TITUS
Rg-Veda: Rg-Veda-Samhita
Part No. 914
Previous part

Hymn: 77_(903) 
Verse: 1 
Halfverse: a    अ॑भ्र॒प्रुषो॒ न वा॒चा प्रु॑षा॒ वसु॑ ह॒विष्म॑न्तो॒ न य॒ज्ञा वि॑जा॒नुषः॑ ।
   अ॑भ्र॒प्रुषो॒ न वा॒चा प्रु॑षा॒ वसु
   अभ्र॒प्रुषः न वा॒चा प्रु॑षा ! वसु
   अभ्र॒प्रुषो न वा॒चा प्रु॑षा वसु

Halfverse: b    ह॒विष्म॑न्तो॒ न य॒ज्ञा वि॑जा॒नुषः॑ ।
   ह॒विष्म॑न्तः न य॒ज्ञाः वि॑जा॒नुषः ।
   ह॒विष्म॑न्तो न य॒ज्ञा वि॑जा॒नुषः ।

Halfverse: c    सु॒मारु॑तं॒ न ब्र॒ह्माण॑म॒र्हसे॑ ग॒णम॑स्तोष्येषां॒ न शो॒भसे॑ ।।
   सु॒मारु॑तं॒ न ब्र॒ह्माण॑म॒र्हसे
   सु॒मारु॑तम् न ब्र॒ह्माण॑म् अ॒र्हसे
   सु॒मारु॑तं न ब्र॒ह्माण॑म् अ॒र्हसे

Halfverse: d    ग॒णम॑स्तोष्येषां॒ न शो॒भसे॑ ।।
   ग॒णम् अस्तोषि एषाम् न शो॒भसे ।।
   ग॒णम् अस्तोषि एषां न शो॒भसे ।।


Verse: 2 
Halfverse: a    श्रि॒ये मर्या॑सो अ॒ञ्जीँर॑कृण्वत सु॒मारु॑तं॒ न पू॒र्वीरति॒ क्षपः॑ ।
   श्रि॒ये मर्या॑सो अ॒ञ्जीँर॑कृण्वत
   श्रि॒ये मर्या॑सः अ॒ञ्जीन् अकृण्वत
   श्रि॒ये मर्या॑सो अ॒ञ्जीँर् अकृण्वत

Halfverse: b    सु॒मारु॑तं॒ न पू॒र्वीरति॒ क्षपः॑ ।
   सु॒मारु॑तम् न पू॒र्वीः अति क्षपः ।
   सु॒मारु॑तं न पू॒र्वीर् अति क्षपः ।

Halfverse: c    दि॒वस्पु॒त्रास॒ एता॒ न ये॑तिर आदि॒त्यास॒स्ते अ॒क्रा न वा॑वृधुः ।।
   दि॒वस्पु॒त्रास॒ एता॒ न ये॑तिर
   दि॒वः पु॒त्रासः एताः न ये॑तिरे
   दि॒वस् पु॒त्रास एता न ये॑तिर

Halfverse: d    आदि॒त्यास॒स्ते अ॒क्रा न वा॑वृधुः ।।
   आ॑दि॒त्यासः ते अ॒क्राः न वा॑वृधुः ।।
   आ॑दि॒त्यास॑स् ते अ॒क्रा न वा॑वृधुः ।।


Verse: 3 
Halfverse: a    प्र ये दि॒वः पृ॑थि॒व्या न ब॒र्हणा॒ त्मना॑ रिरि॒च्रे अ॒भ्रान्न सूर्यः॑ ।
   प्र ये दि॒वः पृ॑थि॒व्या न ब॒र्हणा
   प्र ये दि॒वः पृ॑थि॒व्याः न ब॒र्हणा
   प्र ये दि॒वः पृ॑थि॒व्या न ब॒र्हणा

Halfverse: b    त्मना॑ रिरि॒च्रे अ॒भ्रान्न सूर्यः॑ ।
   त्मना रिरि॒च्रे अ॒भ्रात् न सूर्यः ।
   त्मना रिरि॒च्रे अ॒भ्रान् न सूरि॑यः ।

