TITUS
Rg-Veda: Rg-Veda-Samhita
Part No. 287
Previous part

Hymn: 53_(287) 
Verse: 1 
Halfverse: a    इन्द्रा॑पर्वता बृह॒ता रथे॑न वा॒मीरिष॒ आ व॑हतं सु॒वीराः॑ ।
   इन्द्रा॑पर्वता बृह॒ता रथे॑न
   इन्द्रा॑पर्वता बृह॒ता रथे॑न
   इन्द्रा॑पर्वता बृह॒ता रथे॑न

Halfverse: b    वा॒मीरिष॒ आ व॑हतं सु॒वीराः॑ ।
   वा॒मीः इषः आ व॑हतम् सु॒वीराः ।
   वा॒मीर् इष आ व॑हतं सु॒वीराः ।

Halfverse: c    वी॒तं ह॒व्यान्य॑ध्व॒रेषु॑ देवा॒ वर्धे॑थां गी॒र्भिरिळ॑या॒ मद॑न्ता ।।
   वी॒तं ह॒व्यान्य॑ध्व॒रेषु॑ देवा
   वी॒तम् ह॒व्यानि अध्व॒रेषु देवा
   वी॒तं ह॒व्यानि अध्व॒रेषु देवा

Halfverse: d    वर्धे॑थां गी॒र्भिरिळ॑या॒ मद॑न्ता ।।
   वर्धे॑थाम् गी॒र्भिः इळ॑या मद॑न्ता ।।
   वर्धे॑थां गी॒र्भिर् इळ॑या मद॑न्ता ।।


Verse: 2 
Halfverse: a    तिष्ठा॒ सु क॑म्मघव॒न्मा परा॑ गाः॒ सोम॑स्य॒ नु त्वा॒ सुषु॑तस्य यक्षि ।
   तिष्ठा॒ सु क॑म्मघव॒न्मा परा॑ गाः
   तिष्ठ+ सु क॑म् मघवन् मा परा गाः
   तिष्ठा सु क॑म् मघवन् मा परा गाः

Halfverse: b    सोम॑स्य॒ नु त्वा॒ सुषु॑तस्य यक्षि ।
   सोम॑स्य नु त्वा सुषु॑तस्य यक्षि ।
   सोम॑स्य नु त्वा सुषु॑तस्य यक्षि ।

Halfverse: c    पि॒तुर्न पु॒त्रः सिच॒मा र॑भे त॒ इन्द्र॒ स्वादि॑ष्ठया गि॒रा श॑चीवः ।।
   पि॒तुर्न पु॒त्रः सिच॒मा र॑भे त
   पि॒तुः न पु॒त्रः सिच॑म् आ र॑भे ते
   पि॒तुर् न पु॒त्रः सिच॑म् आ र॑भे त

Halfverse: d    इन्द्र॒ स्वादि॑ष्ठया गि॒रा श॑चीवः ।।
   इन्द्र स्वादि॑ष्ठया गि॒रा श॑चीवः ।।
   इन्द्र स्वादि॑ष्ठया गि॒रा श॑चीवः ।।


Verse: 3 
Halfverse: a    शंसा॑वाध्वर्यो॒ प्रति॑ मे गृणी॒हीन्द्रा॑य॒ वाहः॑ कृणवाव॒ जुष्ट॑म् ।
   शंसा॑वाध्वर्यो॒ प्रति॑ मे गृणीहि
   शंसा॑व अध्वर्यो प्रति मे गृणीहि
   शंसा॑वाध्वर्यो प्रति मे गृणीहि

Halfverse: b     इन्द्रा॑य॒ वाहः॑ कृणवाव॒ जुष्ट॑म् ।
   इन्द्रा॑य वाहः कृणवाव जुष्ट॑म् ।
   इन्द्रा॑य वाहः कृणवाव जुष्ट॑म् ।

Halfverse: c    एदम्ब॒र्हिर्यज॑मानस्य सी॒दाथा॑ च भूदु॒क्थमिन्द्रा॑य श॒स्तम् ।।
   एदम्ब॒र्हिर्यज॑मानस्य सीद
   आ इ॒दम् ब॒र्हिः यज॑मानस्य सीद
   एदम् ब॒र्हिर् यज॑मानस्य सीद

