TITUS
Rg-Veda: Rg-Veda-Samhita
Part No. 787
Previous part

Hymn: 64_(776) 
Verse: 1 
Halfverse: a    वृषा॑ सोम द्यु॒माँ अ॑सि॒ वृषा॑ देव॒ वृष॑व्रतः ।
   वृषा॑ सोम द्यु॒माँ अ॑सि
   वृषा सोम द्यु॒मान् असि
   वृषा सोम द्यु॒माँ अ॑सि

Halfverse: b    वृषा॑ देव॒ वृष॑व्रतः ।
   वृषा देव वृष॑व्रतः ।
   वृषा देव वृष॑व्रतः ।

Halfverse: c    वृषा॒ धर्मा॑णि दधिषे ।।
   वृषा॒ धर्मा॑णि दधिषे ।।
   वृषा धर्मा॑णि दधिषे ।।
   वृषा धर्मा॑णि दधिषे ।।


Verse: 2 
Halfverse: a    वृष्ण॑स्ते॒ वृष्ण्यं॒ शवो॒ वृषा॒ वनं॒ वृषा॒ मदः॑ ।
   वृष्ण॑स्ते॒ वृष्ण्यं॒ शवो
   वृष्णः ते वृष्ण्य॑म् शवः
   वृष्ण॑स् ते वृष्णि॑यं शवो

Halfverse: b    वृषा॒ वनं॒ वृषा॒ मदः॑ ।
   वृषा वन॑म् वृषा मदः ।
   वृषा वनं वृषा मदः ।

Halfverse: c    स॒त्यं वृ॑ष॒न्वृषेद॑सि ।।
   स॒त्यं वृ॑ष॒न्वृषेद॑सि ।।
   स॒त्यम् वृषन् वृषा इत् असि ।।
   स॒त्यं वृ॑षन् वृषेद् असि ।।


Verse: 3 
Halfverse: a    अश्वो॒ न च॑क्रदो॒ वृषा॒ सं गा इ॑न्दो॒ समर्व॑तः ।
   अश्वो॒ न च॑क्रदो॒ वृषा
   अश्वः न च॑क्रदः वृषा
   अश्वो न च॑क्रदो वृषा

Halfverse: b    सं गा इ॑न्दो॒ समर्व॑तः ।
   सम् गाः इ॑न्दो सम् अर्व॑तः ।
   सं गा इ॑न्दो सम् अर्व॑तः ।

Halfverse: c    वि नो॑ रा॒ये दुरो॑ वृधि ।।
   वि नो॑ रा॒ये दुरो॑ वृधि ।।
   वि नः रा॒ये दुरः वृधि ।।
   वि नो रा॒ये दुरो वृधि ।।


Verse: 4 
Halfverse: a    असृ॑क्षत॒ प्र वा॒जिनो॑ ग॒व्या सोमा॑सो अश्व॒या ।
   असृ॑क्षत॒ प्र वा॒जिनो
   असृ॑क्षत प्र वा॒जिनः
   असृ॑क्षत प्र वा॒जिनो

Halfverse: b    ग॒व्या सोमा॑सो अश्व॒या ।
   ग॒व्या सोमा॑सः अश्व॒या ।
   ग॒व्या सोमा॑सो अश्व॒या ।

Halfverse: c    शु॒क्रासो॑ वीर॒याशवः॑ ।।
   शु॒क्रासो॑ वीर॒याशवः॑ ।।
   शु॒क्रासः वीर॒या आ॒शवः ।।
   शु॒क्रासो वीर॒याशवः ।।


Verse: 5 
Halfverse: a    शु॒म्भमा॑ना ऋता॒युभि॑र्मृ॒ज्यमा॑ना॒ गभ॑स्त्योः ।
   शु॒म्भमा॑ना ऋता॒युभि॑र्
   शु॒म्भमा॑नाः ऋता॒युभिः
   शु॒म्भमा॑ना ऋता॒युभि॑र्

Halfverse: b    मृ॒ज्यमा॑ना॒ गभ॑स्त्योः ।
   मृ॒ज्यमा॑नाः गभ॑स्त्योः ।
   मृ॒ज्यमा॑ना गभ॑स्तियोः ।

Halfverse: c    पव॑न्ते॒ वारे॑ अ॒व्यये॑ ।।
   पव॑न्ते॒ वारे॑ अ॒व्यये॑ ।।
   पव॑न्ते वारे अ॒व्यये ।।
   पव॑न्ते वारे अ॒व्यये ।।


