TITUS
Rg-Veda: Rg-Veda-Samhita
Part No. 905
Previous part

Hymn: 68_(894) 
Verse: 1 
Halfverse: a    उ॑द॒प्रुतो॒ न वयो॒ रक्ष॑माणा॒ वाव॑दतो अ॒भ्रिय॑स्येव॒ घोषाः॑ ।
   उ॑द॒प्रुतो॒ न वयो॒ रक्ष॑माणा
   उद॒प्रुतः न वयः रक्ष॑माणाः
   उद॒प्रुतो न वयो रक्ष॑माणा

Halfverse: b    वाव॑दतो अ॒भ्रिय॑स्येव॒ घोषाः॑ ।
   वाव॑दतः अ॒भ्रिय॑स्य इव घोषाः ।
   वाव॑दतो अ॒भ्रिय॑स्येव घोषाः ।

Halfverse: c    गि॑रि॒भ्रजो॒ नोर्मयो॒ मद॑न्तो॒ बृह॒स्पति॑म॒भ्य॒र्का अ॑नावन् ।।
   गि॑रि॒भ्रजो॒ नोर्मयो॒ मद॑न्तो
   गिरि॒भ्रजः न ऊ॒र्मयः मद॑न्तः
   गिरि॒भ्रजो न ऊ॒र्मयो मद॑न्तो

Halfverse: d    बृह॒स्पति॑म॒भ्य॒र्का अ॑नावन् ।।
   बृह॒स्पति॑म् अ॒भि अ॒र्काः अ॑नावन् ।।
   बृह॒स्पति॑म् अ॒भि अ॒र्का अ॑नावन् ।।


Verse: 2 
Halfverse: a    सं गोभि॑राङ्गिर॒सो नक्ष॑माणो॒ भग॑ इ॒वेद॑र्य॒मणं॑ निनाय ।
   सं गोभि॑राङ्गिर॒सो नक्ष॑माणो
   सम् गोभिः आङ्गिर॒सः नक्ष॑माणः
   सं गोभि॑र् आङ्गिर॒सो नक्ष॑माणो

Halfverse: b    भग॑ इ॒वेद॑र्य॒मणं॑ निनाय ।
   भगः इव इत् अर्य॒मण॑म् निनाय ।
   भग इ॒वेद् अर्य॒मणं निनाय ।

Halfverse: c    जने॑ मि॒त्रो न दम्प॑ती अनक्ति॒ बृह॑स्पते वा॒जया॒शूँरि॑वा॒जौ ।।
   जने॑ मि॒त्रो न दम्प॑ती अनक्ति
   जने मि॒त्रः न दम्प॑ती अनक्ति
   जने मि॒त्रो न दम्प॑ती अनक्ति

Halfverse: d    बृह॑स्पते वा॒जया॒शूँरि॑वा॒जौ ।।
   बृह॑स्पते वा॒जय आ॒शून् इव आ॒जौ ।।
   बृह॑स्पते वा॒जया॒शूँर् इवा॒जौ ।।


Verse: 3 
Halfverse: a    सा॑ध्व॒र्या अ॑ति॒थिनी॑रिषि॒रा स्पा॒र्हाः सु॒वर्णा॑ अनव॒द्यरू॑पाः ।
   सा॑ध्व॒र्या अ॑ति॒थिनी॑रिषि॒रा
   सा॑ध्व॒र्याः अ॑ति॒थिनीः इषि॒राः
   सा॑धुअ॒र्या अ॑ति॒थिनी॑र् इषि॒रा

Halfverse: b    स्पा॒र्हाः सु॒वर्णा॑ अनव॒द्यरू॑पाः ।
   स्पा॒र्हाः सु॒वर्णाः अनव॒द्यरू॑पाः ।
   स्पा॒र्हाः सु॒वर्णा अनव॒द्यरू॑पाः ।

Halfverse: c    बृह॒स्पतिः॒ पर्व॑तेभ्यो वि॒तूर्या॒ निर्गा ऊ॑पे॒ यव॑मिव स्थि॒विभ्यः॑ ।।
   बृह॒स्पतिः॒ पर्व॑तेभ्यो वि॒तूर्या
   बृह॒स्पतिः पर्व॑तेभ्यः वि॒तूर्य+
   बृह॒स्पतिः पर्व॑तेभ्यो वि॒तूर्या

Halfverse: d    निर्गा ऊ॑पे॒ यव॑मिव स्थि॒विभ्यः॑ ।।
   निः गाः ऊ॑पे यव॑म् इव स्थि॒विभ्यः ।।
   निर् गा ऊ॑पे यव॑म् इव स्थि॒विभ्यः ।।


