TITUS
Rg-Veda: Rg-Veda-Samhita
Part No. 904
Previous part

Hymn: 67_(893) 
Verse: 1 
Halfverse: a    इ॒मां धियं॑ स॒प्तशी॑र्ष्णीम्पि॒ता न॑ ऋ॒तप्र॑जाताम्बृह॒तीम॑विन्दत् ।
   इ॒मां धियं॑ स॒प्तशी॑र्ष्णीम्पि॒ता न
   इ॒माम् धिय॑म् स॒प्तशी॑र्ष्णीम् पि॒ता नः
   इ॒मां धियं स॒प्तशी॑र्ष्णीम् पि॒ता न

Halfverse: b    ऋ॒तप्र॑जाताम्बृह॒तीम॑विन्दत् ।
   ऋ॒तप्र॑जाताम् बृह॒तीम् अविन्दत् ।
   ऋ॒तप्र॑जाताम् बृह॒तीम् अविन्दत् ।

Halfverse: c    तु॒रीयं॑ स्विज्जनयद्वि॒श्वज॑न्यो॒ ऽयास्य॑ उ॒क्थमिन्द्रा॑य॒ शंस॑न् ।।
   तु॒रीयं॑ स्विज्जनयद्वि॒श्वज॑न्यो
   तु॒रीय॑म् स्वित् जनयत् वि॒श्वज॑न्यः
   तु॒रीयं स्विज् जनयद् वि॒श्वज॑न्यो

Halfverse: d    ऽयास्य॑ उ॒क्थमिन्द्रा॑य॒ शंस॑न् ।।
   अ॒यास्यः उ॒क्थम् इन्द्रा॑य शंस॑न् ।।
   अ॒यासि॑य उ॒क्थम् इन्द्रा॑य शंस॑न् ।।


Verse: 2 
Halfverse: a    ऋ॒तं शंस॑न्त ऋ॒जु दीध्या॑ना दि॒वस्पु॒त्रासो॒ असु॑रस्य वी॒राः ।
   ऋ॒तं शंस॑न्त ऋ॒जु दीध्या॑ना
   ऋ॒तम् शंस॑न्तः ऋ॒जु दीध्या॑नाः
   ऋ॒तं शंस॑न्त ऋ॒जु दीधि॑याना

Halfverse: b    दि॒वस्पु॒त्रासो॒ असु॑रस्य वी॒राः ।
   दि॒वः पु॒त्रासः असु॑रस्य वी॒राः ।
   दि॒वस् पु॒त्रासो असु॑रस्य वी॒राः ।

Halfverse: c    विप्र॑म्प॒दमङ्गि॑रसो॒ दधा॑ना य॒ज्ञस्य॒ धाम॑ प्रथ॒मम्म॑नन्त ।।
   विप्र॑म्प॒दमङ्गि॑रसो॒ दधा॑ना
   विप्र॑म् प॒दम् अङ्गि॑रसः दधा॑नाः
   विप्र॑म् प॒दम् अङ्गि॑रसो दधा॑ना

Halfverse: d    य॒ज्ञस्य॒ धाम॑ प्रथ॒मम्म॑नन्त ।।
   य॒ज्ञस्य धाम प्रथ॒मम् मनन्त ।।
   य॒ज्ञस्य धाम प्रथ॒मम् मनन्त ।।


Verse: 3 
Halfverse: a    हं॒सैरि॑व॒ सखि॑भि॒र्वाव॑दद्भिरश्म॒न्मया॑नि॒ नह॑ना॒ व्यस्य॑न् ।
   हं॒सैरि॑व॒ सखि॑भि॒र्वाव॑दद्भिर्
   हं॒सैः इ॑व सखि॑भिः वाव॑दद्भिः
   हं॒सैर् इव सखि॑भिर् वाव॑दद्भिर्

Halfverse: b    अश्म॒न्मया॑नि॒ नह॑ना॒ व्यस्य॑न् ।
   अ॑श्म॒न्मया॑नि नह॑ना व्यस्य॑न् ।
   अ॑श्म॒न्मया॑नि नह॑ना विअस्य॑न् ।

Halfverse: c    बृह॒स्पति॑रभि॒कनि॑क्रद॒द्गा उ॒त प्रास्तौ॒दुच्च॑ वि॒द्वाँ अ॑गायत् ।।
   बृह॒स्पति॑रभि॒कनि॑क्रद॒द्गा
   बृह॒स्पतिः अभि॒कनि॑क्रदत् गाः
   बृह॒स्पति॑र् अभि॒कनि॑क्रदद् गा

