TITUS
Rg-Veda: Rg-Veda-Samhita
Part No. 911
Previous part

Hymn: 74_(900) 
Verse: 1 
Halfverse: a    वसू॑नां वा चर्कृष॒ इय॑क्षन्धि॒या वा॑ य॒ज्ञैर्वा॒ रोद॑स्योः ।
   वसू॑नां वा चर्कृष॒ इय॑क्षन्
   वसू॑नाम् वा चर्कृषे इय॑क्षन्
   वसू॑नाअं वा चर्कृषे इय॑क्षन्

Halfverse: b    धि॒या वा॑ य॒ज्ञैर्वा॒ रोद॑स्योः ।
   धि॒या वा य॒ज्ञैः वा रोद॑स्योः ।
   धि॒या वा ? य॒ज्ञैर् वा रोद॑सीयोः ।

Halfverse: c    अर्व॑न्तो वा॒ ये र॑यि॒मन्तः॑ सा॒तौ व॒नुं वा॒ ये सु॒श्रुणं॑ सु॒श्रुतो॒ धुः ।।
   अर्व॑न्तो वा॒ ये र॑यि॒मन्तः॑ सा॒तौ
   अर्व॑न्तः वा ये र॑यि॒मन्तः सा॒तौ
   अर्व॑न्तो वा ये र॑यि॒मन्तः सा॒तौ

Halfverse: d    व॒नुं वा॒ ये सु॒श्रुणं॑ सु॒श्रुतो॒ धुः ।।
   व॒नुम् वा ये सु॒श्रुण॑म् सु॒श्रुतः धुः ।।
   व॒नुं वा ये सु॒श्रुणं सु॒श्रुतो धुः ।।


Verse: 2 
Halfverse: a    हव॑ एषा॒मसु॑रो नक्षत॒ द्यां श्र॑वस्य॒ता मन॑सा निंसत॒ क्षाम् ।
   हव॑ एषा॒मसु॑रो नक्षत॒ द्यां
   हवः एषाम् असु॑रः नक्षत द्याम्
   हव एषाम् असु॑रो नक्षत द्यां

Halfverse: b    श्र॑वस्य॒ता मन॑सा निंसत॒ क्षाम् ।
   श्र॑वस्य॒ता मन॑सा निंसत क्षाम् ।
   श्र॑वस्य॒ता मन॑सा निंसत क्षाम् ।

Halfverse: c    चक्षा॑णा॒ यत्र॑ सुवि॒ताय॑ दे॒वा द्यौर्न वारे॑भिः कृ॒णव॑न्त॒ स्वैः ।।
   चक्षा॑णा॒ यत्र॑ सुवि॒ताय॑ दे॒वा
   चक्षा॑णाः यत्र सुवि॒ताय दे॒वाः
   चक्षा॑णा यत्र सुवि॒ताय दे॒वा

Halfverse: d    द्यौर्न वारे॑भिः कृ॒णव॑न्त॒ स्वैः ।।
   द्यौः न वारे॑भिः कृ॒णव॑न्त स्वैः ।।
   द्यौर् न वारे॑भिः कृ॒णव॑न्त सु॒वैः ।।


Verse: 3 
Halfverse: a    इ॒यमे॑षाम॒मृता॑नां॒ गीः स॒र्वता॑ता॒ ये कृ॒पण॑न्त॒ रत्न॑म् ।
   इ॒यमे॑षाम॒मृता॑नां॒ गीः
   इ॒यम् एषाम् अ॒मृता॑नाम् गीः
   इ॒यम् एषाम् ? अ॒मृता॒नाअं गीः

Halfverse: b    स॒र्वता॑ता॒ ये कृ॒पण॑न्त॒ रत्न॑म् ।
   स॒र्वता॑ता ये कृ॒पण॑न्त रत्न॑म् ।
   स॒र्वता॑ता ये कृ॒पण॑न्त रत्न॑म् ।

Halfverse: c    धियं॑ च य॒ज्ञं च॒ साध॑न्त॒स्ते नो॑ धान्तु वस॒व्य॒मसा॑मि ।।
   धियं॑ च य॒ज्ञं च॒ साध॑न्तस्
   धिय॑म् च य॒ज्ञम् च साध॑न्तः
   धियं च य॒ज्ञं च साध॑न्तस्

Halfverse: d    ते नो॑ धान्तु वस॒व्य॒मसा॑मि ।।
   ते नः धान्तु वस॒व्य॑म् असा॑मि ।।
   ते नो धान्तु वस॒विय॑म् असा॑मि ।।


