TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 785

Hymn: 62_(774)
Verse: 1
Halfverse: a    ए॒ते अ॑सृग्र॒मिन्द॑वस्ति॒रः प॒वित्र॑मा॒शवः॑ ।
   ए॒ते अ॑सृग्र॒मिन्द॑वस्
   ए॒ते अ॑सृग्रम् इन्द॑वः
   ए॒ते अ॑सृग्रम् इन्द॑वस्

Halfverse: b    ति॒रः प॒वित्र॑मा॒शवः॑ ।
   ति॒रः प॒वित्र॑म् आ॒शवः ।
   ति॒रः प॒वित्र॑म् आ॒शवः ।

Halfverse: c    विश्वा॑न्य॒भि सौभ॑गा ।।
   विश्वा॑न्य॒भि सौभ॑गा ।।
   विश्वा॑नि अ॒भि सौभ॑गा ।।
   विश्वा॑नि अ॒भि सौभ॑गा ।।

Verse: 2
Halfverse: a    वि॒घ्नन्तो॑ दुरि॒ता पु॒रु सु॒गा तो॒काय॑ वा॒जिनः॑ ।
   वि॒घ्नन्तो॑ दुरि॒ता पु॒रु
   वि॒घ्नन्तः दुरि॒ता पु॒रु
   वि॒घ्नन्तो दुरि॒ता पु॒रु

Halfverse: b    सु॒गा तो॒काय॑ वा॒जिनः॑ ।
   सु॒गा तो॒काय वा॒जिनः ।
   सु॒गा तो॒काय वा॒जिनः ।

Halfverse: c    तना॑ कृ॒ण्वन्तो॒ अर्व॑ते ।।
   तना॑ कृ॒ण्वन्तो॒ अर्व॑ते ।।
   तना कृ॒ण्वन्तः अर्व॑ते ।।
   तना कृ॒ण्वन्तो अर्व॑ते ।।

Verse: 3
Halfverse: a    कृ॒ण्वन्तो॒ वरि॑वो॒ गवे॒ ऽभ्य॑र्षन्ति सुष्टु॒तिम् ।
   कृ॒ण्वन्तो॒ वरि॑वो॒ गवे
   कृ॒ण्वन्तः वरि॑वः गवे
   कृ॒ण्वन्तो वरि॑वो गवे

Halfverse: b    ऽभ्य॑र्षन्ति सुष्टु॒तिम् ।
   अ॒भि अ॑र्षन्ति सुष्टु॒तिम् ।
   अ॒भि अ॑र्षन्ति सुष्टु॒तिम् ।

Halfverse: c    इळा॑म॒स्मभ्यं॑ सं॒यत॑म् ।।
   इळा॑म॒स्मभ्यं॑ सं॒यत॑म् ।।
   इळा॑म् अ॒स्मभ्य॑म् सं॒यत॑म् ।।
   इळा॑म् अ॒स्मभ्य % सं॒यत॑म् ।।

Verse: 4
Halfverse: a    असा॑व्यं॒शुर्मदा॑या॒प्सु दक्षो॑ गिरि॒ष्ठाः ।
   असा॑व्यं॒शुर्मदा॑य
   असा॑वि अं॒शुः मदा॑य
   असा॑वि अं॒शुर् मदा॑य

Halfverse: b     अ॒प्सु दक्षो॑ गिरि॒ष्ठाः ।
   अ॒प्सु दक्षः गिरि॒ष्ठाः ।
   अ॒प्सु दक्षो गिरि॒ष्ठाअः ।

Halfverse: c    श्ये॒नो न योनि॒मास॑दत् ।।
   श्ये॒नो न योनि॒मास॑दत् ।।
   श्ये॒नः न योनि॑म् आ अ॑सदत् ।।
   श्ये॒नो न योनि॑म् आस॑दत् ।।

Verse: 5
Halfverse: a    शु॒भ्रमन्धो॑ दे॒ववा॑तम॒प्सु धू॒तो नृभिः॑ सु॒तः ।
   शु॒भ्रमन्धो॑ दे॒ववा॑तम्
   शु॒भ्रम् अन्धः दे॒ववा॑तम्
   शु॒भ्रम् अन्धो दे॒ववा॑तम्

Halfverse: b    अ॒प्सु धू॒तो नृभिः॑ सु॒तः ।
   अ॒प्सु धू॒तः नृभिः सु॒तः ।
   अ॒प्सु धू॒तो नृभिः सु॒तः ।

