TITUS
Rg-Veda: Rg-Veda-Samhita
Part No. 784
Previous part

Hymn: 61_(773) 
Verse: 1 
Halfverse: a    अ॒या वी॒ती परि॑ स्रव॒ यस्त॑ इन्दो॒ मदे॒ष्वा ।
   अ॒या वी॒ती परि॑ स्रव
   अ॒या वी॒ती परि स्रव
   अ॒या वी॒ती परि स्रव

Halfverse: b    यस्त॑ इन्दो॒ मदे॒ष्वा ।
   यः ते इन्दो मदे॑षु आ ।
   यस् त इन्दो मदे॑षु आ ।

Halfverse: c    अ॒वाह॑न्नव॒तीर्नव॑ ।।
   अ॒वाह॑न्नव॒तीर्नव॑ ।।
   अ॒वाह॑न् नव॒तीः नव ।।
   अ॒वाह॑न् नव॒तीर् नव ।।


Verse: 2 
Halfverse: a    पुरः॑ स॒द्य इ॒त्थाधि॑ये॒ दिवो॑दासाय॒ शम्ब॑रम् ।
   पुरः॑ स॒द्य इ॒त्थाधि॑ये
   पुरः स॒द्यः इ॒त्थाधि॑ये
   पुरः स॒द्य इ॒त्थाधि॑ये

Halfverse: b    दिवो॑दासाय॒ शम्ब॑रम् ।
   दिवो॑दासाय शम्ब॑रम् ।
   दिवो॑दासाय शम्ब॑रम् ।

Halfverse: c    अध॒ त्यं तु॒र्वशं॒ यदु॑म् ।।
   अध॒ त्यं तु॒र्वशं॒ यदु॑म् ।।
   अध त्यम् तु॒र्वश॑म् यदु॑म् ।।
   अध त्यं तु॒र्वशं यदु॑म् ।।


Verse: 3 
Halfverse: a    परि॑ णो॒ अश्व॑मश्व॒विद्गोम॑दिन्दो॒ हिर॑ण्यवत् ।
   परि॑ णो॒ अश्व॑मश्व॒विद्
   परि नः अश्व॑म् अश्व॒वित्
   परि णो अश्व॑म् अश्व॒विद्

Halfverse: b    गोम॑दिन्दो॒ हिर॑ण्यवत् ।
   गोम॑त् इन्दो हिर॑ण्यवत् ।
   गोम॑द् इन्दो हिर॑ण्यवत् ।

Halfverse: c    क्षरा॑ सह॒स्रिणी॒रिषः॑ ।।
   क्षरा॑ सह॒स्रिणी॒रिषः॑ ।।
   क्षर+ सह॒स्रिणीः इषः ।।
   क्षरा सह॒स्रिणी॑र् इषः ।।


Verse: 4 
Halfverse: a    पव॑मानस्य ते व॒यम्प॒वित्र॑मभ्युन्द॒तः ।
   पव॑मानस्य ते व॒यम्
   पव॑मानस्य ते व॒यम्
   पव॑मानस्य ते व॒यम्

Halfverse: b    प॒वित्र॑मभ्युन्द॒तः ।
   प॒वित्र॑म् अभ्युन्द॒तः ।
   प॒वित्र॑म् अभिउन्द॒तः ।

Halfverse: c    स॑खि॒त्वमा वृ॑णीमहे ।।
   स॑खि॒त्वमा वृ॑णीमहे ।।
   स॑खि॒त्वम् आ वृ॑णीमहे ।।
   स॑खि॒त्वम् आ वृ॑णीमहे ।।


Verse: 5 
Halfverse: a    ये ते॑ प॒वित्र॑मू॒र्मयो॑ ऽभि॒क्षर॑न्ति॒ धार॑या ।
   ये ते॑ प॒वित्र॑मू॒र्मयो
   ये ते प॒वित्र॑म् ऊ॒र्मयः
   ये ते प॒वित्र॑म् ऊ॒र्मयो

Halfverse: b    ऽभि॒क्षर॑न्ति॒ धार॑या ।
   अ॑भि॒क्षर॑न्ति धार॑या ।
   अ॑भि॒क्षर॑न्ति धार॑या ।

Halfverse: c    तेभि॑र्नः सोम मृळय ।।
   तेभि॑र्नः सोम मृळय ।।
   तेभिः नः सोम मृळय ।।
   तेभि॑र् नः सोम मृळय ।।