Verse: 4 
Halfverse: a    आ तत्त॑ इन्द्रा॒यवः॑ पनन्ता॒भि य ऊ॒र्वं गोम॑न्तं॒ तितृ॑त्सान् ।
   आ तत्त॑ इन्द्रा॒यवः॑ पनन्त
   आ तत् ते इन्द्र आ॒यवः पनन्त
   आ तत् त इन्द्र आ॒यवः पनन्त

Halfverse: b     अ॒भि य ऊ॒र्वं गोम॑न्तं॒ तितृ॑त्सान् ।
   अ॒भि ये ऊ॒र्वम् गोम॑न्तम् तितृ॑त्सान् ।
   अ॒भि य ऊ॒र्वं गोम॑न्तं तितृ॑त्सान् ।

Halfverse: c    स॑कृ॒त्स्वं॒ ये पु॑रुपु॒त्राम्म॒हीं स॒हस्र॑धाराम्बृह॒तीं दुदु॑क्षन् ।।
   स॑कृ॒त्स्वं॒ ये पु॑रुपु॒त्राम्म॒हीं
   स॑कृ॒त्स्व॑म् ये पु॑रुपु॒त्राम् म॒हीम्
   सकृ॒त्सुवं ये पु॑रुपु॒त्राम् म॒हीं

Halfverse: d    स॒हस्र॑धाराम्बृह॒तीं दुदु॑क्षन् ।।
   स॒हस्र॑धाराम् बृह॒तीम् दुदु॑क्षन् ।।
   स॒हस्र॑धाराम् बृह॒तीं दुदु॑क्षन् ।।


Verse: 5 
Halfverse: a    शची॑व॒ इन्द्र॒मव॑से कृणुध्व॒मना॑नतं द॒मय॑न्तम्पृत॒न्यून् ।
   शची॑व॒ इन्द्र॒मव॑से कृणुध्वम्
   शची॑वः इन्द्र॑म् अव॑से कृणुध्वम्
   शची॑व इन्द्र॑म् अव॑से कृणुध्वम्

Halfverse: b    अना॑नतं द॒मय॑न्तम्पृत॒न्यून् ।
   अना॑नतम् द॒मय॑न्तम् पृत॒न्यून् ।
   अना॑नतं द॒मय॑न्तम् पृत॒न्यून् ।

Halfverse: c    ऋ॑भु॒क्षण॑म्म॒घवा॑नं सुवृ॒क्तिम्भर्ता॒ यो वज्रं॒ नर्य॑म्पुरु॒क्षुः ।।
   ऋ॑भु॒क्षण॑म्म॒घवा॑नं सुवृ॒क्तिम्
   ऋभु॒क्षण॑म् म॒घवा॑नम् सुवृ॒क्तिम्
   ऋभु॒क्षण॑म् म॒घवा॑नं सुवृ॒क्तिम्

Halfverse: d    भर्ता॒ यो वज्रं॒ नर्य॑म्पुरु॒क्षुः ।।
   भर्ता यः वज्र॑म् नर्य॑म् पुरु॒क्षुः ।।
   भर्ता यो वज्रं नरि॑यम् पुरु॒क्षुः ।।


Verse: 6 
Halfverse: a    यद्वा॒वान॑ पुरु॒तम॑म्पुरा॒षाळा वृ॑त्र॒हेन्द्रो॒ नामा॑न्यप्राः ।
   यद्वा॒वान॑ पुरु॒तम॑म्पुरा॒षाळ्
   यत् वा॒वान पुरु॒तम॑म् पुरा॒षाट्
   यद् वा॒वान पुरु॒तम॑म् पुरा॒षाळ्

Halfverse: b    आ वृ॑त्र॒हेन्द्रो॒ नामा॑न्यप्राः ।
   आ वृ॑त्र॒हा इन्द्रः नामा॑नि अप्राः ।
   आ वृ॑त्र॒हा इन्द्रो नामा॑नि अप्राः ।

Halfverse: c    अचे॑ति प्रा॒सह॒स्पति॒स्तुवि॑ष्मा॒न्यदी॑मु॒श्मसि॒ कर्त॑वे॒ कर॒त्तत् ।।
   अचे॑ति प्रा॒सह॒स्पति॒स्तुवि॑ष्मान्
   अचे॑ति प्रा॒सहः पतिः तुवि॑ष्मान्
   अचे॑ति प्रा॒सह॑स् पति॑स् तुवि॑ष्मान्

Halfverse: d    यदी॑मु॒श्मसि॒ कर्त॑वे॒ कर॒त्तत् ।।
   यत् ईम् उ॒श्मसि कर्त॑वे कर॑त् तत् ।।
   यद् ईम् उ॒श्मसि कर्त॑वे कर॑त् तत् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.