Halfverse: d     अथा॑ च भूदु॒क्थमिन्द्रा॑य श॒स्तम् ।।
   अथ+ च भूत् उ॒क्थम् इन्द्रा॑य श॒स्तम् ।।
   अथा च भूद् उ॒क्थम् इन्द्रा॑य श॒स्तम् ।।


Verse: 4 
Halfverse: a    जा॒येदस्त॑म्मघव॒न्सेदु॒ योनि॒स्तदित्त्वा॑ यु॒क्ता हर॑यो वहन्तु ।
   जा॒येदस्त॑म्मघव॒न्सेदु॒ योनि॑स्
   जा॒या इत् अस्त॑म् मघवन् सा इत् उ योनिः
   जा॒येद् अस्त॑म् मघवन् सेद् उ योनि॑स्

Halfverse: b    तदित्त्वा॑ यु॒क्ता हर॑यो वहन्तु ।
   तत् इत् त्वा यु॒क्ताः हर॑यः वहन्तु ।
   तद् इत् त्वा यु॒क्ता हर॑यो वहन्तु ।

Halfverse: c    य॒दा क॒दा च॑ सु॒नवा॑म॒ सोम॑म॒ग्निष्ट्वा॑ दू॒तो ध॑न्वा॒त्यछ॑ ।।
   य॒दा क॒दा च॑ सु॒नवा॑म॒ सोम॑म्
   य॒दा क॒दा च सु॒नवा॑म सोम॑म्
   य॒दा क॒दा च सु॒नवा॑म सोम॑म्

Halfverse: d    अ॒ग्निष्ट्वा॑ दू॒तो ध॑न्वा॒त्यछ॑ ।।
   अ॒ग्निः त्वा दू॒तः ध॑न्वाति अछ ।।
   अ॒ग्निष् ट्वा दू॒तो ध॑नुवाति अछ ।।


Verse: 5 
Halfverse: a    परा॑ याहि मघव॒न्ना च॑ या॒हीन्द्र॑ भ्रातरुभ॒यत्रा॑ ते॒ अर्थ॑म् ।
   परा॑ याहि मघव॒न्ना च॑ याहि
   परा याहि मघवन् आ च याहि
   परा याहि मघवन्न् आ च याहि

Halfverse: b     इन्द्र॑ भ्रातरुभ॒यत्रा॑ ते॒ अर्थ॑म् ।
   इन्द्र भ्रातर् उभ॒यत्र+ ते अर्थ॑म् ।
   इन्द्र भ्रातर् उभ॒यत्रा ते अर्थ॑म् ।

Halfverse: c    यत्रा॒ रथ॑स्य बृह॒तो नि॒धानं॑ वि॒मोच॑नं वा॒जिनो॒ रास॑भस्य ।।
   यत्रा॒ रथ॑स्य बृह॒तो नि॒धानं
   यत्र+ रथ॑स्य बृह॒तः नि॒धान॑म्
   यत्रा रथ॑स्य बृह॒तो नि॒धानं

Halfverse: d    वि॒मोच॑नं वा॒जिनो॒ रास॑भस्य ।।
   वि॒मोच॑नम् वा॒जिनः रास॑भस्य ।।
   वि॒मोच॑नं वा॒जिनो रास॑भस्य ।।


Verse: 6 
Halfverse: a    अपाः॒ सोम॒मस्त॑मिन्द्र॒ प्र या॑हि कल्या॒णीर्जा॒या सु॒रणं॑ गृ॒हे ते॑ ।
   अपाः॒ सोम॒मस्त॑मिन्द्र॒ प्र या॑हि
   अपाः सोम॑म् अस्त॑म् इन्द्र प्र या॑हि
   अपाः सोम॑म् अस्त॑म् इन्द्र प्र या॑हि

Halfverse: b    कल्या॒णीर्जा॒या सु॒रणं॑ गृ॒हे ते॑ ।
   क॑ल्या॒णीः जा॒या सु॒रण॑म् गृ॒हे ते ।
   क॑ल्या॒णीर् जा॒या सु॒रणं गृ॒हे ते ।

Halfverse: c    यत्रा॒ रथ॑स्य बृह॒तो नि॒धानं॑ वि॒मोच॑नं वा॒जिनो॒ दक्षि॑णावत् ।।
   यत्रा॒ रथ॑स्य बृह॒तो नि॒धानं
   यत्र+ रथ॑स्य बृह॒तः नि॒धान॑म्
   यत्रा रथ॑स्य बृह॒तो नि॒धानं

