TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 922

Previous part

Hymn: 85_(911)
Verse: 1
Halfverse: a    स॒त्येनोत्त॑भिता॒ भूमिः॒ सूर्ये॒णोत्त॑भिता॒ द्यौः ।
   स॒त्येनोत्त॑भिता॒ भूमिः
   स॒त्येन उत्त॑भिता भूमिः
   स॒त्येनोत्त॑भिता भूमिः

Halfverse: b    सूर्ये॒णोत्त॑भिता॒ द्यौः ।
   सूर्ये॑ण उत्त॑भिता द्यौः ।
   सूर्ये॑ण उत्त॑भिता द्यौः ।

Halfverse: c    ऋ॒तेना॑दि॒त्यास्ति॑ष्ठन्ति दि॒वि सोमो॒ अधि॑ श्रि॒तः ।।
   ऋ॒तेना॑दि॒त्यास्ति॑ष्ठन्ति
   ऋ॒तेन आदि॒त्याः ति॑ष्ठन्ति
   ऋ॒तेना॑दि॒त्यास् तिष्ठन्ति

Halfverse: d    दि॒वि सोमो॒ अधि॑ श्रि॒तः ।।
   दि॒वि सोमः अधि श्रि॒तः ।।
   दि॒वि सोमो अधि श्रि॒तः ।।

Verse: 2
Halfverse: a    सोमे॑नादि॒त्या ब॒लिनः॒ सोमे॑न पृथि॒वी म॒ही ।
   सोमे॑नादि॒त्या ब॒लिनः
   सोमे॑न आदि॒त्याः ब॒लिनः
   सोमे॑नादि॒त्या ब॒लिनः

Halfverse: b    सोमे॑न पृथि॒वी म॒ही ।
   सोमे॑न पृथि॒वी म॒ही ।
   सोमे॑न पृथि॒वी म॒ही ।

Halfverse: c    अथो॒ नक्ष॑त्राणामे॒षामु॒पस्थे॒ सोम॒ आहि॑तः ।।
   अथो॒ नक्ष॑त्राणामे॒षाम्
   अथ उ नक्ष॑त्राणाम् ए॒षाम्
   अथो नक्ष॑त्राणाम् ए॒षाम्

Halfverse: d    उ॒पस्थे॒ सोम॒ आहि॑तः ।।
   उ॒पस्थे सोमः आहि॑तः ।।
   उ॒पस्थे सोम आहि॑तः ।।

Verse: 3
Halfverse: a    सोम॑म्मन्यते पपि॒वान्यत्स॑म्पिं॒षन्त्योष॑धिम् ।
   सोम॑म्मन्यते पपि॒वान्
   सोम॑म् मन्यते पपि॒वान्
   सोम॑म् मन्यते पपि॒वान्

Halfverse: b    यत्स॑म्पिं॒षन्त्योष॑धिम् ।
   यत् सम्पिं॒षन्ति ओष॑धिम् ।
   यत् सम्पिं॒षन्ति ओष॑धिम् ।

Halfverse: c    सोमं॒ यम्ब्र॒ह्माणो॑ वि॒दुर्न तस्या॑श्नाति॒ कश्च॒न ।।
   सोमं॒ यम्ब्र॒ह्माणो॑ वि॒दुर्
   सोम॑म् यम् ब्र॒ह्माणः वि॒दुः
   सोमं यम् ब्र॒ह्माणो वि॒दुर्

Halfverse: d    न तस्या॑श्नाति॒ कश्च॒न ।।
   न तस्य अश्नाति कः च॒न ।।
   न तस्या॑श्नाति कश् च॒न ।।

Verse: 4
Halfverse: a    आ॒छद्वि॑धानैर्गुपि॒तो बार्ह॑तैः सोम रक्षि॒तः ।
   आ॒छद्वि॑धानैर्गुपि॒तो
   आ॒छद्वि॑धानैः गुपि॒तः
   आ॒छद्वि॑धानैर् गुपि॒तो

Halfverse: b    बार्ह॑तैः सोम रक्षि॒तः ।
   बार्ह॑तैः सोम रक्षि॒तः ।
   बार्ह॑तैः सोम रक्षि॒तः ।

Halfverse: c    ग्राव्णा॒मिच्छृ॒ण्वन्ति॑ष्ठसि॒ न ते॑ अश्नाति॒ पार्थि॑वः ।।
   ग्राव्णा॒मिच्छृ॒ण्वन्ति॑ष्ठसि
   ग्राव्णा॑म् इत् शृ॒ण्वन् तिष्ठसि
   ग्राव्णा॑म् इच् छृ॒ण्वन् तिष्ठसि

Halfverse: d    न ते॑ अश्नाति॒ पार्थि॑वः ।।
   न ते अश्नाति पार्थि॑वः ।।
   न ते अश्नाति पार्थि॑वः ।।

Verse: 5
Halfverse: a    यत्त्वा॑ देव प्र॒पिब॑न्ति॒ तत॒ आ प्या॑यसे॒ पुनः॑ ।
   यत्त्वा॑ देव प्र॒पिब॑न्ति
   यत् त्वा देव प्र॒पिब॑न्ति
   यत् त्वा देव प्र॒पिब॑न्ति

Halfverse: b    तत॒ आ प्या॑यसे॒ पुनः॑ ।
   ततः आ प्या॑यसे पुन॑र् ।
   तत आ प्या॑यसे पुनः ।

Halfverse: c    वा॒युः सोम॑स्य रक्षि॒ता समा॑ना॒म्मास॒ आकृ॑तिः ।।
   वा॒युः सोम॑स्य रक्षि॒ता
   वा॒युः सोम॑स्य रक्षि॒ता
   वा॒युः सोम॑स्य रक्षि॒ता

Halfverse: d    समा॑ना॒म्मास॒ आकृ॑तिः ।।
   समा॑नाम् मासः आकृ॑तिः ।।
   समा॑नाम् मास आकृ॑तिः ।।

Verse: 6
Halfverse: a    रैभ्या॑सीदनु॒देयी॑ नाराशं॒सी न्योच॑नी ।
   रैभ्या॑सीदनु॒देयी
   रैभी आसीत् अनु॒देयी
   रैभी आसीद् अनु॒देयी

Halfverse: b    नाराशं॒सी न्योच॑नी ।
   ना॑राशं॒सी न्योच॑नी ।
   ना॑राशं॒सी निओच॑नी ।

Halfverse: c    सू॒र्याया॑ भ॒द्रमिद्वासो॒ गाथ॑यैति॒ परि॑ष्कृतम् ।।
   सू॒र्याया॑ भ॒द्रमिद्वासो
   सू॒र्यायाः भ॒द्रम् इत् वासः
   सू॒र्याया भ॒द्रम् इद् वासो

Halfverse: d    गाथ॑यैति॒ परि॑ष्कृतम् ।।
   गाथ॑या एति परि॑ष्कृतम् ।।
   गाथ॑यैति परि॑ष्कृतम् ।।

Verse: 7
Halfverse: a    चित्ति॑रा उप॒बर्ह॑णं॒ चक्षु॑रा अ॒भ्यञ्ज॑नम् ।
   चित्ति॑रा उप॒बर्ह॑णं
   चित्तिः आः उप॒बर्ह॑णम्
   चित्ति॑र् आ उप॒बर्ह॑णं