Verse: 6 
Halfverse: a    ते विश्वा॑ दा॒शुषे॒ वसु॒ सोमा॑ दि॒व्यानि॒ पार्थि॑वा ।
   ते विश्वा॑ दा॒शुषे॒ वसु
   ते विश्वा दा॒शुषे वसु
   ते विश्वा दा॒शुषे वसु

Halfverse: b    सोमा॑ दि॒व्यानि॒ पार्थि॑वा ।
   सोमाः दि॒व्यानि पार्थि॑वा ।
   सोमा दि॒व्यानि पार्थि॑वा ।

Halfverse: c    पव॑न्ता॒मान्तरि॑क्ष्या ।।
   पव॑न्ता॒मान्तरि॑क्ष्या ।।
   पव॑न्ताम् आ अ॒न्तरि॑क्ष्या ।।
   पव॑न्ताम् आन्तरि॑क्षिया ।।


Verse: 7 
Halfverse: a    पव॑मानस्य विश्ववि॒त्प्र ते॒ सर्गा॑ असृक्षत ।
   पव॑मानस्य विश्ववित्
   पव॑मानस्य विश्ववित्
   पव॑मानस्य विश्ववित्

Halfverse: b    प्र ते॒ सर्गा॑ असृक्षत ।
   प्र ते सर्गाः असृक्षत ।
   प्र ते सर्गा असृक्षत ।

Halfverse: c    सूर्य॑स्येव॒ न र॒श्मयः॑ ।।
   सूर्य॑स्येव॒ न र॒श्मयः॑ ।।
   सूर्य॑स्य इव न र॒श्मयः ।।
   सूर्य॑स्येव न र॒श्मयः ।।


Verse: 8 
Halfverse: a    के॒तुं कृ॒ण्वन्दि॒वस्परि॒ विश्वा॑ रू॒पाभ्य॑र्षसि ।
   के॒तुं कृ॒ण्वन्दि॒वस्परि
   के॒तुम् कृ॒ण्वन् दि॒वः परि
   के॒तुं कृ॒ण्वन् दि॒वस् परि

Halfverse: b    विश्वा॑ रू॒पाभ्य॑र्षसि ।
   विश्वा रू॒पा अ॒भि अ॑र्षसि ।
   विश्वा रू॒पाभि अ॑र्षसि ।

Halfverse: c    स॑मु॒द्रः सो॑म पिन्वसे ।।
   स॑मु॒द्रः सो॑म पिन्वसे ।।
   स॑मु॒द्रः सो॑म पिन्वसे ।।
   स॑मु॒द्रः सो॑म पिन्वसे ।।


Verse: 9 
Halfverse: a    हि॑न्वा॒नो वाच॑मिष्यसि॒ पव॑मान॒ विध॑र्मणि ।
   हि॑न्वा॒नो वाच॑मिष्यसि
   हिन्वा॒नः वाच॑म् इष्यसि
   हिन्वा॒नो वाच॑म् इष्यसि

Halfverse: b    पव॑मान॒ विध॑र्मणि ।
   पव॑मान विध॑र्मणि ।
   पव॑मान विध॑र्मणि ।

Halfverse: c    अक्रा॑न्दे॒वो न सूर्यः॑ ।।
   अक्रा॑न्दे॒वो न सूर्यः॑ ।।
   अक्रा॑न् दे॒वः न सूर्यः ।।
   अक्रा॑न् दे॒वो न सूरि॑यः ।।


Verse: 10 
Halfverse: a    इन्दुः॑ पविष्ट॒ चेत॑नः प्रि॒यः क॑वी॒नाम्म॒ती ।
   इन्दुः॑ पविष्ट॒ चेत॑नः
   इन्दुः पविष्ट चेत॑नः
   इन्दुः पविष्ट चेत॑नः

Halfverse: b    प्रि॒यः क॑वी॒नाम्म॒ती ।
   प्रि॒यः क॑वी॒नाम् म॒ती ।
   प्रि॒यः क॑वी॒नाअम् म॒ती ।

Halfverse: c    सृ॒जदश्वं॑ र॒थीरि॑व ।।
   सृ॒जदश्वं॑ र॒थीरि॑व ।।
   सृ॒जत् अश्व॑म् र॒थीः इ॑व ।।
   सृ॒जद् अश्वं र॒थीर् इव ।।


