TITUS
Rg-Veda: Rg-Veda-Samhita
Part No. 901
Previous part

Hymn: 64_(890) 
Verse: 1 
Halfverse: a    क॒था दे॒वानां॑ कत॒मस्य॒ याम॑नि सु॒मन्तु॒ नाम॑ शृण्व॒ताम्म॑नामहे ।
   क॒था दे॒वानां॑ कत॒मस्य॒ याम॑नि
   क॒था दे॒वाना॑म् कत॒मस्य याम॑नि
   क॒था दे॒वानां कत॒मस्य याम॑नि

Halfverse: b    सु॒मन्तु॒ नाम॑ शृण्व॒ताम्म॑नामहे ।
   सु॒मन्तु नाम शृण्व॒ताम् मनामहे ।
   सु॒मन्तु नाम शृण्व॒ताम् मनामहे ।

Halfverse: c    को मृ॑ळाति कत॒मो नो॒ मय॑स्करत्कत॒म ऊ॒ती अ॒भ्या व॑वर्तति ।।
   को मृ॑ळाति कत॒मो नो॒ मय॑स्करत्
   कः मृ॑ळाति कत॒मः नः मयः करत्
   को मृ॑ळाति कत॒मो नो मय॑स् करत्

Halfverse: d    कत॒म ऊ॒ती अ॒भ्या व॑वर्तति ।।
   क॑त॒मः ऊ॒ती अ॒भि आ व॑वर्तति ।।
   क॑त॒म ऊ॒ती अ॒भि आ व॑वर्तति ।।


Verse: 2 
Halfverse: a    क्र॑तू॒यन्ति॒ क्रत॑वो हृ॒त्सु धी॒तयो॒ वेन॑न्ति वे॒नाः प॒तय॒न्त्या दिशः॑ ।
   क्र॑तू॒यन्ति॒ क्रत॑वो हृ॒त्सु धी॒तयो
   क्रतू॒यन्ति क्रत॑वः हृ॒त्सु धी॒तयः
   क्रतू॒यन्ति क्रत॑वो हृ॒त्सु धी॒तयो

Halfverse: b    वेन॑न्ति वे॒नाः प॒तय॒न्त्या दिशः॑ ।
   वेन॑न्ति वे॒नाः प॒तय॑न्ति आ दिशः ।
   वेन॑न्ति वे॒नाः प॒तय॑न्ति आ दिशः ।

Halfverse: c    न म॑र्डि॒ता वि॑द्यते अ॒न्य ए॑भ्यो दे॒वेषु॑ मे॒ अधि॒ कामा॑ अयंसत ।।
   न म॑र्डि॒ता वि॑द्यते अ॒न्य ए॑भ्यो
   न म॑र्डि॒ता वि॑द्यते अ॒न्यः ए॑भ्यः
   न म॑र्डि॒ता वि॑द्यते अ॒न्य ए॑भियो

Halfverse: d    दे॒वेषु॑ मे॒ अधि॒ कामा॑ अयंसत ।।
   दे॒वेषु मे अधि कामाः अयंसत ।।
   दे॒वेषु मे अधि कामा अयंसत ।।


Verse: 3 
Halfverse: a    नरा॑ वा॒ शंस॑म्पू॒षण॒मगो॑ह्यम॒ग्निं दे॒वेद्ध॑म॒भ्य॑र्चसे गि॒रा ।
   नरा॑ वा॒ शंस॑म्पू॒षण॒मगो॑ह्यम्
   नरा वा शंस॑म् पू॒षण॑म् अगो॑ह्यम्
   नरा वा शंस॑म् पू॒षण॑म् अगो॑हियम्

Halfverse: b    अ॒ग्निं दे॒वेद्ध॑म॒भ्य॑र्चसे गि॒रा ।
   अ॒ग्निम् दे॒वेद्ध॑म् अ॒भि अ॑र्चसे गि॒रा ।
   अ॒ग्निं दे॒वेद्ध॑म् अ॒भि अ॑र्चसे गि॒रा ।

Halfverse: c    सूर्या॒मासा॑ च॒न्द्रम॑सा य॒मं दि॒वि त्रि॒तं वात॑मु॒षस॑म॒क्तुम॒श्विना॑ ।।
   सूर्या॒मासा॑ च॒न्द्रम॑सा य॒मं दि॒वि
   सूर्या॒मासा च॒न्द्रम॑सा य॒मम् दि॒वि
   सूर्या॒मासा च॒न्द्रम॑सा य॒मं दि॒वि