Verse: 4 
Halfverse: a    आ॑प्रुषा॒यन्मधु॑न ऋ॒तस्य॒ योनि॑मवक्षि॒पन्न॒र्क उ॒ल्कामि॑व॒ द्योः ।
   आ॑प्रुषा॒यन्मधु॑न ऋ॒तस्य॒ योनि॑म्
   आप्रुषा॒यन् मधु॑ना ऋ॒तस्य योनि॑म्
   आप्रुषा॒यन् मधु॑न र्तस्य योनि॑म्

Halfverse: b    अवक्षि॒पन्न॒र्क उ॒ल्कामि॑व॒ द्योः ।
   अ॑वक्षि॒पन् अ॒र्कः उ॒ल्काम् इव द्योः ।
   अ॑वक्षि॒पन्न् अ॒र्क उ॒ल्काम् इव द्योः ।

Halfverse: c    बृह॒स्पति॑रु॒द्धर॒न्नश्म॑नो॒ गा भूम्या॑ उ॒द्नेव॒ वि त्वच॑म्बिभेद ।।
   बृह॒स्पति॑रु॒द्धर॒न्नश्म॑नो॒ गा
   बृह॒स्पतिः उ॒द्धर॑न् अश्म॑नः गाः
   बृह॒स्पति॑र् उ॒द्धर॑न्न् अश्म॑नो गा

Halfverse: d    भूम्या॑ उ॒द्नेव॒ वि त्वच॑म्बिभेद ।।
   भूम्याः उ॒द्ना इ॑व वि त्वच॑म् बिभेद ।।
   भूम्या उ॒द्नेव वि त्वच॑म् बिभेद ।।


Verse: 5 
Halfverse: a    अप॒ ज्योति॑षा॒ तमो॑ अ॒न्तरि॑क्षादु॒द्नः शीपा॑लमिव॒ वात॑ आजत् ।
   अप॒ ज्योति॑षा॒ तमो॑ अ॒न्तरि॑क्षाद्
   अप ज्योति॑षा तमः अ॒न्तरि॑क्षात्
   अप ज्योति॑षा तमो अ॒न्तरि॑क्षाद्

Halfverse: b    उ॒द्नः शीपा॑लमिव॒ वात॑ आजत् ।
   उ॒द्नः शीपा॑लम् इव वातः आजत् ।
   उ॒द्नः शीपा॑लम् इव वात आजत् ।

Halfverse: c    बृह॒स्पति॑रनु॒मृश्या॑ व॒लस्या॒भ्रमि॑व॒ वात॒ आ च॑क्र॒ आ गाः ।।
   बृह॒स्पति॑रनु॒मृश्या॑ व॒लस्य
   बृह॒स्पतिः अनु॒मृश्य+ व॒लस्य
   बृह॒स्पति॑र् अनु॒मृश्या व॒लस्य

Halfverse: d     ॑अ॒भ्रमि॑व॒ वात॒ आ च॑क्र॒ आ गाः ।।
   अ॒भ्रम् इव वातः आ च॑क्रे आ गाः ।।
   अ॒भ्रम् इव वात आ च॑क्र आ गाः ।।


Verse: 6 
Halfverse: a    य॒दा व॒लस्य॒ पीय॑तो॒ जसु॒म्भेद्बृह॒स्पति॑रग्नि॒तपो॑भिर॒र्कैः ।
   य॒दा व॒लस्य॒ पीय॑तो॒ जसु॒म्भेद्
   य॒दा व॒लस्य पीय॑तः जसु॑म् भेत्
   य॒दा व॒लस्य पीय॑तो जसु॑म् भेद्

Halfverse: b    बृह॒स्पति॑रग्नि॒तपो॑भिर॒र्कैः ।
   बृह॒स्पतिः अग्नि॒तपो॑भिः अ॒र्कैः ।
   बृह॒स्पति॑र् अग्नि॒तपो॑भिर् अ॒र्कैः ।

Halfverse: c    द॒द्भिर्न जि॒ह्वा परि॑विष्ट॒माद॑दा॒विर्नि॒धीँर॑कृणोदु॒स्रिया॑णाम् ।।
   द॒द्भिर्न जि॒ह्वा परि॑विष्ट॒माद॑द्
   द॒द्भिः न जि॒ह्वा परि॑विष्टम् आ ! अ॑दत् !
   द॒द्भिर् न जि॒ह्वा परि॑विष्टम् आद॑द्

