TITUS
Rg-Veda: Rg-Veda-Samhita
Part No. 919
Previous part

Hymn: 82_(908) 
Verse: 1 
Halfverse: a    चक्षु॑षः पि॒ता मन॑सा॒ हि धीरो॑ घृ॒तमे॑ने अजन॒न्नन्न॑माने ।
   
चक्षु॑षः पि॒ता मन॑सा॒ हि धीरो
   
चक्षु॑षः पि॒ता मन॑सा हि धीरः
   
चक्षु॑षः पि॒ता मन॑सा हि धीरो

Halfverse: b    
घृ॒तमे॑ने अजन॒न्नन्न॑माने ।
   
घृ॒तम् एने अजनत् नन्न॑माने
   
घृ॒तम् एने अजनन् नन्न॑माने

Halfverse: c    
य॒देदन्ता॒ अद॑दृहन्त॒ पूर्व॒ आदिद्द्यावा॑पृथि॒वी अ॑प्रथेताम् ।।
   
य॒देदन्ता॒ अद॑दृहन्त॒ पूर्व
   
य॒दा इत् अन्ताः अद॑दृहन्त पूर्वे
   
य॒देद् अन्ता अद॑दृहन्त पूर्व

Halfverse: d    
आदिद्द्यावा॑पृथि॒वी अ॑प्रथेताम् ।।
   
आत् इत् द्यावा॑पृथि॒वी अ॑प्रथेताम् ।।
   
आद् इद् द्यावा॑पृथि॒वी अ॑प्रथेताम् ।।


Verse: 2 
Halfverse: a    
वि॒श्वक॑र्मा॒ विम॑ना॒ आद्विहा॑या धा॒ता वि॑धा॒ता प॑र॒मोत सं॒दृक् ।
   
वि॒श्वक॑र्मा॒ विम॑ना॒ आद्विहा॑या
   
वि॒श्वक॑र्मा विम॑नाः आत् विहा॑याः
   
वि॒श्वक॑र्मा विम॑ना आद् विहा॑या

Halfverse: b    
धा॒ता वि॑धा॒ता प॑र॒मोत सं॒दृक् ।
   
धा॒ता वि॑धा॒ता प॑र॒मा उ॒त सं॒दृक्
   
धा॒ता वि॑धा॒ता प॑र॒मोत सं॒दृक्

Halfverse: c    
तेषा॑मि॒ष्टानि॒ समि॒षा म॑दन्ति॒ यत्रा॑ सप्तऋ॒षीन्प॒र एक॑मा॒हुः ।।
   
तेषा॑मि॒ष्टानि॒ समि॒षा म॑दन्ति
   
तेषा॑म् इ॒ष्टानि सम् इ॒षा म॑दन्ति
   
तेषा॑म् इ॒ष्टानि सम् इ॒षा म॑दन्ति

Halfverse: d    
यत्रा॑ सप्तऋ॒षीन्प॒र एक॑मा॒हुः ।।
   
यत्र+ सप्तऋ॒षीन् प॒रः एक॑म् आ॒हुः ।।
   
यत्रा सप्त॒र्षीन् प॒र एक॑म् आ॒हुः ।।


Verse: 3 
Halfverse: a    
यो नः॑ पि॒ता ज॑नि॒ता यो वि॑धा॒ता धामा॑नि॒ वेद॒ भुव॑नानि॒ विश्वा॑ ।
   
यो नः॑ पि॒ता ज॑नि॒ता यो वि॑धा॒ता
   
यः नः पि॒ता ज॑नि॒ता यः वि॑धा॒ता
   
यो नः पि॒ता ज॑नि॒ता यो वि॑धा॒ता

Halfverse: b    
धामा॑नि॒ वेद॒ भुव॑नानि॒ विश्वा॑ ।
   
धामा॑नि वेद भुव॑नानि विश्वा
   
धामा॑नि वेद भुव॑नानि विश्वा

Halfverse: c    
यो दे॒वानां॑ नाम॒धा एक॑ ए॒व तं स॑म्प्र॒श्नम्भुव॑ना यन्त्य॒न्या ।।
   
यो दे॒वानां॑ नाम॒धा एक॑ ए॒व
   
यः दे॒वाना॑म् नाम॒धाः एकः ए॒व
   
यो दे॒वानां नाम॒धा एक ए॒व

Halfverse: d    
तं स॑म्प्र॒श्नम्भुव॑ना यन्त्य॒न्या ।।
   
तम् सम्प्र॒श्नम् भुव॑ना यन्ति अ॒न्या ।।
   
तं स॑म्प्र॒श्नम् भुव॑ना यन्ति अ॒न्या ।।


Verse: 4 
Halfverse: a    
त आय॑जन्त॒ द्रवि॑णं॒ सम॑स्मा॒ ऋष॑यः॒ पूर्वे॑ जरि॒तारो॒ न भू॒ना ।
   
त आय॑जन्त॒ द्रवि॑णं॒ सम॑स्मा
   
ते अ॑यजन्त द्रवि॑णम् सम् अस्मै
   
आय॑जन्त द्रवि॑णं सम् अस्मा

Halfverse: b    
ऋष॑यः॒ पूर्वे॑ जरि॒तारो॒ न भू॒ना ।
   
ऋष॑यः पूर्वे जरि॒तारः भू॒ना
   
ऋष॑यः पूर्वे जरि॒तारो भू॒ना

Halfverse: c    
अ॒सूर्ते॒ सूर्ते॒ रज॑सि निष॒त्ते ये भू॒तानि॑ स॒मकृ॑ण्वन्नि॒मानि॑ ।।
   
