रू वसू॑नि पृथि॒वी बि॑भर्ति ।
   पु॒रु+ वसू॑नि पृथि॒वी बि॑भर्ति ।
   पु॒रू वसू॑नि पृथि॒वी बि॑भर्ति ।

Halfverse: c    इन्द्रा॑य॒ द्याव॒ ओष॑धीरु॒तापो॑ र॒यिं र॑क्षन्ति जी॒रयो॒ वना॑नि ।।
   इन्द्रा॑य॒ द्याव॒ ओष॑धीरु॒तापो
   इन्द्रा॑य द्यावः ओष॑धीः उ॒त आपः
   इन्द्रा॑य द्याव ओष॑धीर् उ॒तापो

Halfverse: d    र॒यिं र॑क्षन्ति जी॒रयो॒ वना॑नि ।।
   र॒यिम् रक्षन्ति जी॒रयः वना॑नि ।।
   र॒यिं र॑क्षन्ति जी॒रयो वना॑नि ।।


Verse: 6 
Halfverse: a    तुभ्य॒म्ब्रह्मा॑णि॒ गिर॑ इन्द्र॒ तुभ्यं॑ स॒त्रा द॑धिरे हरिवो जु॒षस्व॑ ।
   तुभ्य॒म्ब्रह्मा॑णि॒ गिर॑ इन्द्र॒ तुभ्यं
   तुभ्य॑म् ब्रह्मा॑णि गिरः इन्द्र तुभ्य॑म्
   तुभ्य॑म् ब्रह्मा॑णि गिर इन्द्र तुभ्यं

Halfverse: b    स॒त्रा द॑धिरे हरिवो जु॒षस्व॑ ।
   स॒त्रा द॑धिरे हरिवः जु॒षस्व ।
   स॒त्रा द॑धिरे हरिवो जु॒षस्व ।

Halfverse: c    बो॒ध्या॒पिरव॑सो॒ नूत॑नस्य॒ सखे॑ वसो जरि॒तृभ्यो॒ वयो॑ धाः ।।
   बो॒ध्या॒पिरव॑सो॒ नूत॑नस्य
   बो॒धि आ॒पिः अव॑सः नूत॑नस्य
   बो॒धि आ॒पिर् अव॑सो नूत॑नस्य

Halfverse: d    सखे॑ वसो जरि॒तृभ्यो॒ वयो॑ धाः ।।
   सखे वसो जरि॒तृभ्यः वयः धाः ।।
   सखे वसो जरि॒तृभ्यो वयो धाः ।।


Verse: 7 
Halfverse: a    इन्द्र॑ मरुत्व इ॒ह पा॑हि॒ सोमं॒ यथा॑ शार्या॒ते अपि॑बः सु॒तस्य॑ ।
   इन्द्र॑ मरुत्व इ॒ह पा॑हि॒ सोमं
   इन्द्र मरुत्वः इ॒ह पा॑हि सोम॑म्
   इन्द्र मरुत्व इ॒ह पा॑हि सोमं

Halfverse: b    यथा॑ शार्या॒ते अपि॑बः सु॒तस्य॑ ।
   यथा शार्या॒ते अपि॑बः सु॒तस्य ।
   यथा शार्या॒ते अपि॑बः सु॒तस्य ।

Halfverse: c    तव॒ प्रणी॑ती॒ तव॑ शूर॒ शर्म॒न्ना वि॑वासन्ति क॒वयः॑ सुय॒ज्ञाः ।।
   तव॒ प्रणी॑ती॒ तव॑ शूर॒ शर्म॑न्न्
   तव प्रणी॑ती तव शूर शर्म॑न्
   तव प्रणी॑ती तव शूर शर्म॑न्न्

Halfverse: d    आ वि॑वासन्ति क॒वयः॑ सुय॒ज्ञाः ।।
   आ वि॑वासन्ति क॒वयः सुय॒ज्ञाः ।।
   आ वि॑वासन्ति क॒वयः सुय॒ज्ञाः ।।


Verse: 8 
Halfverse: a    स वा॑वशा॒न इ॒ह पा॑हि॒ सोम॑म्म॒रुद्भि॑रिन्द्र॒ सखि॑भिः सु॒तं नः॑ ।
   स वा॑वशा॒न इ॒ह पा॑हि॒ सोम॑म्
   स वा॑वशा॒नः इ॒ह पा॑हि सोम॑म्
   स वा॑वशा॒न इ॒ह पा॑हि सोम॑म्

Halfverse: b    म॒रुद्भि॑रिन्द्र॒ सखि॑भिः सु॒तं नः॑ ।
   म॒रुद्भिः इन्द्र सखि॑भिः सु॒तम् नः ।
   म॒रुद्भि॑र् इन्द्र सखि॑भिः सु॒तं नः ।