Halfverse: d    वि॒मोच॑नं वा॒जिनो॒ दक्षि॑णावत् ।।
   वि॒मोच॑नम् वा॒जिनः दक्षि॑णावत् ।।
   वि॒मोच॑नं वा॒जिनो दक्षि॑णावत् ।।


Verse: 7 
Halfverse: a    इ॒मे भो॒जा अङ्गि॑रसो॒ विरू॑पा दि॒वस्पु॒त्रासो॒ असु॑रस्य वी॒राः ।
   इ॒मे भो॒जा अङ्गि॑रसो॒ विरू॑पा
   इ॒मे भो॒जाः अङ्गि॑रसः विरू॑पाः
   इ॒मे भो॒जा अङ्गि॑रसो विरू॑पा

Halfverse: b    दि॒वस्पु॒त्रासो॒ असु॑रस्य वी॒राः ।
   दि॒वः पु॒त्रासः असु॑रस्य वी॒राः ।
   दि॒वस् पु॒त्रासो असु॑रस्य वी॒राः ।

Halfverse: c    वि॒श्वामि॑त्राय॒ दद॑तो म॒घानि॑ सहस्रसा॒वे प्र ति॑रन्त॒ आयुः॑ ।।
   वि॒श्वामि॑त्राय॒ दद॑तो म॒घानि
   वि॒श्वामि॑त्राय दद॑तः म॒घानि
   वि॒श्वामि॑त्राय दद॑तो म॒घानि

Halfverse: d    सहस्रसा॒वे प्र ति॑रन्त॒ आयुः॑ ।।
   स॑हस्रसा॒वे प्र ति॑रन्ते आयुः ।।
   स॑हस्रसा॒वे प्र ति॑रन्त आयुः ।।


Verse: 8 
Halfverse: a    रू॒पंरू॑पम्म॒घवा॑ बोभवीति मा॒याः कृ॑ण्वा॒नस्त॒न्व॒म्परि॒ स्वाम् ।
   रू॒पंरू॑पम्म॒घवा॑ बोभवीति
   रू॒पंरू॑पम् म॒घवा बोभवीति
   रू॒पंरू॑पम् म॒घवा बोभवीति

Halfverse: b    मा॒याः कृ॑ण्वा॒नस्त॒न्व॒म्परि॒ स्वाम् ।
   मा॒याः कृ॑ण्वा॒नः त॒न्व॑म् परि स्वाम् ।
   मा॒याः कृ॑ण्वा॒नस् त॒नुव॑म् परि स्वाम् ।

Halfverse: c    त्रिर्यद्दि॒वः परि॑ मुहू॒र्तमागा॒त्स्वैर्मन्त्रै॒रनृ॑तुपा ऋ॒तावा॑ ।।
   त्रिर्यद्दि॒वः परि॑ मुहू॒र्तमागा॑त्
   त्रिः यत् दि॒वः परि मुहू॒र्तम् आ अगा॑त्
   त्रिर् यद् दि॒वः परि मुहू॒र्तम् आगा॑त्

Halfverse: d    स्वैर्मन्त्रै॒रनृ॑तुपा ऋ॒तावा॑ ।।
   स्वैः मन्त्रैः अनृ॑तुपाः ऋ॒तावा ।।
   सु॒वैर् मन्त्रै॑र् अनृ॑तुपा ऋ॒तावा ।।


Verse: 9 
Halfverse: a    म॒हाँ ऋषि॑र्देव॒जा दे॒वजू॒तो ऽस्त॑भ्ना॒त्सिन्धु॑मर्ण॒वं नृ॒चक्षाः॑ ।
   म॒हाँ ऋषि॑र्देव॒जा दे॒वजू॒तो
   म॒हान् ऋषिः देव॒जाः दे॒वजू॑तः
   म॒हाँ ऋषि॑र् देव॒जा दे॒वजू॑तो

Halfverse: b    ऽस्तभ्ना॒त्सिन्धु॑मर्ण॒वं नृ॒चक्षाः॑ ।
   अस्त॑भ्नात् सिन्धु॑म् अर्ण॒वम् नृ॒चक्षाः ।
   अस्त॑भ्नात् सिन्धु॑म् अर्ण॒वं नृ॒चक्षाः ।