Halfverse: b    चक्षु॑रा अ॒भ्यञ्ज॑नम् ।
   चक्षुः आः अ॒भ्यञ्ज॑नम् ।
   चक्षु॑र् आ अ॒भिअञ्ज॑नम् ।

Halfverse: c    द्यौर्भूमिः॒ कोश॑ आसी॒द्यदया॑त्सू॒र्या पति॑म् ।।
   द्यौर्भूमिः॒ कोश॑ आसीद्
   द्यौः भूमिः कोशः आसीत्
   दि॒यौर् भूमिः कोश आसीद्

Halfverse: d    यदया॑त्सू॒र्या पति॑म् ।।
   यत् अया॑त् सू॒र्या पति॑म् ।।
   यद् अया॑त् सूरि॒या पति॑म् ।।

Verse: 8
Halfverse: a    स्तोमा॑ आसन्प्रति॒धयः॑ कु॒रीरं॒ छन्द॑ ओप॒शः ।
   स्तोमा॑ आसन्प्रति॒धयः
   स्तोमाः आसन् प्रति॒धयः
   स्तोमा आसन् प्रति॒धयः

Halfverse: b    कु॒रीरं॒ छन्द॑ ओप॒शः ।
   कु॒रीर॑म् छन्दः ओप॒शः ।
   कु॒रीरं छन्द ओप॒शः ।

Halfverse: c    सू॒र्याया॑ अ॒श्विना॑ व॒राग्निरा॑सीत्पुरोग॒वः ।।
   सू॒र्याया॑ अ॒श्विना॑ व॒रा
   सू॒र्यायाः अ॒श्विना व॒रा
   सू॒र्याया अ॒श्विना व॒रा

Halfverse: d     अ॒ग्निरा॑सीत्पुरोग॒वः ।।
   अ॒ग्निः आ॑सीत् पुरोग॒वः ।।
   अ॒ग्निर् आसीत् पुरोग॒वः ।।

Verse: 9
Halfverse: a    सोमो॑ वधू॒युर॑भवद॒श्विना॑स्तामु॒भा व॒रा ।
   सोमो॑ वधू॒युर॑भवद्
   सोमः वधू॒युः अ॑भवत्
   सोमो वधू॒युर् अभवद्

Halfverse: b    अ॒श्विना॑स्तामु॒भा व॒रा ।
   अ॒श्विना आस्ताम् उ॒भा व॒रा ।
   अ॒श्विना॑स्ताम् उ॒भा व॒रा ।

Halfverse: c    सू॒र्यां यत्पत्ये॒ शंस॑न्ती॒म्मन॑सा सवि॒ताद॑दात् ।।
   सू॒र्यां यत्पत्ये॒ शंस॑न्तीम्
   सू॒र्याम् यत् पत्ये शंस॑न्तीम्
   सू॒र्यां यत् पत्ये शंस॑न्तीम्

Halfverse: d    मन॑सा सवि॒ताद॑दात् ।।
   मन॑सा सवि॒ता अद॑दात् ।।
   मन॑सा सवि॒ताद॑दात् ।।

Verse: 10
Halfverse: a    मनो॑ अस्या॒ अन॑ आसी॒द्द्यौरा॑सीदु॒त छ॒दिः ।
   मनो॑ अस्या॒ अन॑ आसीद्
   मनः अस्याः अनः आसीत्
   मनो अस्या अन आसीद्

Halfverse: b    द्यौरा॑सीदु॒त छ॒दिः ।
   द्यौः आ॑सीत् उ॒त छ॒दिः ।
   दि॒यौर् आसीद् उ॒त छ॒दिः ।

Halfverse: c    शु॒क्राव॑न॒ड्वाहा॑वास्तां॒ यदया॑त्सू॒र्या गृ॒हम् ।।
   शु॒क्राव॑न॒ड्वाहा॑वास्तां
   शु॒क्रौ अ॑न॒ड्वाहौ आस्ताम्
   शु॒क्राव् अन॒ड्वाहा॑व् आस्तां

Halfverse: d    यदया॑त्सू॒र्या गृ॒हम् ।।
   यत् अया॑त् सू॒र्या गृ॒हम् ।।
   यद् अया॑त् सूरि॒या गृ॒हम् ।।

Verse: 11
Halfverse: a    ऋ॑क्सा॒माभ्या॑म॒भिहि॑तौ॒ गावौ॑ ते साम॒नावि॑तः ।
   ऋ॑क्सा॒माभ्या॑म॒भिहि॑तौ
   ऋक्सा॒माभ्या॑म् अ॒भिहि॑तौ
   ऋक्सा॒माभ्या॑म् अ॒भिहि॑तौ

Halfverse: b    गावौ॑ ते साम॒नावि॑तः ।
   गावौ ते साम॒नौ इ॑तः ।
   गावौ ते साम॒नाव् इतः ।

Halfverse: c    श्रोत्रं॑ ते च॒क्रे आ॑स्तां दि॒वि पन्था॑श्चराचा॒रः ।।
   श्रोत्रं॑ ते च॒क्रे आ॑स्तां
   श्रोत्र॑म् ते च॒क्रे आ॑स्ताम्
   श्रोत्रं ते च॒क्रे आ॑स्तां

Halfverse: d    दि॒वि पन्था॑श्चराचा॒रः ।।
   दि॒वि पन्थाः चराच॒रः ।।
   दि॒वि पन्था॑श् चराचा॒रः ।।

Verse: 12
Halfverse: a    शुची॑ ते च॒क्रे या॒त्या व्या॒नो अक्ष॒ आह॑तः ।
   शुची॑ ते च॒क्रे या॒त्या
   शुची ते च॒क्रे या॒त्याः
   शुची ते च॒क्रे या॑ति॒या

Halfverse: b    व्या॒नो अक्ष॒ आह॑तः ।
   व्या॒नः अक्षः आह॑तः ।
   वि॑या॒नो अक्ष आह॑तः ।

Halfverse: c    अनो॑ मन॒स्मयं॑ सू॒र्यारो॑हत्प्रय॒ती पति॑म् ।।
   अनो॑ मन॒स्मयं॑ सू॒र्या
   अनः मन॒स्मय॑म् सू॒र्या
   अनो मन॒स्मयं सू॒र्या

Halfverse: d     आरो॑हत्प्रय॒ती पति॑म् ।।
   आ अ॑रोहत् प्रय॒ती पति॑म् ।।
   आरो॑हत् प्रय॒ती पति॑म् ।।

Verse: 13
Halfverse: a    सू॒र्याया॑ वह॒तुः प्रागा॑त्सवि॒ता यम॒वासृ॑जत् ।
   सू॒र्याया॑ वह॒तुः प्रागा॑त्
   सू॒र्यायाः वह॒तुः प्र अ॑गात्
   सू॒र्याया वह॒तुः प्रागा॑त्

Halfverse: b    सवि॒ता यम॒वासृ॑जत् ।
   स॑वि॒ता यम् अ॒वासृ॑जत् ।
   स॑वि॒ता यम् अ॒वासृ॑जत् ।

Halfverse: c    अ॒घासु॑ हन्यन्ते॒ गावो ऽर्जु॑न्योः॒ पर्यु॑ह्यते ।।
   अ॒घासु॑ हन्यन्ते॒ गावो
   अ॒घासु हन्यन्ते गावः
   अ॒घासु हन्यन्ते गावो

