TITUS
Rg-Veda: Rg-Veda-Samhita
Part No. 786
Previous part

Hymn: 63_(775) 
Verse: 1 
Halfverse: a    आ प॑वस्व सह॒स्रिणं॑ र॒यिं सो॑म सु॒वीर्य॑म् ।
   आ प॑वस्व सह॒स्रिणं
   आ प॑वस्व सह॒स्रिण॑म्
   आ प॑वस्व सह॒स्रिणं

Halfverse: b    र॒यिं सो॑म सु॒वीर्य॑म् ।
   र॒यिम् सोम सु॒वीर्य॑म् ।
   र॒यिं सो॑म सु॒वीरि॑यम् ।

Halfverse: c    अ॒स्मे श्रवां॑सि धारय ।।
   अ॒स्मे श्रवां॑सि धारय ।।
   अ॒स्मे श्रवां॑सि धारय ।।
   अ॒स्मे श्रवां॑सि धारय ।।


Verse: 2 
Halfverse: a    इष॒मूर्जं॑ च पिन्वस॒ इन्द्रा॑य मत्स॒रिन्त॑मः ।
   इष॒मूर्जं॑ च पिन्वस
   इष॑म् ऊर्ज॑म् च पिन्वसे
   इष॑म् ऊर्जं च पिन्वस

Halfverse: b    इन्द्रा॑य मत्स॒रिन्त॑मः ।
   इन्द्रा॑य मत्स॒रिन्त॑मः ।
   इन्द्रा॑य मत्स॒रिन्त॑मः ।

Halfverse: c    च॒मूष्वा नि षी॑दसि ।।
   च॒मूष्वा नि षी॑दसि ।।
   च॒मूषु आ नि सी॑दसि ।।
   च॒मूषु आ नि षी॑दसि ।।


Verse: 3 
Halfverse: a    सु॒त इन्द्रा॑य॒ विष्ण॑वे॒ सोमः॑ क॒लशे॑ अक्षरत् ।
   सु॒त इन्द्रा॑य॒ विष्ण॑वे
   सु॒तः इन्द्रा॑य विष्ण॑वे
   सु॒त इन्द्रा॑य विष्ण॑वे

Halfverse: b    सोमः॑ क॒लशे॑ अक्षरत् ।
   सोमः क॒लशे अक्षरत् ।
   सोमः क॒लशे अक्षरत् ।

Halfverse: c    मधु॑माँ अस्तु वा॒यवे॑ ।।
   मधु॑माँ अस्तु वा॒यवे॑ ।।
   मधु॑मान् अस्तु वा॒यवे ।।
   मधु॑माँ अस्तु वा॒यवे ।।


Verse: 4 
Halfverse: a    ए॒ते अ॑सृग्रमा॒शवो ऽति॒ ह्वरां॑सि ब॒भ्रवः॑ ।
   ए॒ते अ॑सृग्रमा॒शवो
   ए॒ते अ॑सृग्रम् आ॒शवः
   ए॒ते अ॑सृग्रम् आ॒शवो

Halfverse: b    ऽति॒ ह्वरां॑सि ब॒भ्रवः॑ ।
   अति ह्वरां॑सि ब॒भ्रवः ।
   अति ह्वरां॑सि ब॒भ्रवः ।

Halfverse: c    सोमा॑ ऋ॒तस्य॒ धार॑या ।।
   सोमा॑ ऋ॒तस्य॒ धार॑या ।।
   सोमाः ऋ॒तस्य धार॑या ।।
   सोमा ऋ॒तस्य धार॑या ।।


Verse: 5 
Halfverse: a    इन्द्रं॒ वर्ध॑न्तो अ॒प्तुरः॑ कृ॒ण्वन्तो॒ विश्व॒मार्य॑म् ।
   इन्द्रं॒ वर्ध॑न्तो अ॒प्तुरः
   इन्द्र॑म् वर्ध॑न्तः अ॒प्तुरः
   इन्द्रं वर्ध॑न्तो अ॒प्तुरः

Halfverse: b    कृ॒ण्वन्तो॒ विश्व॒मार्य॑म् ।
   कृ॒ण्वन्तः विश्व॑म् आर्य॑म् ।
   कृ॒ण्वन्तो विश्व॑म् आरि॑यम् ।

