TITUS
Rg-Veda: Rg-Veda-Samhita
Part No. 286
Previous part

Hymn: 52_(286) 
Verse: 1 
Halfverse: a    धा॒नाव॑न्तं कर॒म्भिण॑मपू॒पव॑न्तमु॒क्थिन॑म् ।
   धा॒नाव॑न्तं कर॒म्भिण॑म्
   धा॒नाव॑न्तम् कर॒म्भिण॑म्
   धा॒नाव॑न्तं कर॒म्भिण॑म्

Halfverse: b    अपू॒पव॑न्तमु॒क्थिन॑म् ।
   अ॑पू॒पव॑न्तम् उ॒क्थिन॑म् ।
   अ॑पू॒पव॑न्तम् उ॒क्थिन॑म् ।

Halfverse: c    इन्द्र॑ प्रा॒तर्जु॑षस्व नः ।।
   इन्द्र॑ प्रा॒तर्जु॑षस्व नः ।।
   इन्द्र प्रा॒तर् जुषस्व नः ।।
   इन्द्र प्रा॒तर् जुषस्व नः ।।


Verse: 2 
Halfverse: a    पु॑रो॒ळाश॑म्पच॒त्यं॑ जु॒षस्वे॒न्द्रा गु॑रस्व च ।
   पु॑रो॒ळाश॑म्पच॒त्यं
   पुरो॒ळाश॑म् पच॒त्य॑म्
   पुरो॒ळाश॑म् पच॒तियं

Halfverse: b    जु॒षस्वे॒न्द्रा गु॑रस्व च ।
   जु॒षस्व इन्द्र आ गु॑रस्व च ।
   जु॒षस्वे॒न्द्रा गु॑रस्व च ।

Halfverse: c    तुभ्यं॑ ह॒व्यानि॑ सिस्रते ।।
   तुभ्यं॑ ह॒व्यानि॑ सिस्रते ।।
   तुभ्य॑म् ह॒व्यानि सिस्रते ।।
   तुभ्यं ह॒व्यानि सिस्रते ।।


Verse: 3 
Halfverse: a    पु॑रो॒ळाशं॑ च नो॒ घसो॑ जो॒षया॑से॒ गिर॑श्च नः ।
   पु॑रो॒ळाशं॑ च नो॒ घसो
   पुरो॒ळाश॑म् च नः घसः
   पुरो॒ळाशं च नो घसो

Halfverse: b    जो॒षया॑से॒ गिर॑श्च नः ।
   जो॒षया॑से गिरः च नः ।
   जो॒षया॑से गिर॑श् च नः ।

Halfverse: c    व॑धू॒युरि॑व॒ योष॑णाम् ।।
   व॑धू॒युरि॑व॒ योष॑णाम् ।।
   व॑धू॒युः इ॑व योष॑णाम् ।।
   व॑धू॒युर् इव योष॑णाम् ।।


Verse: 4 
Halfverse: a    पु॑रो॒ळाशं॑ सनश्रुत प्रातःसा॒वे जु॑षस्व नः ।
   पु॑रो॒ळाशं॑ सनश्रुत
   पुरो॒ळाश॑म् सनश्रुत
   पुरो॒ळाशं सनश्रुत

Halfverse: b    प्रातःसा॒वे जु॑षस्व नः ।
   प्रा॑तःसा॒वे जु॑षस्व नः ।
   प्रा॑तःसा॒वे जु॑षस्व नः ।

Halfverse: c    इन्द्र॒ क्रतु॒र्हि ते॑ बृ॒हन् ।।
   इन्द्र॒ क्रतु॒र्हि ते॑ बृ॒हन् ।।
   इन्द्र क्रतुः हि ते बृ॒हन् ।।
   इन्द्र क्रतु॑र् हि ते बृ॒हन् ।।


Verse: 5 
Halfverse: a    माध्यं॑दिनस्य॒ सव॑नस्य धा॒नाः पु॑रो॒ळाश॑मिन्द्र कृष्वे॒ह चारु॑म् ।
   माध्यं॑दिनस्य॒ सव॑नस्य धा॒नाः
   माध्यं॑दिनस्य सव॑नस्य धा॒नाः
   माध्यं॑दिनस्य सव॑नस्य धा॒नाः

Halfverse: b    पु॑रो॒ळाश॑मिन्द्र कृष्वे॒ह चारु॑म् ।
   पु॑रो॒ळाश॑म् इन्द्र कृष्व इ॒ह चारु॑म् ।
   पु॑रो॒ळाश॑म् इन्द्र कृष्वे॒ह चारु॑म् ।

Halfverse: c    प्र यत्स्तो॒ता ज॑रि॒ता तूर्ण्य॑र्थो वृषा॒यमा॑ण॒ उप॑ गी॒र्भिरीट्टे॑ ।।
   प्र यत्स्तो॒ता ज॑रि॒ता तूर्ण्य॑र्थो
   प्र यत् स्तो॒ता ज॑रि॒ता तूर्ण्य॑र्थः
   प्र यत् स्तो॒ता ज॑रि॒ता तूर्णिअ॑र्थो