Halfverse: d    ऽर्जुन्योः॒ पर्यु॑ह्यते ।।
   अर्जु॑न्योः परि उह्यते ।।
   अर्जु॑न्योः परि उह्यते ।।

Verse: 14
Halfverse: a    यद॑श्विना पृ॒छमा॑ना॒वया॑तं त्रिच॒क्रेण॑ वह॒तुं सू॒र्यायाः॑ ।
   यद॑श्विना पृ॒छमा॑ना॒वया॑तं
   यत् अश्विना पृ॒छमा॑नौ अया॑तम्
   यद् अश्विना पृ॒छमा॑नाव् अया॑तं

Halfverse: b    त्रिच॒क्रेण॑ वह॒तुं सू॒र्यायाः॑ ।
   त्रि॑च॒क्रेण वह॒तुम् सू॒र्यायाः ।
   त्रि॑च॒क्रेण वह॒तुं सू॑रि॒यायाः ।

Halfverse: c    विश्वे॑ दे॒वा अनु॒ तद्वा॑मजानन्पु॒त्रः पि॒तरा॑ववृणीत पू॒षा ।।
   विश्वे॑ दे॒वा अनु॒ तद्वा॑मजानन्
   विश्वे दे॒वाः अनु तत् वाम् अजानन्
   विश्वे दे॒वा अनु तद् वाम् अजानन्

Halfverse: d    पु॒त्रः पि॒तरा॑ववृणीत पू॒षा ।।
   पु॒त्रः पि॒तरौ अवृणीत पू॒षा ।।
   पु॒त्रः पि॒तरा॑व् अवृणीत पू॒षा ।।

Verse: 15
Halfverse: a    यदया॑तं शुभस्पती वरे॒यं सू॒र्यामुप॑ ।
   यदया॑तं शुभस्पती
   यत् अया॑तम् शुभः पती
   यद् अया॑तं शुभस् पती

Halfverse: b    वरे॒यं सू॒र्यामुप॑ ।
   व॑रे॒यम् सू॒र्याम् उप ।
   व॑रे॒यं सू॑रि॒याम् उप ।

Halfverse: c    क्वैकं॑ च॒क्रं वा॑मासी॒त्क्व॑ दे॒ष्ट्राय॑ तस्थथुः ।।
   क्वैकं॑ च॒क्रं वा॑मासीत्
   क्व एक॑म् च॒क्रम् वाम् आसीत्
   कु॒वैकं च॒क्रं वा॑म् आसीत्

Halfverse: d    क्व॑ दे॒ष्ट्राय॑ तस्थथुः ।।
   क्व दे॒ष्ट्राय तस्थथुः ।।
   कुव दे॒ष्ट्राय तस्थथुः ।।

Verse: 16
Halfverse: a    द्वे ते॑ च॒क्रे सू॑र्ये ब्र॒ह्माण॑ ऋतु॒था वि॑दुः ।
   द्वे ते॑ च॒क्रे सू॑र्ये
   द्वे ते च॒क्रे सू॑र्ये
   दु॒वे ते च॒क्रे सू॑रिये

Halfverse: b    ब्र॒ह्माण॑ ऋतु॒था वि॑दुः ।
   ब्र॒ह्माणः ऋतु॒था वि॑दुः ।
   ब्र॒ह्माण ऋतु॒था वि॑दुः ।

Halfverse: c    अथैकं॑ च॒क्रं यद्गुहा॒ तद॑द्धा॒तय॒ इद्वि॑दुः ।।
   अथैकं॑ च॒क्रं यद्गुहा
   अथ एक॑म् च॒क्रम् यत् गुहा
   अथैकं च॒क्रं यद् गुहा

Halfverse: d    तद॑द्धा॒तय॒ इद्वि॑दुः ।।
   तत् अद्धा॒तयः इत् विदुः ।।
   तद् अद्धा॒तय इद् विदुः ।।

Verse: 17
Halfverse: a    सू॒र्यायै॑ दे॒वेभ्यो॑ मि॒त्राय॒ वरु॑णाय च ।
   सू॒र्यायै॑ दे॒वेभ्यो
   सू॒र्यायै दे॒वेभ्यः
   सूरि॒यायै दे॒वेभि॑यो

Halfverse: b    मि॒त्राय॒ वरु॑णाय च ।
   मि॒त्राय वरु॑णाय च ।
   मि॒त्राय वरु॑णाय च ।

Halfverse: c    ये भू॒तस्य॒ प्रचे॑तस इ॒दं तेभ्यो॑ ऽकरं॒ नमः॑ ।।
   ये भू॒तस्य॒ प्रचे॑तस
   ये भू॒तस्य प्रचे॑तसः
   ये भू॒तस्य प्रचे॑तस

Halfverse: d    इ॒दं तेभ्यो॑ ऽकरं॒ नमः॑ ।।
   इ॒दम् तेभ्यः अकरम् नमः ।।
   इ॒दं तेभ्यो ऽकरं नमः ।।

Verse: 18
Halfverse: a    पू॑र्वाप॒रं च॑रतो मा॒ययै॒तौ शिशू॒ क्रीळ॑न्तौ॒ परि॑ यातो अध्व॒रम् ।
   पू॑र्वाप॒रं च॑रतो मा॒ययै॒तौ
   पू॑र्वाप॒रम् चरतः मा॒यया ए॒तौ
   पू॑र्वाप॒रं च॑रतो मा॒ययै॒तौ

Halfverse: b    शिशू॒ क्रीळ॑न्तौ॒ परि॑ यातो अध्व॒रम् ।
   शिशू क्रीळ॑न्तौ परि यातः अध्व॒रम् ।
   शिशू क्रीळ॑न्तौ परि यातो अध्व॒रम् ।

Halfverse: c    विश्वा॑न्य॒न्यो भुव॑नाभि॒चष्ट॑ ऋ॒तूँर॒न्यो वि॒दध॑ज्जायते॒ पुनः॑ ।।
   विश्वा॑न्य॒न्यो भुव॑नाभि॒चष्ट
   विश्वा॑नि अ॒न्यः भुव॑ना अभि॒चष्टे
   विश्वा॑नि अ॒न्यो भुव॑नाभि॒चष्ट

Halfverse: d    ऋ॒तूँर॒न्यो वि॒दध॑ज्जायते॒ पुनः॑ ।।
   ऋ॒तून् अ॒न्यः वि॒दध॑त् जायते पुन॑र् ।।
   ऋ॒तूँर् अ॒न्यो वि॒दध॑ज् जायते पुनः ।।

Verse: 19
Halfverse: a    नवो॑नवो भवति॒ जाय॑मा॒नो ऽह्नां॑ के॒तुरु॒षसा॑मे॒त्यग्र॑म् ।
   नवो॑नवो भवति॒ जाय॑मा॒नो
   नवो॑नवः भवति जाय॑मानः
   नवो॑नवो भवति जाय॑मानो

Halfverse: b    ऽह्नां के॒तुरु॒षसा॑मे॒त्यग्र॑म् ।
   अह्ना॑म् के॒तुः उ॒षसा॑म् एति अग्र॑म् ।
   अह्नां के॒तुर् उ॒षसा॑म् एति अग्र॑म् ।