Halfverse: c    अ॑प॒घ्नन्तो॒ अरा॑व्णः ।।
   अ॑प॒घ्नन्तो॒ अरा॑व्णः ।।
   अ॑प॒घ्नन्तः अरा॑व्णः ।।
   अ॑प॒घ्नन्तो अरा॑वणः ।।


Verse: 6 
Halfverse: a    सु॒ता अनु॒ स्वमा रजो॒ ऽभ्य॑र्षन्ति ब॒भ्रवः॑ ।
   सु॒ता अनु॒ स्वमा रजो
   सु॒ताः अनु स्वम् आ रजः
   सु॒ता अनु स्वम् आ रजो

Halfverse: b    ऽभ्य॑र्षन्ति ब॒भ्रवः॑ ।
   अ॒भि अ॑र्षन्ति ब॒भ्रवः ।
   अ॒भि अ॑र्षन्ति ब॒भ्रवः ।

Halfverse: c    इन्द्रं॒ गछ॑न्त॒ इन्द॑वः ।।
   इन्द्रं॒ गछ॑न्त॒ इन्द॑वः ।।
   इन्द्र॑म् गछ॑न्तः इन्द॑वः ।।
   इन्द्रं गछ॑न्त इन्द॑वः ।।


Verse: 7 
Halfverse: a    अ॒या प॑वस्व॒ धार॑या॒ यया॒ सूर्य॒मरो॑चयः ।
   अ॒या प॑वस्व॒ धार॑या
   अ॒या प॑वस्व धार॑या
   अ॒या प॑वस्व धार॑या

Halfverse: b    यया॒ सूर्य॒मरो॑चयः ।
   यया सूर्य॑म् अरो॑चयः ।
   यया सूर्य॑म् अरो॑चयः ।

Halfverse: c    हि॑न्वा॒नो मानु॑षीर॒पः ।।
   हि॑न्वा॒नो मानु॑षीर॒पः ।।
   हि॑न्वा॒नः मानु॑षीः अ॒पः ।।
   हि॑न्वा॒नो मानु॑षीर् अ॒पः ।।


Verse: 8 
Halfverse: a    अयु॑क्त॒ सूर॒ एत॑श॒म्पव॑मानो म॒नावधि॑ ।
   अयु॑क्त॒ सूर॒ एत॑शम्
   अयु॑क्त सूरः एत॑शम्
   अयु॑क्त सूर एत॑शम्

Halfverse: b    पव॑मानो म॒नावधि॑ ।
   पव॑मानः म॒नौ अधि ।
   पव॑मानो म॒नाव् अधि ।

Halfverse: c    अ॒न्तरि॑क्षेण॒ यात॑वे ।।
   अ॒न्तरि॑क्षेण॒ यात॑वे ।।
   अ॒न्तरि॑क्षेण यात॑वे ।।
   अ॒न्तरि॑क्षेण यात॑वे ।।


Verse: 9 
Halfverse: a    उ॒त त्या ह॒रितो॒ दश॒ सूरो॑ अयुक्त॒ यात॑वे ।
   उ॒त त्या ह॒रितो॒ दश
   उ॒त त्याः ह॒रितः दश
   उ॒त त्या ह॒रितो दश

Halfverse: b    सूरो॑ अयुक्त॒ यात॑वे ।
   सूरः अयुक्त यात॑वे ।
   सूरो अयुक्त यात॑वे ।

Halfverse: c    इन्दु॒रिन्द्र॒ इति॑ ब्रु॒वन् ।।
   इन्दु॒रिन्द्र॒ इति॑ ।!। ब्रु॒वन् ।।
   इन्दुः इन्द्रः इति ब्रु॒वन् ।।
   इन्दु॑र् इन्द्र इति ब्रु॒वन् ।।


Verse: 10 
Halfverse: a    परी॒तो वा॒यवे॑ सु॒तं गिर॒ इन्द्रा॑य मत्स॒रम् ।
   परी॒तो वा॒यवे॑ सु॒तं
   परि इ॒तः वा॒यवे सु॒तम्
   परी॒तो वा॒यवे सु॒तं

Halfverse: b    गिर॒ इन्द्रा॑य मत्स॒रम् ।
   गिरः इन्द्रा॑य मत्स॒रम् ।
   गिर इन्द्रा॑य मत्स॒रम् ।