Halfverse: c    जा॒तं यत्त्वा॒ परि॑ दे॒वा अभू॑षन्म॒हे भरा॑य पुरुहूत॒ विश्वे॑ ।।
   जा॒तं यत्त्वा॒ परि॑ दे॒वा अभू॑षन्
   जा॒तम् यत् त्वा परि दे॒वाः अभू॑षन्
   जा॒तं यत् त्वा परि दे॒वा अभू॑षन्

Halfverse: d    म॒हे भरा॑य पुरुहूत॒ विश्वे॑ ।।
   म॒हे भरा॑य पुरुहूत विश्वे ।।
   म॒हे भरा॑य पुरुहूत विश्वे ।।


Verse: 9 
Halfverse: a    अ॒प्तूर्ये॑ मरुत आ॒पिरे॒षो ऽम॑न्द॒न्निन्द्र॒मनु॒ दाति॑वाराः ।
   अ॒प्तूर्ये॑ मरुत आ॒पिरे॒षो
   अ॒प्तूर्ये मरुतः आ॒पिः ए॒षः
   अ॒प्तूरि॑ये मरुत आ॒पिर् ए॒षो

Halfverse: b    ऽम॑न्द॒न्निन्द्र॒मनु॒ दाति॑वाराः ।
   अम॑न्दन् इन्द्र॑म् अनु दाति॑वाराः ।
   अम॑न्दन्न् इन्द्र॑म् अनु दाति॑वाराः ।

Halfverse: c    तेभिः॑ सा॒कम्पि॑बतु वृत्रखा॒दः सु॒तं सोमं॑ दा॒शुषः॒ स्वे स॒धस्थे॑ ।।
   तेभिः॑ सा॒कम्पि॑बतु वृत्रखा॒दः
   तेभिः सा॒कम् पिबतु वृत्रखा॒दः
   तेभिः सा॒कम् पिबतु वृत्रखा॒दः

Halfverse: d    सु॒तं सोमं॑ दा॒शुषः॒ स्वे स॒धस्थे॑ ।।
   सु॒तम् सोम॑म् दा॒शुषः स्वे स॒धस्थे ।।
   सु॒तं सोमं दा॒शुषः स्वे स॒धस्थे ।।


Verse: 10 
Halfverse: a    इ॒दं ह्यन्वोज॑सा सु॒तं रा॑धानाम्पते ।
   इ॒दं ह्यन्वोज॑सा
   इ॒दम् हि अनु ओज॑सा
   इ॒दं हि अनु ओज॑सा

Halfverse: b    सु॒तं रा॑धानाम्पते ।
   सु॒तम् राधानाम् पते ।
   सु॒तं रा॑धानाअम् पते ।

Halfverse: c    पिबा॒ त्व॒स्य गि॑र्वणः ।।
   पिबा॒ त्व॒स्य गि॑र्वणः ।।
   पिब+ तु अ॒स्य गि॑र्वणः ।।
   पिबा तु अ॒स्य गि॑र्वणः ।।


Verse: 11 
Halfverse: a    यस्ते॒ अनु॑ स्व॒धामस॑त्सु॒ते नि य॑छ त॒न्व॑म् ।
   यस्ते॒ अनु॑ स्व॒धामस॑त्
   यः ते अनु स्व॒धाम् अस॑त्
   यस् ते अनु स्व॒धाम् अस॑त्

Halfverse: b    सु॒ते नि य॑छ त॒न्व॑म् ।
   सु॒ते नि य॑छ त॒न्व॑म् ।
   सु॒ते नि य॑छ त॒नुव॑म् ।

Halfverse: c    स त्वा॑ ममत्तु सो॒म्यम् ।।
   स त्वा॑ ममत्तु सो॒म्यम् ।।
   स त्वा ममत्तु सो॒म्यम् ।।
   स त्वा ममत्तु सोमि॒यम् ।।


Verse: 12 
Halfverse: a    प्र ते॑ अश्नोतु कु॒क्ष्योः प्रेन्द्र॒ ब्रह्म॑णा॒ शिरः॑ ।
   प्र ते॑ अश्नोतु कु॒क्ष्योः
   प्र ते अश्नोतु कु॒क्ष्योः
   प्र ते अश्नोतु कुक्षि॒योः

Halfverse: b    प्रेन्द्र॒ ब्रह्म॑णा॒ शिरः॑ ।
   प्र इ॑न्द्र ब्रह्म॑णा शिरः ।
   प्र इ॑न्द्र ब्रह्म॑णा शिरः ।

Halfverse: c    प्र बा॒हू शू॑र॒ राध॑से ।।
   प्र बा॒हू शू॑र॒ राध॑से ।।
   प्र बा॒हू शू॑र राध॑से ।।
   प्र बा॒हू शू॑र राध॑से ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.