Halfverse: d    उ॒त प्रास्तौ॒दुच्च॑ वि॒द्वाँ अ॑गायत् ।।
   उ॒त प्र अ॑स्तौत् उत् च वि॒द्वान् अगायत् ।।
   उ॒त प्रास्तौ॑द् उच् च वि॒द्वाँ अ॑गायत् ।।


Verse: 4 
Halfverse: a    अ॒वो द्वाभ्या॑म्प॒र एक॑या॒ गा गुहा॒ तिष्ठ॑न्ती॒रनृ॑तस्य॒ सेतौ॑ ।
   अ॒वो द्वाभ्या॑म्प॒र एक॑या॒ गा
   अ॒वः द्वाभ्या॑म् प॒रः एक॑या गाः
   अ॒वो दु॒वाभ्या॑म् प॒र एक॑या गा

Halfverse: b    गुहा॒ तिष्ठ॑न्ती॒रनृ॑तस्य॒ सेतौ॑ ।
   गुहा तिष्ठ॑न्तीः अनृ॑तस्य सेतौ ।
   गुहा तिष्ठ॑न्तीर् अनृ॑तस्य सेतौ ।

Halfverse: c    बृह॒स्पति॒स्तम॑सि॒ ज्योति॑रि॒छन्नुदु॒स्रा आक॒र्वि हि ति॒स्र आवः॑ ।।
   बृह॒स्पति॒स्तम॑सि॒ ज्योति॑रि॒छन्न्
   बृह॒स्पतिः तम॑सि ज्योतिः इ॒छन्
   बृह॒स्पति॑स् तम॑सि ज्योति॑र् इ॒छन्न्

Halfverse: d    उदु॒स्रा आक॒र्वि हि ति॒स्र आवः॑ ।।
   उत् उ॒स्राः आ अ॑कर् वि हि ति॒स्रः आव॑र् ।।
   उद् उ॒स्रा आक॑र् वि हि ति॒स्र आवः ।।


Verse: 5 
Halfverse: a    वि॒भिद्या॒ पुरं॑ श॒यथे॒मपा॑चीं॒ निस्त्रीणि॑ सा॒कमु॑द॒धेर॑कृन्तत् ।
   वि॒भिद्या॒ पुरं॑ श॒यथे॒मपा॑चीं
   वि॒भिद्य+ पुर॑म् श॒यथा ईम् अपा॑चीम्
   वि॒भिद्या पुरं श॒यथे॑म् अपा॑चीं

Halfverse: b    निस्त्रीणि॑ सा॒कमु॑द॒धेर॑कृन्तत् ।
   निः त्रीणि सा॒कम् उद॒धेः अ॑कृन्तत् ।
   निस् त्रीणि सा॒कम् उद॒धेर् अकृन्तत् ।

Halfverse: c    बृह॒स्पति॑रु॒षसं॒ सूर्यं॒ गाम॒र्कं वि॑वेद स्त॒नय॑न्निव॒ द्यौः ।।
   बृह॒स्पति॑रु॒षसं॒ सूर्यं॒ गाम्
   बृह॒स्पतिः उ॒षस॑म् सूर्य॑म् गाम्
   बृह॒स्पति॑र् उ॒षसं सूरि॑यं गाम्

Halfverse: d    अ॒र्कं वि॑वेद स्त॒नय॑न्निव॒ द्यौः ।।
   अ॒र्कम् विवेद स्त॒नय॑न् इव द्यौः ।।
   अ॒र्कं वि॑वेद स्त॒नय॑न्न् इव द्यौः ।।


Verse: 6 
Halfverse: a    इन्द्रो॑ व॒लं र॑क्षि॒तारं॒ दुघा॑नां क॒रेणे॑व॒ वि च॑कर्ता॒ रवे॑ण ।
   इन्द्रो॑ व॒लं र॑क्षि॒तारं॒ दुघा॑नां
   इन्द्रः व॒लम् रक्षि॒तार॑म् दुघा॑नाम्
   इन्द्रो व॒लं र॑क्षि॒तारं दुघा॑नां

Halfverse: b    क॒रेणे॑व॒ वि च॑कर्ता॒ रवे॑ण ।
   क॒रेण इव वि च॑कर्त+ रवे॑ण ।
   क॒रेणे॑व वि च॑कर्ता रवे॑ण ।

Halfverse: c    स्वेदा॑ञ्जिभिरा॒शिर॑मि॒छमा॒नो ऽरो॑दयत्प॒णिमा गा अ॑मुष्णात् ।।
   स्वेदा॑ञ्जिभिरा॒शिर॑मि॒छमा॒नो
   स्वेदा॑ञ्जिभिः आ॒शिर॑म् इ॒छमा॑नः
   स्वेदा॑ञ्जिभिर् आ॒शिर॑म् इ॒छमा॑नो