Halfverse: c    पाज॑स्वन्तो॒ न वी॒राः प॑न॒स्यवो॑ रि॒शाद॑सो॒ न मर्या॑ अ॒भिद्य॑वः ।।
   पाज॑स्वन्तो॒ न वी॒राः प॑न॒स्यवो
   पाज॑स्वन्तः न वी॒राः प॑न॒स्यवः
   पाज॑स्वन्तो न वी॒राः प॑न॒स्यवो

Halfverse: d    रि॒शाद॑सो॒ न मर्या॑ अ॒भिद्य॑वः ।।
   रि॒शाद॑सः न मर्याः अ॒भिद्य॑वः ।।
   रि॒शाद॑सो न मर्या अ॒भिद्य॑वः ।।


Verse: 4 
Halfverse: a    यु॒ष्माक॑म्बु॒ध्ने अ॒पां न याम॑नि विथु॒र्यति॒ न म॒ही श्र॑थ॒र्यति॑ ।
   यु॒ष्माक॑म्बु॒ध्ने अ॒पां न याम॑नि
   यु॒ष्माक॑म् बु॒ध्ने अ॒पाम् न याम॑नि
   यु॒ष्माक॑म् बु॒ध्ने अ॒पां न याम॑नि

Halfverse: b    विथु॒र्यति॒ न म॒ही श्र॑थ॒र्यति॑ ।
   वि॑थु॒र्यति न म॒ही श्र॑थ॒र्यति ।
   वि॑थु॒र्यति न म॒ही श्र॑थ॒र्यति ।

Halfverse: c    वि॒श्वप्सु॑र्य॒ज्ञो अ॒र्वाग॒यं सु वः॒ प्रय॑स्वन्तो॒ न स॒त्राच॒ आ ग॑त ।।
   वि॒श्वप्सु॑र्य॒ज्ञो अ॒र्वाग॒यं सु वः
   वि॒श्वप्सुः य॒ज्ञः अ॒र्वाक् अ॒यम् सु वः
   वि॒श्वप्सु॑र् य॒ज्ञो अ॒र्वाग् अ॒यं सु वः

Halfverse: d    प्रय॑स्वन्तो॒ न स॒त्राच॒ आ ग॑त ।।
   प्रय॑स्वन्तः न स॒त्राचः आ ग॑त ।।
   प्रय॑स्वन्तो न स॒त्राच आ ग॑त ।।


Verse: 5 
Halfverse: a    यू॒यं धू॒र्षु प्र॒युजो॒ न र॒श्मिभि॒र्ज्योति॑ष्मन्तो॒ न भा॒सा व्यु॑ष्टिषु ।
   यू॒यं धू॒र्षु प्र॒युजो॒ न र॒श्मिभि॑र्
   यू॒यम् धू॒र्षु प्र॒युजः न र॒श्मिभिः
   यू॒यं धू॒र्षु प्र॒युजो न र॒श्मिभि॑र्

Halfverse: b    ज्योति॑ष्मन्तो॒ न भा॒सा व्यु॑ष्टिषु ।
   ज्योति॑ष्मन्तः न भा॒सा व्यु॑ष्टिषु ।
   ज्योति॑ष्मन्तो न भा॒सा विउ॑ष्टिषु ।

Halfverse: c    श्ये॒नासो॒ न स्वय॑शसो रि॒शाद॑सः प्र॒वासो॒ न प्रसि॑तासः परि॒प्रुषः॑ ।।
   श्ये॒नासो॒ न स्वय॑शसो रि॒शाद॑सः
   श्ये॒नासः न स्वय॑शसः रि॒शाद॑सः
   श्ये॒नासो न स्वय॑शसो रि॒शाद॑सः

Halfverse: d    प्र॒वासो॒ न प्रसि॑तासः परि॒प्रुषः॑ ।।
   प्र॒वासः न प्रसि॑तासः परि॒प्रुषः ।।
   प्र॒वासो न प्रसि॑तासः परि॒प्रुषः ।।


Verse: 6 
Halfverse: a    प्र यद्वह॑ध्वे मरुतः परा॒काद्यू॒यम्म॒हः सं॒वर॑णस्य॒ वस्वः॑ ।
   प्र यद्वह॑ध्वे मरुतः परा॒काद्
   प्र यत् वह॑ध्वे मरुतः परा॒कात्
   प्र यद् वह॑ध्वे मरुतः परा॒काद्