Verse: 6 
Halfverse: a    स नः॑ पुना॒न आ भ॑र र॒यिं वी॒रव॑ती॒मिष॑म् ।
   स नः॑ पुना॒न आ भ॑र
   स नः पुना॒नः आ भ॑र
   स नः पुना॒न आ भ॑र

Halfverse: b    र॒यिं वी॒रव॑ती॒मिष॑म् ।
   र॒यिम् वी॒रव॑तीम् इष॑म् ।
   र॒यिं वी॒रव॑तीम् इष॑म् ।

Halfverse: c    ईशा॑नः सोम वि॒श्वतः॑ ।।
   ईशा॑नः सोम वि॒श्वतः॑ ।।
   ईशा॑नः सोम वि॒श्वतः ।।
   ईशा॑नः सोम वि॒श्वतः ।।


Verse: 7 
Halfverse: a    ए॒तमु॒ त्यं दश॒ क्षिपो॑ मृ॒जन्ति॒ सिन्धु॑मातरम् ।
   ए॒तमु॒ त्यं दश॒ क्षिपो
   ए॒तम् उ त्यम् दश क्षिपः
   ए॒तम् उ त्यं दश क्षिपो

Halfverse: b    मृ॒जन्ति॒ सिन्धु॑मातरम् ।
   मृ॒जन्ति सिन्धु॑मातरम् ।
   मृ॒जन्ति सिन्धु॑मातरम् ।

Halfverse: c    समा॑दि॒त्येभि॑रख्यत ।।
   समा॑दि॒त्येभि॑रख्यत ।।
   सम् आदि॒त्येभिः अख्यत ।।
   सम् आदि॒त्येभि॑र् अख्यत ।।


Verse: 8 
Halfverse: a    समिन्द्रे॑णो॒त वा॒युना॑ सु॒त ए॑ति प॒वित्र॒ आ ।
   समिन्द्रे॑णो॒त वा॒युना
   सम् इन्द्रे॑ण उ॒त वा॒युना
   सम् इन्द्रे॑णो॒त वा॒युना

Halfverse: b    सु॒त ए॑ति प॒वित्र॒ आ ।
   सु॒तः ए॑ति प॒वित्रे आ ।
   सु॒त ए॑ति प॒वित्र आ ।

Halfverse: c    सं सूर्य॑स्य र॒श्मिभिः॑ ।।
   सं सूर्य॑स्य र॒श्मिभिः॑ ।।
   सम् सूर्य॑स्य र॒श्मिभिः ।।
   सं सूरि॑यस्य र॒श्मिभिः ।।


Verse: 9 
Halfverse: a    स नो॒ भगा॑य वा॒यवे॑ पू॒ष्णे प॑वस्व॒ मधु॑मान् ।
   स नो॒ भगा॑य वा॒यवे
   स नः भगा॑य वा॒यवे
   स नो भगा॑य वा॒यवे

Halfverse: b    पू॒ष्णे प॑वस्व॒ मधु॑मान् ।
   पू॒ष्णे प॑वस्व मधु॑मान् ।
   पू॒ष्णे प॑वस्व मधु॑मान् ।

Halfverse: c    चारु॑र्मि॒त्रे वरु॑णे च ।।
   चारु॑र्मि॒त्रे वरु॑णे च ।।
   चारुः मि॒त्रे वरु॑णे च ।।
   चारु॑र् मि॒त्रे वरु॑णे च ।।


Verse: 10 
Halfverse: a    उ॒च्चा ते॑ जा॒तमन्ध॑सो दि॒वि षद्भूम्या द॑दे ।
   उ॒च्चा ते॑ जा॒तमन्ध॑सो
   उ॒च्चा ते जा॒तम् अन्ध॑सः
   उ॒च्चा ते जा॒तम् अन्ध॑सो

Halfverse: b    दि॒वि षद्भूम्या द॑दे ।
   दि॒वि सत् भूमी ! आ द॑दे ।
   दि॒वि षद् भूमि आ द॑दे ।

Halfverse: c    उ॒ग्रं शर्म॒ महि॒ श्रवः॑ ।।
   उ॒ग्रं शर्म॒ महि॒ श्रवः॑ ।।
   उ॒ग्रम् शर्म महि श्रवः ।।
   उ॒ग्रं शर्म महि श्रवः ।।


