TITUS
Rg-Veda: Rg-Veda-Samhita
Part No. 910
Previous part

Hymn: 73_(899) 
Verse: 1 
Halfverse: a    जनि॑ष्ठा उ॒ग्रः सह॑से तु॒राय॑ म॒न्द्र ओजि॑ष्ठो बहु॒लाभि॑मानः ।
   जनि॑ष्ठा उ॒ग्रः सह॑से तु॒राय
   जनि॑ष्ठाः उ॒ग्रः सह॑से तु॒राय
   जनि॑ष्ठा उ॒ग्रः सह॑से तु॒राय

Halfverse: b    म॒न्द्र ओजि॑ष्ठो बहु॒लाभि॑मानः ।
   म॒न्द्रः ओजि॑ष्ठः बहु॒लाभि॑मानः ।
   म॒न्द्र ओजि॑ष्ठो बहु॒लाभि॑मानः ।

Halfverse: c    अव॑र्ध॒न्निन्द्र॑म्म॒रुत॑श्चि॒दत्र॑ मा॒ता यद्वी॒रं द॒धन॒द्धनि॑ष्ठा ।।
   अव॑र्ध॒न्निन्द्र॑म्म॒रुत॑श्चि॒दत्र
   अव॑र्धन् इन्द्र॑म् म॒रुतः चित् अत्र
   अव॑र्धन्न् इन्द्र॑म् म॒रुत॑श् चिद् अत्र

Halfverse: d    मा॒ता यद्वी॒रं द॒धन॒द्धनि॑ष्ठा ।।
   मा॒ता यत् वी॒रम् द॒धन॑त् धनि॑ष्ठा ।।
   मा॒ता यद् वी॒रं द॒धन॑द् धनि॑ष्ठा ।।


Verse: 2 
Halfverse: a    द्रु॒हो निष॑त्ता पृश॒नी चि॒देवैः॑ पु॒रू शंसे॑न वावृधु॒ष्ट इन्द्र॑म् ।
   द्रु॒हो निष॑त्ता पृश॒नी चि॒देवैः
   द्रु॒हः निष॑त्ता पृश॒नी चि॑त् एवैः
   द्रु॒हो निष॑त्ता पृश॒नी चि॑द् एवैः

Halfverse: b    पु॒रू शंसे॑न वावृधु॒ष्ट इन्द्र॑म् ।
   पु॒रु+ शंसे॑न वावृधुः ते इन्द्र॑म् ।
   पु॒रू शंसे॑न वावृधुष् ट इन्द्र॑म् ।

Halfverse: c    अ॒भीवृ॑तेव॒ ता म॑हाप॒देन॑ ध्वा॒न्तात्प्र॑पि॒त्वादुद॑रन्त॒ गर्भाः॑ ।।
   अ॒भीवृ॑तेव॒ ता म॑हाप॒देन
   अ॒भीवृ॑ता इव ता म॑हाप॒देन
   अ॒भीवृ॑तेव ता म॑हाप॒देन

Halfverse: d    ध्वा॒न्तात्प्र॑पि॒त्वादुद॑रन्त॒ गर्भाः॑ ।।
   ध्वा॒न्तात् प्रपि॒त्वात् उत् अरन्त गर्भाः ।।
   ध्वा॒न्तात् प्रपि॒त्वाद् उद् अरन्त गर्भाः ।।


Verse: 3 
Halfverse: a    ऋ॒ष्वा ते॒ पादा॒ प्र यज्जिगा॒स्यव॑र्ध॒न्वाजा॑ उ॒त ये चि॒दत्र॑ ।
   ऋ॒ष्वा ते॒ पादा॒ प्र यज्जिगा॑स्य्
   ऋ॒ष्वा ते पादा प्र यत् जिगा॑सि
   ऋ॒ष्वा ते पादा प्र यज् जिगा॑सि

Halfverse: b    अव॑र्ध॒न्वाजा॑ उ॒त ये चि॒दत्र॑ ।
   अव॑र्धन् वाजा उ॒त ये चि॑त् अत्र ।
   अव॑र्धन् वाजा उ॒त ये चि॑द् अत्र ।