Halfverse: b    यू॒यम्म॒हः सं॒वर॑णस्य॒ वस्वः॑ ।
   यू॒यम् म॒हः सं॒वर॑णस्य वस्वः ।
   यू॒यम् म॒हः सं॒वर॑णस्य वस्वः ।

Halfverse: c    वि॑दा॒नासो॑ वसवो॒ राध्य॑स्या॒राच्चि॒द्द्वेषः॑ सनु॒तर्यु॑योत ।।
   वि॑दा॒नासो॑ वसवो॒ राध्य॑स्य
   विदा॒नासः वसवः राध्य॑स्य
   विदा॒नासो वसवो राधि॑यस्य

Halfverse: d     आ॒राच्चि॒द्द्वेषः॑ सनु॒तर्यु॑योत ।।
   आ॒रात् चित् द्वेषः सनु॒तर् युयोत ।।
   आ॒राच् चिद् द्वेषः सनु॒तर् युयोत ।।


Verse: 7 
Halfverse: a    य उ॒दृचि॑ य॒ज्ञे अ॑ध्वरे॒ष्ठा म॒रुद्भ्यो॒ न मानु॑षो॒ ददा॑शत् ।
   य उ॒दृचि॑ य॒ज्ञे अ॑ध्वरे॒ष्ठा
   यः उ॒दृचि य॒ज्ञे अ॑ध्वरे॒ष्ठाः
   य उ॒दृचि ? य॒ज्ञे अ॑ध्वरे॒ष्ठा

Halfverse: b    म॒रुद्भ्यो॒ न मानु॑षो॒ ददा॑शत् ।
   म॒रुद्भ्यः न मानु॑षः ददा॑शत् ।
   म॒रुद्भि॑यो न मानु॑षो ददा॑शत् ।

Halfverse: c    रे॒वत्स वयो॑ दधते सु॒वीरं॒ स दे॒वाना॒मपि॑ गोपी॒थे अ॑स्तु ।।
   रे॒वत्स वयो॑ दधते सु॒वीरं
   रे॒वत् स वयः दधते सु॒वीर॑म्
   रे॒वत् स वयो दधते सु॒वीरं

Halfverse: d    स दे॒वाना॒मपि॑ गोपी॒थे अ॑स्तु ।।
   स दे॒वाना॑म् अपि गोपी॒थे अ॑स्तु ।।
   स दे॒वाना॑म् अपि गोपी॒थे अ॑स्तु ।।


Verse: 8 
Halfverse: a    ते हि य॒ज्ञेषु॑ य॒ज्ञिया॑स॒ ऊमा॑ आदि॒त्येन॒ नाम्ना॒ शम्भ॑विष्ठाः ।
   ते हि य॒ज्ञेषु॑ य॒ज्ञिया॑स॒ ऊमा
   ते हि य॒ज्ञेषु य॒ज्ञिया॑सः ऊमाः
   ते हि य॒ज्ञेषु य॒ज्ञिया॑स ऊमा

Halfverse: b    आदि॒त्येन॒ नाम्ना॒ शम्भ॑विष्ठाः ।
   आ॑दि॒त्येन नाम्ना शम्भ॑विष्ठाः ।
   आ॑दिति॒येन नाम्ना शम्भ॑विष्ठाः ।

Halfverse: c    ते नो॑ ऽवन्तु रथ॒तूर्म॑नी॒षाम्म॒हश्च॒ याम॑न्नध्व॒रे च॑का॒नाः ।।
   ते नो॑ ऽवन्तु रथ॒तूर्म॑नी॒षाम्
   ते नः अवन्तु रथ॒तूः म॑नी॒षाम्
   ते नो अवन्तु रथ॒तूर् मनी॒षाम्

Halfverse: d    म॒हश्च॒ याम॑न्नध्व॒रे च॑का॒नाः ।।
   म॒हः च याम॑न् अध्व॒रे च॑का॒नाः ।।
   म॒हश् च याम॑न् अध्व॒रे च॑का॒नाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.