Halfverse: c    वि॒श्वामि॑त्रो॒ यदव॑हत्सु॒दास॒मप्रि॑यायत कुशि॒केभि॒रिन्द्रः॑ ।।
   वि॒श्वामि॑त्रो॒ यदव॑हत्सु॒दास॑म्
   वि॒श्वामि॑त्रः यत् अव॑हत् सु॒दास॑म्
   वि॒श्वामि॑त्रो यद् अव॑हत् सु॒दास॑म्

Halfverse: d    अप्रि॑यायत कुशि॒केभि॒रिन्द्रः॑ ।।
   अप्रि॑यायत कुशि॒केभिः इन्द्रः ।।
   अप्रि॑यायत कुशि॒केभि॑र् इन्द्रः ।।


Verse: 10 
Halfverse: a    हं॒सा इ॑व कृणुथ॒ श्लोक॒मद्रि॑भि॒र्मद॑न्तो गी॒र्भिर॑ध्व॒रे सु॒ते सचा॑ ।
   हं॒सा इ॑व कृणुथ॒ श्लोक॒मद्रि॑भिर्
   हं॒साः इ॑व कृणुथ श्लोक॑म् अद्रि॑भिः
   हं॒सा इ॑व कृणुथ श्लोक॑म् अद्रि॑भिर्

Halfverse: b    मद॑न्तो गी॒र्भिर॑ध्व॒रे सु॒ते सचा॑ ।
   मद॑न्तः गी॒र्भिः अ॑ध्व॒रे सु॒ते सचा ।
   मद॑न्तो गी॒र्भिर् अध्व॒रे सु॒ते सचा ।

Halfverse: c    दे॒वेभि॑र्विप्रा ऋषयो नृचक्षसो॒ वि पि॑बध्वं कुशिकाः सो॒म्यम्मधु॑ ।।
   दे॒वेभि॑र्विप्रा ऋषयो नृचक्षसो
   दे॒वेभिः विप्राः ऋषयः नृचक्षसः
   दे॒वेभि॑र् विप्रा ऋषयो नृचक्षसो

Halfverse: d    वि पि॑बध्वं कुशिकाः सो॒म्यम्मधु॑ ।।
   वि पि॑बध्वम् कुशिकाः सो॒म्यम् मधु ।।
   वि पि॑बध्वं कुशिकाः सोमि॒यम् मधु ।।


Verse: 11 
Halfverse: a    उप॒ प्रेत॑ कुशिकाश्चे॒तय॑ध्व॒मश्वं॑ रा॒ये प्र मु॑ञ्चता सु॒दासः॑ ।
   उप॒ प्रेत॑ कुशिकाश्चे॒तय॑ध्वम्
   उप प्र इ॑त कुशिकाः चे॒तय॑ध्वम्
   उप प्रेत कुशिकाश् चे॒तय॑ध्वम्

Halfverse: b    अश्वं॑ रा॒ये प्र मु॑ञ्चता सु॒दासः॑ ।
   अश्व॑म् रा॒ये प्र मु॑ञ्चत+ सु॒दासः ।
   अश्वं रा॒ये प्र मु॑ञ्चता सु॒दासः ।

Halfverse: c    राजा॑ वृ॒त्रं ज॑ङ्घन॒त्प्रागपा॒गुद॒गथा॑ यजाते॒ वर॒ आ पृ॑थि॒व्याः ।।
   राजा॑ वृ॒त्रं ज॑ङ्घन॒त्प्रागपा॒गुद॑ग्
   राजा वृ॒त्रम् जङ्घनत् प्राक् अपा॑क् उद॑क्
   राजा वृ॒त्रं ज॑ङ्घनत् प्राग् अपा॑ग् उद॑ग्

Halfverse: d    अथा॑ यजाते॒ व रआ पृ॑थि॒व्याः ।।
   अथ+ यजाते वरे आ पृ॑थि॒व्याः ।।
   अथा यजाते वर आ पृ॑थि॒व्याः ।।


Verse: 12 
Halfverse: a    य इ॒मे रोद॑सी उ॒भे अ॒हमिन्द्र॒मतु॑ष्टवम् ।
   य इ॒मे रोद॑सी उ॒भे
   यः इ॒मे रोद॑सी उ॒भे
   य इ॒मे रोद॑सी उ॒भे