Halfverse: c    अव्यो॒ वारे॑षु सिञ्चत ।।
   अव्यो॒ वारे॑षु सिञ्चत ।।
   अव्यः वारे॑षु सिञ्चत ।।
   अव्यो वारे॑षु सिञ्चत ।।


Verse: 11 
Halfverse: a    पव॑मान वि॒दा र॒यिम॒स्मभ्यं॑ सोम दु॒ष्टर॑म् ।
   पव॑मान वि॒दा र॒यिम्
   पव॑मान वि॒दाः र॒यिम्
   पव॑मान वि॒दा र॒यिम्

Halfverse: b    अ॒स्मभ्यं॑ सोम दु॒ष्टर॑म् ।
   अ॒स्मभ्य॑म् सोम दु॒ष्टर॑म् ।
   अ॒स्मभ्यं सोम दु॒ष्टर॑म् ।

Halfverse: c    यो दू॒णाशो॑ वनुष्य॒ता ।।
   यो दू॒णाशो॑ वनुष्य॒ता ।।
   यः दू॒णाशः वनुष्य॒ता ।।
   यो दू॒णाशो वनुष्य॒ता ।।


Verse: 12 
Halfverse: a    अ॒भ्य॑र्ष सह॒स्रिणं॑ र॒यिं गोम॑न्तम॒श्विन॑म् ।
   अ॒भ्य॑र्ष सह॒स्रिणं
   अ॒भि अ॑र्ष सह॒स्रिण॑म्
   अ॒भि अ॑र्ष सह॒स्रिणं

Halfverse: b    र॒यिं गोम॑न्तम॒श्विन॑म् ।
   र॒यिम् गोम॑न्तम् अ॒श्विन॑म् ।
   र॒यिं गोम॑न्तम् अ॒श्विन॑म् ।

Halfverse: c    अ॒भि वाज॑मु॒त श्रवः॑ ।।
   अ॒भि वाज॑मु॒त श्रवः॑ ।।
   अ॒भि वाज॑म् उ॒त श्रवः ।।
   अ॒भि वाज॑म् उ॒त श्रवः ।।


Verse: 13 
Halfverse: a    सोमो॑ दे॒वो न सूर्यो ऽद्रि॑भिः पवते सु॒तः ।
   सोमो॑ दे॒वो न सूर्यो
   सोमः दे॒वः न सूर्यः
   सोमो दे॒वो न सूरि॑यो

Halfverse: b    ऽद्रिभिः पवते सु॒तः ।
   अद्रि॑भिः पवते सु॒तः ।
   अद्रि॑भिः पवते सु॒तः ।

Halfverse: c    दधा॑नः क॒लशे॒ रस॑म् ।।
   दधा॑नः क॒लशे॒ रस॑म् ।।
   दधा॑नः क॒लशे रस॑म् ।।
   दधा॑नः क॒लशे रस॑म् ।।


Verse: 14 
Halfverse: a    ए॒ते धामा॒न्यार्या॑ शु॒क्रा ऋ॒तस्य॒ धार॑या ।
   ए॒ते धामा॒न्यार्या
   ए॒ते धामा॑नि आर्या
   ए॒ते धामा॑नि आरि॑या

Halfverse: b    शु॒क्रा ऋ॒तस्य॒ धार॑या ।
   शु॒क्राः ऋ॒तस्य धार॑या ।
   शु॒क्रा ऋ॒तस्य धार॑या ।

Halfverse: c    वाजं॒ गोम॑न्तमक्षरन् ।।
   वाजं॒ गोम॑न्तमक्षरन् ।।
   वाज॑म् गोम॑न्तम् अक्षरन् ।।
   वाजं गोम॑न्तम् अक्षरन् ।।


Verse: 15 
Halfverse: a    सु॒ता इन्द्रा॑य व॒ज्रिणे॒ सोमा॑सो॒ दध्या॑शिरः ।
   सु॒ता इन्द्रा॑य व॒ज्रिणे
   सु॒ताः इन्द्रा॑य व॒ज्रिणे
   सु॒ता इन्द्रा॑य व॒ज्रिणे

Halfverse: b    सोमा॑सो॒ दध्या॑शिरः ।
   सोमा॑सः दध्या॑शिरः ।
   सोमा॑सो दधिआ॑शिरः ।