Verse: 11 
Halfverse: a    ऊ॒र्मिर्यस्ते॑ प॒वित्र॒ आ दे॑वा॒वीः प॒र्यक्ष॑रत् ।
   ऊ॒र्मिर्यस्ते॑ प॒वित्र॒ आ
   ऊ॒र्मिः यः ते प॒वित्रे आ
   ऊ॒र्मिर् यस् ते प॒वित्र आ

Halfverse: b    दे॑वा॒वीः प॒र्यक्ष॑रत् ।
   दे॑वा॒वीः प॒र्यक्ष॑रत् ।
   दे॑वा॒वीः प॒रिअक्ष॑रत् ।

Halfverse: c    सीद॑न्नृ॒तस्य॒ योनि॒मा ।।
   सीद॑न्नृ॒तस्य॒ योनि॒मा ।।
   सीद॑न् ऋ॒तस्य योनि॑म् आ ।।
   सीद॑न्न् ऋ॒तस्य योनि॑म् आ ।।


Verse: 12 
Halfverse: a    स नो॑ अर्ष प॒वित्र॒ आ मदो॒ यो दे॑व॒वीत॑मः ।
   स नो॑ अर्ष प॒वित्र॒ आ
   स नः अर्ष प॒वित्रे आ
   स नो अर्ष प॒वित्र आ

Halfverse: b    मदो॒ यो दे॑व॒वीत॑मः ।
   मदः यः दे॑व॒वीत॑मः ।
   मदो यो दे॑व॒वीत॑मः ।

Halfverse: c    इन्द॒विन्द्रा॑य पी॒तये॑ ।।
   इन्द॒विन्द्रा॑य पी॒तये॑ ।।
   इन्दो इन्द्रा॑य पी॒तये ।।
   इन्द॑व् इन्द्रा॑य पी॒तये ।।


Verse: 13 
Halfverse: a    इ॒षे प॑वस्व॒ धार॑या मृ॒ज्यमा॑नो मनी॒षिभिः॑ ।
   इ॒षे प॑वस्व॒ धार॑या
   इ॒षे प॑वस्व धार॑या
   इ॒षे प॑वस्व धार॑या

Halfverse: b    मृ॒ज्यमा॑नो मनी॒षिभिः॑ ।
   मृ॒ज्यमा॑नः मनी॒षिभिः ।
   मृ॒ज्यमा॑नो मनी॒षिभिः ।

Halfverse: c    इन्दो॑ रु॒चाभि गा इ॑हि ।।
   इन्दो॑ रु॒चाभि गा इ॑हि ।।
   इन्दो रु॒चा अ॒भि गाः इ॑हि ।।
   इन्दो रु॒चाभि गा इ॑हि ।।


Verse: 14 
Halfverse: a    पु॑ना॒नो वरि॑वस्कृ॒ध्यूर्जं॒ जना॑य गिर्वणः ।
   पु॑ना॒नो वरि॑वस्कृध्य्
   पुना॒नः वरि॑वः कृधि
   पुना॒नो वरि॑वस् कृधि

Halfverse: b    ऊर्जं॒ जना॑य गिर्वणः ।
   ऊर्ज॑म् जना॑य गिर्वणः ।
   ऊर्जं जना॑य गिर्वणः ।

Halfverse: c    हरे॑ सृजा॒न आ॒शिर॑म् ।।
   हरे॑ सृजा॒न आ॒शिर॑म् ।।
   हरे सृजा॒नः आ॒शिर॑म् ।।
   हरे सृजा॒न आ॒शिर॑म् ।।


Verse: 15 
Halfverse: a    पु॑ना॒नो दे॒ववी॑तय॒ इन्द्र॑स्य याहि निष्कृ॒तम् ।
   पु॑ना॒नो दे॒ववी॑तय
   पुना॒नः दे॒ववी॑तये
   पुना॒नो दे॒ववी॑तय

Halfverse: b    इन्द्र॑स्य याहि निष्कृ॒तम् ।
   इन्द्र॑स्य याहि निष्कृ॒तम् ।
   इन्द्र॑स्य याहि निष्कृ॒तम् ।

Halfverse: c    द्यु॑ता॒नो वा॒जिभि॑र्य॒तः ।।
   द्यु॑ता॒नो वा॒जिभि॑र्य॒तः ।।
   द्यु॑ता॒नः वा॒जिभिः य॒तः ।।
   द्यु॑ता॒नो वा॒जिभि॑र् य॒तः ।।