Halfverse: b    अ॒हमिन्द्र॒मतु॑ष्टवम् ।
   अ॒हम् इन्द्र॑म् अतु॑ष्टवम् ।
   अ॒हम् इन्द्र॑म् अतु॑ष्टवम् ।

Halfverse: c    वि॒श्वामि॑त्रस्य रक्षति॒ ब्रह्मे॒दम्भार॑तं॒ जन॑म् ।।
   वि॒श्वामि॑त्रस्य रक्षति
   वि॒श्वामि॑त्रस्य रक्षति
   वि॒श्वामि॑त्रस्य रक्षति

Halfverse: d    ब्रह्मे॒दम्भार॑तं॒ जन॑म् ।।
   ब्रह्म इ॒दम् भार॑तम् जन॑म् ।।
   ब्रह्मे॒दम् भार॑तं जन॑म् ।।


Verse: 13 
Halfverse: a    वि॒श्वामि॑त्रा अरासत॒ ब्रह्मेन्द्रा॑य व॒ज्रिणे॑ ।
   वि॒श्वामि॑त्रा अरासत
   वि॒श्वामि॑त्राः अरासत
   वि॒श्वामि॑त्रा अरासत

Halfverse: b    ब्रह्मेन्द्रा॑य व॒ज्रिणे॑ ।
   ब्रह्म इन्द्रा॑य व॒ज्रिणे ।
   ब्रह्म इन्द्रा॑य व॒ज्रिणे ।

Halfverse: c    कर॒दिन्नः॑ सु॒राध॑सः ।।
   कर॒दिन्नः॑ सु॒राध॑सः ।।
   कर॑त् इत् नः सु॒राध॑सः ।।
   कर॑द् इन् नः सु॒राध॑सः ।।


Verse: 14 
Halfverse: a    किं ते॑ कृण्वन्ति॒ कीक॑टेषु॒ गावो॒ नाशिरं॑ दु॒ह्रे न त॑पन्ति घ॒र्मम् ।
   किं ते॑ कृण्वन्ति॒ कीक॑टेषु॒ गावो
   किम् ते कृण्वन्ति कीक॑टेषु गावः
   किं ते कृण्वन्ति कीक॑टेषु गावो

Halfverse: b    नाशिरं॑ दु॒ह्रे न त॑पन्ति घ॒र्मम् ।
   न आ॒शिर॑म् दु॒ह्रे न त॑पन्ति घ॒र्मम् ।
   नाशिरं दु॒ह्रे न त॑पन्ति घ॒र्मम् ।

Halfverse: c    आ नो॑ भर॒ प्रम॑गन्दस्य॒ वेदो॑ नैचाशा॒खम्म॑घवन्रन्धया नः ।।
   आ नो॑ भर॒ प्रम॑गन्दस्य॒ वेदो
   आ नः भर प्रम॑गन्दस्य वेदः
   आ नो भर प्रम॑गन्दस्य वेदो

Halfverse: d    नैचाशा॒खम्म॑घवन्रन्धया नः ।।
   नै॑चाशा॒खम् मघवन् रन्धय+ नः ।।
   नै॑चाशा॒खम् मघवन् रन्धया नः ।।


Verse: 15 
Halfverse: a    स॑सर्प॒रीरम॑ति॒म्बाध॑माना बृ॒हन्मि॑माय ज॒मद॑ग्निदत्ता ।
   स॑सर्प॒रीरम॑ति॒म्बाध॑माना
   ससर्प॒रीः अम॑तिम् बाध॑माना
   ससर्प॒रीर् अम॑तिम् बाध॑माना

Halfverse: b    बृ॒हन्मि॑माय ज॒मद॑ग्निदत्ता ।
   बृ॒हत् मिमाय ज॒मद॑ग्निदत्ता ।
   बृ॒हन् मिमाय ज॒मद॑ग्निदत्ता ।

Halfverse: c    आ सूर्य॑स्य दुहि॒ता त॑तान॒ श्रवो॑ दे॒वेष्व॒मृत॑मजु॒र्यम् ।।
   आ सूर्य॑स्य दुहि॒ता त॑तान
   आ सूर्य॑स्य दुहि॒ता त॑तान
   आ सूरि॑यस्य दुहि॒ता त॑तान