Halfverse: c    प॒वित्र॒मत्य॑क्षरन् ।।
   प॒वित्र॒मत्य॑क्षरन् ।।
   प॒वित्र॑म् अति अक्षरन् ।।
   प॒वित्र॑म् अति अक्षरन् ।।


Verse: 16 
Halfverse: a    प्र सो॑म॒ मधु॑मत्तमो रा॒ये अ॑र्ष प॒वित्र॒ आ ।
   प्र सो॑म॒ मधु॑मत्तमो
   प्र सो॑म मधु॑मत्तमः
   प्र सो॑म मधु॑मत्तमो

Halfverse: b    रा॒ये अ॑र्ष प॒वित्र॒ आ ।
   रा॒ये अ॑र्ष प॒वित्रे आ ।
   रा॒ये अ॑र्ष प॒वित्र आ ।

Halfverse: c    मदो॒ यो दे॑व॒वीत॑मः ।।
   मदो॒ यो दे॑व॒वीत॑मः ।।
   मदः यः दे॑व॒वीत॑मः ।।
   मदो यो दे॑व॒वीत॑मः ।।


Verse: 17 
Halfverse: a    तमी॑ मृजन्त्या॒यवो॒ हरिं॑ न॒दीषु॑ वा॒जिन॑म् ।
   तमी॑ मृजन्त्या॒यवो
   तम् ई मृजन्ति आ॒यवः
   तम् ई मृजन्ति आ॒यवो

Halfverse: b    हरिं॑ न॒दीषु॑ वा॒जिन॑म् ।
   हरि॑म् न॒दीषु वा॒जिन॑म् ।
   हरिं न॒दीषु वा॒जिन॑म् ।

Halfverse: c    इन्दु॒मिन्द्रा॑य मत्स॒रम् ।।
   इन्दु॒मिन्द्रा॑य मत्स॒रम् ।।
   इन्दु॑म् इन्द्रा॑य मत्स॒रम् ।।
   इन्दु॑म् इन्द्रा॑य मत्स॒रम् ।।


Verse: 18 
Halfverse: a    आ प॑वस्व॒ हिर॑ण्यव॒दश्वा॑वत्सोम वी॒रव॑त् ।
   आ प॑वस्व॒ हिर॑ण्यवद्
   आ प॑वस्व हिर॑ण्यवत्
   आ प॑वस्व हिर॑ण्यवद्

Halfverse: b    अश्वा॑वत्सोम वी॒रव॑त् ।
   अश्वा॑वत् सोम वी॒रव॑त् ।
   अश्वा॑वत् सोम वी॒रव॑त् ।

Halfverse: c    वाजं॒ गोम॑न्त॒मा भ॑र ।।
   वाजं॒ गोम॑न्त॒मा भ॑र ।।
   वाज॑म् गोम॑न्तम् आ भ॑र ।।
   वाजं गोम॑न्तम् आ भ॑र ।।


Verse: 19 
Halfverse: a    परि॒ वाजे॒ न वा॑ज॒युमव्यो॒ वारे॑षु सिञ्चत ।
   परि॒ वाजे॒ न वा॑ज॒युम्
   परि वाजे न वा॑ज॒युम्
   परि वाजे न वा॑ज॒युम्

Halfverse: b    अव्यो॒ वारे॑षु सिञ्चत ।
   अव्यः वारे॑षु सिञ्चत ।
   अव्यो वारे॑षु सिञ्चत ।

Halfverse: c    इन्द्रा॑य॒ मधु॑मत्तमम् ।।
   इन्द्रा॑य॒ मधु॑मत्तमम् ।।
   इन्द्रा॑य मधु॑मत्तमम् ।।
   इन्द्रा॑य मधु॑मत्तमम् ।।


Verse: 20 
Halfverse: a    क॒विम्मृ॑जन्ति॒ मर्ज्यं॑ धी॒भिर्विप्रा॑ अव॒स्यवः॑ ।
   क॒विम्मृ॑जन्ति॒ मर्ज्यं
   क॒विम् मृजन्ति मर्ज्य॑म्
   क॒विम् मृजन्ति मर्जि॑यं

Halfverse: b    धी॒भिर्विप्रा॑ अव॒स्यवः॑ ।
   धी॒भिः विप्राः अव॒स्यवः ।
   धी॒भिर् विप्रा अव॒स्यवः ।