Halfverse: c    स्वद॑न्ति॒ गावः॒ पयो॑भिः ।।
   स्वद॑न्ति॒ गावः॒ पयो॑भिः ।।
   स्वद॑न्ति गावः पयो॑भिः ।।
   स्वद॑न्ति गावः पयो॑भिः ।।

Verse: 6
Halfverse: a    आदी॒मश्वं॒ न हेता॒रो ऽशू॑शुभन्न॒मृता॑य ।
   आदी॒मश्वं॒ न हेता॒रो
   आत् ईम् अश्व॑म् न हेता॑रः
   आद् ईम् अश्वं न हेता॑रो

Halfverse: b    ऽशूशुभन्न॒मृता॑य ।
   अशू॑शुभन् अ॒मृता॑य ।
   अशू॑शुभन्न् अ॒मृता॑य ।

Halfverse: c    मध्वो॒ रसं॑ सध॒मादे॑ ।।
   मध्वो॒ रसं॑ सध॒मादे॑ ।।
   मध्वः रस॑म् सध॒मादे ।।
   मध्वो रसं सध॒मादे ।।

Verse: 7
Halfverse: a    यास्ते॒ धारा॑ मधु॒श्चुतो ऽसृ॑ग्रमिन्द ऊ॒तये॑ ।
   यास्ते॒ धारा॑ मधु॒श्चुतो
   याः ते धाराः मधु॒श्चुतः
   यास् ते धारा मधु॒श्चुतो

Halfverse: b    ऽसृग्रमिन्द ऊ॒तये॑ ।
   असृ॑ग्रम् इन्दो ऊ॒तये ।
   असृ॑ग्रम् इन्द ऊ॒तये ।

Halfverse: c    ताभिः॑ प॒वित्र॒मास॑दः ।।
   ताभिः॑ प॒वित्र॒मास॑दः ।।
   ताभिः प॒वित्र॑म् आ अ॑सदः ।।
   ताभिः प॒वित्र॑म् आस॑दः ।।

Verse: 8
Halfverse: a    सो अ॒र्षेन्द्रा॑य पी॒तये॑ ति॒रो रोमा॑ण्य॒व्यया॑ ।
   सो अ॒र्षेन्द्रा॑य पी॒तये
   सः ।!। अ॑र्ष इन्द्रा॑य पी॒तये
   सो अ॒र्षेन्द्रा॑य पी॒तये

Halfverse: b    ति॒रो रोमा॑ण्य॒व्यया॑ ।
   ति॒रः रोमा॑णि अ॒व्यया ।
   ति॒रो रोमा॑णि अ॒व्यया ।

Halfverse: c    सीद॒न्योना॒ वने॒ष्वा ।।
   सीद॒न्योना॒ वने॒ष्वा ।।
   सीद॑न् योना वने॑षु आ ।।
   सीद॑न् योना वने॑षु आ ।।

Verse: 9
Halfverse: a    त्वमि॑न्दो॒ परि॑ स्रव॒ स्वादि॑ष्ठो॒ अङ्गि॑रोभ्यः ।
   त्वमि॑न्दो॒ परि॑ स्रव
   त्वम् इन्दो परि स्रव
   तु॒वम् इन्दो परि स्रव

Halfverse: b    स्वादि॑ष्ठो॒ अङ्गि॑रोभ्यः ।
   स्वादि॑ष्ठः अङ्गि॑रोभ्यः ।
   स्वादि॑ष्ठो अङ्गि॑रोभियः ।

Halfverse: c    व॑रिवो॒विद्घृ॒तम्पयः॑ ।।
   व॑रिवो॒विद्घृ॒तम्पयः॑ ।।
   व॑रिवो॒वित् घृ॒तम् पयः ।।
   व॑रिवो॒विद् घृ॒तम् पयः ।।

Verse: 10
Halfverse: a    अ॒यं विच॑र्षणिर्हि॒तः पव॑मानः॒ स चे॑तति ।
   अ॒यं विच॑र्षणिर्हि॒तः
   अ॒यम् विच॑र्षणिः हि॒तः
   अ॒यं विच॑र्षणिर् हि॒तः

Halfverse: b    पव॑मानः॒ स चे॑तति ।
   पव॑मानः स चे॑तति ।
   पव॑मानः स चे॑तति ।

Halfverse: c    हि॑न्वा॒न आप्य॑म्बृ॒हत् ।।
   हि॑न्वा॒न आप्य॑म्बृ॒हत् ।।
   हि॑न्वा॒नः आप्य॑म् बृ॒हत् ।।
   हि॑न्वा॒न आपि॑यम् बृ॒हत् ।।

