TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 782

Hymn: 59_(771)
Verse: 1
Halfverse: a    पव॑स्व गो॒जिद॑श्व॒जिद्वि॑श्व॒जित्सो॑म रण्य॒जित् ।
   पव॑स्व गो॒जिद॑श्व॒जिद्
   पव॑स्व गो॒जित् अश्व॒जित्
   पव॑स्व गो॒जिद् अश्व॒जिद्

Halfverse: b    विश्व॒जित्सो॑म रण्य॒जित् ।
   वि॑श्व॒जित् सोम रण्य॒जित् ।
   वि॑श्व॒जित् सोम रण्य॒जित् ।

Halfverse: c    प्र॒जाव॒द्रत्न॒मा भ॑र ।।
   प्र॒जाव॒द्रत्न॒मा भ॑र ।।
   प्र॒जाव॑त् रत्न॑म् आ भ॑र ।।
   प्र॒जाव॑द् रत्न॑म् आ भ॑र ।।

Verse: 2
Halfverse: a    पव॑स्वा॒द्भ्यो अदा॑भ्यः॒ पव॒स्वौष॑धीभ्यः ।
   पव॑स्वा॒द्भ्यो अदा॑भ्यः
   पव॑स्व अ॒द्भ्यः अदा॑भ्यः
   पव॑स्वा॒द्भ्यो अदा॑भियः

Halfverse: b    पव॒स्वौष॑धीभ्यः ।
   पव॑स्व ओष॑धीभ्यः ।
   पव॑स्व ओष॑धीभियः ।

Halfverse: c    पव॑स्व धि॒षणा॑भ्यः ।।
   पव॑स्व धि॒षणा॑भ्यः ।।
   पव॑स्व धि॒षणा॑भ्यः ।।
   पव॑स्व धि॒षणा॑भियः ।।

Verse: 3
Halfverse: a    त्वं सो॑म॒ पव॑मानो॒ विश्वा॑नि दुरि॒ता त॑र ।
   त्वं सो॑म॒ पव॑मानो
   त्वम् सोम पव॑मानः
   तु॒वं सो॑म पव॑मानो

Halfverse: b    विश्वा॑नि दुरि॒ता त॑र ।
   विश्वा॑नि दुरि॒ता त॑र ।
   विश्वा॑नि दुरि॒ता त॑र ।

Halfverse: c    क॒विः सी॑द॒ नि ब॒र्हिषि॑ ।।
   क॒विः सी॑द॒ नि ब॒र्हिषि॑ ।।
   क॒विः सी॑द नि ब॒र्हिषि ।।
   क॒विः सी॑द नि ब॒र्हिषि ।।

Verse: 4
Halfverse: a    पव॑मान॒ स्व॑र्विदो॒ जाय॑मानो ऽभवो म॒हान् ।
   पव॑मान॒ स्व॑र्विदो
   पव॑मान स्व॑र् विदः
   पव॑मान सुव॑र् विदो

Halfverse: b    जाय॑मानो ऽभवो म॒हान् ।
   जाय॑मानः अभवः म॒हान् ।
   जाय॑मानो ऽभवो म॒हान् ।

Halfverse: c    इन्दो॒ विश्वाँ॑ अ॒भीद॑सि ।।
   इन्दो॒ विश्वाँ॑ अ॒भीद॑सि ।।
   इन्दो विश्वा॑न् अ॒भि इत् असि ।।
   इन्दो विश्वाँ अ॒भीद् असि ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.