TITUS
Rg-Veda: Rg-Veda-Samhita
Part No. 917
Previous part

Hymn: 80_(906) 
Verse: 1 
Halfverse: a    अ॒ग्निः सप्तिं॑ वाजम्भ॒रं द॑दात्य॒ग्निर्वी॒रं श्रुत्यं॑ कर्मनि॒ष्ठाम् ।
   अ॒ग्निः सप्तिं॑ वाजम्भ॒रं द॑दात्य्
   अ॒ग्निः सप्ति॑म् वाजम्भ॒रम् ददाति
   अ॒ग्निः सप्तिं वाजम्भ॒रं द॑दाति

Halfverse: b    अ॒ग्निर्वी॒रं श्रुत्यं॑ कर्मनि॒ष्ठाम् ।
   अ॒ग्निः वी॒रम् श्रुत्य॑म् कर्मनि॒ष्ठाम् ।
   अ॒ग्निर् वी॒रं श्रुति॑यं कर्मनि॒ष्ठाम् ।

Halfverse: c    अ॒ग्नी रोद॑सी॒ वि च॑रत्सम॒ञ्जन्न॒ग्निर्नारीं॑ वी॒रकु॑क्षि॒म्पुरं॑धिम् ।।
   अ॒ग्नी रोद॑सी॒ वि च॑रत्सम॒ञ्जन्न्
   अ॒ग्निः रोद॑सी वि च॑रत् सम॒ञ्जन्
   अ॒ग्नी रोद॑सी वि च॑रत् सम॒ञ्जन्न्

Halfverse: d    अ॒ग्निर्नारीं॑ वी॒रकु॑क्षि॒म्पुरं॑धिम् ।।
   अ॒ग्निः नारी॑म् वी॒रकु॑क्षिम् पुरं॑धिम् ।।
   अ॒ग्निर् नारीं वी॒रकु॑क्षिम् पुरं॑धिम् ।।


Verse: 2 
Halfverse: a    अ॒ग्नेरप्न॑सः स॒मिद॑स्तु भ॒द्राग्निर्म॒ही रोद॑सी॒ आ वि॑वेश ।
   अ॒ग्नेरप्न॑सः स॒मिद॑स्तु भ॒द्रा
   अ॒ग्नेः अप्न॑सः स॒मित् अस्तु भ॒द्रा
   अ॒ग्नेर् अप्न॑सः स॒मिद् अस्तु भ॒द्रा

Halfverse: b     अ॒ग्निर्म॒ही रोद॑सी॒ आ वि॑वेश ।
   अ॒ग्निः म॒ही रोद॑सी आ वि॑वेश ।
   अ॒ग्निर् म॒ही रोद॑सी आ वि॑वेश ।

Halfverse: c    अ॒ग्निरेकं॑ चोदयत्स॒मत्स्व॒ग्निर्वृ॒त्राणि॑ दयते पु॒रूणि॑ ।।
   अ॒ग्निरेकं॑ चोदयत्स॒मत्स्व्
   अ॒ग्निः एक॑म् चोदयत् स॒मत्सु
   अ॒ग्निर् एकं ? चोदयत् स॒मत्सु

Halfverse: d    अ॒ग्निर्वृ॒त्राणि॑ दयते पु॒रूणि॑ ।।
   अ॒ग्निः वृ॒त्राणि दयते पु॒रूणि ।।
   अ॒ग्निर् वृ॒त्राणि दयते पु॒रूणि ।।


Verse: 3 
Halfverse: a    अ॒ग्निर्ह॒ त्यं जर॑तः॒ कर्ण॑मावा॒ग्निर॒द्भ्यो निर॑दह॒ज्जरू॑थम् ।
   अ॒ग्निर्ह॒ त्यं जर॑तः॒ कर्ण॑माव
   अ॒ग्निः ह त्यम् जर॑तः कर्ण॑म् आव
   अ॒ग्निर् ह त्यं जर॑तः कर्ण॑म् आव

