TITUS
Rg-Veda: Rg-Veda-Samhita
Part No. 909
Previous part

Hymn: 72_(898) 
Verse: 1 
Halfverse: a    दे॒वानां॒ नु व॒यं जाना॒ प्र वो॑चाम विप॒न्यया॑ ।
   दे॒वानां॒ नु व॒यं जाना
   दे॒वाना॑म् नु व॒यम् जाना
   दे॒वानां नु व॒यं जाना

Halfverse: b    प्र वो॑चाम विप॒न्यया॑ ।
   प्र वो॑चाम विप॒न्यया ।
   प्र वो॑चाम विप॒न्यया ।

Halfverse: c    उ॒क्थेषु॑ श॒स्यमा॑नेषु॒ यः पश्या॒दुत्त॑रे यु॒गे ।।
   उ॒क्थेषु॑ श॒स्यमा॑नेषु
   उ॒क्थेषु श॒स्यमा॑नेषु
   उ॒क्थेषु श॒स्यमा॑नेषु

Halfverse: d    यः पश्या॒दुत्त॑रे यु॒गे ।।
   यः पश्या॑त् उत्त॑रे यु॒गे ।।
   यः पश्या॑द् उत्त॑रे यु॒गे ।।


Verse: 2 
Halfverse: a    ब्रह्म॑ण॒स्पति॑रे॒ता सं क॒र्मार॑ इवाधमत् ।
   ब्रह्म॑ण॒स्पति॑रे॒ता
   ब्रह्म॑णः पतिः ए॒ता
   ब्रह्म॑णस् पति॑र् ए॒ता

Halfverse: b    सं क॒र्मार॑ इवाधमत् ।
   सम् क॒र्मारः इव अधमत् ।
   सं क॒र्मार इवाधमत् ।

Halfverse: c    दे॒वाना॑म्पू॒र्व्ये यु॒गे ऽस॑तः॒ सद॑जायत ।।
   दे॒वाना॑म्पू॒र्व्ये यु॒गे
   दे॒वाना॑म् पू॒र्व्ये यु॒गे
   दे॒वाना॑म् पूर्वि॒ये यु॒गे

Halfverse: d    ऽस॑तः॒ सद॑जायत ।।
   अस॑तः सत् अजायत ।।
   अस॑तः सद् अजायत ।।


Verse: 3 
Halfverse: a    दे॒वानां॑ यु॒गे प्र॑थ॒मे ऽस॑तः॒ सद॑जायत ।
   दे॒वानां॑ यु॒गे प्र॑थ॒मे
   दे॒वाना॑म् यु॒गे प्र॑थ॒मे
   दे॒वानां यु॒गे प्र॑थ॒मे

Halfverse: b    ऽस॑तः॒ सद॑जायत ।
   अस॑तः सत् अजायत ।
   अस॑तः सद् अजायत ।

Halfverse: c    तदाशा॒ अन्व॑जायन्त॒ तदु॑त्ता॒नप॑द॒स्परि॑ ।।
   तदाशा॒ अन्व॑जायन्त
   तत् आशाः अनु अजायन्त
   तद् आशा अन्व् अजायन्त

Halfverse: d    तदु॑त्ता॒नप॑द॒स्परि॑ ।।
   तत् उत्ता॒नप॑दः परि ।।
   तद् उत्ता॒नप॑दस् परि ।।


Verse: 4 
Halfverse: a    भूर्ज॑ज्ञ उत्ता॒नप॑दो भु॒व आशा॑ अजायन्त ।
   भूर्ज॑ज्ञ उत्ता॒नप॑दो
   भूः ज॑ज्ञे उत्ता॒नप॑दः
   भूर् जज्ञ उत्ता॒नप॑दो

Halfverse: b    भु॒व आशा॑ अजायन्त ।
   भु॒वः आशाः अजायन्त ।
   भु॒व आशा अजायन्त ।

Halfverse: c    अदि॑ते॒र्दक्षो॑ अजायत॒ दक्षा॒द्वदि॑तिः॒ परि॑ ।।
   अदि॑ते॒र्दक्षो॑ अजायत
   अदि॑तेः दक्षः अजायत
   अदि॑तेर् दक्षो ऽजायत !

Halfverse: d    दक्षा॒द्वदि॑तिः॒ परि॑ ।।
   दक्षा॑त् उ अदि॑तिः परि ।।
   दक्षा॑द् उ अदि॑तिः परि ।।


Verse: 5 
Halfverse: a    अदि॑ति॒र्ह्यज॑निष्ट॒ दक्ष॒ या दु॑हि॒ता तव॑ ।
   अदि॑ति॒र्ह्यज॑निष्ट
   अदि॑तिः हि अज॑निष्ट
   अदि॑तिर् हि अज॑निष्ट

Halfverse: b    दक्ष॒ या दु॑हि॒ता तव॑ ।
   दक्ष या दु॑हि॒ता तव ।
   दक्ष या दु॑हि॒ता तव ।

