TITUS
Rg-Veda: Rg-Veda-Samhita
Part No. 921
Previous part

Hymn: 84_(910) 
Verse: 1 
Halfverse: a    त्वया॑ मन्यो स॒रथ॑मारु॒जन्तो॒ हर्ष॑माणासो धृषि॒ता म॑रुत्वः ।
   त्वया॑ मन्यो स॒रथ॑मारु॒जन्तो
   त्वया मन्यो स॒रथ॑म् आरु॒जन्तः
   त्वया मन्यो स॒रथ॑म् आरु॒जन्तो

Halfverse: b    हर्ष॑माणासो धृषि॒ता म॑रुत्वः ।
   हर्ष॑माणासः धृषि॒ताः म॑रुत्वः ।
   हर्ष॑माणासो धृषि॒ता म॑रुत्वः ।

Halfverse: c    ति॒ग्मेष॑व॒ आयु॑धा सं॒शिशा॑ना अ॒भि प्र य॑न्तु॒ नरो॑ अ॒ग्निरू॑पाः ।।
   ति॒ग्मेष॑व॒ आयु॑धा सं॒शिशा॑ना
   ति॒ग्मेष॑वः आयु॑धा सं॒शिशा॑नाः
   ति॒ग्मेष॑व आयु॑धा सं॒शिशा॑ना

Halfverse: d    अ॒भि प्र य॑न्तु॒ नरो॑ अ॒ग्निरू॑पाः ।।
   अ॒भि प्र य॑न्तु नरः अ॒ग्निरू॑पाः ।।
   अ॒भि प्र य॑न्तु नरो अ॒ग्निरू॑पाः ।।


Verse: 2 
Halfverse: a    अ॒ग्निरि॑व मन्यो त्विषि॒तः स॑हस्व सेना॒नीर्नः॑ सहुरे हू॒त ए॑धि ।
   अ॒ग्निरि॑व मन्यो त्विषि॒तः स॑हस्व
   अ॒ग्निः इ॑व मन्यो त्विषि॒तः स॑हस्व
   अ॒ग्निर् ऽव % मन्यो त्विषि॒तः स॑हस्व

Halfverse: b    सेना॒नीर्नः॑ सहुरे हू॒त ए॑धि ।
   से॑ना॒नीः नः सहुरे हू॒तः ए॑धि ।
   से॑ना॒नीर् नः सहुरे हू॒त ए॑धि ।

Halfverse: c    ह॒त्वाय॒ शत्रू॒न्वि भ॑जस्व॒ वेद॒ ओजो॒ मिमा॑नो॒ वि मृधो॑ नुदस्व ।।
   ह॒त्वाय॒ शत्रू॒न्वि भ॑जस्व॒ वेद
   ह॒त्वाय शत्रू॑न् वि भ॑जस्व वेदः
   ह॒त्वाय शत्रू॑न् वि भ॑जस्व वेद

Halfverse: d    ओजो॒ मिमा॑नो॒ वि मृधो॑ नुदस्व ।।
   ओजः मिमा॑नः वि मृधः नुदस्व ।।
   ओजो मिमा॑नो वि मृधो नुदस्व ।।


Verse: 3 
Halfverse: a    सह॑स्व मन्यो अ॒भिमा॑तिम॒स्मे रु॒जन्मृ॒णन्प्र॑मृ॒णन्प्रेहि॒ शत्रू॑न् ।
   सह॑स्व मन्यो अ॒भिमा॑तिम॒स्मे
   सह॑स्व मन्यो अ॒भिमा॑तिम् अ॒स्मे
   सह॑स्व मन्यो अ॒भिमा॑तिम् अ॒स्मे

Halfverse: b    रु॒जन्मृ॒णन्प्र॑मृ॒णन्प्रेहि॒ शत्रू॑न् ।
   रु॒जन् मृ॒णन् प्रमृ॒णन् प्र इ॑हि शत्रू॑न् ।
   रु॒जन् मृ॒णन् प्रमृ॒णन् प्रेहि शत्रू॑न् ।

Halfverse: c    उ॒ग्रं ते॒ पाजो॑ न॒न्वा रु॑रुध्रे व॒शी वशं॑ नयस एकज॒ त्वम् ।।
   उ॒ग्रं ते॒ पाजो॑ न॒न्वा रु॑रुध्रे
   उ॒ग्रम् ते पाजः न॒नु आ रु॑रुध्रे
   उ॒ग्रं ते पाजो न॒नु आ रु॑रुध्रे

Halfverse: d    व॒शी वशं॑ नयस एकज॒ त्वम् ।।
   व॒शी वश॑म् नयसे एकज त्वम् ।।
   व॒शी वशं नयस एकज त्वम् ।।


Verse: 4 
Halfverse: a    एको॑ बहू॒नाम॑सि मन्यवीळि॒तो विशं॑विशं यु॒धये॒ सं शि॑शाधि ।
   एको॑ बहू॒नाम॑सि मन्यवीळि॒तो
   एकः बहू॒नाम् असि मन्यो ईळि॒तः
   एको बहू॒नाम् असि मन्यव् ईळि॒तो

Halfverse: b    विशं॑विशं यु॒धये॒ सं शि॑शाधि ।
   विशं॑विशम् यु॒धये सम् शिशाधि ।
   विशं॑विशं यु॒धये सं शि॑शाधि ।