Verse: 11
Halfverse: a    ए॒ष वृषा॒ वृष॑व्रतः॒ पव॑मानो अशस्ति॒हा ।
   ए॒ष वृषा॒ वृष॑व्रतः
   ए॒ष वृषा वृष॑व्रतः
   ए॒ष वृषा वृष॑व्रतः

Halfverse: b    पव॑मानो अशस्ति॒हा ।
   पव॑मानः अशस्ति॒हा ।
   पव॑मानो अशस्ति॒हा ।

Halfverse: c    कर॒द्वसू॑नि दा॒शुषे॑ ।।
   कर॒द्वसू॑नि दा॒शुषे॑ ।।
   कर॑त् वसू॑नि दा॒शुषे ।।
   कर॑द् वसू॑नि दा॒शुषे ।।

Verse: 12
Halfverse: a    आ प॑वस्व सह॒स्रिणं॑ र॒यिं गोम॑न्तम॒श्विन॑म् ।
   आ प॑वस्व सह॒स्रिणं
   आ प॑वस्व सह॒स्रिण॑म्
   आ प॑वस्व सह॒स्रिणं

Halfverse: b    र॒यिं गोम॑न्तम॒श्विन॑म् ।
   र॒यिम् गोम॑न्तम् अ॒श्विन॑म् ।
   र॒यिं गोम॑न्तम् अ॒श्विन॑म् ।

Halfverse: c    पु॑रुश्च॒न्द्रम्पु॑रु॒स्पृह॑म् ।।
   पु॑रुश्च॒न्द्रम्पु॑रु॒स्पृह॑म् ।।
   पु॑रुश्च॒न्द्रम् पुरु॒स्पृह॑म् ।।
   पु॑रुश्च॒न्द्रम् पुरु॒स्पृह॑म् ।।

Verse: 13
Halfverse: a    ए॒ष स्य परि॑ षिच्यते मर्मृ॒ज्यमा॑न आ॒युभिः॑ ।
   ए॒ष स्य परि॑ षिच्यते
   ए॒ष स्य परि सिच्यते
   ए॒ष स्य परि षिच्यते

Halfverse: b    मर्मृ॒ज्यमा॑न आ॒युभिः॑ ।
   म॑र्मृ॒ज्यमा॑नः आ॒युभिः ।
   म॑र्मृ॒ज्यमा॑न आ॒युभिः ।

Halfverse: c    उ॑रुगा॒यः क॒विक्र॑तुः ।।
   उ॑रुगा॒यः क॒विक्र॑तुः ।।
   उ॑रुगा॒यः क॒विक्र॑तुः ।।
   उ॑रुगा॒यः क॒विक्र॑तुः ।।

Verse: 14
Halfverse: a    स॒हस्रो॑तिः श॒ताम॑घो वि॒मानो॒ रज॑सः क॒विः ।
   स॒हस्रो॑तिः श॒ताम॑घो
   स॒हस्रो॑तिः श॒ताम॑घः
   स॒हस्रो॑तिः श॒ताम॑घो

Halfverse: b    वि॒मानो॒ रज॑सः क॒विः ।
   वि॒मानः रज॑सः क॒विः ।
   वि॒मानो रज॑सः क॒विः ।

Halfverse: c    इन्द्रा॑य पवते॒ मदः॑ ।।
   इन्द्रा॑य पवते॒ मदः॑ ।।
   इन्द्रा॑य पवते मदः ।।
   इन्द्रा॑य पवते मदः ।।

Verse: 15
Halfverse: a    गि॒रा जा॒त इ॒ह स्तु॒त इन्दु॒रिन्द्रा॑य धीयते ।
   गि॒रा जा॒त इ॒ह स्तु॒त
   गि॒रा जा॒तः इ॒ह स्तु॒तः
   गि॒रा जा॒त इ॒ह स्तु॒त

Halfverse: b    इन्दु॒रिन्द्रा॑य धीयते ।
   इन्दुः इन्द्रा॑य धीयते ।
   इन्दु॑र् इन्द्रा॑य धीयते ।

Halfverse: c    विर्योना॑ वस॒तावि॑व ।।
   विर्योना॑ वस॒तावि॑व ।।
   विः योना वस॒तौ इ॑व ।।
   विर् योना वस॒ताव् इव ।।