Halfverse: d    ऽरोदयत्प॒णिमा गा अ॑मुष्णात् ।।
   अरो॑दयत् प॒णिम् आ गाः अ॑मुष्णात् ।।
   अरो॑दयत् प॒णिम् आ गा अ॑मुष्णात् ।।


Verse: 7 
Halfverse: a    स ईं॑ स॒त्येभिः॒ सखि॑भिः शु॒चद्भि॒र्गोधा॑यसं॒ वि ध॑न॒सैर॑दर्दः ।
   स ईं॑ स॒त्येभिः॒ सखि॑भिः शु॒चद्भि॑र्
   सः ।!। ई॑म् स॒त्येभिः सखि॑भिः शु॒चद्भिः
   स ईं स॒त्येभिः सखि॑भिः शु॒चद्भि॑र्

Halfverse: b    गोधा॑यसं॒ वि ध॑न॒सैर॑दर्दः ।
   गोधा॑यसम् वि ध॑न॒सैः अ॑दर्दर् ।
   गोधा॑यसं वि ध॑न॒सैर् अदर्दः ।

Halfverse: c    ब्रह्म॑ण॒स्पति॒र्वृष॑भिर्व॒राहै॑र्घ॒र्मस्वे॑देभि॒र्द्रवि॑णं॒ व्या॑नट् ।।
   ब्रह्म॑ण॒स्पति॒र्वृष॑भिर्व॒राहै॑र्
   ब्रह्म॑णः पतिः वृष॑भिः व॒राहैः
   ब्रह्म॑णस् पति॑र् वृष॑भिर् व॒राहै॑र्

Halfverse: d    घ॒र्मस्वे॑देभि॒र्द्रवि॑णं॒ व्या॑नट् ।।
   घ॒र्मस्वे॑देभिः द्रवि॑णम् वि आ॑नट् ।।
   घ॒र्मस्वे॑देभिर् द्रवि॑णं वि आ॑नट् ।।


Verse: 8 
Halfverse: a    ते स॒त्येन॒ मन॑सा॒ गोप॑तिं॒ गा इ॑या॒नास॑ इषणयन्त धी॒भिः ।
   ते स॒त्येन॒ मन॑सा॒ गोप॑तिं॒ गा
   ते स॒त्येन मन॑सा गोप॑तिम् गाः
   ते स॒त्येन मन॑सा गोप॑तिं गा

Halfverse: b    इ॑या॒नास॑ इषणयन्त धी॒भिः ।
   इ॑या॒नासः इषणयन्त धी॒भिः ।
   इ॑या॒नास इषणयन्त धी॒भिः ।

Halfverse: c    बृह॒स्पति॑र्मिथोअवद्यपेभि॒रुदु॒स्रिया॑ असृजत स्व॒युग्भिः॑ ।।
   बृह॒स्पति॑र्मिथोअवद्यपेभिर्
   बृह॒स्पतिः मिथोअवद्यपेभिः
   बृह॒स्पति॑र् मिथोअवद्यपेभिर्

Halfverse: d    उदु॒स्रिया॑ असृजत स्व॒युग्भिः॑ ।।
   उत् उ॒स्रियाः असृजत स्व॒युग्भिः ।।
   उद् उ॒स्रिया असृजत स्व॒युग्भिः ।।


Verse: 9 
Halfverse: a    तं व॒र्धय॑न्तो म॒तिभिः॑ शि॒वाभिः॑ सिं॒हमि॑व॒ नान॑दतं स॒धस्थे॑ ।
   तं व॒र्धय॑न्तो म॒तिभिः॑ शि॒वाभिः
   तम् व॒र्धय॑न्तः म॒तिभिः शि॒वाभिः
   तं व॒र्धय॑न्तो म॒तिभिः शि॒वाभिः

Halfverse: b    सिं॒हमि॑व॒ नान॑दतं स॒धस्थे॑ ।
   सिं॒हम् इव नान॑दतम् स॒धस्थे ।
   सिं॒हम् इव नान॑दतं स॒धस्थे ।

Halfverse: c    बृह॒स्पतिं॒ वृष॑णं॒ शूर॑सातौ॒ भरे॑भरे॒ अनु॑ मदेम जि॒ष्णुम् ।।
   बृह॒स्पतिं॒ वृष॑णं॒ शूर॑सातौ
   बृह॒स्पति॑म् वृष॑णम् शूर॑सातौ
   बृह॒स्पतिं वृष॑णं शूर॑सातौ

Halfverse: d    भरे॑भरे॒ अनु॑ मदेम जि॒ष्णुम् ।।
   भरे॑भरे अनु मदेम जि॒ष्णुम् ।।
   भरे॑भरे अनु मदेम जि॒ष्णुम् ।।