Halfverse: c    भा॒गं दे॒वेभ्यो॒ वि द॑धात्या॒यन्प्र च॒न्द्रमा॑स्तिरते दी॒र्घमायुः॑ ।।
   भा॒गं दे॒वेभ्यो॒ वि द॑धात्या॒यन्
   भा॒गम् दे॒वेभ्यः वि द॑धाति आ॒यन्
   भा॒गं दे॒वेभ्यो वि द॑धाति आ॒यन्

Halfverse: d    प्र च॒न्द्रमा॑स्तिरते दी॒र्घमायुः॑ ।।
   प्र च॒न्द्रमाः तिरते दी॒र्घम् आयुः ।।
   प्र च॒न्द्रमा॑स् तिरते दी॒र्घम् आयुः ।।

Verse: 20
Halfverse: a    सु॑किंशु॒कं श॑ल्म॒लिं वि॒श्वरू॑पं॒ हिर॑ण्यवर्णं सु॒वृतं॑ सुच॒क्रम् ।
   सु॑किंशु॒कं श॑ल्म॒लिं वि॒श्वरू॑पं
   सुकिंशु॒कम् शल्म॒लिम् वि॒श्वरू॑पम्
   सुकिंशु॒कं श॑ल्म॒लिं वि॒श्वरू॑पं

Halfverse: b    हिर॑ण्यवर्णं सु॒वृतं॑ सुच॒क्रम् ।
   हिर॑ण्यवर्णम् सु॒वृत॑म् सुच॒क्रम् ।
   हिर॑ण्यवर्णं सु॒वृतं सुच॒क्रम् ।

Halfverse: c    आ रो॑ह सूर्ये अ॒मृत॑स्य लो॒कं स्यो॒नम्पत्ये॑ वह॒तुं कृ॑णुष्व ।।
   आ रो॑ह सूर्ये अ॒मृत॑स्य लो॒कं
   आ रो॑ह सूर्ये अ॒मृत॑स्य लो॒कम्
   आ रो॑ह सूर्ये अ॒मृत॑स्य लो॒कं

Halfverse: d    स्यो॒नम्पत्ये॑ वह॒तुं कृ॑णुष्व ।।
   स्यो॒नम् पत्ये वह॒तुम् कृणुष्व ।।
   सि॑यो॒नम् पत्ये वह॒तुं कृ॑णुष्व ।।

Verse: 21
Halfverse: a    उदी॒र्ष्वातः॒ पति॑वती॒ ह्ये॒षा वि॒श्वाव॑सुं॒ नम॑सा गी॒र्भिरी॑ळे ।
   उदी॒र्ष्वातः॒ पति॑वती॒ ह्ये॒षा
   उत् ईर्ष्व अतः पति॑वती हि ए॒षा
   उद् ई॒र्ष्वातः पति॑वती हि ए॒षा

Halfverse: b    वि॒श्वाव॑सुं॒ नम॑सा गी॒र्भिरी॑ळे ।
   वि॒श्वाव॑सुम् नम॑सा गी॒र्भिः ई॑ळे ।
   वि॒श्वाव॑सुं नम॑सा गी॒र्भिर् ईळे ।

Halfverse: c    अ॒न्यामि॑छ पितृ॒षदं॒ व्य॑क्तां॒ स ते॑ भा॒गो ज॒नुषा॒ तस्य॑ विद्धि ।।
   अ॒न्यामि॑छ पितृ॒षदं॒ व्य॑क्तां
   अ॒न्याम् इछ पितृ॒षद॑म् व्य॑क्ताम्
   अ॒न्याम् इछ पितृ॒षदं विअक्तां

Halfverse: d    स ते॑ भा॒गो ज॒नुषा॒ तस्य॑ विद्धि ।।
   स ते भा॒गः ज॒नुषा तस्य विद्धि ।।
   स ते भा॒गो ज॒नुषा तस्य विद्धि ।।

Verse: 22
Halfverse: a    उदी॒र्ष्वातो॑ विश्वावसो॒ नम॑सेळा महे त्वा ।
   उदी॒र्ष्वातो॑ विश्वावसो
   उत् ईर्ष्व अतः विश्वावसो
   उद् ई॒र्ष्वातो विश्वावसो

Halfverse: b    नम॑सेळा महे त्वा ।
   नम॑सा ईळामहे त्वा ।
   नम॑सेळा महे तुवा ।

Halfverse: c    अ॒न्यामि॑छ प्रप॒र्व्यं॒ सं जा॒याम्पत्या॑ सृज ।।
   अ॒न्यामि॑छ प्रप॒र्व्यं
   अ॒न्याम् इछ प्रप॒र्व्य॑म्
   अ॒न्याम् इछ प्रप॒र्वियं

Halfverse: d    सं जा॒याम्पत्या॑ सृज ।।
   सम् जा॒याम् पत्या सृज ।।
   सं जा॒याम् पति॑या सृज ।।

Verse: 23
Halfverse: a    अ॑नृक्ष॒रा ऋ॒जवः॑ सन्तु॒ पन्था॒ येभिः॒ सखा॑यो॒ यन्ति॑ नो वरे॒यम् ।
   अ॑नृक्ष॒रा ऋ॒जवः॑ सन्तु॒ पन्था
   अनृक्ष॒राः ऋ॒जवः सन्तु पन्थाः
   अनृक्ष॒रा ऋ॒जवः सन्तु पन्था

Halfverse: b    येभिः॒ सखा॑यो॒ यन्ति॑ नो वरे॒यम् ।
   येभिः सखा॑यः यन्ति नः वरे॒यम् ।
   येभिः सखा॑यो यन्ति नो वरे॒यम् ।

Halfverse: c    सम॑र्य॒मा सम्भगो॑ नो निनीया॒त्सं जा॑स्प॒त्यं सु॒यम॑मस्तु देवाः ।।
   सम॑र्य॒मा सम्भगो॑ नो निनीयात्
   सम् अर्य॒मा सम् भगः नः निनीयात्
   सम् अर्य॒मा सम् भगो नो निनीयात्

Halfverse: d    सं जा॑स्प॒त्यं सु॒यम॑मस्तु देवाः ।।
   सम् जास्प॒त्यम् सु॒यम॑म् अस्तु देवाः ।।
   सं जा॑स्प॒त्यं सु॒यम॑म् अस्तु देवाः ।।

Verse: 24
Halfverse: a    प्र त्वा॑ मुञ्चामि॒ वरु॑णस्य॒ पाशा॒द्येन॒ त्वाब॑ध्नात्सवि॒ता सु॒शेवः॑ ।
   प्र त्वा॑ मुञ्चामि॒ वरु॑णस्य॒ पाशा॑द्
   प्र त्वा मुञ्चामि वरु॑णस्य पाशा॑त्
   प्र त्वा मुञ्चामि वरु॑णस्य पाशा॑द्

Halfverse: b    येन॒ त्वाब॑ध्नात्सवि॒ता सु॒शेवः॑ ।
   येन त्वा अब॑ध्नात् सवि॒ता सु॒शेवः ।
   येन त्वाब॑ध्नात् सवि॒ता सु॒शेवः ।

Halfverse: c    ऋ॒तस्य॒ योनौ॑ सुकृ॒तस्य॑ लो॒के ऽरि॑ष्टां त्वा स॒ह पत्या॑ दधामि ।।
   ऋ॒तस्य॒ योनौ॑ सुकृ॒तस्य॑ लो॒के
   ऋ॒तस्य योनौ सुकृ॒तस्य लो॒के
   ऋ॒तस्य योनौ सुकृ॒तस्य लो॒के