Verse: 16
Halfverse: a    पव॑मानः सु॒तो नृभिः॒ सोमो॒ वाज॑मिवासरत् ।
   पव॑मानः सु॒तो नृभिः
   पव॑मानः सु॒तः नृभिः
   पव॑मानः सु॒तो नृभिः

Halfverse: b    सोमो॒ वाज॑मिवासरत् ।
   सोमः वाज॑म् इव असरत् ।
   सोमो वाज॑म् इवासरत् ।

Halfverse: c    च॒मूषु॒ शक्म॑ना॒सद॑म् ।।
   च॒मूषु॒ शक्म॑ना॒सद॑म् ।।
   च॒मूषु शक्म॑ना आ॒सद॑म् ।।
   च॒मूषु शक्म॑ना॒सद॑म् ।।

Verse: 17
Halfverse: a    तं त्रि॑पृ॒ष्ठे त्रि॑वन्धु॒रे रथे॑ युञ्जन्ति॒ यात॑वे ।
   तं त्रि॑पृ॒ष्ठे त्रि॑वन्धु॒रे
   तम् त्रिपृ॒ष्ठे त्रि॑वन्धु॒रे
   तं त्रि॑पृ॒ष्ठे त्रि॑वन्धु॒रे

Halfverse: b    रथे॑ युञ्जन्ति॒ यात॑वे ।
   रथे युञ्जन्ति यात॑वे ।
   रथे युञ्जन्ति यात॑वे ।

Halfverse: c    ऋषी॑णां स॒प्त धी॒तिभिः॑ ।।
   ऋषी॑णां स॒प्त धी॒तिभिः॑ ।।
   ऋषी॑णाम् स॒प्त धी॒तिभिः ।।
   ऋषी॑णां स॒प्त धी॒तिभिः ।।

Verse: 18
Halfverse: a    तं सो॑तारो धन॒स्पृत॑मा॒शुं वाजा॑य॒ यात॑वे ।
   तं सो॑तारो धन॒स्पृत॑म्
   तम् सोतारः धन॒स्पृत॑म्
   तं सो॑तारो धन॒स्पृत॑म्

Halfverse: b    आ॒शुं वाजा॑य॒ यात॑वे ।
   आ॒शुम् वाजा॑य यात॑वे ।
   आ॒शुं वाजा॑य यात॑वे ।

Halfverse: c    हरिं॑ हिनोत वा॒जिन॑म् ।।
   हरिं॑ हिनोत वा॒जिन॑म् ।।
   हरि॑म् हिनोत वा॒जिन॑म् ।।
   हरिं हिनोत वा॒जिन॑म् ।।

Verse: 19
Halfverse: a    आ॑वि॒शन्क॒लशं॑ सु॒तो विश्वा॒ अर्ष॑न्न॒भि श्रियः॑ ।
   आ॑वि॒शन्क॒लशं॑ सु॒तो
   आ॑वि॒शन् क॒लश॑म् सु॒तः
   आ॑वि॒शन् क॒लशं सु॒तो

Halfverse: b    विश्वा॒ अर्ष॑न्न॒भि श्रियः॑ ।
   विश्वाः अर्ष॑न् अ॒भि श्रियः ।
   विश्वा अर्ष॑न्न् अ॒भि श्रियः ।

Halfverse: c    शूरो॒ न गोषु॑ तिष्ठति ।।
   शूरो॒ न गोषु॑ तिष्ठति ।।
   शूरः न गोषु तिष्ठति ।।
   शूरो न गोषु तिष्ठति ।।

Verse: 20
Halfverse: a    आ त॑ इन्दो॒ मदा॑य॒ कम्पयो॑ दुहन्त्या॒यवः॑ ।
   आ त॑ इन्दो॒ मदा॑य॒ कम्
   आ ते इन्दो मदा॑य कम्
   आ त इन्दो मदा॑य कम्

Halfverse: b    पयो॑ दुहन्त्या॒यवः॑ ।
   पयः दुहन्ति आ॒यवः ।
   पयो दुहन्ति आ॒यवः ।

Halfverse: c    दे॒वा दे॒वेभ्यो॒ मधु॑ ।।
   दे॒वा दे॒वेभ्यो॒ मधु॑ ।।
   दे॒वाः दे॒वेभ्यः मधु ।।
   दे॒वा दे॒वेभि॑यो मधु ।।