Halfverse: b     अ॒ग्निर॒द्भ्यो निर॑दह॒ज्जरू॑थम् ।
   अ॒ग्निः अ॒द्भ्यः निः अ॑दहत् जरू॑थम् ।
   अ॒ग्निर् अ॒द्भ्यो निर् अदहज् जरू॑थम् ।

Halfverse: c    अ॒ग्निरत्रिं॑ घ॒र्म उ॑रुष्यद॒न्तर॒ग्निर्नृ॒मेध॑म्प्र॒जया॑सृज॒त्सम् ।।
   अ॒ग्निरत्रिं॑ घ॒र्म उ॑रुष्यद॒न्तर्
   अ॒ग्निः अत्रि॑म् घ॒र्मे उ॑रुष्यत् अ॒न्तर्
   अ॒ग्निर् अत्रिं घ॒र्म उ॑रुष्यद् अ॒न्तर्

Halfverse: d    अ॒ग्निर्नृ॒मेध॑म्प्र॒जया॑सृज॒त्सम् ।।
   अ॒ग्निः नृ॒मेध॑म् प्र॒जया असृजत् सम् ।।
   अ॒ग्निर् नृ॒मेध॑म् प्र॒जया॑सृजत् सम् ।।


Verse: 4 
Halfverse: a    अ॒ग्निर्दा॒द्द्रवि॑णं वी॒रपे॑शा अ॒ग्निरृषिं॒ यः स॒हस्रा॑ स॒नोति॑ ।
   अ॒ग्निर्दा॒द्द्रवि॑णं वी॒रपे॑शा
   अ॒ग्निः दा॑त् द्रवि॑णम् वी॒रपे॑शाः
   अ॒ग्निर् दाअद् द्रवि॑णं वी॒रपे॑शा

Halfverse: b    अ॒ग्निरृषिं॒ यः स॒हस्रा॑ स॒नोति॑ ।
   अ॒ग्निः ऋषि॑म् यः स॒हस्रा स॒नोति ।
   अ॒ग्निर् ऋषिं यः स॒हस्रा स॒नोति ।

Halfverse: c    अ॒ग्निर्दि॒वि ह॒व्यमा त॑ताना॒ग्नेर्धामा॑नि॒ विभृ॑ता पुरु॒त्रा ।।
   अ॒ग्निर्दि॒वि ह॒व्यमा त॑तान
   अ॒ग्निः दि॒वि ह॒व्यम् आ त॑तान
   अ॒ग्निर् दि॒वि ह॑वि॒यम् आ त॑तान

Halfverse: d     अ॒ग्नेर्धामा॑नि॒ विभृ॑ता पुरु॒त्रा ।।
   अ॒ग्नेः धामा॑नि विभृ॑ता पुरु॒त्रा ।।
   अ॒ग्नेर् धामा॑नि विभृ॑ता पुरु॒त्रा ।।


Verse: 5 
Halfverse: a    अ॒ग्निमु॒क्थैरृष॑यो॒ वि ह्व॑यन्ते॒ ऽग्निं नरो॒ याम॑नि बाधि॒तासः॑ ।
   अ॒ग्निमु॒क्थैरृष॑यो॒ वि ह्व॑यन्ते
   अ॒ग्निम् उ॒क्थैः ऋष॑यः वि ह्व॑यन्ते
   अ॒ग्निम् उ॒क्थैर् ऋष॑यो वि ह्व॑यन्ते

Halfverse: b    ऽग्निं नरो॒ याम॑नि बाधि॒तासः॑ ।
   अ॒ग्निम् नरः याम॑नि बाधि॒तासः ।
   अ॒ग्निं नरो याम॑नि बाधि॒तासः ।