Halfverse: c    वृषा॒ कनि॑क्रदर्षति ।।
   वृषा॒ कनि॑क्रदर्षति ।।
   वृषा कनि॑क्रत् अर्षति ।।
   वृषा कनि॑क्रद् अर्षति ।।


Verse: 21 
Halfverse: a    वृष॑णं धी॒भिर॒प्तुरं॒ सोम॑मृ॒तस्य॒ धार॑या ।
   वृष॑णं धी॒भिर॒प्तुरं
   वृष॑णम् धी॒भिः अ॒प्तुर॑म्
   वृष॑णं धी॒भिर् अ॒प्तुरं

Halfverse: b    सोम॑मृ॒तस्य॒ धार॑या ।
   सोम॑म् ऋ॒तस्य धार॑या ।
   सोम॑म् ऋ॒तस्य धार॑या ।

Halfverse: c    म॒ती विप्राः॒ सम॑स्वरन् ।।
   म॒ती विप्राः॒ सम॑स्वरन् ।।
   म॒ती विप्राः सम् अस्वरन् ।।
   म॒ती विप्राः सम् अस्वरन् ।।


Verse: 22 
Halfverse: a    पव॑स्व देवायु॒षगिन्द्रं॑ गछतु ते॒ मदः॑ ।
   पव॑स्व देवायु॒षग्
   पव॑स्व देव आयु॒षक्
   पव॑स्व देव आयु॒षग्

Halfverse: b    इन्द्रं॑ गछतु ते॒ मदः॑ ।
   इन्द्र॑म् गछतु ते मदः ।
   इन्द्रं गछतु ते मदः ।

Halfverse: c    वा॒युमा रो॑ह॒ धर्म॑णा ।।
   वा॒युमा रो॑ह॒ धर्म॑णा ।।
   वा॒युम् आ रो॑ह धर्म॑णा ।।
   वा॒युम् आ रो॑ह धर्म॑णा ।।


Verse: 23 
Halfverse: a    पव॑मान॒ नि तो॑शसे र॒यिं सो॑म श्र॒वाय्य॑म् ।
   पव॑मान॒ नि तो॑शसे
   पव॑मान नि तो॑शसे
   पव॑मान नि तो॑शसे

Halfverse: b    र॒यिं सो॑म श्र॒वाय्य॑म् ।
   र॒यिम् सोम श्र॒वाय्य॑म् ।
   र॒यिं सो॑म श्र॒वायि॑यम् ।

Halfverse: c    प्रि॒यः स॑मु॒द्रमा वि॑श ।।
   प्रि॒यः स॑मु॒द्रमा वि॑श ।।
   प्रि॒यः स॑मु॒द्रम् आ वि॑श ।।
   प्रि॒यः स॑मु॒द्रम् आ वि॑श ।।


Verse: 24 
Halfverse: a    अ॑प॒घ्नन्प॑वसे॒ मृधः॑ क्रतु॒वित्सो॑म मत्स॒रः ।
   अ॑प॒घ्नन्प॑वसे॒ मृधः
   अप॒घ्नन् पवसे मृधः
   अप॒घ्नन् पवसे मृधः

Halfverse: b    क्रतु॒वित्सो॑म मत्स॒रः ।
   क्र॑तु॒वित् सोम मत्स॒रः ।
   क्र॑तु॒वित् सोम मत्स॒रः ।

Halfverse: c    नु॒दस्वादे॑वयुं॒ जन॑म् ।।
   नु॒दस्वादे॑वयुं॒ जन॑म् ।।
   नु॒दस्व अदे॑वयुम् जन॑म् ।।
   नु॒दस्वादे॑वयुं जन॑म् ।।


Verse: 25 
Halfverse: a    पव॑माना असृक्षत॒ सोमाः॑ शु॒क्रास॒ इन्द॑वः ।
   पव॑माना असृक्षत
   पव॑मानाः असृक्षत
   पव॑माना असृक्षत

Halfverse: b    सोमाः॑ शु॒क्रास॒ इन्द॑वः ।
   सोमाः शु॒क्रासः इन्द॑वः ।
   सोमाः शु॒क्रास इन्द॑वः ।