Halfverse: d    त्रि॒तं वात॑मु॒षस॑म॒क्तुम॒श्विना॑ ।।
   त्रि॒तम् वात॑म् उ॒षस॑म् अ॒क्तुम् अ॒श्विना ।।
   त्रि॒तं वात॑म् उ॒षस॑म् अ॒क्तुम् अ॒श्विना ।।


Verse: 4 
Halfverse: a    क॒था क॒विस्तु॑वी॒रवा॒न्कया॑ गि॒रा बृह॒स्पति॑र्वावृधते सुवृ॒क्तिभिः॑ ।
   क॒था क॒विस्तु॑वी॒रवा॒न्कया॑ गि॒रा
   क॒था क॒विः तु॑वी॒रवा॑न् कया गि॒रा
   क॒था क॒विस् तुवी॒रवा॑न् कया गि॒रा

Halfverse: b    बृह॒स्पति॑र्वावृधते सुवृ॒क्तिभिः॑ ।
   बृह॒स्पतिः वावृधते सुवृ॒क्तिभिः ।
   बृह॒स्पति॑र् वावृधते सुवृ॒क्तिभिः ।

Halfverse: c    अ॒ज एक॑पात्सु॒हवे॑भि॒रृक्व॑भि॒रहिः॑ शृणोतु बु॒ध्न्यो॒ हवी॑मनि ।।
   अ॒ज एक॑पात्सु॒हवे॑भि॒रृक्व॑भिर्
   अ॒जः एक॑पात् सु॒हवे॑भिः ऋक्व॑भिः
   अ॒ज एक॑पात् सु॒हवे॑भिर् ऋक्व॑भिर्

Halfverse: d    अहिः॑ शृणोतु बु॒ध्न्यो॒ हवी॑मनि ।।
   अहिः शृणोतु बु॒ध्न्यः हवी॑मनि ।।
   अहिः शृणोतु बु॒ध्नियो हवी॑मनि ।।


Verse: 5 
Halfverse: a    दक्ष॑स्य वादिते॒ जन्म॑नि व्र॒ते राजा॑ना मि॒त्रावरु॒णा वि॑वाससि ।
   दक्ष॑स्य वादिते॒ जन्म॑नि व्र॒ते
   दक्ष॑स्य वा अदिते जन्म॑नि व्र॒ते
   दक्ष॑स्य वा अदिते जन्म॑नि व्र॒ते

Halfverse: b    राजा॑ना मि॒त्रावरु॒णा वि॑वाससि ।
   राजा॑ना मि॒त्रावरु॑णा आ वि॑वाससि ।
   राजा॑ना मि॒त्रावरु॒णा वि॑वाससि ।

Halfverse: c    अतू॑र्तपन्थाः पुरु॒रथो॑ अर्य॒मा स॒प्तहो॑ता॒ विषु॑रूपेषु॒ जन्म॑सु ।।
   अतू॑र्तपन्थाः पुरु॒रथो॑ अर्य॒मा
   अतू॑र्तपन्थाः पुरु॒रथः अर्य॒मा
   अतू॑र्तपन्थाः पुरु॒रथो अर्य॒मा

Halfverse: d    स॒प्तहो॑ता॒ विषु॑रूपेषु॒ जन्म॑सु ।।
   स॒प्तहो॑ता विषु॑रूपेषु जन्म॑सु ।।
   स॒प्तहो॑ता विषु॑रूपेषु जन्म॑सु ।।


Verse: 6 
Halfverse: a    ते नो॒ अर्व॑न्तो हवन॒श्रुतो॒ हवं॒ विश्वे॑ शृण्वन्तु वा॒जिनो॑ मि॒तद्र॑वः ।
   ते नो॒ अर्व॑न्तो हवन॒श्रुतो॒ हवं
   ते नः अर्व॑न्तः हवन॒श्रुतः हव॑म्
   ते नो अर्व॑न्तो हवन॒श्रुतो हवं

Halfverse: b    विश्वे॑ शृण्वन्तु वा॒जिनो॑ मि॒तद्र॑वः ।
   विश्वे शृण्वन्तु वा॒जिनः मि॒तद्र॑वः ।
   विश्वे शृण्वन्तु वा॒जिनो मि॒तद्र॑वः ।