अ॒सूर्ते॒ सूर्ते॒ रज॑सि निष॒त्ते
   
अ॒सूर्ते सूर्ते रज॑सि निष॒त्ते
   
अ॒सूर्ते सूर्ते रज॑सि निष॒त्ते

Halfverse: d    
ये भू॒तानि॑ स॒मकृ॑ण्वन्नि॒मानि॑ ।।
   
ये भू॒तानि स॒मकृ॑ण्वन् इ॒मानि ।।
   
ये भू॒तानि स॒मकृ॑ण्वन्न् इ॒मानि ।।


Verse: 5 
Halfverse: a    
प॒रो दि॒वा प॒र ए॒ना पृ॑थि॒व्या प॒रो दे॒वेभि॒रसु॑रै॒र्यदस्ति॑ ।
   
प॒रो दि॒वा प॒र ए॒ना पृ॑थि॒व्या
   
प॒रः दि॒वा प॒रः ए॒ना पृ॑थि॒व्या
   
प॒रो दि॒वा प॒र ए॒ना पृ॑थि॒व्या

Halfverse: b    
प॒रो दे॒वेभि॒रसु॑रै॒र्यदस्ति॑ ।
   
प॒रः दे॒वेभिः असु॑रैः यत् अस्ति
   
प॒रो दे॒वेभि॑र् असु॑रैर् यद् अस्ति

Halfverse: c    
कं स्वि॒द्गर्भ॑म्प्रथ॒मं द॑ध्र॒ आपो॒ यत्र॑ दे॒वाः स॒मप॑श्यन्त॒ विश्वे॑ ।।
   
कं स्वि॒द्गर्भ॑म्प्रथ॒मं द॑ध्र॒ आपो
   
कम् स्वित् गर्भ॑म् प्रथ॒मम् दध्रे आपः
   
कं स्वि॑द् गर्भ॑म् प्रथ॒मं द॑ध्र आपो

Halfverse: d    
यत्र॑ दे॒वाः स॒मप॑श्यन्त॒ विश्वे॑ ।।
   
यत्र दे॒वाः स॒मप॑श्यन्त विश्वे ।।
   
यत्र दे॒वाः स॒मप॑श्यन्त विश्वे ।।


Verse: 6 
Halfverse: a    
तमिद्गर्भ॑म्प्रथ॒मं द॑ध्र॒ आपो॒ यत्र॑ दे॒वाः स॒मग॑छन्त॒ विश्वे॑ ।
   
तमिद्गर्भ॑म्प्रथ॒मं द॑ध्र॒ आपो
   
तम् इत् गर्भ॑म् प्रथ॒मम् दध्रे आपः
   
तम् इद् गर्भ॑म् प्रथ॒मं द॑ध्र आपो

Halfverse: b    
यत्र॑ दे॒वाः स॒मग॑छन्त॒ विश्वे॑ ।
   
यत्र दे॒वाः स॒मग॑छन्त विश्वे
   
यत्र दे॒वाः स॒मग॑छन्त विश्वे

Halfverse: c    
अ॒जस्य॒ नाभा॒वध्येक॒मर्पि॑तं॒ यस्मि॒न्विश्वा॑नि॒ भुव॑नानि त॒स्थुः ।।
   
अ॒जस्य॒ नाभा॒वध्येक॒मर्पि॑तं
   
अ॒जस्य नाभौ अधि एक॑म् अर्पि॑तम्
   
अ॒जस्य नाभा॑व् अधि एक॑म् अर्पि॑तं

Halfverse: d    
यस्मि॒न्विश्वा॑नि॒ भुव॑नानि त॒स्थुः ।।
   
यस्मि॑न् विश्वा॑नि भुव॑नानि त॒स्थुः ।।
   
यस्मि॑न् विश्वा॑नि भुव॑नानि त॒स्थुः ।।


Verse: 7 
Halfverse: a    
न तं वि॑दाथ॒ य इ॒मा ज॒जाना॒न्यद्यु॒ष्माक॒मन्त॑रम्बभूव ।
   
न तं वि॑दाथ॒ य इ॒मा ज॒जान
   
तम् विदाथ यः इ॒मा ज॒जान
   
तं वि॑दाथ इ॒मा ज॒जान

Halfverse: b    
॑अ॒न्यद्यु॒ष्माक॒मन्त॑रम्बभूव ।
   
अ॒न्यत् यु॒ष्माक॑म् अन्त॑रम् बभूव
   
अ॒न्यद् यु॒ष्माक॑म् अन्त॑रम् बभूव

Halfverse: c    
नी॑हा॒रेण॒ प्रावृ॑ता॒ जल्प्या॑ चासु॒तृप॑ उक्थ॒शास॑श्चरन्ति ।।
   
नी॑हा॒रेण॒ प्रावृ॑ता॒ जल्प्या॑ च
   
नीहा॒रेण प्रावृ॑ताः जल्प्या
   
नीहा॒रेण प्रावृ॑ता जल्पि॑या

Halfverse: d    
असु॒तृप॑ उक्थ॒शास॑श्चरन्ति ।।
   
अ॑सु॒तृपः उक्थ॒शासः चरन्ति ।।
   
अ॑सु॒तृप उक्थ॒शास॑श् चरन्ति ।।



Next part



This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.