Verse: 11 
Halfverse: a    ए॒ना विश्वा॑न्य॒र्य आ द्यु॒म्नानि॒ मानु॑षाणाम् ।
   ए॒ना विश्वा॑न्य॒र्य आ
   ए॒ना विश्वा॑नि अ॒र्यः आ
   ए॒ना विश्वा॑नि अ॒र्य आ

Halfverse: b    द्यु॒म्नानि॒ मानु॑षाणाम् ।
   द्यु॒म्नानि मानु॑षाणाम् ।
   द्यु॒म्नानि मानु॑षाणाअम् ।

Halfverse: c    सिषा॑सन्तो वनामहे ।।
   सिषा॑सन्तो वनामहे ।।
   सिषा॑सन्तः वनामहे ।।
   सिषा॑सन्तो वनामहे ।।


Verse: 12 
Halfverse: a    स न॒ इन्द्रा॑य॒ यज्य॑वे॒ वरु॑णाय म॒रुद्भ्यः॑ ।
   स न॒ इन्द्रा॑य॒ यज्य॑वे
   स नः इन्द्रा॑य यज्य॑वे
   स न इन्द्रा॑य यज्य॑वे

Halfverse: b    वरु॑णाय म॒रुद्भ्यः॑ ।
   वरु॑णाय म॒रुद्भ्यः ।
   वरु॑णाय म॒रुद्भि॑यः ।

Halfverse: c    व॑रिवो॒वित्परि॑ स्रव ।।
   व॑रिवो॒वित्परि॑ स्रव ।।
   व॑रिवो॒वित् परि स्रव ।।
   व॑रिवो॒वित् परि स्रव ।।


Verse: 13 
Halfverse: a    उपो॒ षु जा॒तम॒प्तुरं॒ गोभि॑र्भ॒ङ्गम्परि॑ष्कृतम् ।
   उपो॒ षु जा॒तम॒प्तुरं
   उप उ सु जा॒तम् अ॒प्तुर॑म्
   उपो षु जा॒तम् अ॒प्तुरं

Halfverse: b    गोभि॑र्भ॒ङ्गम्परि॑ष्कृतम् ।
   गोभिः भ॒ङ्गम् परि॑ष्कृतम् ।
   गोभि॑र् भ॒ङ्गम् परि॑ष्कृतम् ।

Halfverse: c    इन्दुं॑ दे॒वा अ॑यासिषुः ।।
   इन्दुं॑ दे॒वा अ॑यासिषुः ।।
   इन्दु॑म् दे॒वाः अ॑यासिषुः ।।
   इन्दुं दे॒वा अ॑यासिषुः ।।


Verse: 14 
Halfverse: a    तमिद्व॑र्धन्तु नो॒ गिरो॑ व॒त्सं सं॒शिश्व॑रीरिव ।
   तमिद्व॑र्धन्तु नो॒ गिरो
   तम् इत् वर्धन्तु नः गिरः
   तम् इद् वर्धन्तु नो गिरो

Halfverse: b    व॒त्सं सं॒शिश्व॑रीरिव ।
   व॒त्सम् सं॒शिश्व॑रीः इव ।
   व॒त्सं सं॒शिश्व॑रीर् इव ।

Halfverse: c    य इन्द्र॑स्य हृदं॒सनिः॑ ।।
   य इन्द्र॑स्य हृदं॒सनिः॑ ।।
   यः इन्द्र॑स्य हृदं॒सनिः ।।
   य इन्द्र॑स्य हृदं॒सनिः ।।


Verse: 15 
Halfverse: a    अर्षा॑ णः सोम॒ शं गवे॑ धु॒क्षस्व॑ पि॒प्युषी॒मिष॑म् ।
   अर्षा॑ णः सोम॒ शं गवे
   अर्ष+ नः सोम शम् गवे
   अर्षा णः सोम शं गवे

Halfverse: b    धु॒क्षस्व॑ पि॒प्युषी॒मिष॑म् ।
   धु॒क्षस्व पि॒प्युषी॑म् इष॑म् ।
   धु॒क्षस्व पि॒प्युषी॑म् इष॑म् ।

Halfverse: c    वर्धा॑ समु॒द्रमु॒क्थ्य॑म् ।।
   वर्धा॑ समु॒द्रमु॒क्थ्य॑म् ।।
   वर्ध+ समु॒द्रम् उ॒क्थ्य॑म् ।।
   वर्धा समु॒द्रम् उ॒क्थिय॑म् ।।