Verse: 16 
Halfverse: a    प्र हि॑न्वा॒नास॒ इन्द॒वो ऽछा॑ समु॒द्रमा॒शवः॑ ।
   प्र हि॑न्वा॒नास॒ इन्द॒वो
   प्र हि॑न्वा॒नासः इन्द॑वः
   प्र हि॑न्वा॒नास इन्द॑वो

Halfverse: b    ऽछा समु॒द्रमा॒शवः॑ ।
   अछ+ समु॒द्रम् आ॒शवः ।
   अछा समु॒द्रम् आ॒शवः ।

Halfverse: c    धि॒या जू॒ता अ॑सृक्षत ।।
   धि॒या जू॒ता अ॑सृक्षत ।।
   धि॒या जू॒ताः अ॑सृक्षत ।।
   धि॒या जू॒ता अ॑सृक्षत ।।


Verse: 17 
Halfverse: a    म॑र्मृजा॒नास॑ आ॒यवो॒ वृथा॑ समु॒द्रमिन्द॑वः ।
   म॑र्मृजा॒नास॑ आ॒यवो
   मर्मृजा॒नासः आ॒यवः
   मर्मृजा॒नास आ॒यवो

Halfverse: b    वृथा॑ समु॒द्रमिन्द॑वः ।
   वृथा समु॒द्रम् इन्द॑वः ।
   वृथा समु॒द्रम् इन्द॑वः ।

Halfverse: c    अग्म॑न्नृ॒तस्य॒ योनि॒मा ।।
   अग्म॑न्नृ॒तस्य॒ योनि॒मा ।।
   अग्म॑न् ऋ॒तस्य योनि॑म् आ ।।
   अग्म॑न्न् ऋ॒तस्य योनि॑म् आ ।।


Verse: 18 
Halfverse: a    परि॑ णो याह्यस्म॒युर्विश्वा॒ वसू॒न्योज॑सा ।
   परि॑ णो याह्यस्म॒युर्
   परि नः याहि अस्म॒युः
   परि णो याहि अस्म॒युर्

Halfverse: b    विश्वा॒ वसू॒न्योज॑सा ।
   विश्वा वसू॑नि ओज॑सा ।
   विश्वा वसू॑नि ओज॑सा ।

Halfverse: c    पा॒हि नः॒ शर्म॑ वी॒रव॑त् ।।
   पा॒हि नः॒ शर्म॑ वी॒रव॑त् ।।
   पा॒हि नः शर्म वी॒रव॑त् ।।
   पा॒हि नः शर्म वी॒रव॑त् ।।


Verse: 19 
Halfverse: a    मिमा॑ति॒ वह्नि॒रेत॑शः प॒दं यु॑जा॒न ऋक्व॑भिः ।
   मिमा॑ति॒ वह्नि॒रेत॑शः
   मिमा॑ति वह्निः एत॑शः
   मिमा॑ति वह्नि॑र् एत॑शः

Halfverse: b    प॒दं यु॑जा॒न ऋक्व॑भिः ।
   प॒दम् युजा॒नः ऋक्व॑भिः ।
   प॒दं यु॑जा॒न ऋक्व॑भिः ।

Halfverse: c    प्र यत्स॑मु॒द्र आहि॑तः ।।
   प्र यत्स॑मु॒द्र आहि॑तः ।।
   प्र यत् समु॒द्रे आहि॑तः ।।
   प्र यत् समु॒द्र आहि॑तः ।।


Verse: 20 
Halfverse: a    आ यद्योनिं॑ हिर॒ण्यय॑मा॒शुरृ॒तस्य॒ सीद॑ति ।
   आ यद्योनिं॑ हिर॒ण्यय॑म्
   आ यत् योनि॑म् हिर॒ण्यय॑म्
   आ यद् योनिं हिर॒ण्यय॑म्

Halfverse: b    आ॒शुरृ॒तस्य॒ सीद॑ति ।
   आ॒शुः ऋ॒तस्य सीद॑ति ।
   आ॒शुर् ऋ॒तस्य सीद॑ति ।

Halfverse: c    जहा॒त्यप्र॑चेतसः ।।
   जहा॒त्यप्र॑चेतसः ।।
   जहा॑ति अप्र॑चेतसः ।।
   जहा॑ति अप्र॑चेतसः ।।