Halfverse: c    अकृ॑त्तरु॒क्त्वया॑ यु॒जा व॒यं द्यु॒मन्तं॒ घोषं॑ विज॒याय॑ कृण्महे ।।
   अकृ॑त्तरु॒क्त्वया॑ यु॒जा व॒यं
   अकृ॑त्तरुक् त्वया यु॒जा व॒यम्
   अकृ॑त्तरुक् ? तु॒वया यु॒जा व॒यं

Halfverse: d    द्यु॒मन्तं॒ घोषं॑ विज॒याय॑ कृण्महे ।।
   द्यु॒मन्त॑म् घोष॑म् विज॒याय कृण्महे ।।
   द्यु॒मन्तं घोषं विज॒याय कृण्महे ।।


Verse: 5 
Halfverse: a    वि॑जेष॒कृदिन्द्र॑ इवानवब्र॒वो॒ ऽस्माक॑म्मन्यो अधि॒पा भ॑वे॒ह ।
   वि॑जेष॒कृदिन्द्र॑ इवानवब्र॒वो
   विजेष॒कृत् इन्द्रः इव अनवब्र॒वः
   वि॑जेष॒कृद् इन्द्र इवानवब्र॒वो

Halfverse: b    ऽस्माक॑म्मन्यो अधि॒पा भ॑वे॒ह ।
   अ॒स्माक॑म् मन्यो अधि॒पाः भ॑व इ॒ह ।
   अ॒स्माक॑म् मन्यो अधि॒पा भ॑वे॒ह ।

Halfverse: c    प्रि॒यं ते॒ नाम॑ सहुरे गृणीमसि वि॒द्मा तमुत्सं॒ यत॑ आब॒भूथ॑ ।।
   प्रि॒यं ते॒ नाम॑ सहुरे गृणीमसि
   प्रि॒यम् ते नाम सहुरे गृणीमसि
   प्रि॒यं ते नाम सहुरे गृणीमसि

Halfverse: d    वि॒द्मा तमुत्सं॒ यत॑ आब॒भूथ॑ ।।
   वि॒द्म+ तम् उत्स॑म् यतः आब॒भूथ ।।
   वि॒द्मा तम् उत्सं यत आब॒भूथ ।।


Verse: 6 
Halfverse: a    आभू॑त्या सह॒जा व॑ज्र सायक॒ सहो॑ बिभर्ष्यभिभूत॒ उत्त॑रम् ।
   आभू॑त्या सह॒जा व॑ज्र सायक
   आभू॑त्या सह॒जाः व॑ज्र सायक
   आभू॑तिया सह॒जा व॑ज्र सायक

Halfverse: b    सहो॑ बिभर्ष्यभिभूत॒ उत्त॑रम् ।
   सहः बिभर्षि अभिभूते उत्त॑रम् ।
   सहो बिभर्षि अभिभूत उत्त॑रम् ।

Halfverse: c    क्रत्वा॑ नो मन्यो स॒ह मे॒द्ये॑धि महाध॒नस्य॑ पुरुहूत सं॒सृजि॑ ।।
   क्रत्वा॑ नो मन्यो स॒ह मे॒द्ये॑धि
   क्रत्वा नः मन्यो स॒ह मे॒दी ए॑धि
   क्रत्वा नो मन्यो स॒ह मे॒दी ए॑धि

Halfverse: d    महाध॒नस्य॑ पुरुहूत सं॒सृजि॑ ।।
   म॑हाध॒नस्य पुरुहूत सं॒सृजि ।।
   म॑हाध॒नस्य पुरुहूत सं॒सृजि ।।


Verse: 7 
Halfverse: a    संसृ॑ष्टं॒ धन॑मु॒भयं॑ स॒माकृ॑तम॒स्मभ्यं॑ दत्तां॒ वरु॑णश्च म॒न्युः ।
   संसृ॑ष्टं॒ धन॑मु॒भयं॑ स॒माकृ॑तम्
   संसृ॑ष्टम् धन॑म् उ॒भय॑म् स॒माकृ॑तम्
   संसृ॑ष्टं धन॑म् उ॒भयं स॒माकृ॑तम्

Halfverse: b    अ॒स्मभ्यं॑ दत्तां॒ वरु॑णश्च म॒न्युः ।
   अ॒स्मभ्य॑म् दत्ताम् वरु॑णः च म॒न्युः ।
   अ॒स्मभ्यं दत्तां वरु॑णश् च म॒न्युः ।

Halfverse: c    भियं॒ दधा॑ना॒ हृद॑येषु॒ शत्र॑वः॒ परा॑जितासो॒ अप॒ नि ल॑यन्ताम् ।।
   भियं॒ दधा॑ना॒ हृद॑येषु॒ शत्र॑वः
   भिय॑म् दधा॑नाः हृद॑येषु शत्र॑वः
   भियं दधा॑ना हृद॑येषु शत्र॑वः

Halfverse: d    परा॑जितासो॒ अप॒ नि ल॑यन्ताम् ।।
   परा॑जितासः अप नि ल॑यन्ताम् ।।
   परा॑जितासो अप नि ल॑यन्ताम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.