Halfverse: c    स॑हस्र॒सा मे॒धसा॑ताविव॒ त्मना॑ म॒हो ये धनं॑ समि॒थेषु॑ जभ्रि॒रे ।।
   स॑हस्र॒सा मे॒धसा॑ताविव॒ त्मना
   सहस्र॒साः मे॒धसा॑तौ इव त्मना
   सहस्र॒सा मे॒धसा॑ताव् इव त्मना

Halfverse: d    म॒हो ये धनं॑ समि॒थेषु॑ जभ्रि॒रे ।।
   म॒हः ये धन॑म् समि॒थेषु जभ्रि॒रे ।।
   म॒हो ये धनं समि॒थेषु जभ्रि॒रे ।।


Verse: 7 
Halfverse: a    प्र वो॑ वा॒युं र॑थ॒युज॒म्पुरं॑धिं॒ स्तोमैः॑ कृणुध्वं स॒ख्याय॑ पू॒षण॑म् ।
   प्र वो॑ वा॒युं र॑थ॒युज॒म्पुरं॑धिं
   प्र वः वा॒युम् रथ॒युज॑म् पुरं॑धिम्
   प्र वो वा॒युं र॑थ॒युज॑म् पुरं॑धिं

Halfverse: b    स्तोमैः॑ कृणुध्वं स॒ख्याय॑ पू॒षण॑म् ।
   स्तोमैः कृणुध्वम् स॒ख्याय पू॒षण॑म् ।
   स्तोमैः कृणुध्वं सखि॒याय पू॒षण॑म् ।

Halfverse: c    ते हि दे॒वस्य॑ सवि॒तुः सवी॑मनि॒ क्रतुं॒ सच॑न्ते स॒चितः॒ सचे॑तसः ।।
   ते हि दे॒वस्य॑ सवि॒तुः सवी॑मनि
   ते हि दे॒वस्य सवि॒तुः सवी॑मनि
   ते हि दे॒वस्य सवि॒तुः सवी॑मनि

Halfverse: d    क्रतुं॒ सच॑न्ते स॒चितः॒ सचे॑तसः ।।
   क्रतु॑म् सच॑न्ते स॒चितः सचे॑तसः ।।
   क्रतुं सच॑न्ते स॒चितः सचे॑तसः ।।


Verse: 8 
Halfverse: a    त्रिः स॒प्त स॒स्रा न॒द्यो॑ म॒हीर॒पो वन॒स्पती॒न्पर्व॑ताँ अ॒ग्निमू॒तये॑ ।
   त्रिः स॒प्त स॒स्रा न॒द्यो॑ म॒हीर॒पो
   त्रिः स॒प्त स॒स्राः न॒द्यः म॒हीः अ॒पः
   त्रिः स॒प्त स॒स्रा न॒दियो म॒हीर् अ॒पो

Halfverse: b    वन॒स्पती॒न्पर्व॑ताँ अ॒ग्निमू॒तये॑ ।
   वन॒स्पती॑न् पर्व॑तान् अ॒ग्निम् ऊ॒तये ।
   वन॒स्पती॑न् पर्व॑ताँ अ॒ग्निम् ऊ॒तये ।

Halfverse: c    कृ॒शानु॒मस्तॄ॑न्ति॒ष्यं॑ स॒धस्थ॒ आ रु॒द्रं रु॒द्रेषु॑ रु॒द्रियं॑ हवामहे ।।
   कृ॒शानु॒मस्तॄ॑न्ति॒ष्यं॑ स॒धस्थ॒ आ
   कृ॒शानु॑म् अस्तॄ॑न् ति॒ष्य॑म् स॒धस्थे आ
   कृ॒शानु॑म् अस्तॄ॑न् ति॒षियं स॒धस्थ आ

Halfverse: d    रु॒द्रं रु॒द्रेषु॑ रु॒द्रियं॑ हवामहे ।।
   रु॒द्रम् रु॒द्रेषु रु॒द्रिय॑म् हवामहे ।।
   रु॒द्रं रु॒द्रेषु रु॒द्रियं हवामहे ।।


Verse: 9 
Halfverse: a    सर॑स्वती स॒रयुः॒ सिन्धु॑रू॒र्मिभि॑र्म॒हो म॒हीरव॒सा य॑न्तु॒ वक्ष॑णीः ।
   सर॑स्वती स॒रयुः॒ सिन्धु॑रू॒र्मिभि॑र्
   सर॑स्वती स॒रयुः सिन्धुः ऊ॒र्मिभिः
   सर॑स्वती स॒रयुः सिन्धु॑र् ऊ॒र्मिभि॑र्