Halfverse: d    ऽरि॑ष्टां त्वा स॒ह पत्या॑ दधामि ।।
   अरि॑ष्टाम् त्वा स॒ह पत्या दधामि ।।
   अरि॑ष्टां त्वा स॒ह पत्या दधामि ।।

Verse: 25
Halfverse: a    प्रेतो मु॒ञ्चामि॒ नामुतः॑ सुब॒द्धाम॒मुत॑स्करम् ।
   प्रेतो मु॒ञ्चामि॒ नामुतः
   प्र इ॒तः मु॒ञ्चामि न अ॒मुतः
   प्रेतो मु॒ञ्चामि नामुतः

Halfverse: b    सुब॒द्धाम॒मुत॑स्करम् ।
   सु॑ब॒द्धाम् अ॒मुतः करम् ।
   सु॑ब॒द्धाम् अ॒मुत॑स् करम् ।

Halfverse: c    यथे॒यमि॑न्द्र मीढ्वः सुपु॒त्रा सु॒भगास॑ति ।।
   यथे॒यमि॑न्द्र मीढ्वः
   यथा इ॒यम् इन्द्र मीढ्वः
   यथे॒यम् इन्द्र मीढुवः

Halfverse: d    सुपु॒त्रा सु॒भगास॑ति ।।
   सु॑पु॒त्रा सु॒भगा अस॑ति ।।
   सु॑पु॒त्रा सु॒भगास॑ति ।।

Verse: 26
Halfverse: a    पू॒षा त्वे॒तो न॑यतु हस्त॒गृह्या॒श्विना॑ त्वा॒ प्र व॑हतां॒ रथे॑न ।
   पू॒षा त्वे॒तो न॑यतु हस्त॒गृह्य
   पू॒षा त्वा इ॒तः न॑यतु हस्त॒गृह्य
   पू॒षा त्वे॒तो न॑यतु हस्त॒गृह्य

Halfverse: b     ॑अ॒श्विना॑ त्वा॒ प्र व॑हतां॒ रथे॑न ।
   अ॒श्विना त्वा प्र व॑हताम् रथे॑न ।
   अ॒श्विना त्वा प्र व॑हतां रथे॑न ।

Halfverse: c    गृ॒हान्ग॑छ गृ॒हप॑त्नी॒ यथासो॑ व॒शिनी॒ त्वं वि॒दथ॒मा व॑दासि ।।
   गृ॒हान्ग॑छ गृ॒हप॑त्नी॒ यथासो
   गृ॒हान् गछ गृ॒हप॑त्नी यथा असः
   गृ॒हान् गछ गृ॒हप॑त्नी यथासो

Halfverse: d    व॒शिनी॒ त्वं वि॒दथ॒मा व॑दासि ।।
   व॒शिनी त्वम् वि॒दथ॑म् आ व॑दासि ।।
   व॒शिनी त्वं वि॒दथ॑म् आ व॑दासि ।।

Verse: 27
Halfverse: a    इ॒ह प्रि॒यम्प्र॒जया॑ ते॒ समृ॑ध्यताम॒स्मिन्गृ॒हे गार्ह॑पत्याय जागृहि ।
   इ॒ह प्रि॒यम्प्र॒जया॑ ते॒ समृ॑ध्यताम्
   इ॒ह प्रि॒यम् प्र॒जया ते सम् ऋध्यताम्
   इ॒ह प्रि॒यम् प्र॒जया ते सम् ऋध्यताम्

Halfverse: b    अ॒स्मिन्गृ॒हे गार्ह॑पत्याय जागृहि ।
   अ॒स्मिन् गृ॒हे गार्ह॑पत्याय जागृहि ।
   अ॒स्मिन् गृ॒हे गार्ह॑पत्याय जागृहि ।

Halfverse: c    ए॒ना पत्या॑ त॒न्वं॒ सं सृ॑ज॒स्वाधा॒ जिव्री॑ वि॒दथ॒मा व॑दाथः ।।
   ए॒ना पत्या॑ त॒न्वं॒ सं सृ॑जस्व
   ए॒ना पत्या त॒न्व॑म् सम् सृजस्व
   ए॒ना पत्या त॒नुवं सं सृ॑जस्व

Halfverse: d     अधा॒ जिव्री॑ वि॒दथ॒मा व॑दाथः ।।
   अध+ जिव्री वि॒दथ॑म् आ व॑दाथः ।।
   अधा जिव्री वि॒दथ॑म् आ व॑दाथः ।।

Verse: 28
Halfverse: a    नी॑ललोहि॒तम्भ॑वति कृ॒त्यास॒क्तिर्व्य॑ज्यते ।
   नी॑ललोहि॒तम्भ॑वति
   नीललोहि॒तम् भवति
   नीललोहि॒तम् भवति

Halfverse: b    कृ॒त्यास॒क्तिर्व्य॑ज्यते ।
   कृ॒त्या आ॑स॒क्तिः वि अ॑ज्यते ।
   कृ॒त्यास॒क्तिर् वि अ॑ज्यते ।

Halfverse: c    एध॑न्ते अस्या ज्ञा॒तयः॒ पति॑र्ब॒न्धेषु॑ बध्यते ।।
   एध॑न्ते अस्या ज्ञा॒तयः
   एध॑न्ते अस्याः ज्ञा॒तयः
   एध॑न्ते अस्या ज्ञा॒तयः

Halfverse: d    पति॑र्ब॒न्धेषु॑ बध्यते ।।
   पतिः ब॒न्धेषु बध्यते ।।
   पति॑र् ब॒न्धेषु बध्यते ।।

Verse: 29
Halfverse: a    परा॑ देहि शामु॒ल्य॑म्ब्र॒ह्मभ्यो॒ वि भ॑जा॒ वसु॑ ।
   परा॑ देहि शामु॒ल्य॑म्
   परा देहि शामु॒ल्य॑म्
   परा देहि शामु॒लिय॑म्

Halfverse: b    ब्र॒ह्मभ्यो॒ वि भ॑जा॒ वसु॑ ।
   ब्र॒ह्मभ्यः वि भ॑ज+ वसु ।
   ब्र॒ह्मभ्यो वि भ॑जा वसु ।

Halfverse: c    कृ॒त्यैषा प॒द्वती॑ भू॒त्व्या जा॒या वि॑शते॒ पति॑म् ।।
   कृ॒त्यैषा प॒द्वती॑ भूत्व्य्
   कृ॒त्या ए॒षा प॒द्वती भू॒त्वी
   कृ॒त्यैषा प॒द्वती भू॒त्वी

Halfverse: d    आ जा॒या वि॑शते॒ पति॑म् ।।
   आ जा॒या वि॑शते पति॑म् ।।
   आ जा॒या वि॑शते पति॑म् ।।

Verse: 30
Halfverse: a    अ॑श्री॒रा त॒नूर्भ॑वति॒ रुश॑ती पा॒पया॑मु॒या ।
   अ॑श्री॒रा त॒नूर्भ॑वति
   अश्री॒रा त॒नूः भ॑वति
   अश्री॒रा त॒नूर् भवति

Halfverse: b    रुश॑ती पा॒पया॑मु॒या ।
   रुश॑ती पा॒पया अमु॒या ।
   रुश॑ती पा॒पया॑मु॒या ।