Halfverse: d    आ॒विर्नि॒धीँर॑कृणोदु॒स्रिया॑णाम् ।।
   आ॒विः नि॒धीन् अकृणोत् उ॒स्रिया॑णाम् ।।
   आ॒विर् नि॒धीँर् अकृणोद् उ॒स्रिया॑णाम् ।।


Verse: 7 
Halfverse: a    बृह॒स्पति॒रम॑त॒ हि त्यदा॑सां॒ नाम॑ स्व॒रीणां॒ सद॑ने॒ गुहा॒ यत् ।
   बृह॒स्पति॒रम॑त॒ हि त्यदा॑सां
   बृह॒स्पतिः अम॑त हि त्यत् आसाम्
   बृह॒स्पति॑र् अम॑त हि त्यद् आसां

Halfverse: b    नाम॑ स्व॒रीणां॒ सद॑ने॒ गुहा॒ यत् ।
   नाम स्व॒रीणा॑म् सद॑ने गुहा यत् ।
   नाम स्व॒रीणां सद॑ने गुहा यत् ।

Halfverse: c    आ॒ण्डेव॑ भि॒त्त्वा श॑कु॒नस्य॒ गर्भ॒मुदु॒स्रियाः॒ पर्व॑तस्य॒ त्मना॑जत् ।।
   आ॒ण्डेव॑ भि॒त्त्वा श॑कु॒नस्य॒ गर्भ॑म्
   आ॒ण्डा इ॑व भि॒त्त्वा श॑कु॒नस्य गर्भ॑म्
   आ॒ण्डेव भि॒त्त्वा श॑कु॒नस्य गर्भ॑म्

Halfverse: d    उदु॒स्रियाः॒ पर्व॑तस्य॒ त्मना॑जत् ।।
   उत् उ॒स्रियाः पर्व॑तस्य त्मना आजत् ।।
   उद् उ॒स्रियाः पर्व॑तस्य त्मना॑जत् ।।


Verse: 8 
Halfverse: a    अश्नापि॑नद्ध॒म्मधु॒ पर्य॑पश्य॒न्मत्स्यं॒ न दी॒न उ॒दनि॑ क्षि॒यन्त॑म् ।
   अश्नापि॑नद्ध॒म्मधु॒ पर्य॑पश्यन्
   अश्ना अपि॑नद्धम् मधु परि अपश्यत्
   अश्नापि॑नद्धम् मधु पर्य् अपश्यन्

Halfverse: b    मत्स्यं॒ न दी॒न उ॒दनि॑ क्षि॒यन्त॑म् ।
   मत्स्य॑म् न दी॒ने उ॒दनि क्षि॒यन्त॑म् ।
   मत्स्यं न दी॒न उ॒दनि क्षि॒यन्त॑म् ।

Halfverse: c    निष्टज्ज॑भार चम॒सं न वृ॒क्षाद्बृह॒स्पति॑र्विर॒वेणा॑ वि॒कृत्य॑ ।।
   निष्टज्ज॑भार चम॒सं न वृ॒क्षाद्
   निः तत् जभार चम॒सम् न वृ॒क्षात्
   निष् टज् जभार चम॒सं न वृ॒क्षाद्

Halfverse: d    बृह॒स्पति॑र्विर॒वेणा॑ वि॒कृत्य॑ ।।
   बृह॒स्पतिः विर॒वेण+ वि॒कृत्य ।।
   बृह॒स्पति॑र् विर॒वेणा वि॒कृत्य ।।


Verse: 9 
Halfverse: a    सोषाम॑विन्द॒त्स स्वः॒ सो अ॒ग्निं सो अ॒र्केण॒ वि ब॑बाधे॒ तमां॑सि ।
   सोषाम॑विन्द॒त्स स्वः॒ सो अ॒ग्निं
   स उ॒षाम् अविन्दत् स स्व॑र् सः ।!। अ॒ग्निम्
   सोषाम् अविन्दत् स सुवः सो अ॒ग्निं

Halfverse: b    सो अ॒र्केण॒ वि ब॑बाधे॒ तमां॑सि ।
   सः ।!। अ॒र्केण वि ब॑बाधे तमां॑सि ।
   सो अ॒र्केण वि ब॑बाधे तमां॑सि ।

Halfverse: c    बृह॒स्पति॒र्गोव॑पुषो व॒लस्य॒ निर्म॒ज्जानं॒ न पर्व॑णो जभार ।।
   बृह॒स्पति॒र्गोव॑पुषो व॒लस्य
   बृह॒स्पतिः गोव॑पुषः व॒लस्य
   बृह॒स्पति॑र् गोव॑पुषो व॒लस्य