Verse: 21 
Halfverse: a    अ॒भि वे॒ना अ॑नूष॒तेय॑क्षन्ति॒ प्रचे॑तसः ।
   अ॒भि वे॒ना अ॑नूषत
   अ॒भि वे॒नाः अ॑नूषत
   अ॒भि वे॒ना अ॑नूषत

Halfverse: b     इय॑क्षन्ति॒ प्रचे॑तसः ।
   इय॑क्षन्ति प्रचे॑तसः ।
   इय॑क्षन्ति प्रचे॑तसः ।

Halfverse: c    मज्ज॒न्त्यवि॑चेतसः ।।
   मज्ज॒न्त्यवि॑चेतसः ।।
   मज्ज॑न्ति अवि॑चेतसः ।।
   मज्ज॑न्ति अवि॑चेतसः ।।


Verse: 22 
Halfverse: a    इन्द्रा॑येन्दो म॒रुत्व॑ते॒ पव॑स्व॒ मधु॑मत्तमः ।
   इन्द्रा॑येन्दो म॒रुत्व॑ते
   इन्द्रा॑य इन्दो म॒रुत्व॑ते
   इन्द्रा॑येन्दो म॒रुत्व॑ते

Halfverse: b    पव॑स्व॒ मधु॑मत्तमः ।
   पव॑स्व मधु॑मत्तमः ।
   पव॑स्व मधु॑मत्तमः ।

Halfverse: c    ऋ॒तस्य॒ योनि॑मा॒सद॑म् ।।
   ऋ॒तस्य॒ योनि॑मा॒सद॑म् ।।
   ऋ॒तस्य योनि॑म् आ॒सद॑म् ।।
   ऋ॒तस्य योनि॑म् आ॒सद॑म् ।।


Verse: 23 
Halfverse: a    तं त्वा॒ विप्रा॑ वचो॒विदः॒ परि॑ ष्कृण्वन्ति वे॒धसः॑ ।
   तं त्वा॒ विप्रा॑ वचो॒विदः
   तम् त्वा विप्राः वचो॒विदः
   तं त्वा विप्रा वचो॒विदः

Halfverse: b    परि॑ ष्कृण्वन्ति ।!। वे॒धसः॑ ।
   परि ! स्कृण्वन्ति ! वे॒धसः ।
   परि ष्कृण्वन्ति वे॒धसः ।

Halfverse: c    सं त्वा॑ मृजन्त्या॒यवः॑ ।।
   सं त्वा॑ मृजन्त्या॒यवः॑ ।।
   सम् त्वा मृजन्ति आ॒यवः ।।
   सं त्वा मृजन्ति आ॒यवः ।।


Verse: 24 
Halfverse: a    रसं॑ ते मि॒त्रो अ॑र्य॒मा पिब॑न्ति॒ वरु॑णः कवे ।
   रसं॑ ते मि॒त्रो अ॑र्य॒मा
   रस॑म् ते मि॒त्रः अ॑र्य॒मा
   रसं ते मि॒त्रो अ॑र्य॒मा

Halfverse: b    पिब॑न्ति॒ वरु॑णः ।!। क॑वे ।
   पिब॑न्ति वरु॑णः कवे ।
   पिब॑न्ति वरु॑णः कवे ।

Halfverse: c    पव॑मानस्य म॒रुतः॑ ।।
   पव॑मानस्य म॒रुतः॑ ।।
   पव॑मानस्य म॒रुतः ।।
   पव॑मानस्य म॒रुतः ।।


Verse: 25 
Halfverse: a    त्वं सो॑म विप॒श्चित॑म्पुना॒नो वाच॑मिष्यसि ।
   त्वं सो॑म विप॒श्चित॑म्
   त्वम् सोम विप॒श्चित॑म्
   तु॒वं सो॑म विप॒श्चित॑म्

Halfverse: b    पुना॒नो वाच॑मिष्यसि ।
   पु॑ना॒नः वाच॑म् इष्यसि ।
   पु॑ना॒नो वाच॑म् इष्यसि ।

Halfverse: c    इन्दो॑ स॒हस्र॑भर्णसम् ।।
   इन्दो॑ स॒हस्र॑भर्णसम् ।।
   इन्दो स॒हस्र॑भर्णसम् ।।
   इन्दो स॒हस्र॑भर्णसम् ।।