Halfverse: c    पति॒र्यद्व॒ध्वो॒ वास॑सा॒ स्वमङ्ग॑मभि॒धित्स॑ते ।।
   पति॒र्यद्व॒ध्वो॒ वास॑सा
   पतिः यत् व॒ध्वः वास॑सा
   पति॑र् यद् व॒ध्वो वास॑सा

Halfverse: d    स्वमङ्ग॑मभि॒धित्स॑ते ।।
   स्वम् अङ्ग॑म् अभि॒धित्स॑ते ।।
   स्वम् अङ्ग॑म् अभि॒धित्स॑ते ।।

Verse: 31
Halfverse: a    ये व॒ध्व॑श्च॒न्द्रं व॑ह॒तुं यक्ष्मा॒ यन्ति॒ जना॒दनु॑ ।
   ये व॒ध्व॑श्च॒न्द्रं व॑ह॒तुं
   ये व॒ध्वः च॒न्द्रम् वह॒तुम्
   ये व॒ध्व॑श् च॒न्द्रं व॑ह॒तुं

Halfverse: b    यक्ष्मा॒ यन्ति॒ जना॒दनु॑ ।
   यक्ष्माः यन्ति जना॑त् अनु ।
   यक्ष्मा यन्ति जना॑द् अनु ।

Halfverse: c    पुन॒स्तान्य॒ज्ञिया॑ दे॒वा नय॑न्तु॒ यत॒ आग॑ताः ।।
   पुन॒स्तान्य॒ज्ञिया॑ दे॒वा
   पुन॑र् तान् य॒ज्ञियाः दे॒वाः
   पुन॑स् तान् य॒ज्ञिया दे॒वा

Halfverse: d    नय॑न्तु॒ यत॒ आग॑ताः ।।
   नय॑न्तु यतः आग॑ताः ।।
   नय॑न्तु यत आग॑ताः ।।

Verse: 32
Halfverse: a    मा वि॑दन्परिप॒न्थिनो॒ य आ॒सीद॑न्ति॒ दम्प॑ती ।
   मा वि॑दन्परिप॒न्थिनो
   मा वि॑दन् परिप॒न्थिनः
   मा वि॑दन् परिप॒न्थिनो

Halfverse: b    य आ॒सीद॑न्ति॒ दम्प॑ती ।
   ये आ॒सीद॑न्ति दम्प॑ती ।
   य आ॒सीद॑न्ति दम्प॑ती ।

Halfverse: c    सु॒गेभि॑र्दु॒र्गमती॑ता॒मप॑ द्रा॒न्त्वरा॑तयः ।।
   सु॒गेभि॑र्दु॒र्गमती॑ताम्
   सु॒गेभिः दु॒र्गम् अति इताम्
   सु॒गेभि॑र् दु॒र्गम् अती॑ताम्

Halfverse: d    अप॑ द्रा॒न्त्वरा॑तयः ।।
   अप द्रान्तु अरा॑तयः ।।
   अप द्रान्तु अरा॑तयः ।।

Verse: 33
Halfverse: a    सु॑मङ्ग॒लीरि॒यं व॒धूरि॒मां स॒मेत॒ पश्य॑त ।
   सु॑मङ्ग॒लीरि॒यं व॒धूर्
   सुमङ्ग॒लीः इ॒यम् व॒धूः
   सु॑मङ्ग॒लीर् इ॒यं व॒धूर्

Halfverse: b    इ॒मां स॒मेत॒ पश्य॑त ।
   इ॒माम् स॒मेत पश्य॑त ।
   इ॒मां स॒मेत पश्य॑त ।

Halfverse: c    सौभा॑ग्यमस्यै द॒त्त्वायाथास्तं॒ वि परे॑तन ।।
   सौभा॑ग्यमस्यै द॒त्त्वाय
   सौभा॑ग्यम् अस्यै द॒त्त्वाय
   सौभा॑ग्यम् अस्यै द॒त्त्वाय

Halfverse: d     अथास्तं॒ वि परे॑तन ।।
   अथ अस्त॑म् वि परा इतन ।।
   अथास्तं वि परे॑तन ।।

Verse: 34
Halfverse: a    तृ॒ष्टमे॒तत्कटु॑कमे॒तद॑पा॒ष्ठव॑द्वि॒षव॒न्नैतदत्त॑वे ।
   तृ॒ष्टमे॒तत्कटु॑कमे॒तद्
   तृ॒ष्टम् ए॒तत् कटु॑कम् ए॒तत्
   तृ॒ष्टम् ए॒तत् कटु॑कम् ए॒तद्

Halfverse: b    अपा॒ष्ठव॑द्वि॒षव॒न्नैतदत्त॑वे ।
   अ॑पा॒ष्टव॑त् वि॒षव॑त् न ए॒तत् अत्त॑वे ।
   अ॑पा॒ष्ठव॑द् वि॒षव॑न् नैतद् अत्त॑वे ।

Halfverse: c    सू॒र्यां यो ब्र॒ह्मा वि॒द्यात्स इद्वाधू॑यमर्हति ।।
   सू॒र्यां यो ब्र॒ह्मा वि॒द्यात्
   सू॒र्याम् यः ब्र॒ह्मा वि॒द्यात्
   सूरि॒यां यो ब्र॒ह्मा वि॒द्यात्

Halfverse: d    स इद्वाधू॑यमर्हति ।।
   सः ।!। इत् वाधू॑यम् अर्हति ।।
   स इद् वाधू॑यम् अर्हति ।।

Verse: 35
Halfverse: a    आ॒शस॑नं वि॒शस॑न॒मथो॑ अधिवि॒कर्त॑नम् ।
   आ॒शस॑नं वि॒शस॑नम्
   आ॒शस॑नम् वि॒शस॑नम्
   आ॒शस॑नं वि॒शस॑नम्

Halfverse: b    अथो॑ अधिवि॒कर्त॑नम् ।
   अथ उ अधिवि॒कर्त॑नम् ।
   अथो अधिवि॒कर्त॑नम् ।

Halfverse: c    सू॒र्यायाः॑ पश्य रू॒पाणि॒ तानि॑ ब्र॒ह्मा तु शु॑न्धति ।।
   सू॒र्यायाः॑ ।!। प॑श्य रू॒पाणि
   सू॒र्यायाः पश्य रू॒पाणि
   सू॒र्यायाः पश्य रू॒पाणि

Halfverse: d    तानि॑ ब्र॒ह्मा तु शु॑न्धति ।।
   तानि ब्र॒ह्मा तु शु॑न्धति ।।
   तानि ब्र॒ह्मा तु शु॑न्धति ।।

Verse: 36
Halfverse: a    गृ॒भ्णामि॑ ते सौभग॒त्वाय॒ हस्त॒म्मया॒ पत्या॑ ज॒रद॑ष्टि॒र्यथासः॑ ।
   गृ॒भ्णामि॑ ते सौभग॒त्वाय॒ हस्त॑म्
   गृ॒भ्णामि ते सौभग॒त्वाय हस्त॑म्
   गृ॒भ्णामि ते सौभग॒त्वाय हस्त॑म्

Halfverse: b    मया॒ पत्या॑ ज॒रद॑ष्टि॒र्यथासः॑ ।
   मया पत्या ज॒रद॑ष्टिः यथा असः ।
   मया पत्या ज॒रद॑ष्टिर् यथासः ।