Verse: 21
Halfverse: a    आ नः॒ सोम॑म्प॒वित्र॒ आ सृ॒जता॒ मधु॑मत्तमम् ।
   आ नः॒ सोम॑म्प॒वित्र॒ आ
   आ नः सोम॑म् प॒वित्रे आ
   आ नः सोम॑म् प॒वित्र आ

Halfverse: b    सृ॒जता॒ मधु॑मत्तमम् ।
   सृ॒जत+ मधु॑मत्तमम् ।
   सृ॒जता मधु॑मत्तमम् ।

Halfverse: c    दे॒वेभ्यो॑ देव॒श्रुत्त॑मम् ।।
   दे॒वेभ्यो॑ देव॒श्रुत्त॑मम् ।।
   दे॒वेभ्यः देव॒श्रुत्त॑मम् ।।
   दे॒वेभ्यो देव॒श्रुत्त॑मम् ।।

Verse: 22
Halfverse: a    ए॒ते सोमा॑ असृक्षत गृणा॒नाः श्रव॑से म॒हे ।
   ए॒ते सोमा॑ असृक्षत
   ए॒ते सोमाः असृक्षत
   ए॒ते सोमा असृक्षत

Halfverse: b    गृणा॒नाः श्रव॑से म॒हे ।
   गृ॑णा॒नाः श्रव॑से म॒हे ।
   गृ॑णा॒नाः श्रव॑से म॒हे ।

Halfverse: c    म॒दिन्त॑मस्य॒ धार॑या ।।
   म॒दिन्त॑मस्य॒ धार॑या ।।
   म॒दिन्त॑मस्य धार॑या ।।
   म॒दिन्त॑मस्य धार॑या ।।

Verse: 23
Halfverse: a    अ॒भि गव्या॑नि वी॒तये॑ नृ॒म्णा पु॑ना॒नो अ॑र्षसि ।
   अ॒भि गव्या॑नि वी॒तये
   अ॒भि गव्या॑नि वी॒तये
   अ॒भि गव्या॑नि वी॒तये

Halfverse: b    नृ॒म्णा पु॑ना॒नो अ॑र्षसि ।
   नृ॒म्णा पु॑ना॒नः अ॑र्षसि ।
   नृ॒म्णा पु॑ना॒नो अ॑र्षसि ।

Halfverse: c    स॒नद्वा॑जः॒ परि॑ स्रव ।।
   स॒नद्वा॑जः॒ परि॑ स्रव ।।
   स॒नद्वा॑जः परि स्रव ।।
   स॒नद्वा॑जः परि स्रव ।।

Verse: 24
Halfverse: a    उ॒त नो॒ गोम॑ती॒रिषो॒ विश्वा॑ अर्ष परि॒ष्टुभः॑ ।
   उ॒त नो॒ गोम॑ती॒रिषो
   उ॒त नः गोम॑तीः इषः
   उ॒त नो गोम॑तीर् इषो

Halfverse: b    विश्वा॑ अर्ष परि॒ष्टुभः॑ ।
   विश्वाः अर्ष परि॒ष्टुभः ।
   विश्वा अर्ष परि॒ष्टुभः ।

Halfverse: c    गृ॑णा॒नो ज॒मद॑ग्निना ।।
   गृ॑णा॒नो ज॒मद॑ग्निना ।।
   गृ॑णा॒नः ज॒मद॑ग्निना ।।
   गृ॑णा॒नो ज॒मद॑ग्निना ।।

Verse: 25
Halfverse: a    पव॑स्व वा॒चो अ॑ग्रि॒यः सोम॑ चि॒त्राभि॑रू॒तिभिः॑ ।
   पव॑स्व वा॒चो अ॑ग्रि॒यः
   पव॑स्व वा॒चः अ॑ग्रि॒यः
   पव॑स्व वा॒चो अ॑ग्रि॒यः

Halfverse: b    सोम॑ चि॒त्राभि॑रू॒तिभिः॑ ।
   सोम चि॒त्राभिः ऊ॒तिभिः ।
   सोम चि॒त्राभि॑र् ऊ॒तिभिः ।

Halfverse: c    अ॒भि विश्वा॑नि॒ काव्या॑ ।।
   अ॒भि विश्वा॑नि॒ काव्या॑ ।।
   अ॒भि विश्वा॑नि काव्या ।।
   अ॒भि विश्वा॑नि कावि॑या ।।