Verse: 16 
Halfverse: a    पव॑मानो अजीजनद्दि॒वश्चि॒त्रं न त॑न्य॒तुम् ।
   पव॑मानो अजीजनद्
   पव॑मानः अजीजनत्
   पव॑मानो अजीजनद्

Halfverse: b    दि॒वश्चि॒त्रं न त॑न्य॒तुम् ।
   दि॒वः चि॒त्रम् न त॑न्य॒तुम् ।
   दि॒वश् चि॒त्रं न त॑न्य॒तुम् ।

Halfverse: c    ज्योति॑र्वैश्वान॒रम्बृ॒हत् ।।
   ज्योति॑र्वैश्वान॒रम्बृ॒हत् ।।
   ज्योतिः वैश्वान॒रम् बृ॒हत् ।।
   ज्योति॑र् वैश्वान॒रम् बृ॒हत् ।।


Verse: 17 
Halfverse: a    पव॑मानस्य ते॒ रसो॒ मदो॑ राजन्नदुछु॒नः ।
   पव॑मानस्य ते॒ रसो
   पव॑मानस्य ते रसः
   पव॑मानस्य ते रसो

Halfverse: b    मदो॑ राजन्नदुछु॒नः ।
   मदः राजन् अदुछु॒नः ।
   मदो राजन्न् अदुछु॒नः ।

Halfverse: c    वि वार॒मव्य॑मर्षति ।।
   वि वार॒मव्य॑मर्षति ।।
   वि वार॑म् अव्य॑म् अर्षति ।।
   वि वार॑म् अव्य॑म् अर्षति ।।


Verse: 18 
Halfverse: a    पव॑मान॒ रस॒स्तव॒ दक्षो॒ वि रा॑जति द्यु॒मान् ।
   पव॑मान॒ रस॒स्तव
   पव॑मान रसः तव
   पव॑मान रस॑स् तव

Halfverse: b    दक्षो॒ वि रा॑जति द्यु॒मान् ।
   दक्षः वि रा॑जति द्यु॒मान् ।
   दक्षो वि रा॑जति द्यु॒मान् ।

Halfverse: c    ज्योति॒र्विश्वं॒ स्व॑र्दृ॒शे ।।
   ज्योति॒र्विश्वं॒ स्व॑र्दृ॒शे ।।
   ज्योतिः विश्व॑म् स्व॑र् दृ॒शे ।।
   ज्योति॑र् विश्वं सुव॑र् दृ॒शे ।।


Verse: 19 
Halfverse: a    यस्ते॒ मदो॒ वरे॑ण्य॒स्तेना॑ पव॒स्वान्ध॑सा ।
   यस्ते॒ मदो॒ वरे॑ण्यस्
   यः ते मदः वरे॑ण्यः
   यस् ते मदो वरे॑णियस्

Halfverse: b    तेना॑ पव॒स्वान्ध॑सा ।
   तेन+ पवस्व अन्ध॑सा ।
   तेना पवस्व अन्ध॑सा ।

Halfverse: c    दे॑वा॒वीर॑घशंस॒हा ।।
   दे॑वा॒वीर॑घशंस॒हा ।।
   दे॑वा॒वीः अ॑घशंस॒हा ।।
   दे॑वा॒वीर् अघशंस॒हा ।।


Verse: 20 
Halfverse: a    जघ्नि॑र्वृ॒त्रम॑मि॒त्रियं॒ सस्नि॒र्वाजं॑ दि॒वेदि॑वे ।
   जघ्नि॑र्वृ॒त्रम॑मि॒त्रियं
   जघ्निः वृ॒त्रम् अमि॒त्रिय॑म्
   जघ्नि॑र् वृ॒त्रम् अमि॒त्रियं

Halfverse: b    सस्नि॒र्वाजं॑ दि॒वेदि॑वे ।
   सस्निः वाज॑म् दि॒वेदि॑वे ।
   सस्नि॑र् वाजं दि॒वेदि॑वे ।

Halfverse: c    गो॒षा उ॑ अश्व॒सा अ॑सि ।।
   गो॒षा उ॑ अश्व॒सा अ॑सि ।।
   गो॒षाः उ अश्व॒साः अ॑सि ।।
   गो॒षा उ अश्व॒सा अ॑सि ।।