Halfverse: d    श्रवो॑ दे॒वेष्व॒मृत॑मजु॒र्यम् ।।
   श्रवः दे॒वेषु अ॒मृत॑म् अजु॒र्यम् ।।
   श्रवो दे॒वेषु अ॒मृत॑म् अजु॒र्यम् ।।


Verse: 16 
Halfverse: a    स॑सर्प॒रीर॑भर॒त्तूय॑मे॒भ्यो ऽधि॒ श्रवः॒ पाञ्च॑जन्यासु कृ॒ष्टिषु॑ ।
   स॑सर्प॒रीर॑भर॒त्तूय॑मे॒भ्यो
   स॑सर्प॒रीः अ॑भरत् तूय॑म् एभ्यः
   ससर्प॒रीर् अभरत् तूय॑म् एभ्यो

Halfverse: b    ऽधि॒ श्रवः॒ पाञ्च॑जन्यासु कृ॒ष्टिषु॑ ।
   अधि श्रवः पाञ्च॑जन्यासु कृ॒ष्टिषु ।
   अधि श्रवः पाञ्च॑जन्यासु कृ॒ष्टिषु ।

Halfverse: c    सा प॒क्ष्या॒ नव्य॒मायु॒र्दधा॑ना॒ याम्मे॑ पलस्तिजमद॒ग्नयो॑ द॒दुः ।।
   सा प॒क्ष्या॒ नव्य॒मायु॒र्दधा॑ना
   सा प॒क्ष्या नव्य॑म् आयुः दधा॑ना
   सा प॒क्षिया नव्य॑म् आयु॑र् दधा॑ना

Halfverse: d    याम्मे॑ पलस्तिजमद॒ग्नयो॑ द॒दुः ।।
   याम् मे पलस्तिजमद॒ग्नयः द॒दुः ।।
   याम् मे पलस्तिजमद॒ग्नयो द॒दुः ।।


Verse: 17 
Halfverse: a    स्थि॒रौ गावौ॑ भवतां वी॒ळुरक्षो॒ मेषा वि व॑र्हि॒ मा यु॒गं वि शा॑रि ।
   स्थि॒रौ गावौ॑ भवतां वी॒ळुरक्षो
   स्थि॒रौ गावौ भवताम् वी॒ळुः अक्षः
   स्थि॒रौ गावौ भवतां वी॒ळुर् अक्षो

Halfverse: b    मेषा वि व॑र्हि॒ मा यु॒गं वि शा॑रि ।
   मा ई॒षा वि व॑र्हि मा यु॒गम् वि शा॑रि ।
   मेषा वि व॑र्हि मा यु॒गं वि शा॑रि ।

Halfverse: c    इन्द्रः॑ पात॒ल्ये॑ ददतां॒ शरी॑तो॒ररि॑ष्टनेमे अ॒भि नः॑ सचस्व ।।
   इन्द्रः॑ पात॒ल्ये॑ ददतां॒ शरी॑तोर्
   इन्द्रः पात॒ल्ये ददताम् शरी॑तोः
   इन्द्रः पात॒ल्ये ददतां शरी॑तोर्

Halfverse: d    अरि॑ष्टनेमे अ॒भि नः॑ सचस्व ।।
   अरि॑ष्टनेमे अ॒भि नः सचस्व ।।
   अरि॑ष्टनेमे अ॒भि नः सचस्व ।।


Verse: 18 
Halfverse: a    बलं॑ धेहि त॒नूषु॑ नो॒ बल॑मिन्द्रान॒ळुत्सु॑ नः ।
   बलं॑ धेहि त॒नूषु॑ नो
   बल॑म् धेहि त॒नूषु नः
   बलं धेहि त॒नूषु नो

Halfverse: b    बल॑मिन्द्रान॒ळुत्सु॑ नः ।
   बल॑म् इन्द्र अन॒ळुत्सु नः ।
   बल॑म् इन्द्रान॒ळुत्सु नः ।

Halfverse: c    बलं॑ तो॒काय॒ तन॑याय जी॒वसे॒ त्वं हि ब॑ल॒दा असि॑ ।।
   बलं॑ तो॒काय॒ तन॑याय जी॒वसे
   बल॑म् तो॒काय तन॑याय जी॒वसे
   बलं तो॒काय तन॑याय जी॒वसे

