TITUS
Rg-Veda: Rg-Veda-Samhita
Part No. 918
Previous part

Hymn: 81_(907) 
Verse: 1 
Halfverse: a    य इ॒मा विश्वा॒ भुव॑नानि॒ जुह्व॒दृषि॒र्होता॒ न्यसी॑दत्पि॒ता नः॑ ।
   य इ॒मा विश्वा॒ भुव॑नानि॒ जुह्व॑द्
   यः इ॒मा विश्वा भुव॑नानि जुह्व॑त्
   य इ॒मा विश्वा भुव॑नानि जुह्व॑द्

Halfverse: b    ऋषि॒र्होता॒ न्यसी॑दत्पि॒ता नः॑ ।
   ऋषिः होता नि असी॑दत् पि॒ता नः ।
   ऋषि॑र् होता नि असी॑दत् पि॒ता नः ।

Halfverse: c    स आ॒शिषा॒ द्रवि॑णमि॒छमा॑नः प्रथम॒छदव॑राँ॒ आ वि॑वेश ।।
   स आ॒शिषा॒ द्रवि॑णमि॒छमा॑नः
   सः ।!। आ॒शिषा द्रवि॑णम् इ॒छमा॑नः
   स आ॒शिषा द्रवि॑णम् इ॒छमा॑नः

Halfverse: d    प्रथम॒छदव॑राँ॒ आ वि॑वेश ।।
   प्र॑थम॒छत् अव॑रान् आ वि॑वेश ।।
   प्र॑थम॒छद् अव॑राँ आ वि॑वेश ।।


Verse: 2 
Halfverse: a    किं स्वि॑दासीदधि॒ष्ठान॑मा॒रम्भ॑णं कत॒मत्स्वि॑त्क॒थासी॑त् ।
   किं स्वि॑दासीदधि॒ष्ठान॑म्
   किम् स्वित् आसीत् अधि॒ष्ठान॑म्
   किं स्वि॑द् आसीद् अधि॒ष्ठान॑म्

Halfverse: b    आ॒रम्भ॑णं कत॒मत्स्वि॑त्क॒थासी॑त् ।
   आ॒रम्भ॑णम् कत॒मत् स्वित् क॒था आ॑सीत् ।
   आ॒रम्भ॑णं कत॒मत् स्वित् क॒थासी॑त् ।

Halfverse: c    यतो॒ भूमिं॑ ज॒नय॑न्वि॒श्वक॑र्मा॒ वि द्याऔर्णो॑न्महि॒ना वि॒श्वच॑क्षाः ।।
   यतो॒ भूमिं॑ ज॒नय॑न्वि॒श्वक॑र्मा
   यतः भूमि॑म् ज॒नय॑न् वि॒श्वक॑र्मा
   यतो भूमिं ज॒नय॑न् वि॒श्वक॑र्मा

Halfverse: d    वि द्याऔर्णो॑न्महि॒ना वि॒श्वच॑क्षाः ।।
   वि द्याम् और्णो॑त् महि॒ना वि॒श्वच॑क्षाः ।।
   वि द्याम् और्णो॑न् महि॒ना वि॒श्वच॑क्षाः ।।


Verse: 3 
Halfverse: a    वि॒श्वत॑श्चक्षुरु॒त वि॒श्वतो॑मुखो वि॒श्वतो॑बाहुरु॒त वि॒श्वत॑स्पात् ।
   वि॒श्वत॑श्चक्षुरु॒त वि॒श्वतो॑मुखो
   वि॒श्वत॑श्चक्षुः उ॒त वि॒श्वतो॑मुखः
   वि॒श्वत॑श्चक्षुर् उ॒त वि॒श्वतो॑मुखो

Halfverse: b    वि॒श्वतो॑बाहुरु॒त वि॒श्वत॑स्पात् ।
   वि॒श्वतो॑बाहुः उ॒त वि॒श्वत॑स्पात् ।
   वि॒श्वतो॑बाहुर् उ॒त वि॒श्वत॑स्पात् ।

Halfverse: c    सम्बा॒हुभ्यां॒ धम॑ति॒ सम्पत॑त्रै॒र्द्यावा॒भूमी॑ ज॒नय॑न्दे॒व एकः॑ ।।
   सम्बा॒हुभ्यां॒ धम॑ति॒ सम्पत॑त्रैर्
   सम् बा॒हुभ्या॑म् धम॑ति सम् पत॑त्रैः
   सम् बा॒हुभ्यां धम॑ति सम् पत॑त्रैर्

Halfverse: d    द्यावा॒भूमी॑ ज॒नय॑न्दे॒व एकः॑ ।।
   द्यावा॒भूमी ज॒नय॑न् दे॒वः एकः ।।
   द्यावा॒भूमी ज॒नय॑न् दे॒व एकः ।।


Verse: 4 
Halfverse: a    किं स्वि॒द्वनं॒ क उ॒ स वृ॒क्ष आ॑स॒ यतो॒ द्यावा॑पृथि॒वी नि॑ष्टत॒क्षुः ।
   किं स्वि॒द्वनं॒ क उ॒ स वृ॒क्ष आ॑स
   किम् स्वित् वन॑म् कः उ स वृ॒क्षः आ॑स
   किं स्वि॑द् वनं क उ स वृ॒क्ष आ॑स