Halfverse: c    तां दे॒वा अन्व॑जायन्त भ॒द्रा अ॒मृत॑बन्धवः ।।
   तां दे॒वा अन्व॑जायन्त
   ताम् दे॒वाः अनु अजायन्त
   तां दे॒वा अन्व् अजायन्त

Halfverse: d    भ॒द्रा अ॒मृत॑बन्धवः ।।
   भ॒द्राः अ॒मृत॑बन्धवः ।।
   भ॒द्रा अ॒मृत॑बन्धवः ।।


Verse: 6 
Halfverse: a    यद्दे॑वा अ॒दः स॑लि॒ले सुसं॑रब्धा॒ अति॑ष्ठत ।
   यद्दे॑वा अ॒दः स॑लि॒ले
   यत् देवाः अ॒दः स॑लि॒ले
   यद् देवा अ॒दः स॑लि॒ले

Halfverse: b    सुसं॑रब्धा॒ अति॑ष्ठत ।
   सुसं॑रब्धाः अति॑ष्ठत ।
   सुसं॑रब्धा अति॑ष्ठत ।

Halfverse: c    अत्रा॑ वो॒ नृत्य॑तामिव ती॒व्रो रे॒णुरपा॑यत ।।
   अत्रा॑ वो॒ नृत्य॑तामिव
   अत्र+ वः नृत्य॑ताम् इव
   अत्रा वो नृत्य॑ताम् इव

Halfverse: d    ती॒व्रो रे॒णुरपा॑यत ।।
   ती॒व्रः रे॒णुः अप आयत ।।
   ती॒व्रो रे॒णुर् अपा॑यत ।।


Verse: 7 
Halfverse: a    यद्दे॑वा॒ यत॑यो यथा॒ भुव॑ना॒न्यपि॑न्वत ।
   यद्दे॑वा॒ यत॑यो यथा ।!।
   यत् देवाः यत॑यः यथा
   यद् देवा यत॑यो यथा

Halfverse: b    भुव॑ना॒न्यपि॑न्वत ।
   भुव॑नानि अपि॑न्वत ।
   भुव॑नानि अपि॑न्वत ।

Halfverse: c    अत्रा॑ समु॒द्र आ गू॒ऴमा सूर्य॑मजभर्तन ।।
   अत्रा॑ समु॒द्र आ गू॒ऴम्
   अत्र+ समु॒द्रे आ गू॒ऴम्
   अत्रा समु॒द्र आ गू॒ऴम्

Halfverse: d    आ सूर्य॑मजभर्तन ।।
   आ सूर्य॑म् अजभर्तन ।।
   आ सूर्य॑म् अजभर्तन ।।


Verse: 8 
Halfverse: a    अ॒ष्टौ पु॒त्रासो॒ अदि॑ते॒र्ये जा॒तास्त॒न्व॒स्परि॑ ।
   अ॒ष्टौ पु॒त्रासो॒ अदि॑तेर्
   अ॒ष्टौ पु॒त्रासः अदि॑तेः
   अ॒ष्टौ पु॒त्रासो अदि॑तेर्

Halfverse: b    ये जा॒तास्त॒न्व॒स्परि॑ ।
   ये जा॒ताः त॒न्वः परि ।
   ये जा॒तास् त॒नुव॑स् परि ।

Halfverse: c    दे॒वाँ उप॒ प्रैत्स॒प्तभिः॒ परा॑ मार्ता॒ण्डमा॑स्यत् ।।
   दे॒वाँ उप॒ प्रैत्स॒प्तभिः
   दे॒वान् उप प्र ऐ॑त् स॒प्तभिः
   दे॒वाँ उप प्रैत् स॒प्तभिः

Halfverse: d    परा॑ मार्ता॒ण्डमा॑स्यत् ।।
   परा मार्ता॒ण्डम् आस्यत् ।।
   परा मार्ता॒ण्डम् आसियत् ।।


Verse: 9 
Halfverse: a    स॒प्तभिः॑ पु॒त्रैरदि॑ति॒रुप॒ प्रैत्पू॒र्व्यं यु॒गम् ।
   स॒प्तभिः॑ पु॒त्रैरदि॑तिर्
   स॒प्तभिः पु॒त्रैः अदि॑तिः
   स॒प्तभिः पु॒त्रैर् अदि॑तिर्

Halfverse: b    उप॒ प्रैत्पू॒र्व्यं यु॒गम् ।
   उप प्र ऐ॑त् पू॒र्व्यम् यु॒गम् ।
   उप प्रैत् पूर्वि॒यं यु॒गम् ।

Halfverse: c    प्र॒जायै॑ मृ॒त्यवे॑ त्व॒त्पुन॑र्मार्ता॒ण्डमाभ॑रत् ।।
   प्र॒जायै॑ मृ॒त्यवे॑ त्वत्
   प्र॒जायै मृ॒त्यवे त्वत्
   प्र॒जायै मृ॒त्यवे तुवत्

Halfverse: d    पुन॑र्मार्ता॒ण्डमाभ॑रत् ।।
   पुन॑र् मार्ता॒ण्डम् आ अ॑भरत् ।।
   पुन॑र् मार्ता॒ण्डम् आभ॑रत् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.