Halfverse: b    म॒हो म॒हीरव॒सा य॑न्तु॒ वक्ष॑णीः ।
   म॒हः म॒हीः अव॑सा आ य॑न्तु वक्ष॑णीः ।
   म॒हो म॒हीर् अव॒सा य॑न्तु वक्ष॑णीः ।

Halfverse: c    दे॒वीरापो॑ मा॒तरः॑ सूदयि॒त्न्वो॑ घृ॒तव॒त्पयो॒ मधु॑मन्नो अर्चत ।।
   दे॒वीरापो॑ मा॒तरः॑ सूदयि॒त्न्वो
   दे॒वीः आपः मा॒तरः सूदयि॒त्न्वः
   दे॒वीर् आपो मा॒तरः सूदयि॒त्नुवो

Halfverse: d    घृ॒तव॒त्पयो॒ मधु॑मन्नो अर्चत ।।
   घृ॒तव॑त् पयः मधु॑मत् नः अर्चत ।।
   घृ॒तव॑त् पयो मधु॑मन् नो अर्चत ।।


Verse: 10 
Halfverse: a    उ॒त मा॒ता बृ॑हद्दि॒वा शृ॑णोतु न॒स्त्वष्टा॑ दे॒वेभि॒र्जनि॑भिः पि॒ता वचः॑ ।
   उ॒त मा॒ता बृ॑हद्दि॒वा शृ॑णोतु नस्
   उ॒त मा॒ता बृ॑हद्दि॒वा शृ॑णोतु नः
   उ॒त मा॒ता बृ॑हद्दि॒वा शृ॑णोतु नस्

Halfverse: b    त्वष्टा॑ दे॒वेभि॒र्जनि॑भिः पि॒ता वचः॑ ।
   त्वष्टा दे॒वेभिः जनि॑भिः पि॒ता वचः ।
   त्वष्टा दे॒वेभि॑र् जनि॑भिः पि॒ता वचः ।

Halfverse: c    ऋ॑भु॒क्षा वाजो॒ रथ॒स्पति॒र्भगो॑ र॒ण्वः शँसः॑ शशमा॒नस्य॑ पातु नः ।।
   ऋ॑भु॒क्षा वाजो॒ रथ॒स्पति॒र्भगो
   ऋभु॒क्षाः वाजः रथ॒स्पतिः भगः
   ऋभु॒क्षा वाजो रथ॒स्पति॑र् भगो

Halfverse: d    र॒ण्वः शँसः॑ शशमा॒नस्य॑ पातु नः ।।
   र॒ण्वः शंसः शशमा॒नस्य पातु नः ।।
   र॒ण्वः शंसः शशमा॒नस्य पातु नः ।।


Verse: 11 
Halfverse: a    र॒ण्वः संदृ॑ष्टौ पितु॒माँ इ॑व॒ क्षयो॑ भ॒द्रा रु॒द्राणा॑म्म॒रुता॒मुप॑स्तुतिः ।
   र॒ण्वः संदृ॑ष्टौ पितु॒माँ इ॑व॒ क्षयो
   र॒ण्वः संदृ॑ष्टौ पितु॒मान् इव क्षयः
   र॒ण्वः संदृ॑ष्टौ पितु॒माँ इ॑व क्षयो

Halfverse: b    भ॒द्रा रु॒द्राणा॑म्म॒रुता॒मुप॑स्तुतिः ।
   भ॒द्रा रु॒द्राणा॑म् म॒रुता॑म् उप॑स्तुतिः ।
   भ॒द्रा रु॒द्राणा॑म् म॒रुता॑म् उप॑स्तुतिः ।

Halfverse: c    गोभिः॑ ष्याम य॒शसो॒ जने॒ष्वा सदा॑ देवास॒ इळ॑या सचेमहि ।।
   गोभिः॑ ष्याम य॒शसो॒ जने॒ष्वा
   गोभिः स्याम य॒शसः जने॑षु आ
   गोभिः षियाम य॒शसो जने॑षु आ

Halfverse: d    सदा॑ देवास॒ इळ॑या सचेमहि ।।
   सदा देवासः इळ॑या सचेमहि ।।
   सदा देवास इळ॑या सचेमहि ।।