Halfverse: c    त्वमि॑न्द्र सालावृ॒कान्स॒हस्र॑मा॒सन्द॑धिषे अ॒श्विना व॑वृत्याः ।।
   त्वमि॑न्द्र सालावृ॒कान्स॒हस्र॑म्
   त्वम् इन्द्र सालावृ॒कान् स॒हस्र॑म्
   तु॒वम् इन्द्र सालावृ॒कान् स॒हस्र॑म्

Halfverse: d    आ॒सन्द॑धिषे अ॒श्विना व॑वृत्याः ।।
   आ॒सन् दधिषे अ॒श्विना आ व॑वृत्याः ।।
   आ॒सन् दधिषे अ॒श्विना व॑वृत्याः ।।


Verse: 4 
Halfverse: a    स॑म॒ना तूर्णि॒रुप॑ यासि य॒ज्ञमा नास॑त्या स॒ख्याय॑ वक्षि ।
   स॑म॒ना तूर्णि॒रुप॑ यासि य॒ज्ञम्
   सम॒ना तूर्णिः उप यासि य॒ज्ञम्
   सम॒ना तूर्णि॑र् उप यासि य॒ज्ञम्

Halfverse: b    आ नास॑त्या स॒ख्याय॑ वक्षि ।
   आ नास॑त्या स॒ख्याय वक्षि ।
   आ नास॑तिया सखि॒याय वक्षि ।

Halfverse: c    व॒साव्या॑मिन्द्र धारयः स॒हस्रा॒श्विना॑ शूर ददतुर्म॒घानि॑ ।।
   व॒साव्या॑मिन्द्र धारयः स॒हस्रा
   व॒साव्या॑म् इन्द्र धारयः स॒हस्रा
   व॒साव्या॑म् इन्द्र धारयः स॒हस्रा

Halfverse: d     ॑अ॒श्विना॑ शूर ददतुर्म॒घानि॑ ।।
   अ॒श्विना शूर ददतुः म॒घानि ।।
   अ॒श्विना शूर ददतुर् म॒घानि ।।


Verse: 5 
Halfverse: a    मन्द॑मान ऋ॒तादधि॑ प्र॒जायै॒ सखि॑भि॒रिन्द्र॑ इषि॒रेभि॒रर्थ॑म् ।
   मन्द॑मान ऋ॒तादधि॑ प्र॒जायै
   मन्द॑मानः ऋ॒तात् अधि प्र॒जायै
   मन्द॑मान ऋ॒ताद् अधि प्र॒जायै

Halfverse: b    सखि॑भि॒रिन्द्र॑ इषि॒रेभि॒रर्थ॑म् ।
   सखि॑भिः इन्द्रः इषि॒रेभिः अर्थ॑म् ।
   सखि॑भिर् इन्द्र इषि॒रेभि॑र् अर्थ॑म् ।

Halfverse: c    आभि॒र्हि मा॒या उप॒ दस्यु॒मागा॒न्मिहः॒ प्र त॒म्रा अ॑वप॒त्तमां॑सि ।।
   आभि॒र्हि मा॒ याउप॒ दस्यु॒मागा॑न्
   आ आ॑भिः हि मा॒याः उप दस्यु॑म् आ अगा॑त्
   आभि॑र् हि मा॒या उप दस्यु॑म् आगा॑न्

Halfverse: d    मिहः॒ प्र त॒म्रा अ॑वप॒त्तमां॑सि ।।
   मिहः प्र त॒म्राः अ॑वपत् तमां॑सि ।।
   मिहः प्र त॒म्रा अ॑वपत् तमां॑सि ।।


Verse: 6 
Halfverse: a    सना॑माना चिद्ध्वसयो॒ न्य॑स्मा॒ अवा॑ह॒न्निन्द्र॑ उ॒षसो॒ यथानः॑ ।
   सना॑माना चिद्ध्वसयो॒ न्य॑स्मा
   सना॑माना चित् ध्वसयः नि अ॑स्मै
   सना॑माना चिद् ध्वसयो नि अ॑स्मा