Halfverse: d    वृषा॒यमा॑ण॒ उप॑ गी॒र्भिरीट्टे॑ ।।
   वृ॑षा॒यमा॑णः उप गी॒र्भिः ईट्टे ।।
   वृ॑षा॒यमा॑ण उप गी॒र्भिर् ईट्टे ।।


Verse: 6 
Halfverse: a    तृ॒तीये॑ धा॒नाः सव॑ने पुरुष्टुत पुरो॒ळाश॒माहु॑तम्मामहस्व नः ।
   तृ॒तीये॑ धा॒नाः सव॑ने पुरुष्टुत
   तृ॒तीये धा॒नाः सव॑ने पुरुष्टुत
   तृ॒तीये धा॒नाः सव॑ने पुरुष्टुत

Halfverse: b    पुरो॒ळाश॒माहु॑तम्मामहस्व नः ।
   पु॑रो॒ळाश॑म् आहु॑तम् मामहस्व नः ।
   पु॑रो॒ळाश॑म् आहु॑तम् मामहस्व नः ।

Halfverse: c    ऋ॑भु॒मन्तं॒ वाज॑वन्तं त्वा कवे॒ प्रय॑स्वन्त॒ उप॑ शिक्षेम धी॒तिभिः॑ ।।
   ऋ॑भु॒मन्तं॒ वाज॑वन्तं त्वा कवे
   ऋभु॒मन्त॑म् वाज॑वन्तम् त्वा कवे
   ऋभु॒मन्तं वाज॑वन्तं तुवा कवे

Halfverse: d    प्रय॑स्वन्त॒ उप॑ शिक्षेम धी॒तिभिः॑ ।।
   प्रय॑स्वन्तः उप शिक्षेम धी॒तिभिः ।।
   प्रय॑स्वन्त उप शिक्षेम धी॒तिभिः ।।


Verse: 7 
Halfverse: a    पू॑ष॒ण्वते॑ ते चकृमा कर॒म्भं हरि॑वते॒ हर्य॑श्वाय धा॒नाः ।
   पू॑ष॒ण्वते॑ ते चकृमा कर॒म्भं
   पू॑ष॒ण्वते ते चकृम+ कर॒म्भम्
   पूष॒ण्वते ते चकृमा कर॒म्भं

Halfverse: b    हरि॑वते॒ हर्य॑श्वाय धा॒नाः ।
   हरि॑वते हर्य॑श्वाय धा॒नाः ।
   हरि॑वते हरिअ॑श्वाय धा॒नाः ।

Halfverse: c    अ॑पू॒पम॑द्धि॒ सग॑णो म॒रुद्भिः॒ सोम॑म्पिब वृत्र॒हा शू॑र वि॒द्वान् ।।
   अ॑पू॒पम॑द्धि॒ सग॑णो म॒रुद्भिः
   अपू॒पम् अद्धि सग॑णः म॒रुद्भिः
   अपू॒पम् अद्धि सग॑णो म॒रुद्भिः

Halfverse: d    सोम॑म्पिब वृत्र॒हा शू॑र वि॒द्वान् ।।
   सोम॑म् पिब वृत्र॒हा शू॑र वि॒द्वान् ।।
   सोम॑म् पिब वृत्र॒हा शू॑र वि॒द्वान् ।।


Verse: 8 
Halfverse: a    प्रति॑ धा॒ना भ॑रत॒ तूय॑मस्मै पुरो॒ळाशं॑ वी॒रत॑माय नृ॒णाम् ।
   प्रति॑ धा॒ना भ॑रत॒ तूय॑मस्मै
   प्रति धा॒नाः भ॑रत तूय॑म् अस्मै
   प्रति धा॒ना भ॑रत तूय॑म् अस्मै

Halfverse: b    पुरो॒ळाशं॑ वी॒रत॑माय नृ॒णाम् ।
   पु॑रो॒ळाश॑म् वी॒रत॑माय नृ॒णाम् ।
   पु॑रो॒ळाशं वी॒रत॑माय नॄ॒णाम् ।

Halfverse: c    दि॒वेदि॑वे स॒दृशी॑रिन्द्र॒ तुभ्यं॒ वर्ध॑न्तु त्वा सोम॒पेया॑य धृष्णो ।।
   दि॒वेदि॑वे स॒दृशी॑रिन्द्र॒ तुभ्यं
   दि॒वेदि॑वे स॒दृशीः इन्द्र तुभ्य॑म्
   दि॒वेदि॑वे स॒दृशी॑र् इन्द्र तुभ्यं

Halfverse: d    वर्ध॑न्तु त्वा सोम॒पेया॑य धृष्णो ।।
   वर्ध॑न्तु त्वा सोम॒पेया॑य धृष्णो ।।
   वर्ध॑न्तु त्वा सोम॒पेया॑य धृष्णो ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.