Verse: 21 
Halfverse: a    सम्मि॑श्लो अरु॒षो भ॑व सूप॒स्थाभि॒र्न धे॒नुभिः॑ ।
   सम्मि॑श्लो अरु॒षो भ॑व
   सम्मि॑श्लः अरु॒षः भ॑व
   सम्मि॑श्लो अरु॒षो भ॑व

Halfverse: b    सूप॒स्थाभि॒र्न धे॒नुभिः॑ ।
   सू॑प॒स्थाभिः न धे॒नुभिः ।
   सू॑प॒स्थाभि॑र् न धे॒नुभिः ।

Halfverse: c    सीद॑ञ्छ्ये॒नो न योनि॒मा ।।
   सीद॑ञ्छ्ये॒नो न योनि॒मा ।।
   सीद॑न् श्ये॒नः न योनि॑म् आ ।।
   सीद॑ञ् छ्ये॒नो न योनि॑म् आ ।।


Verse: 22 
Halfverse: a    स प॑वस्व॒ य आवि॒थेन्द्रं॑ वृ॒त्राय॒ हन्त॑वे ।
   स प॑वस्व॒ य आवि॑थ
   स प॑वस्व यः आवि॑थ
   स प॑वस्व य आवि॑थ

Halfverse: b     इन्द्रं॑ वृ॒त्राय॒ हन्त॑वे ।
   इन्द्र॑म् वृ॒त्राय हन्त॑वे ।
   इन्द्रं वृ॒त्राय हन्त॑वे ।

Halfverse: c    व॑व्रि॒वांस॑म्म॒हीर॒पः ।।
   व॑व्रि॒वांस॑म्म॒हीर॒पः ।।
   व॑व्रि॒वांस॑म् म॒हीः अ॒पः ।।
   व॑व्रि॒वांस॑म् म॒हीर् अ॒पः ।।


Verse: 23 
Halfverse: a    सु॒वीरा॑सो व॒यं धना॒ जये॑म सोम मीढ्वः ।
   सु॒वीरा॑सो व॒यं धना
   सु॒वीरा॑सः व॒यम् धना
   सु॒वीरा॑सो व॒यं धना

Halfverse: b    जये॑म सोम मीढ्वः ।
   जये॑म सोम मीढ्वः ।
   जये॑म सोम मीढुवः ।

Halfverse: c    पु॑ना॒नो व॑र्ध नो॒ गिरः॑ ।।
   पु॑ना॒नो व॑र्ध नो॒ गिरः॑ ।।
   पु॑ना॒नः व॑र्ध नः गिरः ।।
   पु॑ना॒नो व॑र्ध नो गिरः ।।


Verse: 24 
Halfverse: a    त्वोता॑स॒स्तवाव॑सा॒ स्याम॑ व॒न्वन्त॑ आ॒मुरः॑ ।
   त्वोता॑स॒स्तवाव॑सा
   त्वोता॑सः तव अव॑सा
   तु॒वोता॑सस् तवाव॑सा

Halfverse: b    स्याम॑ व॒न्वन्त॑ आ॒मुरः॑ ।
   स्याम व॒न्वन्तः आ॒मुरः ।
   स्याम व॒न्वन्त आ॒मुरः ।

Halfverse: c    सोम॑ व्र॒तेषु॑ जागृहि ।।
   सोम॑ व्र॒तेषु॑ जागृहि ।।
   सोम व्र॒तेषु जागृहि ।।
   सोम व्र॒तेषु जागृहि ।।


Verse: 25 
Halfverse: a    अ॑प॒घ्नन्प॑वते॒ मृधो ऽप॒ सोमो॒ अरा॑व्णः ।
   अ॑प॒घ्नन्प॑वते॒ मृधो
   अ॑प॒घ्नन् पवते मृधः
   अप॒घ्नन् पवते मृधो

Halfverse: b    ऽप॒ सोमो॒ अरा॑व्णः ।
   अप सोमः अरा॑व्णः ।
   अप सोमो अरा॑वणः ।

Halfverse: c    गछ॒न्निन्द्र॑स्य निष्कृ॒तम् ।।
   गछ॒न्निन्द्र॑स्य निष्कृ॒तम् ।।
   गछ॑न् इन्द्र॑स्य निष्कृ॒तम् ।।
   गछ॑न्न् इन्द्र॑स्य निष्कृ॒तम् ।।