Halfverse: b    अवा॑ह॒न्निन्द्र॑ उ॒षसो॒ यथानः॑ ।
   अव अहन् इन्द्रः उ॒षसः यथा अनः ।
   अवा॑हन्न् इन्द्र उ॒षसो यथानः ।

Halfverse: c    ऋ॒ष्वैर॑गछः॒ सखि॑भि॒र्निका॑मैः सा॒कम्प्र॑ति॒ष्ठा हृद्या॑ जघन्थ ।।
   ऋ॒ष्वैर॑गछः॒ सखि॑भि॒र्निका॑मैः
   ऋ॒ष्वैः अ॑गछः सखि॑भिः निका॑मैः
   ऋ॒ष्वैर् अगछः सखि॑भिर् निका॑मैः

Halfverse: d    सा॒कम्प्र॑ति॒ष्ठा हृद्या॑ जघन्थ ।
   सा॒कम् प्रति॒ष्ठा हृद्या जघन्थ ।।
   सा॒कम् प्रति॒ष्ठा हृदि॑या जघन्थ ।।


Verse: 7 
Halfverse: a    त्वं ज॑घन्थ॒ नमु॑चिम्मख॒स्युं दासं॑ कृण्वा॒न ऋष॑ये॒ विमा॑यम् ।
   त्वं ज॑घन्थ॒ नमु॑चिम्मख॒स्युं
   त्वम् जघन्थ नमु॑चिम् मख॒स्युम्
   तु॒वं ज॑घन्थ नमु॑चिम् मख॒स्युं

Halfverse: b    दासं॑ कृण्वा॒न ऋष॑ये॒ विमा॑यम् ।
   दास॑म् कृण्वा॒नः ऋष॑ये विमा॑यम् ।
   दासं कृण्वा॒न ऋष॑ये विमा॑यम् ।

Halfverse: c    त्वं च॑कर्थ॒ मन॑वे स्यो॒नान्प॒थो दे॑व॒त्राञ्ज॑सेव॒ याना॑न् ।।
   त्वं च॑कर्थ॒ मन॑वे स्यो॒नान्
   त्वम् चकर्थ मन॑वे स्यो॒नान्
   तु॒वं च॑कर्थ मन॑वे सियो॒नान्

Halfverse: d    प॒थो दे॑व॒त्राञ्ज॑सेव॒ याना॑न् ।।
   प॒थः दे॑व॒त्रा अञ्ज॑सा इव याना॑न् ।।
   प॒थो दे॑व॒त्रा अञ्ज॑सेव याना॑न् ।।


Verse: 8 
Halfverse: a    त्वमे॒तानि॑ पप्रिषे॒ वि नामेशा॑न इन्द्र दधिषे॒ गभ॑स्तौ ।
   त्वमे॒तानि॑ पप्रिषे॒ वि नाम
   त्वम् ए॒तानि पप्रिषे वि नाम
   तु॒वम् ए॒तानि पप्रिषे वि नाम

Halfverse: b     ईशा॑न इन्द्र दधिषे॒ गभ॑स्तौ ।
   ईशा॑नः इन्द्र दधिषे गभ॑स्तौ ।
   ईशा॑न इन्द्र दधिषे गभ॑स्तौ ।

Halfverse: c    अनु॑ त्वा दे॒वाः शव॑सा मदन्त्यु॒परि॑बुध्नान्व॒निन॑श्चकर्थ ।।
   अनु॑ त्वा दे॒वाः शव॑सा मदन्त्य्
   अनु त्वा दे॒वाः शव॑सा मदन्ति
   अनु त्वा दे॒वाः शव॑सा मदन्ति

Halfverse: d    उ॒परि॑बुध्नान्व॒निन॑श्चकर्थ ।।
   उ॒परि॑बुध्नान् व॒निनः चकर्थ ।।
   उ॒परि॑बुध्नान् व॒निन॑श् चकर्थ ।।


Verse: 9 
Halfverse: a    च॒क्रं यद॑स्या॒प्स्वा निष॑त्तमु॒तो तद॑स्मै॒ मध्विच्च॑छद्यात् ।
   च॒क्रं यद॑स्या॒प्स्वा निष॑त्तम्
   च॒क्रम् यत् अस्य अ॒प्सु आ निष॑त्तम्
   च॒क्रं यद् अस्य अ॒प्सु आ निष॑त्तम्