Halfverse: c    अ॒ग्निं वयो॑ अ॒न्तरि॑क्षे॒ पत॑न्तो॒ ऽग्निः स॒हस्रा॒ परि॑ याति॒ गोना॑म् ।।
   अ॒ग्निं वयो॑ अ॒न्तरि॑क्षे॒ पत॑न्तो
   अ॒ग्निम् वयः अ॒न्तरि॑क्षे पत॑न्तः
   अ॒ग्निं वयो अ॒न्तरि॑क्षे पत॑न्तो

Halfverse: d    ऽग्निः स॒हस्रा॒ परि॑ याति॒ गोना॑म् ।।
   अ॒ग्निः स॒हस्रा परि याति गोना॑म् ।।
   अ॒ग्निः स॒हस्रा परि याति गोना॑म् ।।


Verse: 6 
Halfverse: a    अ॒ग्निं विश॑ ईळते॒ मानु॑षी॒र्या अ॒ग्निम्मनु॑षो॒ नहु॑षो॒ वि जा॒ताः ।
   अ॒ग्निं विश॑ ईळते॒ मानु॑षी॒र्या
   अ॒ग्निम् विशः ईळते मानु॑षीः याः
   अ॒ग्निं विश ईळते मानु॑षीर् या

Halfverse: b    अ॒ग्निम्मनु॑षो॒ नहु॑षो॒ वि जा॒ताः ।
   अ॒ग्निम् मनु॑षः नहु॑षः वि जा॒ताः ।
   अ॒ग्निम् मनु॑षो नहु॑षो वि जा॒ताः ।

Halfverse: c    अ॒ग्निर्गान्ध॑र्वीम्प॒थ्या॑मृ॒तस्या॒ग्नेर्गव्यू॑तिर्घृ॒त आ निष॑त्ता ।।
   अ॒ग्निर्गान्ध॑र्वीम्प॒थ्या॑मृ॒तस्य
   अ॒ग्निः गान्ध॑र्वीम् प॒थ्या॑म् ऋ॒तस्य
   अ॒ग्निर् गान्ध॑र्वीम् प॒थिया॑म् ऋ॒तस्य

Halfverse: d     ॑अ॒ग्नेर्गव्यू॑तिर्घृ॒त आ निष॑त्ता ।।
   अ॒ग्नेः गव्यू॑तिः घृ॒ते आ निष॑त्ता ।।
   अ॒ग्नेर् गव्यू॑तिर् घृ॒त आ निष॑त्ता ।।


Verse: 7 
Halfverse: a    अ॒ग्नये॒ ब्रह्म॑ ऋ॒भव॑स्ततक्षुर॒ग्निम्म॒हाम॑वोचामा सुवृ॒क्तिम् ।
   अ॒ग्नये॒ ब्रह्म॑ ऋ॒भव॑स्ततक्षुर्
   अ॒ग्नये ब्रह्म ऋ॒भवः ततक्षुः
   अ॒ग्नये ब्रह्म ऋ॒भव॑स् ततक्षुर्

Halfverse: b    अ॒ग्निम्म॒हाम॑वोचामा सुवृ॒क्तिम् ।
   अ॒ग्निम् म॒हाम् अवोचाम+ सुवृ॒क्तिम् ।
   अ॒ग्निम् म॒हाम् अवोचामा सुवृ॒क्तिम् ।

Halfverse: c    अग्ने॒ प्राव॑ जरि॒तारं॑ यवि॒ष्ठाग्ने॒ महि॒ द्रवि॑ण॒मा य॑जस्व ।।
   अग्ने॒ प्राव॑ जरि॒तारं॑ यविष्ठ
   अग्ने प्र अ॑व जरि॒तार॑म् यविष्ठ
   अग्ने प्राव जरि॒तारं यविष्ठ

Halfverse: d     अग्ने॒ महि॒ द्रवि॑ण॒मा य॑जस्व ।।
   अग्ने महि द्रवि॑णम् आ य॑जस्व ।।
   अग्ने महि द्रवि॑णम् आ य॑जस्व ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.