Verse: 10 
Halfverse: a    य॒दा वाज॒मस॑नद्वि॒श्वरू॑प॒मा द्यामरु॑क्ष॒दुत्त॑राणि॒ सद्म॑ ।
   य॒दा वाज॒मस॑नद्वि॒श्वरू॑पम्
   य॒दा वाज॑म् अस॑नत् वि॒श्वरू॑पम्
   य॒दा वाज॑म् अस॑नद् वि॒श्वरू॑पम्

Halfverse: b    आ द्यामरु॑क्ष॒दुत्त॑राणि॒ सद्म॑ ।
   आ द्याम् अरु॑क्षत् उत्त॑राणि सद्म ।
   आ द्याम् अरु॑क्षद् उत्त॑राणि सद्म ।

Halfverse: c    बृह॒स्पतिं॒ वृष॑णं व॒र्धय॑न्तो॒ नाना॒ सन्तो॒ बिभ्र॑तो॒ ज्योति॑रा॒सा ।।
   बृह॒स्पतिं॒ वृष॑णं व॒र्धय॑न्तो
   बृह॒स्पति॑म् वृष॑णम् व॒र्धय॑न्तः
   बृह॒स्पतिं वृष॑णं व॒र्धय॑न्तो

Halfverse: d    नाना॒ सन्तो॒ बिभ्र॑तो॒ ज्योति॑रा॒सा ।।
   नाना सन्तः बिभ्र॑तः ज्योतिः आ॒सा ।।
   नाना सन्तो बिभ्र॑तो ज्योति॑र् आ॒सा ।।


Verse: 11 
Halfverse: a    स॒त्यामा॒शिषं॑ कृणुता वयो॒धै की॒रिं चि॒द्ध्यव॑थ॒ स्वेभि॒रेवैः॑ ।
   स॒त्यामा॒शिषं॑ कृणुता वयो॒धै
   स॒त्याम् आ॒शिष॑म् कृणुत+ वयो॒धै
   स॒त्याम् आ॒शिषं कृणुता वयो॒धै

Halfverse: b    की॒रिं चि॒द्ध्यव॑थ॒ स्वेभि॒रेवैः॑ ।
   की॒रिम् चित् हि अव॑थ स्वेभिः एवैः ।
   की॒रिं चि॑द् धि अव॑थ स्वेभि॑र् एवैः ।

Halfverse: c    प॒श्चा मृधो॒ अप॑ भवन्तु॒ विश्वा॒स्तद्रो॑दसी शृणुतं विश्वमि॒न्वे ।।
   प॒श्चा मृधो॒ अप॑ भवन्तु॒ विश्वा॑स्
   प॒श्चा मृधः अप भवन्तु विश्वाः
   प॒श्चा मृधो अप भवन्तु विश्वा॑स्

Halfverse: d    तद्रो॑दसी शृणुतं विश्वमि॒न्वे ।।
   तत् रोदसी शृणुतम् विश्वमि॒न्वे ।।
   तद् रोदसी शृणुतं विश्वमि॒न्वे ।।


Verse: 12 
Halfverse: a    इन्द्रो॑ म॒ह्ना म॑ह॒तो अ॑र्ण॒वस्य॒ वि मू॒र्धान॑मभिनदर्बु॒दस्य॑ ।
   इन्द्रो॑ म॒ह्ना म॑ह॒तो अ॑र्ण॒वस्य
   इन्द्रः म॒ह्ना म॑ह॒तः अ॑र्ण॒वस्य
   इन्द्रो म॒ह्ना म॑ह॒तो अ॑र्ण॒वस्य

Halfverse: b    वि मू॒र्धान॑मभिनदर्बु॒दस्य॑ ।
   वि मू॒र्धान॑म् अभिनत् अर्बु॒दस्य ।
   वि मू॒र्धान॑म् अभिनद् अर्बु॒दस्य ।

Halfverse: c    अह॒न्नहि॒मरि॑णात्स॒प्त सिन्धू॑न्दे॒वैर्द्या॑वापृथिवी॒ प्राव॑तं नः ।।
   अह॒न्नहि॒मरि॑णात्स॒प्त सिन्धू॑न्
   अह॑न् अहि॑म् अरि॑णात् स॒प्त सिन्धू॑न्
   अह॑न्न् अहि॑म् अरि॑णात् स॒प्त सिन्धू॑न्

Halfverse: d    दे॒वैर्द्या॑वापृथिवी॒ प्राव॑तं नः ।।
   दे॒वैः द्या॑वापृथिवी प्र अ॑वतम् नः ।।
   दे॒वैर् द्यावापृथिवी प्राव॑तं नः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.