Halfverse: b    उ॒तो तद॑स्मै॒ मध्विच्च॑छद्यात् ।
   उ॒त उ तत् अस्मै मधु इत् चछद्यात् ।
   उ॒तो तद् अस्मै मधु इच् चछद्यात् ।

Halfverse: c    पृ॑थि॒व्यामति॑षितं॒ यदूधः॒ पयो॒ गोष्वद॑धा॒ ओष॑धीषु ।।
   पृ॑थि॒व्यामति॑षितं॒ यदूधः
   पृथि॒व्याम् अति॑षितम् यत् ऊध॑र्
   पृथिवि॒याम् अति॑षितं यद् ऊधः

Halfverse: d    पयो॒ गोष्वद॑धा॒ ओष॑धीषु ।।
   पयः गोषु अद॑धाः ओष॑धीषु ।।
   पयो गोषु अद॑धा ओष॑धीषु ।।


Verse: 10 
Halfverse: a    अश्वा॑दिया॒येति॒ यद्वद॒न्त्योज॑सो जा॒तमु॒त म॑न्य एनम् ।
   अश्वा॑दिया॒येति॒ यद्वद॑न्त्य्
   अश्वा॑त् इयाय इति यत् वद॑न्ति
   अश्वा॑द् इयाय इति यद् वद॑न्ति

Halfverse: b    ओज॑सो जा॒तमु॒त म॑न्य एनम् ।
   ओज॑सः जा॒तम् उ॒त म॑न्ये एनम् ।
   ओज॑सो जा॒तम् उ॒त म॑न्य एनम् ।

Halfverse: c    म॒न्योरि॑याय ह॒र्म्येषु॑ तस्थौ॒ यतः॑ प्रज॒ज्ञ इन्द्रो॑ अस्य वेद ।।
   म॒न्योरि॑याय ह॒र्म्येषु॑ तस्थौ
   म॒न्योः इ॑याय ह॒र्म्येषु तस्थौ
   म॒न्योर् इयाय हर्मि॒येषु तस्थौ

Halfverse: d    यतः॑ प्रज॒ज्ञ इन्द्रो॑ अस्य वेद ।।
   यतः प्रज॒ज्ञे इन्द्रः अस्य वेद ।।
   यतः प्रज॒ज्ञ इन्द्रो अस्य वेद ।।


Verse: 11 
Halfverse: a    वयः॑ सुप॒र्णा उप॑ सेदु॒रिन्द्र॑म्प्रि॒यमे॑धा॒ ऋष॑यो॒ नाध॑मानाः ।
   वयः॑ सुप॒र्णा उप॑ सेदु॒रिन्द्र॑म्
   वयः सुप॒र्णाः उप सेदुः इन्द्र॑म्
   वयः सुप॒र्णा उप सेदुर् इन्द्र॑म्

Halfverse: b    प्रि॒यमे॑धा॒ ऋष॑यो॒ नाध॑मानाः ।
   प्रि॒यमे॑धाः ऋष॑यः नाध॑मानाः ।
   प्रि॒यमे॑धा ऋष॑यो नाध॑मानाः ।

Halfverse: c    अप॑ ध्वा॒न्तमू॑र्णु॒हि पू॒र्धि चक्षु॑र्मुमु॒ग्ध्य॒स्मान्नि॒धये॑व ब॒द्धान् ।।
   अप॑ ध्वा॒न्तमू॑र्णु॒हि पू॒र्धि चक्षु॑र्
   अप ध्वा॒न्तम् ऊर्णु॒हि पू॒र्धि चक्षुः
   अप ध्वा॒न्तम् ऊर्णु॒हि पू॒र्धि चक्षु॑र्

Halfverse: d    मुमु॒ग्ध्य॒स्मान्नि॒धये॑व ब॒द्धान् ।।
   मु॑मु॒ग्धि अ॒स्मान् नि॒धया इव ब॒द्धान् ।।
   मु॑मु॒ग्धि अ॒स्मान् नि॒धये॑व ब॒द्धान् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.