Verse: 12 
Halfverse: a    याम्मे॒ धिय॒म्मरु॑त॒ इन्द्र॒ देवा॒ अद॑दात वरुण मित्र यू॒यम् ।
   याम्मे॒ धिय॒म्मरु॑त॒ इन्द्र॒ देवा
   याम् मे धिय॑म् मरु॑तः इन्द्र देवाः
   याम् मे धिय॑म् मरु॑त इन्द्र देवा

Halfverse: b    अद॑दात वरुण मित्र यू॒यम् ।
   अद॑दात वरुण मित्र यू॒यम् ।
   अद॑दात वरुण मित्र यू॒यम् ।

Halfverse: c    ताम्पी॑पयत॒ पय॑सेव धे॒नुं कु॒विद्गिरो॒ अधि॒ रथे॒ वहा॑थ ।।
   ताम्पी॑पयत॒ पय॑सेव धे॒नुं
   ताम् पीपयत पय॑सा इव धे॒नुम्
   ताम् पीपयत पय॑सेव धे॒नुं

Halfverse: d    कु॒विद्गिरो॒ अधि॒ रथे॒ वहा॑थ ।।
   कु॒वित् गिरः अधि रथे वहा॑थ ।।
   कु॒विद् गिरो अधि रथे वहा॑थ ।।


Verse: 13 
Halfverse: a    कु॒विद॒ङ्ग प्रति॒ यथा॑ चिद॒स्य नः॑ सजा॒त्य॑स्य मरुतो॒ बुबो॑धथ ।
   कु॒विद॒ङ्ग प्रति॒ यथा॑ चिद॒स्य नः
   कु॒वित् अ॒ङ्ग प्रति यथा चित् अ॒स्य नः
   कु॒विद् अ॒ङ्ग प्रति यथा चिद् अ॒स्य नः

Halfverse: b    सजा॒त्य॑स्य मरुतो॒ बुबो॑धथ ।
   स॑जा॒त्य॑स्य मरुतः बुबो॑धथ ।
   स॑जा॒तिय॑स्य मरुतो बुबो॑धथ ।

Halfverse: c    नाभा॒ यत्र॑ प्रथ॒मं सं॒नसा॑महे॒ तत्र॑ जामि॒त्वमदि॑तिर्दधातु नः ।।
   नाभा॒ यत्र॑ प्रथ॒मं सं॒नसा॑महे
   नाभा यत्र प्रथ॒मम् सं॒नसा॑महे
   नाभा यत्र प्रथ॒मं सं॒नसा॑महे

Halfverse: d    तत्र॑ जामि॒त्वमदि॑तिर्दधातु नः ।।
   तत्र जामि॒त्वम् अदि॑तिः दधातु नः ।।
   तत्र जामि॒त्वम् अदि॑तिर् दधातु नः ।।


Verse: 14 
Halfverse: a    ते हि द्यावा॑पृथि॒वी मा॒तरा॑ म॒ही दे॒वी दे॒वाञ्जन्म॑ना य॒ज्ञिये॑ इ॒तः ।
   ते हि द्यावा॑पृथि॒वी मा॒तरा॑ म॒ही
   ते हि द्यावा॑पृथि॒वी मा॒तरा म॒ही
   ते हि द्यावा॑पृथि॒वी मा॒तरा म॒ही

Halfverse: b    दे॒वी दे॒वाञ्जन्म॑ना य॒ज्ञिये॑ इ॒तः ।
   दे॒वी दे॒वान् जन्म॑ना य॒ज्ञिये इ॒तः ।
   दे॒वी दे॒वाञ् जन्म॑ना य॒ज्ञिये इ॒तः ।

Halfverse: c    उ॒भे बि॑भृत उ॒भय॒म्भरी॑मभिः पु॒रू रेतां॑सि पि॒तृभि॑श्च सिञ्चतः ।।
   उ॒भे बि॑भृत उ॒भय॒म्भरी॑मभिः
   उ॒भे बि॑भृतः उ॒भय॑म् भरी॑मभिः
   उ॒भे बि॑भृत उ॒भय॑म् भरी॑मभिः

Halfverse: d    पु॒रू रेतां॑सि पि॒तृभि॑श्च सिञ्चतः ।।
   पु॒रु+ रेतां॑सि पि॒तृभिः च सिञ्चतः ।।
   पु॒रू रेतां॑सि पि॒तृभि॑श् च सिञ्चतः ।।