Halfverse: d    निर्म॒ज्जानं॒ न पर्व॑णो जभार ।।
   निः म॒ज्जान॑म् न पर्व॑णः जभार ।।
   निर् म॒ज्जानं न पर्व॑णो जभार ।।


Verse: 10 
Halfverse: a    हि॒मेव॑ प॒र्णा मु॑षि॒ता वना॑नि॒ बृह॒स्पति॑नाकृपयद्व॒लो गाः ।
   हि॒मेव॑ प॒र्णा मु॑षि॒ता वना॑नि
   हि॒मा इ॑व प॒र्णा मु॑षि॒ता वना॑नि
   हि॒मेव प॒र्णा मु॑षि॒ता वना॑नि

Halfverse: b    बृह॒स्पति॑नाकृपयद्व॒लो गाः ।
   बृह॒स्पति॑ना अकृपयत् व॒लः गाः ।
   बृह॒स्पति॑नाकृपयद् व॒लो गाः ।

Halfverse: c    अ॑नानुकृ॒त्यम॑पु॒नश्च॑कार॒ यात्सूर्या॒मासा॑ मि॒थ उ॒च्चरा॑तः ।।
   अ॑नानुकृ॒त्यम॑पु॒नश्च॑कार
   अनानुकृ॒त्यम् अपु॒नर् चकार
   अनानुकृ॒त्यम् अपु॒नश् चकार

Halfverse: d    यात्सूर्या॒मासा॑ मि॒थ उ॒च्चरा॑तः ।।
   यात् सूर्या॒मासा मि॒थः उ॒च्चरा॑तः ।।
   यात् सूर्या॒मासा मि॒थ उ॒च्चरा॑तः ।।


Verse: 11 
Halfverse: a    अ॒भि श्या॒वं न कृश॑नेभि॒रश्वं॒ नक्ष॑त्रेभिः पि॒तरो॒ द्याम॑पिंशन् ।
   अ॒भि श्या॒वं न कृश॑नेभि॒रश्वं
   अ॒भि श्या॒वम् न कृश॑नेभिः अश्व॑म्
   अ॒भि श्या॒वं न कृश॑नेभिर् अश्वं

Halfverse: b    नक्ष॑त्रेभिः पि॒तरो॒ द्याम॑पिंशन् ।
   नक्ष॑त्रेभिः पि॒तरः द्याम् अपिंशन् ।
   नक्ष॑त्रेभिः पि॒तरो द्याम् अपिंशन् ।

Halfverse: c    रात्र्यां॒ तमो॒ अद॑धु॒र्ज्योति॒रह॒न्बृह॒स्पति॑र्भि॒नदद्रिं॑ वि॒दद्गाः ।।
   रात्र्यां॒ तमो॒ अद॑धु॒र्ज्योति॒रह॑न्
   रात्र्या॑म् तमः अद॑धुः ज्योतिः अह॑न्
   रात्र्यां तमो अद॑धुर् ज्योति॑र् अह॑न्

Halfverse: d    बृह॒स्पति॑र्भि॒नदद्रिं॑ वि॒दद्गाः ।।
   बृह॒स्पतिः भि॒नत् अद्रि॑म् वि॒दत् गाः ।।
   बृह॒स्पति॑र् भि॒नद् अद्रिं वि॒दद् गाः ।।


Verse: 12 
Halfverse: a    इ॒दम॑कर्म॒ नमो॑ अभ्रि॒याय॒ यः पू॒र्वीरन्वा॒नोन॑वीति ।
   इ॒दम॑कर्म॒ नमो॑ अभ्रि॒याय
   इ॒दम् अकर्म नमः अभ्रि॒याय
   इ॒दम् अकर्म नमो अभ्रि॒याय

Halfverse: b    यः पू॒र्वीरन्वा॒नोन॑वीति ।
   यः पू॒र्वीः अनु आ॒नोन॑वीति ।
   यः पू॒र्वीर् ? अनु आ॒नोन॑वीति ।

Halfverse: c    बृह॒स्पतिः॒ स हि गोभिः॒ सो अश्वैः॒ स वी॒रेभिः॒ स नृभि॑र्नो॒ वयो॑ धात् ।।
   बृह॒स्पतिः॒ स हि गोभिः॒ सो अश्वैः
   बृह॒स्पतिः स हि गोभिः सः ।!। अश्वैः
   बृह॒स्पतिः स हि गोभिः सो अश्वैः

Halfverse: d    स वी॒रेभिः॒ स नृभि॑र्नो॒ वयो॑ धात् ।।
   स वी॒रेभिः स नृभिः नः वयः धात् ।।
   स वी॒रेभिः स नृभि॑र् नो वयो धात् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.