Halfverse: c    भगो॑ अर्य॒मा स॑वि॒ता पुरं॑धि॒र्मह्यं॑ त्वादु॒र्गार्ह॑पत्याय दे॒वाः ।।
   भगो॑ अर्य॒मा स॑वि॒ता पुरं॑धिर्
   भगः अर्य॒मा स॑वि॒ता पुरं॑धिः
   भगो अर्य॒मा स॑वि॒ता पुरं॑धिर्

Halfverse: d    मह्यं॑ त्वादु॒र्गार्ह॑पत्याय दे॒वाः ।।
   मह्य॑म् त्वा अदुः गार्ह॑पत्याय दे॒वाः ।।
   मह्यं त्वादुर् गार्ह॑पत्याय दे॒वाः ।।

Verse: 37
Halfverse: a    ताम्पू॑षञ्छि॒वत॑मा॒मेर॑यस्व॒ यस्या॒म्बीज॑म्मनु॒ष्या॒ वप॑न्ति ।
   ताम्पू॑षञ्छि॒वत॑मा॒मेर॑यस्व
   ताम् पूषन् शि॒वत॑माम् आ ई॑रयस्व
   ताम् पूषञ् छि॒वत॑माम् एर॑यस्व

Halfverse: b    यस्या॒म्बीज॑म्मनु॒ष्या॒ वप॑न्ति ।
   यस्या॑म् बीज॑म् मनु॒ष्याः वप॑न्ति ।
   यस्या॑म् बीज॑म् मनु॒षिया वप॑न्ति ।

Halfverse: c    या न॑ ऊ॒रू उ॑श॒ती वि॒श्रया॑ते॒ यस्या॑मु॒शन्तः॑ प्र॒हरा॑म॒ शेप॑म् ।।
   या न॑ ऊ॒रू उ॑श॒ती वि॒श्रया॑ते
   या नः ऊ॒रू उ॑श॒ती वि॒श्रया॑ते
   या न ऊ॒रू उ॑श॒ती वि॒श्रया॑ते

Halfverse: d    यस्या॑मु॒शन्तः॑ प्र॒हरा॑म॒ शेप॑म् ।।
   यस्या॑म् उ॒शन्तः प्र॒हरा॑म शेप॑म् ।।
   यस्या॑म् उ॒शन्तः प्र॒हरा॑म शेप॑म् ।।

Verse: 38
Halfverse: a    तुभ्य॒मग्रे॒ पर्य॑वहन्सू॒र्यां व॑ह॒तुना॑ स॒ह ।
   तुभ्य॒मग्रे॒ पर्य॑वहन्
   तुभ्य॑म् अग्रे परि अवहन्
   तुभ्य॑म् अग्रे पर्य् अवहन्

Halfverse: b    सू॒र्यां व॑ह॒तुना॑ स॒ह ।
   सू॒र्याम् वह॒तुना स॒ह ।
   सू॒र्यां व॑ह॒तुना स॒ह ।

Halfverse: c    पुनः॒ पति॑भ्यो जा॒यां दा अ॑ग्ने प्र॒जया॑ स॒ह ।।
   पुनः॒ पति॑भ्यो जा॒यां
   पुन॑र् पति॑भ्यः जा॒याम्
   पुनः पति॑भ्यो जा॒यां

Halfverse: d    दा अ॑ग्ने प्र॒जया॑ स॒ह ।।
   दाः अ॑ग्ने प्र॒जया स॒ह ।।
   दा अ॑ग्ने प्र॒जया स॒ह ।।

Verse: 39
Halfverse: a    पुनः॒ पत्नी॑म॒ग्निर॑दा॒दायु॑षा स॒ह वर्च॑सा ।
   पुनः॒ पत्नी॑म॒ग्निर॑दाद्
   पुन॑र् पत्नी॑म् अ॒ग्निः अ॑दात्
   पुनः पत्नी॑म् अ॒ग्निर् अदाद्

Halfverse: b    आयु॑षा स॒ह वर्च॑सा ।
   आयु॑षा स॒ह वर्च॑सा ।
   आयु॑षा स॒ह वर्च॑सा ।

Halfverse: c    दी॒र्घायु॑रस्या॒ यः पति॒र्जीवा॑ति श॒रदः॑ श॒तम् ।।
   दी॒र्घायु॑रस्या॒ यः पति॑र्
   दी॒र्घायुः अस्याः यः पतिः
   दी॒र्घायु॑र् अस्या यः पति॑र्

Halfverse: d    जीवा॑ति श॒रदः॑ श॒तम् ।।
   जीवा॑ति श॒रदः श॒तम् ।।
   जीवा॑ति श॒रदः श॒तम् ।।

Verse: 40
Halfverse: a    सोमः॑ प्रथ॒मो वि॑विदे गन्ध॒र्वो वि॑विद॒ उत्त॑रः ।
   सोमः॑ प्रथ॒मो वि॑विदे
   सोमः प्रथ॒मः वि॑विदे
   सोमः प्रथ॒मो वि॑विदे

Halfverse: b    गन्ध॒र्वो वि॑विद॒ उत्त॑रः ।
   ग॑न्ध॒र्वः वि॑विदे उत्त॑रः ।
   ग॑न्ध॒र्वो वि॑विद उत्त॑रः ।

Halfverse: c    तृ॒तीयो॑ अ॒ग्निष्टे॒ पति॑स्तु॒रीय॑स्ते मनुष्य॒जाः ।।
   तृ॒तीयो॑ अ॒ग्निष्टे॒ पति॑स्
   तृ॒तीयः अ॒ग्निः ते पतिः
   तृ॒तीयो अ॒ग्निष् टे पति॑स्

Halfverse: d    तु॒रीय॑स्ते मनुष्य॒जाः ।।
   तु॒रीयः ते मनुष्य॒जाः ।।
   तु॒रीय॑स् ते मनुष्य॒जाः ।।

Verse: 41
Halfverse: a    सोमो॑ ददद्गन्ध॒र्वाय॑ गन्ध॒र्वो द॑दद॒ग्नये॑ ।
   सोमो॑ ददद्गन्ध॒र्वाय
   सोमः ददत् गन्ध॒र्वाय
   सोमो ददद् गन्ध॒र्वाय

Halfverse: b    गन्ध॒र्वो द॑दद॒ग्नये॑ ।
   ग॑न्ध॒र्वः द॑दत् अ॒ग्नये ।
   ग॑न्ध॒र्वो द॑दद् अ॒ग्नये ।

Halfverse: c    र॒यिं च॑ पु॒त्रांश्चा॑दाद॒ग्निर्मह्य॒मथो॑ इ॒माम् ।।
   र॒यिं च॑ पु॒त्रांश्चा॑दाद्
   र॒यिम् च पु॒त्रान् च अदात्
   र॒यिं च पु॒त्रांश् च अदाद्

Halfverse: d    अ॒ग्निर्मह्य॒मथो॑ इ॒माम् ।।
   अ॒ग्निः मह्य॑म् अथ उ इ॒माम् ।।
   अ॒ग्निर् मह्य॑म् अथो इ॒माम् ।।

Verse: 42
Halfverse: a    इ॒हैव स्त॒म्मा वि यौ॑ष्टं॒ विश्व॒मायु॒र्व्य॑श्नुतम् ।
   इ॒हैव स्त॒म्मा वि यौ॑ष्टं
   इ॒ह ए॒व स्त॑म् मा वि यौ॑ष्टम्
   इ॒हैव स्त॑म् मा वि यौ॑ष्टं