Verse: 26
Halfverse: a    त्वं स॑मु॒द्रिया॑ अ॒पो॑ ऽग्रि॒यो वाच॑ ई॒रय॑न् ।
   त्वं स॑मु॒द्रिया॑ अ॒पो॑ ।!।
   त्वम् समु॒द्रियाः अ॒पः
   तु॒वं स॑मु॒द्रिया अ॒पो

Halfverse: b    ऽग्रि॒यो वाच॑ ई॒रय॑न् ।
   अ॑ग्रि॒यः वाचः ई॒रय॑न् ।
   अ॑ग्रि॒यो वाच ई॒रय॑न् ।

Halfverse: c    पव॑स्व विश्वमेजय ।।
   पव॑स्व विश्वमेजय ।।
   पव॑स्व विश्वमेजय ।।
   पव॑स्व विश्वमेजय ।।

Verse: 27
Halfverse: a    तुभ्ये॒मा भुव॑ना कवे महि॒म्ने सो॑म तस्थिरे ।
   तुभ्ये॒मा भुव॑ना कवे
   तुभ्य इ॒मा भुव॑ना कवे
   तुभ्ये॒मा भुव॑ना कवे

Halfverse: b    महि॒म्ने सो॑म तस्थिरे ।
   म॑हि॒म्ने सो॑म तस्थिरे ।
   म॑हि॒म्ने सो॑म तस्थिरे ।

Halfverse: c    तुभ्य॑मर्षन्ति॒ सिन्ध॑वः ।।
   तुभ्य॑मर्षन्ति॒ सिन्ध॑वः ।।
   तुभ्य॑म् अर्षन्ति सिन्ध॑वः ।।
   तुभ्य॑म् अर्षन्ति सिन्ध॑वः ।।

Verse: 28
Halfverse: a    प्र ते॑ दि॒वो न वृ॒ष्टयो॒ धारा॑ यन्त्यस॒श्चतः॑ ।
   प्र ते॑ दि॒वो न वृ॒ष्टयो
   प्र ते दि॒वः न वृ॒ष्टयः
   प्र ते दि॒वो न वृ॒ष्टयो

Halfverse: b    धारा॑ यन्त्यस॒श्चतः॑ ।
   धाराः यन्ति अस॒श्चतः ।
   धारा यन्ति अस॒श्चतः ।

Halfverse: c    अ॒भि शु॒क्रामु॑प॒स्तिर॑म् ।।
   अ॒भि शु॒क्रामु॑प॒स्तिर॑म् ।।
   अ॒भि शु॒क्राम् उप॒स्तिर॑म् ।।
   अ॒भि शु॒क्राम् उप॒स्तिर॑म् ।।

Verse: 29
Halfverse: a    इन्द्रा॒येन्दु॑म्पुनीतनो॒ग्रं दक्षा॑य॒ साध॑नम् ।
   इन्द्रा॒येन्दु॑म्पुनीतन
   इन्द्रा॑य इन्दु॑म् पुनीतन
   इन्द्रा॒येन्दु॑म् पुनीतन

Halfverse: b     उ॒ग्रं दक्षा॑य॒ साध॑नम् ।
   उ॒ग्रम् दक्षा॑य साध॑नम् ।
   उ॒ग्रं दक्षा॑य साध॑नम् ।

Halfverse: c    ई॑शा॒नं वी॒तिरा॑धसम् ।।
   ई॑शा॒नं वी॒तिरा॑धसम् ।।
   ई॑शा॒नम् वी॒तिरा॑धसम् ।।
   ई॑शा॒नं वी॒तिरा॑धसम् ।।

Verse: 30
Halfverse: a    पव॑मान ऋ॒तः क॒विः सोमः॑ प॒वित्र॒मास॑दत् ।
   पव॑मान ऋ॒तः क॒विः
   पव॑मानः ऋ॒तः क॒विः
   पव॑मान ऋ॒तः क॒विः

Halfverse: b    सोमः॑ प॒वित्र॒मास॑दत् ।
   सोमः प॒वित्र॑म् आ अ॑सदत् ।
   सोमः प॒वित्र॑म् आस॑दत् ।

Halfverse: c    दध॑त्स्तो॒त्रे सु॒वीर्य॑म् ।।
   दध॑त्स्तो॒त्रे सु॒वीर्य॑म् ।।
   दध॑त् स्तो॒त्रे सु॒वीर्य॑म् ।।
   दध॑त् स्तो॒त्रे सु॒वीरि॑यम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.