Verse: 26 
Halfverse: a    उ॒तो स॒हस्र॑भर्णसं॒ वाचं॑ सोम मख॒स्युव॑म् ।
   उ॒तो स॒हस्र॑भर्णसं
   उ॒त उ स॒हस्र॑भर्णसम्
   उ॒तो स॒हस्र॑भर्णसं

Halfverse: b    वाचं॑ सोम मख॒स्युव॑म् ।
   वाच॑म् सोम मख॒स्युव॑म् ।
   वाचं सोम मख॒स्युव॑म् ।

Halfverse: c    पु॑ना॒न इ॑न्द॒वा भ॑र ।।
   पु॑ना॒न इ॑न्द॒वा भ॑र ।।
   पु॑ना॒नः इ॑न्दो आ भ॑र ।।
   पु॑ना॒न इ॑न्दव् आ भ॑र ।।


Verse: 27 
Halfverse: a    पु॑ना॒न इ॑न्दवेषा॒म्पुरु॑हूत॒ जना॑नाम् ।
   पु॑ना॒न इ॑न्दवेषाम्
   पुना॒नः इ॑न्दो एषाम्
   पुना॒न इ॑न्दव् एषाअम्

Halfverse: b    पुरु॑हूत॒ जना॑नाम् ।
   पुरु॑हूत जना॑नाम् ।
   पुरु॑हूत जना॑नाअम् ।

Halfverse: c    प्रि॒यः स॑मु॒द्रमा वि॑श ।।
   प्रि॒यः स॑मु॒द्रमा वि॑श ।।
   प्रि॒यः स॑मु॒द्रम् आ वि॑श ।।
   प्रि॒यः स॑मु॒द्रम् आ वि॑श ।।


Verse: 28 
Halfverse: a    दवि॑द्युतत्या रु॒चा प॑रि॒ष्टोभ॑न्त्या कृ॒पा ।
   दवि॑द्युतत्या रु॒चा
   दवि॑द्युतत्या रु॒चा
   दवि॑द्युततिया रु॒चा

Halfverse: b    प॑रि॒ष्टोभ॑न्त्या कृ॒पा ।
   प॑रि॒ष्टोभ॑न्त्या कृ॒पा ।
   प॑रि॒ष्टोभ॑न्तिया कृ॒पा ।

Halfverse: c    सोमाः॑ शु॒क्रा गवा॑शिरः ।।
   सोमाः॑ ।!। शु॒क्रा गवा॑शिरः ।।
   सोमाः शु॒क्राः गवा॑शिरः ।।
   सोमाः शु॒क्रा गवा॑शिरः ।।


Verse: 29 
Halfverse: a    हि॑न्वा॒नो हे॒तृभि॑र्य॒त आ वाजं॑ वा॒ज्य॑क्रमीत् ।
   हि॑न्वा॒नो हे॒तृभि॑र्य॒त
   हि॑न्वा॒नः हे॒तृभिः य॒तः
   हि॑न्वा॒नो हे॒तृभि॑र् य॒त

Halfverse: b    आ वाजं॑ वा॒ज्य॑क्रमीत् ।
   आ वाज॑म् वा॒जी अ॑क्रमीत् ।
   आ वाजं वा॒जी अ॑क्रमीत् ।

Halfverse: c    सीद॑न्तो व॒नुषो॑ यथा ।।
   सीद॑न्तो व॒नुषो॑ यथा ।।
   सीद॑न्तः व॒नुषः यथा ।।
   सीद॑न्तो व॒नुषो यथा ।।


Verse: 30 
Halfverse: a    ऋ॒धक्सो॑म स्व॒स्तये॑ संजग्मा॒नो दि॒वः क॒विः ।
   ऋ॒धक्सो॑म स्व॒स्तये
   ऋ॒धक् सोम स्व॒स्तये
   ऋ॒धक् सोम सुअ॒स्तये

Halfverse: b    संजग्मा॒नो दि॒वः क॒विः ।
   सं॑जग्मा॒नः दि॒वः क॒विः ।
   सं॑जग्मा॒नो दि॒वः क॒विः ।

Halfverse: c    पव॑स्व॒ सूर्यो॑ दृ॒शे ।।
   पव॑स्व॒ सूर्यो॑ दृ॒शे ।।
   पव॑स्व सूर्यः दृ॒शे ।।
   पव॑स्व सूरि॑यो दृ॒शे ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.