Halfverse: b    विश्व॒मायु॒र्व्य॑श्नुतम् ।
   विश्व॑म् आयुः वि अ॑श्नुतम् ।
   विश्व॑म् आयु॑र् वि अ॑श्नुतम् ।

Halfverse: c    क्रीळ॑न्तौ पु॒त्रैर्नप्तृ॑भि॒र्मोद॑मानौ॒ स्वे गृ॒हे ।।
   क्रीळ॑न्तौ पु॒त्रैर्नप्तृ॑भिर्
   क्रीळ॑न्तौ पु॒त्रैः नप्तृ॑भिः
   क्रीळ॑न्तौ पु॒त्रैर् नप्तृ॑भिर्

Halfverse: d    मोद॑मानौ॒ स्वे गृ॒हे ।।
   मोद॑मानौ स्वे गृ॒हे ।।
   मोद॑मानौ सु॒वे गृ॒हे ।।

Verse: 43
Halfverse: a    आ नः॑ प्र॒जां ज॑नयतु प्र॒जाप॑तिराजर॒साय॒ सम॑नक्त्वर्य॒मा ।
   आ नः॑ प्र॒जां ज॑नयतु प्र॒जाप॑तिर्
   आ नः प्र॒जाम् जनयतु प्र॒जाप॑तिः
   आ नः प्र॒जां ज॑नयतु प्र॒जाप॑तिर्

Halfverse: b    आजर॒साय॒ सम॑नक्त्वर्य॒मा ।
   आ॑जर॒साय सम् अनक्तु अर्य॒मा ।
   आ॑जर॒साय सम् अनक्तु अर्य॒मा ।

Halfverse: c    अदु॑र्मङ्गलीः पतिलो॒कमा वि॑श॒ शं नो॑ भव द्वि॒पदे॒ शं चतु॑ष्पदे ।।
   अदु॑र्मङ्गलीः पतिलो॒कमा वि॑श
   अदु॑र्मङ्गलीः पतिलो॒कम् आ वि॑श
   अदु॑र्मङ्गलीः पतिलो॒कम् आ वि॑श

Halfverse: d    शं नो॑ भव द्वि॒पदे॒ शं चतु॑ष्पदे ।।
   शम् नः भव द्वि॒पदे शम् चतु॑ष्पदे ।।
   शं नो भव द्वि॒पदे शं चतु॑ष्पदे ।।

Verse: 44
Halfverse: a    अघो॑रचक्षु॒रप॑तिघ्न्येधि शि॒वा प॒शुभ्यः॑ सु॒मनाः॑ सु॒वर्चाः॑ ।
   अघो॑रचक्षु॒रप॑तिघ्न्येधि
   अघो॑रचक्षुः अप॑तिघ्नी एधि
   अघो॑रचक्षुर् अप॑तिघ्नी एधि

Halfverse: b    शि॒वा प॒शुभ्यः॑ सु॒मनाः॑ सु॒वर्चाः॑ ।
   शि॒वा प॒शुभ्यः सु॒मनाः सु॒वर्चाः ।
   शि॒वा प॒शुभ्यः सु॒मनाः सु॒वर्चाः ।

Halfverse: c    वी॑र॒सूर्दे॒वका॑मा स्यो॒ना शं नो॑ भव द्वि॒पदे॒ शं चतु॑ष्पदे ।।
   वी॑र॒सूर्दे॒वका॑मा स्यो॒ना
   वी॑र॒सूः दे॒वका॑मा स्यो॒ना
   वी॑र॒सूर् ? दे॒वका॑मा सियो॒ना

Halfverse: d    शं नो॑ भव द्वि॒पदे॒ शं चतु॑ष्पदे ।।
   शम् नः भव द्वि॒पदे शम् चतु॑ष्पदे ।।
   शं नो भव द्वि॒पदे शं चतु॑ष्पदे ।।

Verse: 45
Halfverse: a    इ॒मां त्वमि॑न्द्र मीढ्वः सुपु॒त्रां सु॒भगां॑ कृणु ।
   इ॒मां त्वमि॑न्द्र मीढ्वः
   इ॒माम् त्वम् इन्द्र मीढ्वः
   इ॒मां त्वम् इन्द्र मीढुवः

Halfverse: b    सुपु॒त्रां सु॒भगां॑ कृणु ।
   सु॑पु॒त्राम् सु॒भगा॑म् कृणु ।
   सु॑पु॒त्रां सु॒भगां कृणु ।

Halfverse: c    दशा॑स्याम्पु॒त्राना धे॑हि॒ पति॑मेकाद॒शं कृ॑धि ।।
   दशा॑स्याम्पु॒त्राना धे॑हि
   दश अस्याम् पु॒त्रान् आ धे॑हि
   दशा॑स्याम् पु॒त्रान् आ धे॑हि

Halfverse: d    पति॑मेकाद॒शं कृ॑धि ।।
   पति॑म् एकाद॒शम् कृधि ।।
   पति॑म् एकाद॒शं कृ॑धि ।।

Verse: 46
Halfverse: a    स॒म्राज्ञी॒ श्वशु॑रे भव स॒म्राज्ञी॑ श्व॒श्र्वाम्भ॑व ।
   स॒म्राज्ञी॒ श्वशु॑रे भव
   स॒म्राज्ञी श्वशु॑रे भव
   स॒म्राज्ञी श्वशु॑रे भव

Halfverse: b    स॒म्राज्ञी॑ श्व॒श्र्वाम्भ॑व ।
   स॒म्राज्ञी श्व॒श्र्वाम् भव ।
   स॒म्राज्ञी श्वश्रु॒वाम् भव ।

Halfverse: c    नना॑न्दरि स॒म्राज्ञी॑ भव स॒म्राज्ञी॒ अधि॑ दे॒वृषु॑ ।।
   नना॑न्दरि स॒म्राज्ञी॑ भव
   नना॑न्दरि स॒म्राज्ञी भव
   नना॑न्दरि स॒म्राज्ञी भव

Halfverse: d    स॒म्राज्ञी॒ अधि॑ दे॒वृषु॑ ।।
   स॒म्राज्ञी अधि दे॒वृषु ।।
   स॒म्राज्ञी अधि दे॒वृषु ।।

Verse: 47
Halfverse: a    सम॑ञ्जन्तु॒ विश्वे॑ दे॒वाः समापो॒ हृद॑यानि नौ ।
   सम॑ञ्जन्तु॒ विश्वे॑ दे॒वाः
   सम् अञ्जन्तु विश्वे दे॒वाः
   सम् अञ्जन्तु विश्वे दे॒वाः

Halfverse: b    समापो॒ हृद॑यानि नौ ।
   सम् आपः हृद॑यानि नौ ।
   सम् आपो हृद॑यानि नौ ।

Halfverse: c    सम्मा॑त॒रिश्वा॒ सं धा॒ता समु॒ देष्ट्री॑ दधातु नौ ।।
   सम्मा॑त॒रिश्वा॒ सं धा॒ता
   सम् मात॒रिश्वा सम् धा॒ता
   सम् मात॒रिश्वा सं धा॒ता

Halfverse: d    समु॒ देष्ट्री॑ दधातु नौ ।।
   सम् उ देष्ट्री दधातु नौ ।।
   सम् उ देष्ट्री दधातु नौ ।।

Next part

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.