Verse: 26 
Halfverse: a    म॒हो नो॑ रा॒य आ भ॑र॒ पव॑मान ज॒ही मृधः॑ ।
   म॒हो नो॑ रा॒य आ भ॑र
   म॒हः नः रा॒यः आ भ॑र
   म॒हो नो रा॒य आ भ॑र

Halfverse: b    पव॑मान ज॒ही मृधः॑ ।
   पव॑मान ज॒हि+ मृधः ।
   पव॑मान ज॒ही मृधः ।

Halfverse: c    रास्वे॑न्दो वी॒रव॒द्यशः॑ ।।
   रास्वे॑न्दो वी॒रव॒द्यशः॑ ।।
   रास्व इन्दो वी॒रव॑त् यशः ।।
   रास्वे॑न्दो वी॒रव॑द् यशः ।।


Verse: 27 
Halfverse: a    न त्वा॑ श॒तं च॒न ह्रुतो॒ राधो॒ दित्स॑न्त॒मा मि॑नन् ।
   न त्वा॑ श॒तं च॒न ह्रुतो
   न त्वा श॒तम् च॒न ह्रुतः
   न त्वा श॒तं च॒न ह्रुतो

Halfverse: b    राधो॒ दित्स॑न्त॒मा मि॑नन् ।
   राधः दित्स॑न्तम् आ मि॑नन् ।
   राधो दित्स॑न्तम् आ मि॑नन् ।

Halfverse: c    यत्पु॑ना॒नो म॑ख॒स्यसे॑ ।।
   यत्पु॑ना॒नो म॑ख॒स्यसे॑ ।।
   यत् पुना॒नः म॑ख॒स्यसे ।।
   यत् पुना॒नो म॑ख॒स्यसे ।।


Verse: 28 
Halfverse: a    पव॑स्वेन्दो॒ वृषा॑ सु॒तः कृ॒धी नो॑ य॒शसो॒ जने॑ ।
   पव॑स्वेन्दो॒ वृषा॑ सु॒तः
   पव॑स्व इन्दो वृषा सु॒तः
   पव॑स्वेन्दो वृषा सु॒तः

Halfverse: b    कृ॒धी नो॑ य॒शसो॒ जने॑ ।
   कृ॒धि+ नः य॒शसः जने ।
   कृ॒धी नो य॒शसो जने ।

Halfverse: c    विश्वा॒ अप॒ द्विषो॑ जहि ।।
   विश्वा॒ अप॒ द्विषो॑ जहि ।।
   विश्वाः अप द्विषः जहि ।।
   विश्वा अप द्विषो जहि ।।


Verse: 29 
Halfverse: a    अस्य॑ ते स॒ख्ये व॒यं तवे॑न्दो द्यु॒म्न उ॑त्त॒मे ।
   अस्य॑ ते स॒ख्ये व॒यं
   अस्य ते स॒ख्ये व॒यम्
   अस्य ते सखि॒ये व॒यं

Halfverse: b    तवे॑न्दो द्यु॒म्न उ॑त्त॒मे ।
   तव इन्दो द्यु॒म्ने उ॑त्त॒मे ।
   तवे॑न्दो द्यु॒म्न उ॑त्त॒मे ।

Halfverse: c    सा॑स॒ह्याम॑ पृतन्य॒तः ।।
   सा॑स॒ह्याम॑ पृतन्य॒तः ।।
   सा॑स॒ह्याम पृतन्य॒तः ।।
   सा॑स॒ह्याम पृतन्य॒तः ।।


Verse: 30 
Halfverse: a    या ते॑ भी॒मान्यायु॑धा ति॒ग्मानि॒ सन्ति॒ धूर्व॑णे ।
   या ते॑ भी॒मान्यायु॑धा
   या ते भी॒मानि आयु॑धा
   या ते भी॒मानि आयु॑धा

Halfverse: b    ति॒ग्मानि॒ सन्ति॒ धूर्व॑णे ।
   ति॒ग्मानि सन्ति धूर्व॑णे ।
   ति॒ग्मानि सन्ति धूर्व॑णे ।

Halfverse: c    रक्षा॑ समस्य नो नि॒दः ।।
   रक्षा॑ समस्य नो नि॒दः ।।
   रक्ष+ समस्य नः नि॒दः ।।
   रक्षा समस्य नो नि॒दः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.