Halfverse: d    त्वं हि ब॑ल॒दा असि॑ ।।
   त्वम् हि ब॑ल॒दाः असि ।।
   तु॒वं हि ब॑ल॒दा असि ।।


Verse: 19 
Halfverse: a    अ॒भि व्य॑यस्व खदि॒रस्य॒ सार॒मोजो॑ धेहि स्पन्द॒ने शिं॒शपा॑याम् ।
   अ॒भि व्य॑यस्व खदि॒रस्य॒ सार॑म्
   अ॒भि व्य॑यस्व खदि॒रस्य सार॑म्
   अ॒भि व्य॑यस्व खदि॒रस्य सार॑म्

Halfverse: b    ओजो॑ धेहि स्पन्द॒ने शिं॒शपा॑याम् ।
   ओजः धेहि स्पन्द॒ने शिं॒शपा॑याम् ।
   ओजो धेहि स्पन्द॒ने शिं॒शपा॑याम् ।

Halfverse: c    अक्ष॑ वीळो वीळित वी॒ळय॑स्व॒ मा यामा॑द॒स्मादव॑ जीहिपो नः ।।
   अक्ष॑ वीळो वीळित वी॒ळय॑स्व
   अक्ष वीळो वीळित वी॒ळय॑स्व
   अक्ष वीळो वीळित वी॒ळय॑स्व

Halfverse: d    मा यामा॑द॒स्मादव॑ जीहिपो नः ।।
   मा यामा॑त् अ॒स्मात् अव जीहिपः नः ।।
   मा यामा॑द् अ॒स्माद् अव जीहिपो नः ।।


Verse: 20 
Halfverse: a    अ॒यम॒स्मान्वन॒स्पति॒र्मा च॒ हा मा च॑ रीरिषत् ।
   अ॒यम॒स्मान्वन॒स्पति॑र्
   अ॒यम् अ॒स्मान् वन॒स्पतिः
   अ॒यम् अ॒स्मान् वन॒स्पति॑र्

Halfverse: b    मा च॒ हा मा च॑ रीरिषत् ।
   मा च हाः मा च रीरिषत् ।
   मा च हा मा च रीरिषत् ।

Halfverse: c    स्व॒स्त्या गृ॒हेभ्य॒ आव॒सा आ वि॒मोच॑नात् ।।
   स्व॒स्त्या गृ॒हेभ्य॒ आ
   स्व॒स्ति आ गृ॒हेभ्यः आ
   सुअ॒स्ति आ गृ॒हेभ्य आ

Halfverse: d     अ॑व॒सा आ वि॒मोच॑नात् ।।
   अ॑व॒सै आ वि॒मोच॑नात् ।।
   अव॑सा आ वि॒मोच॑नात् ।।


Verse: 21 
Halfverse: a    इन्द्रो॒तिभि॑र्बहु॒लाभि॑र्नो अ॒द्य या॑च्छ्रे॒ष्ठाभि॑र्मघवञ्छूर जिन्व ।
   इन्द्रो॒तिभि॑र्बहु॒लाभि॑र्नो अ॒द्य
   इन्द्र ऊ॒तिभिः बहु॒लाभिः नः अ॒द्य
   इन्द्रो॒तिभि॑र् बहु॒लाभि॑र् नो अ॒द्य

Halfverse: b    या॑च्छ्रे॒ष्ठाभि॑र्मघवञ्छूर जिन्व ।
   या॑च्छ्रे॒ष्ठाभिः मघवन् शूर जिन्व ।
   या॑च्छ्रे॒ष्ठाभि॑र् मघवञ् छूर जिन्व ।

Halfverse: c    यो नो॒ द्वेष्ट्यध॑रः॒ सस्प॑दीष्ट॒ यमु॑ द्वि॒ष्मस्तमु॑ प्रा॒णो ज॑हातु ।।
   यो नो॒ द्वेष्ट्यध॑रः॒ सस्प॑दीष्ट
   यः नः द्वेष्टि अध॑रः सः प॑दीष्ट
   यो नो द्वेष्टि अध॑रः सस् पदीष्ट