Halfverse: b    यतो॒ द्यावा॑पृथि॒वी नि॑ष्टत॒क्षुः ।
   यतः द्यावा॑पृथि॒वी नि॑ष्टत॒क्षुः ।
   यतो द्यावा॑पृथि॒वी नि॑ष्टत॒क्षुः ।

Halfverse: c    मनी॑षिणो॒ मन॑सा पृ॒छतेदु॒ तद्यद॒ध्यति॑ष्ठ॒द्भुव॑नानि धा॒रय॑न् ।।
   मनी॑षिणो॒ मन॑सा पृ॒छतेदु॒ तद्
   मनी॑षिणः मन॑सा पृ॒छत इत् उ तत्
   मनी॑षिणो मन॑सा पृ॒छतेद् उ तद्

Halfverse: d    यद॒ध्यति॑ष्ठ॒द्भुव॑नानि धा॒रय॑न् ।।
   यत् अ॒ध्यति॑ष्ठत् भुव॑नानि धा॒रय॑न् ।।
   यद् अ॒ध्यति॑ष्ठद् भुव॑नानि धा॒रय॑न् ।।


Verse: 5 
Halfverse: a    या ते॒ धामा॑नि पर॒माणि॒ याव॒मा या म॑ध्य॒मा वि॑श्वकर्मन्नु॒तेमा ।
   या ते॒ धामा॑नि पर॒माणि॒ याव॒मा
   या ते धामा॑नि पर॒माणि या अ॑व॒मा
   या ते धामा॑नि पर॒माणि याव॒मा

Halfverse: b    या म॑ध्य॒मा वि॑श्वकर्मन्नु॒तेमा ।
   या म॑ध्य॒मा वि॑श्वकर्मन् उ॒त इ॒मा ।
   या म॑ध्य॒मा वि॑श्वकर्मन्न् उ॒तेमा ।

Halfverse: c    शिक्षा॒ सखि॑भ्यो ह॒विषि॑ स्वधावः स्व॒यं य॑जस्व त॒न्वं॑ वृधा॒नः ।।
   शिक्षा॒ सखि॑भ्यो ह॒विषि॑ स्वधावः
   शिक्ष+ सखि॑भ्यः ह॒विषि स्वधावः
   शिक्षा सखि॑भ्यो ह॒विषि स्वधावः

Halfverse: d    स्व॒यं य॑जस्व त॒न्वं॑ वृधा॒नः ।।
   स्व॒यम् यजस्व त॒न्व॑म् वृधा॒नः ।।
   स्व॒यं य॑जस्व त॒नुवं वृधा॒नः ।।


Verse: 6 
Halfverse: a    विश्व॑कर्मन्ह॒विषा॑ वावृधा॒नः स्व॒यं य॑जस्व पृथि॒वीमु॒त द्याम् ।
   विश्व॑कर्मन्ह॒विषा॑ वावृधा॒नः
   विश्व॑कर्मन् ह॒विषा वावृधा॒नः
   विश्व॑कर्मन् ह॒विषा वावृधा॒नः

Halfverse: b    स्व॒यं य॑जस्व पृथि॒वीमु॒त द्याम् ।
   स्व॒यम् यजस्व पृथि॒वीम् उ॒त द्याम् ।
   स्व॒यं य॑जस्व पृथि॒वीम् उ॒त द्याम् ।

Halfverse: c    मुह्य॑न्त्व॒न्ये अ॒भितो॒ जना॑स इ॒हास्माक॑म्म॒घवा॑ सू॒रिर॑स्तु ।।
   मुह्य॑न्त्व॒न्ये अ॒भितो॒ जना॑स
   मुह्य॑न्तु अ॒न्ये अ॒भितः जना॑सः
   मुह्य॑न्तु अ॒न्ये अ॒भितो जना॑स

Halfverse: d    इ॒हास्माक॑म्म॒घवा॑ सू॒रिर॑स्तु ।।
   इ॒ह अ॒स्माक॑म् म॒घवा सू॒रिः अ॑स्तु ।।
   इ॒हास्माक॑म् म॒घवा सू॒रिर् अस्तु ।।


Verse: 7 
Halfverse: a    वा॒चस्पतिं॑ वि॒श्वक॑र्माणमू॒तये॑ मनो॒जुवं॒ वाजे॑ अ॒द्या हु॑वेम ।
   वा॒चस्पतिं॑ वि॒श्वक॑र्माणमू॒तये
   वा॒चः पति॑म् वि॒श्वक॑र्माणम् ऊ॒तये
   वा॒चस् पतिं वि॒श्वक॑र्माणम् ऊ॒तये

Halfverse: b    मनो॒जुवं॒ वाजे॑ अ॒द्या हु॑वेम ।
   म॑नो॒जुव॑म् वाजे अ॒द्य+ हु॑वेम ।
   म॑नो॒जुवं वाजे अ॒द्या हु॑वेम ।

Halfverse: c    स नो॒ विश्वा॑नि॒ हव॑नानि जोषद्वि॒श्वश॑म्भू॒रव॑से सा॒धुक॑र्मा ।।
   स नो॒ विश्वा॑नि॒ हव॑नानि जोषद्
   स नः विश्वा॑नि हव॑नानि जोषत्
   स नो विश्वा॑नि हव॑नानि जोषद्

Halfverse: d    वि॒श्वश॑म्भू॒रव॑से सा॒धुक॑र्मा ।।
   वि॒श्वश॑म्भूः अव॑से सा॒धुक॑र्मा ।।
   वि॒श्वश॑म्भूर् अव॑से सा॒धुक॑र्मा ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.