TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 783

Hymn: 60_(772)
Verse: 1
Halfverse: a    प्र गा॑य॒त्रेण॑ गायत॒ पव॑मानं॒ विच॑र्षणिम् ।
   प्र गा॑य॒त्रेण॑ गायत
   प्र गा॑य॒त्रेण गायत
   प्र गा॑य॒त्रेण गायत

Halfverse: b    पव॑मानं॒ विच॑र्षणिम् ।
   पव॑मानम् विच॑र्षणिम् ।
   पव॑मानं विच॑र्षणिम् ।

Halfverse: c    इन्दुं॑ स॒हस्र॑चक्षसम् ।।
   इन्दुं॑ स॒हस्र॑चक्षसम् ।।
   इन्दु॑म् स॒हस्र॑चक्षसम् ।।
   इन्दुं स॒हस्र॑चक्षसम् ।।

Verse: 2
Halfverse: a    तं त्वा॑ स॒हस्र॑चक्षस॒मथो॑ स॒हस्र॑भर्णसम् ।
   तं त्वा॑ स॒हस्र॑चक्षसम्
   तम् त्वा स॒हस्र॑चक्षसम्
   तं त्वा स॒हस्र॑चक्षसम्

Halfverse: b    अथो॑ स॒हस्र॑भर्णसम् ।
   अथ उ स॒हस्र॑भर्णसम् ।
   अथो स॒हस्र॑भर्णसम् ।

Halfverse: c    अति॒ वार॑मपाविषुः ।।
   अति॒ वार॑मपाविषुः ।।
   अति वार॑म् अपाविषुः ।।
   अति वार॑म् अपाविषुः ।।

Verse: 3
Halfverse: a    अति॒ वारा॒न्पव॑मानो असिष्यदत्क॒लशाँ॑ अ॒भि धा॑वति ।
   अति॒ वारा॒न्पव॑मानो असिष्यदत्
   अति वारा॑न् पव॑मानः असिष्यदत्
   अति वारा॑न् पव॑मानो असिष्यदत्

Halfverse: b    क॒लशाँ॑ अ॒भि धा॑वति ।
   क॒लशा॑न् अ॒भि धा॑वति ।
   क॒लशाँ अ॒भि धा॑वति ।

Halfverse: c    इन्द्र॑स्य॒ हार्द्या॑वि॒शन् ।।
   इन्द्र॑स्य॒ हार्द्या॑वि॒शन् ।।
   इन्द्र॑स्य हार्दि आवि॒शन् ।।
   इन्द्र॑स्य हार्दि आवि॒शन् ।।

Verse: 4
Halfverse: a    इन्द्र॑स्य सोम॒ राध॑से॒ शम्प॑वस्व विचर्षणे ।
   इन्द्र॑स्य सोम॒ राध॑से
   इन्द्र॑स्य सोम राध॑से
   इन्द्र॑स्य सोम राध॑से

Halfverse: b    शम्प॑वस्व विचर्षणे ।
   शम् पवस्व विचर्षणे ।
   शम् पवस्व विचर्षणे ।

Halfverse: c    प्र॒जाव॒द्रेत॒ आ भ॑र ।।
   प्र॒जाव॒द्रेत॒ आ भ॑र ।।
   प्र॒जाव॑त् रेतः आ भ॑र ।।
   प्र॒जाव॑द् रेत आ भ॑र ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.