Halfverse: d    यमु॑ द्वि॒ष्मस्तमु॑ प्रा॒णो ज॑हातु ।।
   यम् उ द्वि॒ष्मः तम् उ प्रा॒णः ज॑हातु ।।
   यम् उ द्वि॒ष्मस् तम् उ प्रा॒णो ज॑हातु ।।


Verse: 22 
Halfverse: a    प॑र॒शुं चि॒द्वि त॑पति शिम्ब॒लं चि॒द्वि वृ॑श्चति ।
   प॑र॒शुं चि॒द्वि त॑पति
   पर॒शुम् चित् वि त॑पति
   पर॒शुं चि॑द् वि त॑पति

Halfverse: b    शिम्ब॒लं चि॒द्वि वृ॑श्चति ।
   शि॑म्ब॒लम् चित् वि वृ॑श्चति ।
   शि॑म्ब॒लं चि॑द् वि वृ॑श्चति ।

Halfverse: c    उ॒खा चि॑दिन्द्र॒ येष॑न्ती॒ प्रय॑स्ता॒ पेन॑मस्यति ।।
   उ॒खा चि॑दिन्द्र॒ येष॑न्ती
   उ॒खा चि॑त् इन्द्र येष॑न्ती
   उ॒खा चि॑द् इन्द्र येष॑न्ती

Halfverse: d    प्रय॑स्ता॒ पेन॑मस्यति ।।
   प्रय॑स्ता पेन॑म् अस्यति ।।
   प्रय॑स्ता पेन॑म् अस्यति ।।


Verse: 23 
Halfverse: a    न साय॑कस्य चिकिते जनासो लो॒धं न॑यन्ति॒ पशु॒ मन्य॑मानाः ।
   न साय॑कस्य चिकिते जनासो
   न साय॑कस्य चिकिते जनासः
   न साय॑कस्य चिकिते जनासो

Halfverse: b    लो॒धं न॑यन्ति॒ पशु॒ मन्य॑मानाः ।
   लो॒धम् नयन्ति पशु मन्य॑मानाः ।
   लो॒धं न॑यन्ति पशु मन्य॑मानाः ।

Halfverse: c    नावा॑जिनं वा॒जिना॑ हासयन्ति॒ न ग॑र्द॒भम्पु॒रो अश्वा॑न्नयन्ति ।।
   नावा॑जिनं वा॒जिना॑ हासयन्ति
   न अवा॑जिनम् वा॒जिना हासयन्ति
   नावा॑जिनं वा॒जिना हासयन्ति

Halfverse: d    न ग॑र्द॒भम्पु॒रो अश्वा॑न्नयन्ति ।।
   न ग॑र्द॒भम् पु॒रः अश्वा॑त् नयन्ति ।।
   न ग॑र्द॒भम् पु॒रो अश्वा॑न् नयन्ति ।।


Verse: 24 
Halfverse: a    इ॒म इ॑न्द्र भर॒तस्य॑ पु॒त्रा अ॑पपि॒त्वं चि॑कितु॒र्न प्र॑पि॒त्वम् ।
   इ॒म इ॑न्द्र भर॒तस्य॑ पु॒त्रा
   इ॒मे इ॑न्द्र भर॒तस्य पु॒त्राः
   इ॒म इ॑न्दर भर॒तस्य पु॒त्रा

Halfverse: b    अ॑पपि॒त्वं चि॑कितु॒र्न प्र॑पि॒त्वम् ।
   अ॑पपि॒त्वम् चिकितुः न प्र॑पि॒त्वम् ।
   अ॑पपि॒त्वं चि॑कितुर् न प्र॑पि॒त्वम् ।

Halfverse: c    हि॒न्वन्त्यश्व॒मर॑णं॒ न नित्यं॒ ज्या॑वाज॒म्परि॑ णयन्त्या॒जौ ।।
   हि॒न्वन्त्यश्व॒मर॑णं॒ न नित्यं
   हि॒न्वन्ति अश्व॑म् अर॑णम् न नित्य॑म्
   हि॒न्वन्ति अश्व॑म् अर॑णं न नित्यं

Halfverse: d    ज्या॑वाज॒म्परि॑ णयन्त्या॒जौ ।।
   ज्या॑वाजम् परि नयन्ति आ॒जौ ।।
   जिया॑वाजम् परि णयन्ति आ॒जौ ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.