Halfverse: c    अ॒भि विश्वा॑नि॒ काव्या॑ ।।
   अ॒भि विश्वा॑नि॒ काव्या॑ ।।
   अ॒भि विश्वा॑नि काव्या ।।
   अ॒भि विश्वा॑नि कावि॑या ।।


Verse: 26 
Halfverse: a    पव॑मानास आ॒शवः॑ शु॒भ्रा अ॑सृग्र॒मिन्द॑वः ।
   पव॑मानास आ॒शवः
   पव॑मानासः आ॒शवः
   पव॑मानास आ॒शवः

Halfverse: b    शु॒भ्रा अ॑सृग्र॒मिन्द॑वः ।
   शु॒भ्राः अ॑सृग्रम् इन्द॑वः ।
   शु॒भ्रा अ॑सृग्रम् इन्द॑वः ।

Halfverse: c    घ्नन्तो॒ विश्वा॒ अप॒ द्विषः॑ ।।
   घ्नन्तो॒ विश्वा॒ अप॒ द्विषः॑ ।।
   घ्नन्तः विश्वाः अप द्विषः ।।
   घ्नन्तो विश्वा अप द्विषः ।।


Verse: 27 
Halfverse: a    पव॑माना दि॒वस्पर्य॒न्तरि॑क्षादसृक्षत ।
   पव॑माना दि॒वस्पर्य्
   पव॑मानाः दि॒वः परि
   पव॑माना दि॒वस् परि

Halfverse: b    अ॒न्तरि॑क्षादसृक्षत ।
   अ॒न्तरि॑क्षात् असृक्षत ।
   अ॒न्तरि॑क्षाद् असृक्षत ।

Halfverse: c    पृ॑थि॒व्या अधि॒ सान॑वि ।।
   पृ॑थि॒व्या अधि॒ सान॑वि ।।
   पृ॑थि॒व्याः अधि सान॑वि ।।
   पृ॑थि॒व्या अधि सान॑वि ।।


Verse: 28 
Halfverse: a    पु॑ना॒नः सो॑म॒ धार॒येन्दो॒ विश्वा॒ अप॒ स्रिधः॑ ।
   पु॑ना॒नः सो॑म॒ धार॑या
   पुना॒नः सो॑म धार॑या
   पुना॒नः सो॑म धार॑या

Halfverse: b     इन्दो॒ विश्वा॒ अप॒ स्रिधः॑ ।
   इन्दो विश्वाः अप स्रिधः ।
   इन्दो विश्वा अप स्रिधः ।

Halfverse: c    ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।


Verse: 29 
Halfverse: a    अ॑प॒घ्नन्सो॑म र॒क्षसो॒ ऽभ्य॑र्ष॒ कनि॑क्रदत् ।
   अ॑प॒घ्नन्सो॑म र॒क्षसो
   अप॒घ्नन् सोम र॒क्षसः
   अप॒घ्नन् सोम र॒क्षसो

Halfverse: b    ऽभ्य॑र्ष॒ कनि॑क्रदत् ।
   अ॒भि अ॑र्ष कनि॑क्रदत् ।
   अ॒भि अ॑र्ष कनि॑क्रदत् ।

Halfverse: c    द्यु॒मन्तं॒ शुष्म॑मुत्त॒मम् ।।
   द्यु॒मन्तं॒ शुष्म॑मुत्त॒मम् ।।
   द्यु॒मन्त॑म् शुष्म॑म् उत्त॒मम् ।।
   द्यु॒मन्तं शुष्म॑म् उत्त॒मम् ।।


Verse: 30 
Halfverse: a    अ॒स्मे वसू॑नि धारय॒ सोम॑ दि॒व्यानि॒ पार्थि॑वा ।
   अ॒स्मे वसू॑नि धारय
   अ॒स्मे वसू॑नि धारय
   अ॒स्मे वसू॑नि धारय

Halfverse: b    सोम॑ दि॒व्यानि॒ पार्थि॑वा ।
   सोम दि॒व्यानि पार्थि॑वा ।
   सोम दि॒व्यानि पार्थि॑वा ।

Halfverse: c    इन्दो॒ विश्वा॑नि॒ वार्या॑ ।।
   इन्दो॒ विश्वा॑नि॒ वार्या॑ ।।
   इन्दो विश्वा॑नि वार्या ।।
   इन्दो विश्वा॑नि वारि॑या ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.