Verse: 15 
Halfverse: a    वि षा होत्रा॒ विश्व॑मश्नोति॒ वार्य॒म्बृह॒स्पति॑र॒रम॑तिः॒ पनी॑यसी ।
   वि षा होत्रा॒ विश्व॑मश्नोति॒ वार्य॑म्
   वि सा होत्रा विश्व॑म् अश्नोति वार्य॑म्
   वि षा होत्रा विश्व॑म् अश्नोति वारि॑यम्

Halfverse: b    बृह॒स्पति॑र॒रम॑तिः॒ पनी॑यसी ।
   बृह॒स्पतिः अ॒रम॑तिः पनी॑यसी ।
   बृह॒स्पति॑र् अ॒रम॑तिः पनी॑यसी ।

Halfverse: c    ग्रावा॒ यत्र॑ मधु॒षुदु॒च्यते॑ बृ॒हदवी॑वशन्त म॒तिभि॑र्मनी॒षिणः॑ ।।
   ग्रावा॒ यत्र॑ मधु॒षुदु॒च्यते॑ बृ॒हद्
   ग्रावा यत्र मधु॒षुत् उ॒च्यते बृ॒हत्
   ग्रावा यत्र मधु॒षुद् उ॒च्यते बृ॒हद्

Halfverse: d    अवी॑वशन्त म॒तिभि॑र्मनी॒षिणः॑ ।।
   अवी॑वशन्त म॒तिभिः मनी॒षिणः ।।
   अवी॑वशन्त म॒तिभि॑र् मनी॒षिणः ।।


Verse: 16 
Halfverse: a    ए॒वा क॒विस्तु॑वी॒रवाँ॑ ऋत॒ज्ञा द्र॑विण॒स्युर्द्रवि॑णसश्चका॒नः ।
   ए॒वा क॒विस्तु॑वी॒रवाँ॑ ऋत॒ज्ञा
   ए॒व+ क॒विः तु॑वी॒रवा॑न् ऋत॒ज्ञाः
   ए॒वा क॒विस् तुवी॒रवाँ ऋत॒ज्ञा

Halfverse: b    द्र॑विण॒स्युर्द्रवि॑णसश्चका॒नः ।
   द्र॑विण॒स्युः द्रवि॑णसः चका॒नः ।
   द्र॑विण॒स्युर् द्रवि॑णसश् चका॒नः ।

Halfverse: c    उ॒क्थेभि॒रत्र॑ म॒तिभि॑श्च॒ विप्रो ऽपी॑पय॒द्गयो॑ दि॒व्यानि॒ जन्म॑ ।।
   उ॒क्थेभि॒रत्र॑ म॒तिभि॑श्च॒ विप्रो
   उ॒क्थेभिः अत्र म॒तिभिः च विप्रः
   उ॒क्थेभि॑र् अत्र म॒तिभि॑श् च विप्रो

Halfverse: d    ऽपीपय॒द्गयो॑ दि॒व्यानि॒ जन्म॑ ।।
   अपी॑पयत् गयः दि॒व्यानि जन्म ।।
   अपी॑पयद् गयो दि॒व्यानि जन्म ।।


Verse: 17 
Halfverse: a    ए॒वा प्ल॒तेः सू॒नुर॑वीवृधद्वो॒ विश्व॑ आदित्या अदिते मनी॒षी ।
   ए॒वा प्ल॒तेः सू॒नुर॑वीवृधद्वो
   ए॒व+ प्ल॒तेः सू॒नुः अ॑वीवृधत् वः
   ए॒वा प्ल॒तेः सू॒नुर् अवीवृधद् वो

Halfverse: b    विश्व॑ आदित्या अदिते मनी॒षी ।
   विश्वे आदित्याः अदिते मनी॒षी ।
   विश्व आदित्या अदिते मनी॒षी ।

Halfverse: c    ई॑शा॒नासो॒ नरो॒ अम॑र्त्ये॒नास्ता॑वि॒ जनो॑ दि॒व्यो गये॑न ।।
   ई॑शा॒नासो॒ नरो॒ अम॑र्त्येन
   ईशा॒नासः नरः अम॑र्त्येन
   ईशा॒नासो नरो अम॑र्तियेन

Halfverse: d     अस्ता॑वि॒ जनो॑ दि॒व्यो गये॑न ।।
   अस्ता॑वि जनः दि॒व्यः गये॑न ।।
   अस्ता॑वि जनो दिवि॒यो गये॑न ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.